Nunu燒 (已結業)

以前返工果頭近蘭桂坊有條巷仔都幾多野食，最近開左間日本餐廳，細細間都幾有日式風味。點餐係用QR code既，個人覺得幾方便，又唔洗等個waiter黎。上菜時間都快既，周末晚上等左都無10分鐘就上曬了。百幾蚊一個刺身飯，有齊海膽帶子甜蝦三文魚子三文魚其實都幾抵。 三文魚厚厚一片，口感肥美。 海膽偏濃海水味，新鮮唔苦。基本上刺身都在水準之上。天婦羅炸蝦新鮮熱辣辣炸出黎，外面薄薄一層又脆，咬落去啖啖都係蝦肉。炸廣島蠔隻 蠔唔算話好大隻，但蠔味非常重，外面一樣炸到金黃酥脆，一咬裏面爆曬汁，正。

中環Nunu燒嘅鰻魚飯食過返尋味💕依家細舖搬大舖，舒適度💯地扯都係蘭桂坊嗰邊！講返鰻魚肥美厚肉😋油脂滿滿燒到溶晒入肉🤤皮燒得微脆軟滑，入口即化，太正了😍我點左原條鰻魚飯$210有六大塊，係平時出面食嘅double大🤩但鰻魚飯可以點少汁，因為個底太多汁好咸😳牛油果三文魚腩卷 $128雖然佢得六舊，但每舊嘅用料都好足！係用厚切三文魚腩！炙燒過令脂香散發出嚟中間仲有creamy牛油果整體食落好match

還有兩星期已經是聖誕節的大日子， 慢遊中環終於開始感到有節日氣氛了。 除了要選購聖誕禮物外， 還要對自己好一點，食餐好。 在中環想食好小小又唔想太破費， 實在有點難度。 由皇后大道中行上和安里看看有無新發現，先經過大大間的燒烤店， 太熱氣唔好攪，隔幾間店有間日本料理店 「NuNu 燒」主打食丼飯， 澱粉類一向是我的至愛，大大碗飯可以補充 大量熱能。 餐廳晚市剛剛開始， 店員也未太READY,  店員先安排我們坐在高卡位上，枱和椅也有點窄，坐得唔太舒服。   餐廳內裝潢也沒有太花巧， 枱子排得密密麻麻的，客人落單可以SCAN 二維碼自助落單，快靚正！　上菜效率超快，先上［蟹籽沙律］$28爽口清甜青瓜絲配上ＢＢ蛋黃醬和蟹籽， 簡單開胃的前菜。 我們選了兩款熱丼飯  $110當丼飯放上面前， 已經聞到黑松露的香味， 相當誘人。 豚肉和蔥也十分豐富， 完全將飯面蓋過，但略嫌豚肉脂肪部份太多， 而且肉味不濃。 温泉蛋一篤即破， 可惜不太流心的 。 日本飯入口軟棉，點了多汁令每口飯也充滿甜香。   $120 不花巧的鳗魚飯， 在飯面上放上三串烤鳗魚。 而我個人較喜歡鳗魚直接放在飯面，可以令飯吸收到

之前試過佢哋lunch，超愛芝士蕃茄牛肉飯，今次公司食聖誕大餐，即刻推介去呢間食，打去book位先知 ，佢地搬前左幾個舖位 ，搬左大舖 位多左好坐左 ，刺身質素唔錯，見佢哋仲有廚師發辦，價錢好抵食，已經即刻同同事plan定下次黎食

Nu Nu 燒0係和安里呢條細街已經好多年，最近仲細鋪搬大鋪，好友SUGGEST 黎呢度同我食~~入到去睇餐牌, 有勁多野食，不過落單就要用電話scan QR code再點餐餐牌既食物款式非常多， 有刺身、壽司、丼飯、烏冬、小食、燒物、沙律、串燒等等。我同好友唔算太肚餓，先點左個芥辣八爪魚，小小地辣，唔錯，食落開胃！之後再SHARE 盤$308既海膽壽司定食，有麵史湯、沙律跟餐~~呢盤壽司賣相好OK, 入面有三文魚腩、吞拿魚、三文魚子、海膽、赤貝、希靈魚、甜蝦等....最值得推介係三文魚子, 粒粒晶瑩剔透, 又唔算好咸; 海膽非常新鮮唔會腥~OVERALL 唔錯, 價錢又合理, 下次可以試下丼飯!

