November (京瑞廣場) (已結業)

之前因為朋友forward 所以就follow 左呢間舖既ig 但一直都冇機會試到今日終於有機會試到 見佢有個新野～黃金奶蓋茶 就即刻試左👅因為我好仲意咸蛋黃既野食！同埋真係好特別呀芝士奶蓋就聽得多😂第一啖飲落去覺得咸咸地幾得意 但未係好覺得似咸蛋黃 但飲飲下直程有細細粒既蛋黃碎😳又估唔到同個茶咁match😋杯茶大大杯 仲有好足料既奶蓋🤤同埋 買完之後就聽到已經賣哂後面客人冇得飲🤭就更加覺得係我今日既小確幸😋本身覺得難得黎到就想試埋個黑糖珍珠奶 點知無哂 係連珍珠都賣哂🤦🏻‍♀️😂不過下次試 值得再黎🤟🏻🤟🏻支持小店🤟🏻🤟🏻

經過了好幾次都沒買，因價錢有點貴，第一次買了抹茶奶蓋，最初有諗過要原要少甜，最後都沒叫少甜。幸好沒叫，因為杯野已經有如走左甜一樣咁苦。未飲過咁難飲既抹茶，出面的最多是太甜太奶，這間不是是太苦，其苦不是新鮮茶既苦，而係落太多茶粉但太少糖，飲得出有微粒的茶粉。本身都喜歡有茶味的茶，但不等於走了糖的茶，滿滿的苦澀味，有點失望。惟有少少甜味的是奶蓋，$30這樣的價錢，真是不太值，寧願去飲水果茶走甜，可一不可再。

呢間啲珍珠完全可以媲美連鎖即沖飲品店既珍珠咬落去好彈牙好大粒仲有個杯有啲磨沙質感 幾好渣手會為左啲珍珠再回頭買黎飲除左珍珠鮮奶綠 仲有最近大熱既黑糖珍珠鮮奶有得賣！下次要買黎試

Tiffany Blue design係幾eye-catching ge，仲有隱藏menu係會令人好奇下ge。。。第一次經過，想飲珍珠奶茶，賣晒珍珠，只好光顧另一家。今次專程早少少黎試試，叫jor杯黑糖珍奶，隻杯幾挺身，同普通軟身杯比係幾好拎ge，不過黑糖漏邊無抹乾淨先俾客。味道方面，黑糖同奶都正常，係甜jor少少，d珍珠出晒事！點解可以未煮透，好似咬緊飯焦咁，偶然一兩粒係咬到ge，失望。。。建議下次煮好試食jor先好賣。。。

自從上次友人推介後，一直對november的士多啤梨茶念念不忘。趁這天早放工，就到石門買茶。 小店門面漂亮，朋友想買珍珠奶茶，卻剛巧沒有珍珠，細問之下，原來她們當天早下班，沒有預太多存貨，是不是也可以想成她們的茶品也較新鮮呢？ 我們最後叫了奶蓋奶茶及士多啤梨茶加奶蓋，士多啤梨茶，我一向也不太敢叫，因為中伏機會太高，但她們家的果茶，不但不似藥水，更有啖啖果肉，加上奶蓋，中和掉少少的酸味，味道更諧和。 PS 小店當日早下班原來是去看子華神😍😂，支持有人情味的小店。

朋友知道我係一個極瘋狂嘅珍珠奶茶迷佢就見到呢間新開嘅珍珠奶茶舖就帶我去試。就咁睇舖面都幾靚，因為自己都好鍾意粉色系嘅野，呢到就係用咗Tiffany blue.我通常都係試珍珠奶茶，因為覺得呢個係最基本，因為覺得最容易試得出質素，如果茶底好飲嘅基本上舖頭都唔會差得去邊，呢個理念都好準。朋友就叫咗水晶抹香綠茶。其實茉香綠茶我都好鍾意，因為覺得純茶底嘅飲品其實都有好濃香嘅純茶味，自己都好迷戀，尤其是茉香等等香味好吸引而我同朋友依家都買咗環保筒帶出街，其實都好方便！鍾意飲呢啲飲品嘅我哋為地球出返分力🌎🍀先講我個杯飲品漸變色幾靚同白色奶係底上邊係茶几配搭一望上去幾新穎店員有提醒嗎混合左先好飲呢個咁當然知啦但係都多謝細心提醒🔔飲落去珍珠煙韌！呢個我勁鍾意！因為超鍾意食煙韌野😍😍但係略甜。而奶茶都冇沒太大特色，茶身薄未夠香濃滑，未能夠突出到奶茶的特色。而朋友嗰杯茶香好夠，抹香綠茶好香醇好好飲，寒天好似珍珠大小咁樣一粒粒嘅，外表有啲似水晶咁，都略有咬口，唔錯總體而言，覺得舖頭裝修，設計理念等都幾新穎，感覺係幾新鮮，有別於一般港人瘋狂排隊嘅風氣。自家創嘅小品牌有點特色，唯獨飲品價錢偏貴普遍都＄30、40

