Nonsense

相約朋友去土瓜灣行街，佢係193既忠實粉絲話要約埋我去佢間餐廳打卡喎，飲左杯咖啡都唔多飽，於是去埋附近呢間Nonsense食晚飯🔸巴馬火腿蜜瓜芝士沙律朋友知我平時愛吃parma ham特登叫一個沙律比我，蜜瓜切粒配上番茄仔同沙律菜等新鮮食材，加埋芝士碎同巴馬火腿片，幾樣加埋一齊食好好食😋🔸避風塘日本小茄子茄子配蒜蓉呢個不敗組合相信唔洗我多講啦，呢度將佢做少少變奏版，將日本小茄子以半煎炸方式烹調，配上避風塘的炸蒜粒份外惹味🔸匈牙利伊比利亞黑毛豬鞍架 焦糖蘋果豬扒有1/5係肥膏邊，但千祈唔好因為怕肥而唔食，最重要係嗰陣油香味滲透出黎，配埋個自家製既焦糖蘋果絕對係誠意之作❤️🔸北海道松葉蟹甲羅盛。海鮮日式煲仔飯配白味噌湯w呢個係成餐飯既亮點，海鮮控必點既海鮮日式煲仔飯，唔係普通一兩款海鮮細細隻架，鋪滿哂成個煲面，中間有個甲羅燒，撈埋一齊送飯一流

之前見到呢間餐廳想食好耐，結果同老公結婚週年去食呢間，叫左兩個主菜同一個餐前小食，飽住走人仲要超抵食💯 💕雙重芝士蟹肉焗大啡菇🦀: 要讚呢個大啡菇，焗得剛剛好，質感非常飽滿，又好味又多汁💕香煎比目魚柳配龍蝦尾伴柚子檸檬汁: 龍蝦勁彈牙，比目魚柳啖啖肉唔會有骨，魚皮煎到好香脆，配埋柚子檸檬汁好開胃💕黑毛豬肋肉日式煲仔飯呢個好香噴噴，用左我最愛既煲仔飯去呈現呢個咁好味既豬肋肉真係不得了，肉質鮮嫩又多汁，豬既油脂滲透哂每一粒飯度，食多幾啖都唔怕❤️

🥢避風塘日本小茄子🍆 $68用左日本小茄子整, 同平時食得多啲既燒茄子好唔同, 滿滿芝麻加炸蒜有少少辣辣地, 小茄子咬落仲係Juicy, 唔會炸到好乾, 驚喜之作🥰😋: 🌟🌟🌟🌟🌟/5🥢青芥末炸魔鬼魚 $98魔鬼魚肉衝質比較實, 配上芥末醬我個人覺得比較普通😋: 🌟🌟🌟/5🥢黑毛豬肋肉日式煲仔飯 $188最初就係見到呢個煲仔飯心心眼, 另附上一碗汁可以加, 我地加左少少都覺夠味就無再多加(!) 估佢唔到都真係有飯焦, 呢個係煲仔飯既精粹😍 黑毛豬好軟淋再加上自己整穿既蛋黃好惹味😋: 🌟🌟🌟🌟🌟/5🥢 炸軟殼蟹芝士咖喱海鮮烤油餅 $248大隻軟殼蟹炸得香脆, 海鮮仲有蝦, 啲芝士係可以拉絲完全係打卡able🤣 不過本身只配2塊薄餅唔太夠分, 整體唔錯😋: 🌟🌟🌟🌟/5🍰玫瑰芋泥日出卷蛋 $58卷蛋太多味, 最終揀選出面比較少有既芋泥味, 香濃細滑既口感真係做得唔錯, 而且甜度適中, 唔怪得咁多人專程黎外賣卷蛋😆😋: 🌟🌟🌟🌟/5🍹Green Apple Cucumber Yogurt $58飲落都係比較fresh啲, 而且少見呢個組合, 都易飽肚, 建議細食既女人可以點其他類別😋: 🌟🌟