大叔牛一，決定，和他到NuNu燒，飲杯酒，吃燒物，吃個痛快﹗ 餐廳主打鰻魚飯、芝士鵝肝飯，以及各式刺身丼飯。然而，是夜，咱倆只想點炸物小食。大叔，最愛啤酒。原本點了一杯日本啤酒，見到有德國啤酒，又改變了主意﹗The Premi Malt's $88/2杯，還以為他一杯也喝不完。誰知，他竟把兩杯喝個乾淨﹗ 小妹，去日本餐廳，還是喜歡點一杯冰凍透心涼且甜美的梅酒$68。 有酒，就必須有炸物。炸雞軟骨$58，炸至酥脆非常，咬口嚼勁十足，且不油不膩。挾一粒，蘸上濃稠開胃的沙律醬同吃，再飲一小口梅酒，滋味無窮﹗ 雜菜天婦羅$68，有炸番薯、炸南瓜、炸冬菇、炸秀珍菇等，沾上薄漿炸至外層香脆，最適宜伴酒同吃。 明太子雞翼$68，雞翼內，盡是微辣惹味的明太子。一口燒雞翼，一口沙律菜，一口酒，再與友人天南地北，何其逍遙﹗ 大叔，要來一客特盛海膽手卷$98。看著手卷內，盡是金黃豐腴的海膽。 牛油果炸蝦卷$88，以香脆鮮美的炸蝦，配上牛油果，再加上晶瑩剔透的蟹籽和酸香開胃的沙律醬，又一完美的配搭。 大叔，年紀一把，食量不減。野菜稻庭烏冬配麵豉湯

又到weekend，同朋友相約收工後飲返兩杯，見距離約定時間仲有個零鐘，決定食少少野打底本來想食西餐，行多兩步就俾小巷中段呢間外牆以木板為主、風格樸素既居酒屋。18:30未到晚飯peak hour，餐廳內只有小貓三四隻，桌椅相距較遠，相信即使繁忙時間都唔會有局促感。餐廳以電子方式落單，方便之餘，對選擇困難重症人士非常友好，點餐點耐左都無壓力沙律菜絲非常新鮮爽脆，每條粗幼均衡，以簡單日式沙律醬調味，入口清新爽甜蟹籽粒粒精緻鮮美，口感卜卜脆。所有燒物即叫即燒，上枱新鮮熱辣，表面燒至焦香可口。雞翼釀入飽滿既明太子內餡，一咬開焦脆外皮，最先食到帶筋彈牙、同時充滿油汁既雞肉，隨之而來嘅係明太子既鹹香同鮮味。所有丼飯可以走飯，滿足晚上習慣輕食嘅客人店家轉左鰻魚來貨，呢款鰻魚彷似無骨、油脂豐厚，口感軟嫩即化，不需力度咀嚼，一碰到舌頭即時融化，油香瞬間傾瀉而出相比之下，燒牛肉略微遜色，普通雪花肥牛拌入洋蔥炒香，偏油，肉味亦唔算重，加上鹹香既芝士調味反而減輕左油膩感。玉子燒質感軟嫩疏乎，入口有濃郁蛋香同蔥花香，味道調配恰到好處，唔會似坊間咁過分厚實同甜膩，保留原材料既獨特風味

星期六晚就同朋友去蘭桂坊飲嘢！飲嘢之前見肚餓 wo, 所以去左和安里揾食，見到有間nu nu燒食日本野，價錢大眾化！所以就入左去啦之後點菜係用QR code嚟點菜， 點菜步驟都非常清晰，唔會好混亂！要咗黑松露燒鰻魚飯半份餐， 已經包埋味噌湯及前菜沙律🥗，非常豐富！ 雖然只係半條鰻魚，分量卻非常足夠，滲有黑松露嘅香味兩者非常之配搭！ 松露做topping，香味已經完全滲入鰻魚！ 如果鍾意食鰻魚嘅呢度一定唔會令你失望！另外再叫咗個海膽魚生丼飯， 有厚切嘅三文魚，油甘魚， 希靈魚同埋海膽！ 海膽嘅質感creamy濃郁， 油甘魚嘅魚香非常足夠而且非常嫩滑。跟餐嘅沙律同埋麵豉湯都幾足料！ 下次嚟蘭桂坊飲嘢之前都會嚟呢度再開餐！

