Oak Tree Ristorante (已結業)

在佐敦做完野，未夠四點！見有d肚餓，就叫埋附近工作的朋友蛇王食tea，佢介紹咗係女拔學校後面街有一間小酒店內的西餐廳——Oak tree restaurant!德國豬手意粉，豬手皮不是太脆，但好多肉，幾好味，配的是茄汁燴意粉！另外焗豬扒飯亦係有水準的！每份下午茶餐不用四十元，真係抵食到暈！

今日同班朋友一行8人去左聚舊。咁多人太難諗去邊食先岩。又想坐得舒服又想環境唔太嘈。好彩朋友有好好既提議，揀左呢間酒店餐廳。酒店係佐敦，雖然唔係咩出名酒店，但都唔難搵。上一樓就係。環境唔比得上啲大酒店咁，有豪華裝修。但俾人感覺好親切。夜晚仲有個外國人係度拎住個結他自彈自唱。周圍走。都幾nice 😎👍食物方面，佢有好多dinner set. 但我地多人食，都係散叫，share 食！價錢唔會話酒店價錢，唔係好貴！👍叫左兩個pizza,岩岩好有8塊！黑松露pizza黑毛豬火腿pizza.兩個pizza🍕都做得好味，又熱！！好濃既味！又足料。唔錯！芝士帶子煙三文魚天使麵 呢個就正正常常。芝士黑松露意大利飯 .好濃郁既松露味，好香！意大飯既軟度岩岩好。德國豬仔！！好大個！餐廳仲好貼心，幫我地拎入廚房拆肉炸得好脆卜卜，好正！！夠哂味！32安士既 肉眼扒！超巨型！個廚師好pro咁推架車係你面前，切你睇！😍😍又係好貼心，切開去，等我地每人都有一塊！叫左5成熟！岩岩好！煎到好靚！雖然有俾醬我地點，但原汁原味已經夠好味！讚！最後每人仲叫左個心太軟，都好鬼正！唔記得影相，見隔離抬仲同朋友慶祝生日，個結他手仲過

睇 Openrice食評，見到呢間餐廳有好多好評，再加上朋友介紹，今日就去食個 lunch 先。Set lunch 有幾款， 我哋就叫咗豬手，carbonara，同埋一個 pizza. 豬手先上，送上枱時我哋都嘩一聲! 因為真係好大隻，真係輸人唔輸陣。 不過對呢隻豬手其實有點失望，因為呢隻係炸豬手，唔係燒豬手。 成隻炸啲皮當然好脆，不過搞到啲肉好鞋。跟住就係carbonara，成碟嘢食落我覺得好鹹， 唔知關唔關芝士事？Pizza，一般，冇嘢好講。不過下次去我唔會再 order.呢間餐廳勝在環境好同夠寬敞。Lunch set 嘅價錢都係比茶餐廳貴少少，算係不錯的選擇。

朋友仔生日，我們一行4人一齊食個飯同佢慶個生。揀左係唔算好高級酒店內的橡木意大利餐廳，去試芝士輪意粉。先黎份餐的前菜，意式鵝肝醬包。鵝肝醬的份量多，加埋微酸的意大利汁又幾開胃。Pizza就用左厚批的。芝士的量唔算少，加埋上面的沙律菜又幾fresh。另外，我們仲叫左份鵝肝牛排配意粉。鵝肝肥厚，牛排都幾嫩。終於到主角⋯⋯意大利卡邦尼意粉！會有廚師係枱前煮呢個意粉架！廚師會將意粉先炒熱，再放入36個月的芝士輪去炒，等意粉吸盡芝士的精華。睇落都幾吸引，不過食落略微淡味左少少。不過整體都ok，值得一試。大家都食到飽之制，我們都叫左一份朱古力心太軟share。朱古力蛋糕、流心朱古力漿、雲厘拿雪糕，係幸福的感覺。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)

聽係附近返工的醫院朋友介紹，特意過來試一試這間三四星級酒店的早餐。真的，佢沒有呃我，$3x元的早餐絕不欺場。對我胃口不大的人，份量剛剛好，少了beacon這種肥膩，火腿煎得香口，炒蛋雖少咗d，但長長的牛扒彌補番，而且不un。五香肉丁份量比一般茶餐庁多好多，米粉夠煙un，。餐茶最後點了咖啡，味道雖不夠香濃，但整份早餐價錢也未夠去飲一杯Starbucks coffee。服務也不錯，雖然兩份餐的炒蛋及煎蛋對調咗，但整體而言，值得提介！

我唔覺得侍應當我係熟客，因為佢地唔識我亦唔知我點稱呼，但我呢兩年都幫襯了超過十次，由冇折到有折再到冇折，喜歡呢度，皆因地方靜局，而且有免費wifi，食物就穩穩陣陣。其中一樣頗有水準的就係呢度的磨菇湯，喂真係好磨菇，雖然口味都幾重，但口感好，味道亦好，餐包以前是大大隻那款，但好多時焗到過硬，近來轉了細包仔，唔錯。好多時主菜我會叫卡邦尼意粉，表面上食少些肉，實際比肉更肥，呢度煮的意粉有咬口，至於汁醬，唔知係咪離愁別緒影響，好似冇之前咁好味。

