NUTTEA (葵涌廣場) (已結業)

今日同另一半去左葵廣掃街，葵廣有好多唔同種類既新款小食同野飲，但我始終對nuttea既野飲念念不忘，每隔一段時間就會過黎飲番杯焙茶堅果奶蓋茶（熱），伯爵朱古力堅果奶蓋茶不得不說nuttea 既奶蓋真係好高質，夠綿密又細滑，加上堅果既果仁香味，係其他地方搵唔到既，通常我都會先飲佢既奶蓋，之後同時飲茶同奶蓋，最後先攪渾黎飲，可以飲到唔同既層次😋😋今日熱既焙茶奶蓋茶茶味好出，又有少少果仁碎粒增加口感，天氣涼涼地飲番杯係幾暖粒粒☺️☺️另一杯伯爵朱古力奶蓋茶，係可以飲到伯爵茶味同幾濃郁既朱古力味，加上好香堅果味既奶蓋，真係幾好飲，唔怪之得佢係得獎作品👍🏻👍🏻

台式飲品、手打檸檬茶周街都係堅果奶就真係比較少有🥜而且估唔到款式亦可以五花八門▶️ 伯爵朱古力堅果奶蓋茶 ($48)呢款係金獎推介，每日限售100杯朱古力味出過伯爵茶味，味道比較「小朋友」，可能因為唔苦澀🍫(雖然寫話係100%純朱古力製)連奶蓋都係朱古力味，略嫌唔夠芝士鹹香揀咗正常甜度，雖然用上堅果奶冇一般牛奶咁甜，但少甜應該會好飲啲😗堅果奶好處係適合乳糖不耐症人士飲，同時健康啲天然啲不過一杯價錢都唔平，個人覺得唔係太值

今日又同朋友嚟葵廣行街，每次嚟到我都會飲返杯Nuttea，因為好味又有營養，感覺上好過飲台式珍珠奶茶，而且飲落都幾飽肚，可以當代餐。伯爵朱古力堅果奶蓋茶朋友點咗呢杯招牌飲品個賣相完全係超級吸引，厚厚嘅奶蓋就係重點！奶蓋質感絲滑，似慕絲嘅口感，超濃朱古力味，真係好正！伯爵茶同朱古力又係好夾，呢個配搭真係不得了黑糖珍珠堅果奶我今日想食珍珠，所以點咗呢杯。珍珠煙靭有口感，又唔會過甜。堅果奶香滑，好香堅果味，感覺好天然健康。另外值得一讚嘅係，除咗一般嘅糖度冰度可以揀之外，熱飲仲可以揀熱或者暖，揀暖就可以唔燙口，即刻可以飲。呢度嘅飲品款式口味好多，配搭亦好創新，仲有signature嘅天然堅果，其實仲有好多款都會想下次再試。

🍼一杯好喝的堅果奶是怎樣來的？出生｜成長到成熟｜採摘｜精製｜出口輸出｜測試｜烘焙｜冷壓研磨與乳化ℕ𝕌𝕋𝕋𝔼𝔸 𝐍𝐮𝐭 𝐌𝐲𝐥𝐤 𝐓𝐞𝐚堅果奶茶以堅果搭配不同茶類與新鮮水果，變化出健康美味且不含牛奶的特色飲品❤️⋄ℕ𝕌𝕋𝕋𝔼𝔸 堅果奶茶是以5種堅果(腰果、核桃、榛果、杏仁、夏威夷果）經冷壓萃取、烘焙和乳化後製成堅果奶，搭配日月潭紅玉紅茶、四季春烏龍茶等台灣茶與新鮮水果，變化出一杯杯視覺兼具的養生飲品。其中伯爵巧克力堅果奶蓋茶🍁🍫獲得「2019台灣奶茶節」特色飲品賞金獎🏅⋄ℕ𝕌𝕋𝕋𝔼𝔸 的飲品均未添加牛奶、奶粉與奶精，滑順濃郁的奶味來自於堅果本身的優質油脂，超好飲😋====—====—====—====—🍓粉紅莓好堅果奶蓋茶（ $47 ） （季節限定）🌰伯爵朱古力堅果奶蓋茶（ $48 ）🍵宇治抹茶草莓堅果奶蓋茶（$45）====—====—====—====—.📌店名：NUTTEA’📍地址：葵芳葵富路7-11號葵涌廣場1樓潮流廊B號舖