去了這間位於中環的小型日式餐廳吃晚飯, 他們沒有餐牌的, 是要用電話scan QR code, 然後在電話上點餐。電子餐牌食物款式非常多, 有丼飯、烏冬、小食、沙律、壽司、刺身、串燒、燒物等等。我們點了一系列的壽司、三文魚魚籽丼飯和炒椰菜一起分享。這裏的刺身很鮮甜, 我最喜愛的就是三文魚壽司和左口魚裙邊壽司🍣！三文魚非常鮮甜肥美的, 充滿油脂香, 壽司飯夠軟熟。左口魚裙邊壽司燒至有油香, 亦很肥美。炒椰菜有鑊氣, 上面佈滿木魚絲。

今晚等埋JM收工一齊去LKF食野, 據說係新開無耐, 而lunch hour嘅魚生丼飯//定食勁受附近上班族歡迎, 所以佢特登同我黎食. >燒青芥辣生蠔 (HKD88)係成隻手掌咁大隻嘅生蠔🦪呀!! Wasabi嗆得好溫和好好好好味, 生蠔🦪勁新鮮, 釀滿唒洋葱粒/脆脆/wasabi味道豐富到不得了!!>牛油果炸蝦卷 (HKD88)牛油果🥑完全熟得啱啱好, 口感似雪糕個隻perfect軟, 即炸天婦羅蝦包成手卷, 當中竟細心地包埋切成超幼絲嘅青瓜令到口感清爽好多.>柚蜜燒牛舌 (HKD88)Li個牛舌有𡁻𡁻口感, 仲要非常厚切. 鋪天蓋地嘅甜甜柚子蜜包到每塊牛舌冚唒, 煮得濃稠, 同埋食食下發現咁多塊都好抵食😆.>呑拿魚腩蓉壽司 (HKD48)正呀啲紫菜係脆嘅. 新鮮呑拿魚腩蓉疊高到一個點, 店家話所有魚生每日新鮮空運到HK ga !>油甘魚腩壽司 (HKD40)厚切嘅油甘魚刺身, 壽司飯係我最LIKE嘅細細舊飯.>三文魚天婦羅好creative嘅三文魚天婦羅, 炸完都非常juicyyyyy.

呢間小店 細鋪搬去大鋪水準性價比一定有番咁上下我一星期總會去食下lunch 午餐時段經常都要等位經常食佢個芝士鰻魚飯真係超邪惡今次新開張 試下佢既新餐牌認真有驚喜🤤天婦羅盛合我本身就麻麻地天婦羅 🍤朋友們就大讚 好鬆脆 同冇油味我試完 都覺得好食 之後再encore 左一次天婦羅蝦侍應推介 新鮮到大拖羅刺身$118/一切 絕對對得起個價入口即化 正啊叫左幾款刺身 正常發揮加膽好鮮甜牛油果🥑hunter 唔會錯過任何牛油果😛定食有 湯 小菜 沙律 同雪米糍脆口 美味仲飲左Suntory 黑啤 $68/$70第一次見有出黑啤 就試下 又幾好似 冇Guinness 咁苦 本身係去食饅魚飯 但最後冇食到😹

一講到食「廚師發辦」（Omakase），第一印象就喺唔平，郁吓都千蚊落樓，就算無成千，$800、$900都好平常。老實講，小弟對食「廚師發辦」嘅經驗亦唔多。最近，聽食友講，晌中環和安里嘅「Nu Nu」居酒屋，晚市就加插咗「廚師發辦」，入門價亦相對平和啲，咁就腳，收工行幾步就過到嘞。其實，「Nu Nu」晌和安里呢條細街打躉已經好多年，依家喺細鋪搬大鋪，咪睇個門口窄窄咁，查實入到去都幾大，仲有廂房添。而一室裝修都以木系為主，但就唔算太多和風裝飾，算喺較平實。雖然，今次嘅目的喺嚟試試其「廚師發辦」，但都概略介紹一下佢哋基本有咩食。作為居酒屋，當然，賣嘅食物都會頗多元化，包括基本嘅前菜、沙律、炸物、煮物、刺身、壽司、燒物、卷物，仲有就喺咖喱、海鮮丼、石鍋飯、小食……等等，以及多種廚師推介。至於「廚師發辦」喺點？睇睇張餐牌先，包括先付、刺第六點、壽司六貫、季節湯品及甜品，定價$688位。上甜品前，師傅驚我哋唔夠飽，仲同場加映做多份壽司卷。此外招呼好，不時主動幫忙添上玄米茶，又留意吓我哋用餐速度，以配合上菜嘅節奏，每道菜式亦會有簡單嘅介紹。前菜三點3款前菜有 淮山漬、冰頭漬及麥粒青瓜，雖然無一般「