放假俾自己同個廚房抖下，出街食飯。呢間餐廳性價比很高。酒店嘅質素，平民嘅價錢。青酒煮藍青口細個食過一次唔新鮮嘅青口後，對佢一直有偏見，甚至嗤之以鼻。今次見佢有特價，俾個機會佢啦。意想不到，完全唔係將貨就價。雖然唔係好食到青酒味，但勝在青口新鮮，每粒青口都飽滿多汁。每客均附有兩片蒜蓉多士。抵食之選。叫左一個set dinner三文魚他他好怕一啲多士烤到好硬，甚至硬到損口。佢個多士烤到好鬆化，由內到外都係keep到同一個脆度，加埋三文魚，同蛋沙律，正！龍蝦湯口感creamy,但龍蝦味不足，份量較少。鵝肝牛排鵝肝煎到入囗即溶，7成熟牛排一啲都唔鞋囗，肉味濃郁，好juicy，。鵝肝加埋牛排一齊食，互相輝映，真係一個好邪惡嘅結合，好好味。cheese cake略為失望，可以不試。由於set dinner嘅甜品強差人意，所以另外再order甜品。蘋果批配雪糕玉桂味好突出，食到粒粒軟稔嘅蘋果。為佢嘅甜品加番少少分。餐廳內有表演，會有一位外籍人士拎住結他唱歌。可惜無咪，同環境太嘈，聽唔到歌聲。

同同事係呢邊做完野順便食個DINNER上網見到呢度有噴火意粉就黎試下係酒店入面 地方企理 靚靚仔仔咁 都幾有格調我地頭盤叫左個沙律+鵝肝TOAST  沙律一般  正正常常 不過個鵝肝TOAST就好好味  多士熨到好脆  加埋香噴噴既鵝肝好食生蠔我就唔食既  朋友嗌的  佢話OK 三文魚天使麵  呢個好好食  我地三扒兩撥就食晒  個汁唔太HEAVY   餸有少少咸既三文魚岩岩好  唔錯唔錯噴火CARBONARA  頭幾啖好香口好正  個噴火表演都好睇   不過食到後段芝士開始凝固就差D 我都係比較鐘意平淡D既三文魚天使麵 

食物和環境不錯，而且有現場表演結他。只是侍應生反應不夠靈活。在我到達餐廳時侍應生表示一定要有用紙打印出來的優惠券才能生效，而我當時只有手機的App版本。當時侍應生表示他們無法解決當場沒有紙印本的問題，叫而我考慮留待下一次再使用優惠券。結果需要我走到樓下的酒店大堂請酒店打印（酒店有另外的收費）再回到餐廳把打印出來的優惠券交給餐廳。磨菇湯很香濃，用大芝士做的意粉也的確十分“芝味”，而廚師也很樂意加更多的芝士如果你喜歡。Dinner set還包括一客牛柳，肉質不錯，但驚喜不大，味道反而有點“港式”。

今日跟老媽子在佐敦和油麻地一帶逛街，剛好到了晚餐時間，卻下起大雨來，剛好來到這間彩虹酒店門口，看見水牌原來樓上有一間西餐廳，便大膽一試餐廳門面高貴大方，前枱更有雨傘架，方便客人放置雨傘而餐廳中央更有彈著結他的外籍歌手演唱深情的情歌，喜歡非常浪漫餐廳位置闊落，完全不會覺得逼夾， 十分舒服餐牌餐牌圖文並茂，價錢亦不貴，非常吸引眼球身為三文魚的粉絲，當然要點一個扒三文魚，只是$238，價錢中等；老媽子點了個美國肉眼扒$358，這個價錢有前菜、湯、茶和甜品，其實是非常抵食我的前菜是這個煙三文魚沙拉，魚和菜的比例剛剛好，味道不過不失，但有高級餐廳的感覺這個黑松露牛肝菌忌廉湯，我想是我喝過最濃黑松露味道的忌廉湯，老媽子大叫好味，真的一試難忘老媽子的美國肉眼扒大大塊之餘，口感非常好，配上醬汁味道一流我的扒三文魚其實非常不錯，大大塊加上非常香的陣陣三文魚味，入口即溶茶水我倆都點了奶茶，為了不被甜品蓋過味蕾，我們先把這杯香濃奶茶喝完，才上甜品這是甜品—餐廳自製的意大利芝士餅，真的佩服甜品師手藝，我們主菜吃得飽飽的還是有那種要把芝士餅全吃光的決心外籍歌手的演唱令我非常難忘，整餐晚餐的感覺都非常的舒服，有時