今日同朋友去葵涌廣場掃街因為食咗啲勁辣嘅嘢食所以忍唔住即刻去買杯嘢飲雖然葵廣真係好多選擇但係一向養生嘅我偏向會揀健康為主嘅飲品尤其對於啲唔鍾意殺生嘅人即係素食主義者仲有乳糖不耐症消費者NUTTEA係一個唔錯嘅選擇因為好多市面上嘅植物性奶入面所含真正堅果都未必夠8%而且通常係用粉末製成應該都有唔少防腐劑同添加劑NUTTEA招牌堅果Nut Mylk就唔同啦用咗真正堅果同天然成份製作而成係冇添加牛奶同奶精真正滿足到唔飲奶嘅人加上見佢哋成日會搞啲慈善活動買杯嘢飲 又可以幫到啲狗狗對動物咁友善 何樂而不為呢～- - - - - - - - - - - - - - - - - - - - - - - -1. 士多啤梨茶草莓堅果奶蓋 + 青提茶堅果奶蓋其實之前都有買開伯爵朱古力堅果奶蓋茶每日限定100杯好飲到唔捨得轉飲其他不過今次食完辣嘢好想飲水果味過口所以揀咗草莓同青提望落奶蓋超厚 三分之一兩杯奶蓋質感好似忌廉一樣都係濃郁綿密但又唔會好似忌廉咁漏反而帶有堅果香氣草莓個杯仲係粉色奶蓋為奶蓋帶嚟微微嘅酸甜比起一般濃烈芝士奶蓋飲完冇咩膩滯感覺配搭埋杯底嘅水果茶清清地、甜甜地、酸酸地好明顯係新鮮水果攪拌而

葵涌廣場搭電梯上一樓喺門口就見到。星期六晏晝都唔算多人，等一陣就有得拎。我哋嗌咗伯爵朱古力堅果奶蓋茶、焙茶堅果奶蓋茶依度嘅堅果奶蓋係依間店嘅賣點，一定要試!!周圍亦都有啲燈飾、擺設可以打卡另外，佢哋有唔少應援嘅物品，見有Fans嚟打卡塊版有講佢哋做Nuttea堅果茶嘅流程⭐️伯爵朱古力堅果奶蓋茶 $48好滑嘅朱古力奶蓋、好creamy。叫咗微糖少冰，伯爵茶味好香👍🏻，佢嘅茶味同奶味夠平衡。唔會好甜，一飲落去有好香堅果嘅香氣同埋口感，非常推薦。⭐️ 焙茶堅果奶蓋茶 $42比起伯爵朱古力堅果，焙茶堅果比較light。焙茶香味好出😎，配搭上面cream好好飲。口感非常順滑，個cream有少少鹹香，在有少少堅果嘅口感，好特別。📍NUTTEA (葵涌廣場) 葵芳葵富路7-11號葵涌廣場1樓潮流廊B號舖Shop B, Trendy Lane, 1/F, Kwai Chung Plaza, 7-11 Kwai Foo Road, Kwai Fong

平時去茶飲店比較常飲水果茶，但Nuttea 嘅堅果奶蓋實在太出色，每次嚟都一定會嗌🥹🫶🏻即使唔鍾意堅果味嘅人(個人唔太鐘意)都不妨一試！堅果奶蓋製作工序繁複，需要經過冷壓研磨同埋過濾水乳化，自己絕對唔會整😰😂雖然定價偏中高，但有得飲健康版嘅奶蓋👍🏻👀而且賣相非常吸引！✨青提茶堅果奶蓋 $45冰度固定🧊半糖嘅綠茶茶底配上大量細細粒青提果肉味道啱啱好，口感好清爽👍🏻奶蓋表面有粒粒嘅堅果加強口感🥜奶蓋非常綿滑🥹而且份量十足🫶🏻✨士多啤梨茶草莓堅果奶蓋 $47同另一杯一樣冰度固定，甜度方面叫咗微糖，茶底係少少沙冰口感，有士多啤梨籽加乘令到飲品有多幾重口感🍓比較特別嘅係堅果奶蓋係士多啤梨味😮都係非常之軟滑😋✨雖然唔係第一次飲Nuttea，但今次叫咗季節限定嘅飲品🥤果然一如以往咁出色，朋友第一次飲都話奶蓋嘅味道令佢覺得完全冇罪惡感，飲完仲覺得自己好健康😂😂😂