士多啤梨鮮茶 - $39November的飲品名稱都好可愛搗蛋雜莓茶、鮮車輪果茶、雙妹奶綠......士多啤梨鮮茶可選一款Topping 首先選了忌廉奶蓋再加$4 珍珠一份 ~ 夠霸氣嗎?.雖然奶蓋係忌廉而唔係芝士不過其實忌廉都一樣好味又好夾.士多啤梨鮮茶嘅茶底幾香幾濃首先會感受到士多啤梨的果味繼而茶味滲出還帶有些士多啤梨肉.另加的珍珠同樣無令人失望需知偶然會中到珍珠的伏唔彈牙, 彈力仲弱過西米嗰類呢!!!一係就硬到有黑人問號??? 究竟煮熟未？.好彩呢度嘅珍珠唔係咁.飲完之後好飽奶蓋、珍珠、士多啤梨鮮茶🙈🙈🙈

呢間既香蕉朱古力係用原條香蕉打落杯朱古力唔洗加任何既糖已經相當夠甜而且真材實料飲完杯朱古力已經有少少飽肚既感覺加埋上面既忌廉👍🏻👍🏻👍🏻下次會繼續試下呢間既唔同野飲支持小店！

最近石門京瑞商場開左幾間連鎖台式飲品店 但口味單一 開始有啲悶 但近一兩個月就開左呢間新既特色飲品鋪 啲飲品好多都未見過 令到好多人都去左試一試🍻我地分別叫左搗蛋雜梅茶 香蕉朱古力 奶抹茶同鮮忌廉蓋茶 香蕉朱古力既朱古力味偏濃 帶少少苦味😞而奶抹茶同忌廉蓋茶都尚算一般水準 唔算太差 而最好飲既就係搗蛋雜梅茶😍第一 佢係第一間有呢種梅茶買既飲品鋪頭 第二 佢既梅味同茶味係一個好好既配搭 唔會過酸或者過苦 對提神解油都好好 係一杯飯後飲品之選👍

茶底非常香，清甜味剛剛好，各方便好平衡，水晶口感一流，因當日珍珠sold out,期待下次再試，服務態度好好，介紹相關茶葉和產品，試飲唔夠味可以再加，真材實料，有別其他連鎖茶店，其他飲品亦相當吸引，一定再幫襯

我真心想在此一讚November, 小小的一家飲品鋪，卻很有心。門面簡單明亮，在石門中散發一種清新感覺。一向也不多喜歡這種裝修靚，價錢貴的飲品，飲一杯都差不多可以吃一餐。但November的飲品不但價格相宜，而且質素很高。香蕉朱古力非常濃郁，厚厚的一杯，打了兩根香蕉，沒有額外再加糖，絕對值得推薦，要我選擇喝兩杯November 或是 一杯Godiva, 嗯，我選前者吧。店員有一個行動很細心，她沒有幫我插飲管，只是把飲管包裝撕開，遞給我，原因是她剛剛收了錢，還未洗手。此舉值得一讚。不過...... 我本來有自備飲管呢，看來下次要比店員的熱心再快一步。p.s. 鼓勵大家 自備/不用 飲管

飲開天仁覺得茶味好出，點知試完依間，😱我先知咩係真茶味台飲😍，最衰遠D，如果唔係我一定成日去飲！！！🔥🔥🔥1. 香蕉朱古力(XL)（$25）你點都估唔到一杯香蕉朱古力，可以落1.5-2條香蕉😱，真係好足料🤤，飲落去係非常濃真香蕉味同朱古力味，真係大愛！！！💋彤樂評分：10/102. 搗蛋雜莓茶(XL)（$29）茶味出色唔在講，加上雜莓非常開胃，加埋cream，唔會有酸嘅感覺，正！😁彤樂評分：8.5/103. 草莓鮮奶忌廉蓋茶(XL)（$25）草莓加上忌廉人，粉粉地，已經好靚，再加左紅茶，飲落真係fresh，只係略嫌草莓蓋左少少紅茶味。彤樂評分：8.5/104. 水晶茉莉綠茶(XL)$21真係超級超級超級濃茶香味，但又唔會澀，再加埋啫喱口感嘅水晶😳，假如你係鍾意飲茶一定要試試！😋彤樂評分：9.5/10

Menu只有珍珠奶茶，但其實可以叫珍珠奶綠的。細味茶底，比一般奶綠的茉茶味好似多咗股幽幽的清香。店主/員服務一流，熱心推介飲品，沖好仲好貼心叫我哋先試飲一啖，唔夠甜可以立即加畀我哋！祝你哋生意興隆

呢一個雪糕鮮茶可以揀要綠茶底定紅茶底，唔講唔知原來雪糕同茶嘢配搭都幾特別下個喎！小編仲好欣賞佢嘅創新添。首先綠茶嘅味道真係好香，有淡淡的花香味。小編見到佢哋真係攞個茶包出嚟足杯沖架！雪糕方面如果冇睇錯就應該係用咗維記嘅雲呢拿雪糕。小編就將嘢飲分開咗兩個唔同嘅飲法…✌️第一個飲法就係飲一啖綠茶先，然後再撩一啖雪糕出嚟食，有得飲又有得食雪糕。第二個飲法就係等雪糕溶咗之後同綠茶撈埋一齊飲，首先會飲到好香嘅雲呢拿味，跟住就會有一浸茶味滲出嚟👍另外今次小編仲加左水晶（其實本身係諗住加珍珠架，點知賣晒😞）佢哋嘅水晶應該係自家製，質感有少少似啫哩但係咬落就係爽口嘅，幾特別下。