OBBA韓食 (已結業)

最近經過土瓜灣馬頭圍道（維她奶牌附近）見到一家韓國小食店（真係有個韓國廚師煮野）新開咪唸住試試，我試左一口雞，甜薯，炸醬麵都超-好-吃！炸醬麵：好得意，CHECK返個牌先知原來係黑豆造，好好食！甜薯：一直都鐘意食蕃薯，仲要炸到脆脆，正！一口雞：去到即炸起，個醬好夾，雞唔“鞋”，好食！同埋我見到有KIMCHI，八掛問下佢地，原來係自製。佢地話要特登訂韓國料空運過黎，真係堅～而家經過我見到佢地可以每樣要半份，我下次就可以試多D喇！YEAH

傍晚買左紫菜牛肉包飯，當第二日午餐食，一樣好食。$25的一條紫菜牛肉包飯，大約有十件，份量足夠一個午餐。入面的材料包括紅蘿蔔絲、醃蘿蔔、菜、青瓜、同埋好多牛肉和飯。呢度雖然係一間小食店的SIZE，但係賣的款式都幾多同埋有好多主食。例如牛肉飯、炒年糕、魚仔乾、熱狗、炸醬麵等，基上食韓國料理食到的食物都可以食到，但係價錢都幾相宜，廿幾蚊左右就可以食到韓國的食物。 另外就係見到個韓國廚師係咁包啲紫菜包飯，感覺好新鮮、好韓國同埋睇到好衛生，唔會好似出面果啲小食店油淋淋。途中見到人買炸醬麵，賣相都好吸引好大碗，可惜個肚空間有限，下次再試﹗