去葵廣食完小食想買杯飲品,經過見到Nuttea主打堅果奶蓋,適合素食同對奶類敏感嘅人士,感覺無平時奶蓋咁膩,所以同朋友叫左2杯試下。伯爵朱古力堅果奶蓋茶 ($48)每日限定100杯, 金獎推薦,梗係要試下, 先用匙羹食面嗰層堅果奶蓋,奶蓋口感好滑,好綿密,朱古力味都幾濃,伯爵茶都幾香,食淨少少奶蓋撈埋伯爵茶一齊飲都幾好味,呢個必試!青提堅果奶蓋茶 ($45)店員提醒呢杯要用粗飲管飲,因為有粒粒嘅提子肉,飲落每啖都有提子肉,好清爽,本身提子都甜,所以少甜剛剛好。奶蓋同樣都好滑, 面頭有粒粒堅果碎,增加口感,唔錯! 

作為nuttea嘅fans，有咩理由唔帶朋友黎分享美食。佢都係lactose intolerant 所以啱哂! 佢係第一次試，所以我介紹咗佢飲我第一次入坑嘅飲品，伯爵朱古力堅果奶蓋茶($47)。佢好鍾意個朱古力奶蓋，同我第一次食嘅評語一樣，真係好似食緊榛子朱古力雪糕咁樣😂我自己就試新嘢: 火龍果堅果奶蓋茶($40) ， 叫之前店員都同我講，如果走甜嘅話茶味可能會蓋過火龍果味，但係我都要堅持走甜。店員講原來有火龍果同埋西瓜blend左入去，雖然走甜，但係就咁飲嘅時候好似飲火龍果水咁，甜甜地淡淡地自己好鍾意。加埋奶蓋嘅時候就會更加Creamy少少，都幾開心有呢個配搭。

主打堅果奶同埋堅果奶蓋而聞名嘅Nuttea，絕對係為唔飲得牛奶但係又想飲手搖嘅人帶來多一種選擇，呢到嘅堅果奶係用咗5款堅果萃取而制成，簡直就係素食人士同埋乳糖不耐症人士嘅恩物！今次就嚟到位於葵涌廣場嘅呢間分店，飲下佢哋嘅招牌特式飲品先～青提堅果奶蓋茶💰HK$45青提味道酸酸甜甜，仲有啲粒粒提子碎，而堅果奶蓋飲落去堅果味濃郁芬芳，質地好似一堆豐盈厚實嘅泡沫咁，入口絲綿順滑！青提茶同堅果味估唔到都幾夾喎！呢到堅果奶蓋真係好優秀，面頭仲有少少堅果碎，用匙羹仔一啖一啖咁慢慢不來食，又係另一種風味～牛油果堅果奶💰HK$47牛油果係用成個牛油果即打而成，所以一飲落口就會感受到牛油果嘅味道係非常之濃郁，配合埋堅果奶，除咗有本身濃濃嘅果仁味之外，更加突顯到牛油果嘅原汁原味，質地比較香滑，鍾意牛油果嘅人千奇唔可以錯過啊～

一向都知Nuttea 主打堅果奶，好有特式，好養生的感覺😋所以前排去葵芳行街，經過Nuttea 都忍吾住嗌返2杯～朋友就嗌左杯青提堅果奶蓋茶 $45 有粒粒嘅提子肉，奶蓋好似cream嘅口感，好細滑，堅果奶蓋比起平時嘅鹹芝士奶蓋會無咁膩，喺奶蓋表層仲有粒粒堅果碎，飲落更加有口感呢！而我就嗌左杯邪惡野🤭伯爵朱古力堅果奶蓋茶$48 仲要系金獎推薦，每日只限定100杯，當然要嗌杯試下啦！有D意想不到，原來都吾系好邪惡，差D俾佢個名大到🤣個底系伯爵茶黎，陣陣香氣，而個奶蓋系朱古力奶蓋黎，100%無牛奶添加，岩哂D飲吾到牛奶嘅朋友仔啊

