Norway House (已結業)

上openrice見到旺角有呢間小食店，好奇心驅使下就同朋友黎試下🤣店員好細心咁介紹食物同用店，最令我驚訝既係😦食品真係黎自挪威🇳🇴所以有好多特色配料買！食物方面：黃金三文魚最令我安心既係，佢係全熟既三文魚，食完唔驚肚仔痛！味道有好足料既咸蛋黃，好夠油香。不過味道偏咸，賣埋特色飲品就更完美！芝士鱈魚丸面頭有好足料既芝士，店員好佛心！食落都幾開胃！煙三文魚多士呢個只賣$15，好抵食！配埋即烘既多士，口感一絕呀！以下係餐牌價錢作參考：

行行下旺角好肚餓，見到個易拉架 上面有好多三文魚好吸引 目光就忍唔住停左睇左一陣menu，店既主角係新鮮運黎既三文魚啦～有好多唔同整法既三文魚 迷你雪櫃仲有好多挪威既副產品 例如芝士/芝士醬/煙三文魚/飲野等等，價錢都好合理 今次拎太多野無買到，下次一定要試維京漢堡 $28所有野有都即叫即整，等左一陣就有啦食呢個包好熱辣辣 中間有芝士、生菜、醬同炸三文魚扒三文魚扒表面香脆 入面都算Juicy!配堆醬既感覺剛剛好三文魚本身味都好特出，醬汁令個味再提升一個層次煙三文魚多士 $15  (1塊)多士烘得香脆 煙三文魚好好味，下面係蛋沙律 無得輸金沙三文魚 $48全晚焦點，呢個真係必食睇下去就知用左好多咸蛋黃 完全無慳過好邪惡但熱辣辣 啖啖咸蛋黃真係好好味三文魚係炸得好香脆 無因為咸蛋黃既濕搞到林左係有驚喜 份量都唔少(食完咁多咸蛋黃仲漏漏地)食到三文魚係勁新鮮 推介！挪威魚蛋 (三文魚,鱈魚) $25有兩種味簡，分別係芝士同麻辣店員提過我地麻辣都算辣 不過係好香但我地都唔係太食得辣所以就簡左芝士深色少少既係三文魚 淺色D係鱈魚熟既三文魚口感比較結實，魚味比較重而鱈雪魚蛋就明顯有分別 比較軟身彈

本兔真的好喜歡吃三文魚，無論是生的還是熟的，各類形式也好，只要是三文魚都很喜歡吃。最近得知旺角新開了一間小食店，主打選用新鮮直送的挪威三文魚，加上他們在挪威有自家養殖場，立即激發起我必定要一試的決心。小店在新開業的階段，所以暫時選擇還不算多，僅僅祇有十款食品可供選擇。但絕對要必試他們招牌的三文魚和鱈魚魚蛋🐟🐟🐟$25有6粒，可選麻辣味和芝士味，魚蛋當中有70%是真正的魚肉，而並非坊間濫竽充數的麵粉魚蛋，必食必食。小店還有買其他挪威或三文魚產品，很有興趣試當中的芝士醬，可惜之後還要逛街，現在不能買冷藏製品，唯有下次回家前才買吧！！🧀🧀🧀麻辣挪威魚蛋（三文魚，鱈魚）由於是即點即製的關係，所以稍等一下才有真正的〈魚蛋〉吃，我選了麻辣口味喔急不及待要試三文魚口味，果然沒有令我失望！！一吃就知滿滿是三文魚肉而不是麵粉，三文魚味非常濃郁而不腥，本兔很喜歡鱈魚口味汁則口感較為幼滑，味道沒三文魚的濃郁但帶有鱈魚的油脂香，再輕輕點上麻辣汁更把整個味道給吊出來了。<芥末三文魚>三文魚腩整件無骨啖啖肉，外層烹調得非常鬆脆，內裏的肉質依然柔滑，滿滿嘅三文魚油油脂香，再配上惹味的芥末醬汁，真的令

今日同朋友係旺角做完gym,要吸收番d蛋白質!咁岩經過呢間用挪威三文魚做主打的小食店就決定入去試下！我地叫左四個小食！有芥未三文魚,金沙三文魚煙三文魚糖心蛋同挪威三文魚同鱈魚魚蛋!一黎就先試左個芥末三文魚,有4塊,每塊都有好多芥未汁加上個汁原來係師父自己調岀黎!食落去甜甜辣辣咁好開胃! 跟住就到金沙三文魚,雖然咸蛋黃醬會比人感覺好肥,不過偶然食兩塊都無事的,而且重點係真係好入味,所以聽日就算要跑步都係值得的。再黎係煙三文魚糖心蛋,兩種配搭係岀奇地夾,可以一試! 最後食左個香港好小有的三文魚同鱈魚蛋！配上麻辣汁更加將味道提升左！同職員傾過原來所有三文魚都係係挪威的三文魚場自己繁殖,所以質素同品質都唔洗擔心👍

今日試左兩個小食，一個係挪威三文魚漢堡，另一個係脆皮三文魚。兩款小食都係即叫即整，夠熱夠新鮮，不過要預多少少時間等陣製作。我首先試左個三文魚漢堡。本身預佢係迷你漢堡size，無諗過都比想像大，其實食一個都飽飽地，幾足。佢入面既三文魚扒由挪威過黎，都無冰鮮味無雪味，食落唔會腥，都算厚實好足料，加埋新鮮蔬菜蕃茄好match好fresh既。另外再試個脆皮三文魚，等既時間會長少少，因為係即炸既。呢個脆皮三文魚有麻辣，咸蛋黃，芥末，香檳橙，椒鹽，麻婆豆腐，同原味咁多醬汁選擇返自己喜歡既，我就試左芥末醬。建議返呢個小食要炸好就盡快食會最好食，一份有大約5件，而且每件既size 都唔細，好抵食。炸好出黎即食，外面夠脆裡而都好鬆軟d魚肉。不過可能食得太長時間，去到後面凍左少少個炸魚皮位會開始韌口難𡁻，所以炸物都係盡快食會最好。總括，食物質素都好好，好新鮮，份量足本，鋪頭雖然細得企位但好乾淨無放雜物。

朋友遲到，肚仔又又d餓，見價錢合理，就買了一份香檳橙脆皮三文魚和維京漢堡。我見店員係即叫即整，所以都等左10分鐘，係等待的時候，店員同我講店內的三文魚都係挪威直送運到港，而且在挪威有自己的養殖場。香檳橙脆皮三文魚三文魚扒厚實，大大件，三文魚魚味重，沒有冰鮮味，配上甜甜酸酸的醬汁，令到人更開胃，而且外皮輕輕炸過，食落又多重口感。維京漢堡漢堡內有蕃茄，生菜，三文魚扒，芝士，芝士是較咸的，配上三文魚扒，味道剛剛好。仲有其他小食，甚至係飯食。

前幾日行經旺角諗住掃下街買下D小食食下，見到呢間新開既小店好似幾特別，咁就行去睇下有咩食，小食價錢唔算貴，睇落都似高級小食，咁我就買左個維京漢堡食，因為佢專賣外賣就無位坐既，咁我就買完企左係門口諗住食埋先走啦，佢呢個漢堡唔係用普通包做外皮，係用類似飯焦咁包住舊三文魚扒，好有口感，醬料又夠，食完覺得好開胃，食完即刻再入去睇下仲有咩食，再叫多個燒汁三文魚炒飯，面頭有三文魚鬆，撈埋一齊個味道都好夾，下次再經過一定會再幫襯！小店值得推介維京漢堡燒汁三文魚炒飯