早前經過中環蘭桂坊 ， 見到位於和安里的nunu燒小店, 每次都大排長龍, 次次都肚餓得滯而唔想排隊 。 如今小店搬大舖 ， 證明食物質素有一定保證 ，實力當然不用懷疑。 既然搬咗大埔就自然多位咗， 咁當然要入去嘗一嘗新。 雖然個鋪面都係細細地，但裡面別有洞天， 除咗有吧檯位，亦都有幾張散座，甚至仲有廂房 ，以木系和風裝潢，雅致暖和。新鋪仲有新system ，掃掃QR code自助落單, 夠方便快捷。而且地方大左，賣既野食 亦都多咗， 梗有一款合心意。今次午市黎到 ， 當然要叫返兩碗丼飯。 而家最特別之處就係可以加25蚊變成定食，定食包埋味噌湯，沙律，麻醬豆腐同甜品。 沙律菜冰涼爽口不在話下，自家調製麻醬沙律汁，味道有層次。 而前菜的豆腐亦都嫩滑無比。 最精彩係味噌湯， 師傅以三文魚頭油甘魚頭作為材料， 加入味噌湯中煲，湯中魚頭的鹹鮮一湧而出，勁有驚喜。 原條蒲燒鰻魚飯 原條蒲燒鰻魚飯喺呢度必食 之選，六大件燒鰻魚，一睇就知份量十足。 - 先講件鰻魚， 鰻魚燒得惹味 ， 皆因醬汁甜蜜味美 ，肉質厚得黎夠細嫩，仲帶幾分油潤， 帶點膠質又煙韌 ；再者，日本米飯飯口感軟糯，飯

蘭桂坊早已成為酒吧和餐廳的集中地, 當中以西式餐廳為主, 也有一間日式小店Nunu燒, 之前吃過後覺得食物水準唔錯, 直到最近，搬了來這裡, 就趁這晚人在中環, 就來試試。新店舖的舖面面積比以前更大，還加上許多新菜色, 但同樣給人地道居酒屋的感覺。先來小食, 廣島吉列蠔炸得表面金黃, 外皮做得夠脆、夠薄, 裡面的蠔肉新鮮熱辣, 充滿蠔汁，蠔味香濃，賣相味道皆不俗。再來個特選壽司定食(十貫), 很精美的賣相, 材料看起來也很對辦，飯糰握得緊緻卻不至於太實，刺身的新鮮程度也是滿意, 當中較欣賞吞拿魚和油甘魚豐腴有濃郁的魚鮮味; 甜蝦本身幾大隻, 鮮甜味道十足; 三文魚籽粒粒晶瑩剔透，味道不腥而討好的; 再配上味噌湯、沙律及豆腐, 整份定食吃完後真的滿足。店員送上雜錦魚生丼, 單看賣相已經是先聲奪人, 多款刺身堆得滿滿的, 包括有赤蝦、帆立貝及三文魚等等。赤蝦夠大隻，吃起來鮮味也啖啖肉;帆立貝厚肉而鮮味十足;三文魚肥美, 整體來講是有水準的。而個人對是日各道菜色的水準都感滿意，在此區也算抵食, 加上環境和服務同樣滿意,是值得一試的。

今天和朋友到中環試試新餐廳！我們一行四個人，甫入店就見到一個貌似日本人的師傅。整體食物質素性價比高，座位比以前多了很多。我們點了七款海膽刺身定食 個人十分喜愛食拖羅，剛好職員推介今天空運到港，大力推介這個三色吞拿魚壽司，超厚切拖羅，感覺好似返到日本。這個花花的加州卷，好美，一邊有牛油果喜歡這個玉子甜味這個海膽手卷比我想像中的多，夠新鮮，紫菜還是脆的厚切牛舌，加少少檸檬汁已經好好味臨走前都門口見到好多花牌