喺葵涌廣場行街，見到間舖頭以為賣咖啡豆，入到去先見到原來display出嚟嗰d係堅果😂 再一睇，間舖頭本身個名都已經叫「Nuttea」d人成日講堅果奶健康過一般嘅牛奶，就一於飲吓入口有乜分別。我order咗伯爵朱古力堅果奶蓋茶(微糖)，朋友就要香芋堅果奶☕️伯爵朱古力堅果奶蓋一嚟到我已經「嘩」咗一聲，因為個面厚厚嘅朱古力奶蓋實在太吸引，我忍唔住即刻畢咗一啖入口，平時嘅奶蓋入口會好重cream，但原來堅果奶可以做到普通奶嘅效果，同時又令朱古力奶蓋同伯爵茶兩邊嘅味同事出晒嚟，兩個味超夾！🥤香芋堅果奶入口真係有好多香芋粒粒，又唔會太甜，好有口感！堅果奶嘅熱量同蛋白質都比牛奶相對低，而且大部分脂肪都係單不飽和脂肪，係對心臟健康有益嘅脂肪，飲落都放心d，唔洗驚變肥妹🤣

今日同frd子去左葵廣，喺美食林立嘅商場入邊我哋就比nuttea吸引咗🤪因為係堅果奶蓋，邪惡得來感覺健康啲咁～雖然舖位唔係話好大，但係裝修好有心思好多打卡位😆仲俾我見到好多MC應援物🤣今次就試左Nuttea限定數量的伯爵朱古力堅果奶蓋茶和青提堅果奶蓋茶。先來講講伯爵朱古力堅果奶蓋茶，味道非常濃郁，層朱古力奶蓋超級好食同真係有堅果味！質感好濃稠，打斜45度飲可以同時品嘗到伯爵茶的茶香和朱古力的甘甜，配上帶d鹹味的堅果奶蓋，配搭超級好!今次我嗌咗微糖飲落完全唔Heavy。非常推薦大家去試～而朋友嗌嗰杯係青提堅果奶蓋茶，同伯爵朱古力堅果奶蓋茶唔同，呢一杯非常清爽！朋友選擇咗微甜，甜度啱啱好而青提汁唔會好酸，balance 得好好😌仲帶有濃郁的果香，低下有大量的果肉，絕對真材實料。飲個陣可以試下分開食奶蓋同飲杯茶，剩低一半個陣再張兩者混合品嘗，咁就可以一杯飲品滿足三個願望😛個人覺得奶蓋比起珍珠更有滿腹感，食量唔大嘅女仔絕對可以一杯就當一餐，又唔驚卡路里超標。再加上係堅果奶蓋絕對健康啲😛可以話係想滿足味蕾同健康嘅好選擇😜非常推薦大家去試奶蓋系列！！

NUTTEA係一間位於茶灣嘅飲料店，我試過佢地嘅蘋果脆脆楓糖堅果奶蓋茶同四手春堅果奶蓋茶，真係好正呀！🍎🥤🌰蘋果脆脆楓糖堅果奶蓋茶係一杯令人驚喜嘅飲品！茶底香濃滑順，楓糖味道恰到好處，帶出淡淡嘅甜香氣。加埋脆脆嘅堅果同蘋果塊，飲落去有口感同層次感，真係唔錯🍁🌰😋而四手春堅果奶蓋茶亦都好出色！茶底濃郁滑順，加入嘅堅果令味道更加豐富。飲到最上面嘅奶蓋，濃郁又綿密，帶嚟一份濃郁嘅奶香味，真係令人心滿意足。每一口都能夠享受到堅果同奶茶嘅完美結合，掂🌰🥛🤩NUTTEA嘅飲品真係好用心製作，每一杯都充滿著驚喜同獨特嘅風味。仲有，店員嘅服務都好友善同細心，令我有種溫暖嘅感覺。🍹💕😊

去到葵廣掃完街梗係要飲番杯野飲解渴，今次就揀左主打清新 Fresh d 既 nuttea，佢主打用堅果奶，就算係患有乳糖不耐症嘅人都可以一試飲奶茶既樂趣🤓🔎 伯爵朱古力堅果奶蓋茶 $48未攬勻第一淡飲落去係好 fresh既伯爵茶味，之後可以用匙羹刮啲奶蓋出黎食，食落去唔會太甜，而且朱古力味極度濃郁🍫，另外食落去個奶蓋好似食mousse 咁，份量都好足夠；有時候食到有啲滯既話又可以撈埋啲伯爵茶一齊飲，滿滿嘅朱古力味😉 🔎 粉紅莓好堅果奶 $47飲落去甜甜地，但係唔係果隻藥水士多啤梨味🍓😌 叫左半糖我覺得岩岩好，唔太好飲奶蓋茶既朋友都可以試下依個，相對無咁膩但係同樣地飲落去都係咁 fresh 😃-📍NUTTEA (葵涌廣場) (葵芳)葵芳葵富路7-11號葵涌廣場1樓潮流廊B號舖