我同朋友都好鐘意食貝殼類食物，上次黎食完生蠔唔錯，唔腥無沙仲好juicy，今次黎就試下其他野食啦！首先我地叫左個㠶立貝， 蒜蓉味好香，食落口香噴噴。另外叫左個蜆，味道都ok，如果個量多少少會更好。 最後叫左個田螺，亦都係我最愛既其中一道菜。食落口好香甜，一黎到我就光速連埋啲薯蓉食晒 跟住就係呢度既殺手鐧，芝士輪卡邦尼。先唔講個野食，師傅噴晒火咁煮已經係好好睇一如既往，非常香口既一道菜，不過切記影完相就要快啲食喇，因為過一陣啲芝士開始凝固就無咁好味架喇最後叫士個cheese cake，唔知相睇唔睇到，佢係有少少鬆軟，質感同平時既cheese cake有少少分別，都唔錯。整體黎講地方幾舒服，價錢唔貴之餘食物都ok，good

雖然oak tree係喺酒店入邊，不過價錢一啲都唔貴，同平時啲西餐廳差唔多！但係食物質素又好，環境又好，氣氛好適合一班朋友一齊去食！希望下一次再嚟學嘅時候可以同多啲朋友一齊咁樣可以食多啲唔同既菜式！首先上台嘅係薯蓉焗田螺，呢一個係我最愛嘅前菜，每一次去到西餐廳我都必叫既！薯蓉好綿！而且都幾香牛油味！而且田螺唔會到好鹹我最怕食到一啲好鹹嘅田螺但呢一個味道剛剛好！另外我仲叫咗煙三文魚天使麵，呢個天使麵好好食，除咗意粉軟硬適中之外，佢嘅醬汁都係好好食！好creamy！另外佢嘅煙三文魚份量好多，食到最後都仲有，好滿足！另外見到卡邦尼意粉會有大廚即場先用火槍燒溶大芝士，再撈勻意粉同芝士，下次要試下！最後仲叫咗個主菜，蒜蓉扒大蝦！蝦肉好爽口而且好但值得一試😚呢個大蝦煎得好香而且餐廳最有氣氛嘅係 會有位菲律賓叔叔彈結他獻唱，仲係唱一啲大家都好熟嘅英文歌，所以除咗好適合一班朋友來聚會仲可以帶男女朋友來浪漫一下😁😁

三年前的晚上，身邊最重要的人，就是他帶我走進Oak Tree Ristorante共進第一個的生日晚餐。三年後的今晚，重臨舊地，只因對方說的一句，希望這間餐廳能見證我們的一起，包括來年的紙婚、什至之後的每一年、每一個紀念日。餐廳取名為「橡木」，原來是有段故的。由於松露在多種菌類中最為珍貴，在美食界中被譽為奢侈品。而其中最有名的是意大利北部Alba 的白松露。這罕見的優質松露生長於橡樹的根部，所以餐廳沿用「橡木」作名字，寓意以舒適、熱情的環境為客人提供優質的意大利餐飲美食。餐廳位於酒店的一樓，從酒店門口進入右手旁樓梯轉入直上就到了。環顧餐廳的環境，兩大個酒櫃形成屏風，地方非常闊落，大型半身開放式廚房，十分整潔企理。枱椅和牆身大都以淺色木材製造，天花處掛起不少籐籃和樹籐葉，營造了舒適自然的氣氛，不失鄉村風情嘅意大利餐廳。但令人最期待的是，是當晚有位駐場菲律賓鬍鬚叔叔整晚不停獻唱，除了為在場壽星仔獻唱生日歌外，當中更唱出不少為人熟識的舒情歌，他更走過來為我們唱了兩首的點唱歌，包括《I'm yours》同《Beauty and the Beast 》，直情將整晚氣氛推上高潮，令人感動。揭開大紅

​ 同個朋友一直都好鐘意食意大利菜，上Openrice見到呢間店既卡邦尼意粉， 一直都大受好評，所以趁得閒既星期三晚，就去左試試了。 我地就叫左一個拿玻里pizza 同埋一個 超特別既 純正意大利卡邦尼意粉。 個拿玻尼pizza，餅底薄皮而脆身，烤得剛剛好，一點都沒沒烤焦。 另外，芝士的份量亦都好，而且即叫即烤， 微溶的芝士，食落口亦唔會太撐胃。 pizza上的厚切火腿亦都好多，微微的鹹香味 終於又得試照牌菜既卡邦尼意粉，主廚仲會係席前即刻煮，可謂係色香味俱全! 意粉完全沾上芝士，甜甜的，配合鹹香的火腿和黑松露，味道豐富而互相配合，好好食!!

今次來到位於佐敦彩鴻酒店的橡木餐廳。朋友介紹話有現場結他伴奏同傳統即製卡邦尼意粉。所以算羨名而來。餐廳裝修設計較歐式，用木為主。餐廳於酒店內，食物價錢算中價。但發覺生蠔價錢抵食，就點左三款蠔，各款四隻，共12隻。原來意道凡點一打生蠔，會免費送一支白酒/紅酒。價錢真係相當抵食。三款生蠔各有特色，新鮮鮮甜，海水味重。龍蝦湯，味道香濃厚身。原來意道會有專人現場即煮卡邦尼意粉，算是一個表演，令人更開胃。味道香濃，份量不算多，但足夠，令人回味。最後點了肉眼扒，煮到火喉到位。肉味濃郁，多肉汁。