呢間土瓜灣主打人氣fusion菜嘅cafe☕️比起佢哋嘅主食 個人更加推介呢一度嘅甜品🍮開心果千層蛋糕🍰真係好出色！中間仲夾住一層厚厚嘅開心果夾心 面頭再鋪滿開心果碎碎 食落開心果味超級濃郁 口感仲好豐富💚

Long weekend前夕公司特別忙，忙到喘不過氣來，朋友知我呢排壓力大，話要帶我去屋企附近既Restaurant & Bar飲返杯cocktail relax下喎，揀左呢杯Nothing or Nonsense，有芒果同菠蘿汁做base，酸酸甜甜都幾開胃，酒精唔算太濃都幾易入口👍👍❗️黃金魷魚軟骨呢款小食脆卜卜送酒一流，即叫即炸既黃金軟骨金黃色，上到枱仲熱辣辣，點埋蛋黃醬就最perfect❤️❗️燒菠蘿慢煮雞胸沙律繼續多菜少肉既飲食習慣，揀左呢個慢煮雞胸沙律，含有大量既蛋白質，雞胸片嫩滑多汁，配埋酸酸甜甜既菠蘿又幾夾喎❗️蒜香煙肉薑蔥韓國蠔蠔肉大隻厚身夠肥美，一啖咬落去feel到蠔汁同海水湧入我口腔咁，用上薑和蔥調味唔會好腥，好好食👍❗️烤羊架配烤蔬菜烤羊架份量都幾多，性價比頗高，羊架煎到僅熟，唔會有羶味夠juicy👍

食物質素其實幾好，待應好有禮貌，價錢少貴，一個湯一個沙律，兩個主菜要8百多，不過唔係重點。重點係個環境真係太嘈太嘈了，仲嘈過大排檔，對面講嘢真係要抹大個喉嚨講嘢先聽到，唔明點解個環境可以咁嘈，係啲枱相隔距離太近，定係裝修間隔、用料產生回音我真係唔識分，總之感覺好嘈，啲燈光偏黃色，坐一陣已覺得有啲刺眼。坐得真係好唔舒服。

今日小編想同大家介紹呢間位於土瓜灣既cafe，餐廳主打fusion菜，食材同煮法crossover又幾特別Main Course:香煎比目魚柳配龍蝦尾伴柚子檸檬汁比目魚柳保持一貫水準非常肥美，魚皮煎到金黃色脆卜卜，肉質食起黎好嫩滑，龍蝦尾厚肉爽彈，配埋柚子檸檬汁酸酸地幾開胃😎😋明太子蝦忌廉扁意粉呢個意粉好多大蝦，望落都好賞心悅目，明太子忌廉汁調配得恰到好處，意粉都掛汁，超足料💯Side dishes:沙薑炸雞翼炸雞翼就聽得多，加埋沙薑味呢個又幾盞鬼喎，雞翼脆卜卜，熱辣辣之餘仲keep到入面好juicy❤️雙重芝士蟹肉焗大啡菇呢度將蟹肉放係大啡菇上面，加埋芝士放入焗爐一齊焗，大啡菇好多汁，夾埋一齊好好食😋蒜香煙肉薑蔥韓國蠔食蠔最怕食到唔新鮮又腥，呢度既薑蔥韓國蠔完全無呢個問題，咬落去好juicy，蠔肉厚身又肥美

今日特意相約友人到了一間主打Fusion菜的小店 - Nonsense享用一頓豐富的晚餐，chill住享受週末假期。烤魷魚串即燒既魷魚香噴噴，味道非常濃郁，夠哂惹味又唔太韌，滋味無窮-燒菠蘿慢煮雞胸沙律🥗平時食pizza我最鐘意就係食夏威夷pizza，自己係個菠蘿控所以成日會叫同菠蘿有關既食物，呢個燒菠蘿雞胸沙律就啱哂我，菠蘿片同雞胸梅花間竹咁擺，賣相啱哂打卡，菠蘿好甜又juicy，雞胸肉肉質嫩滑，配埋新鮮既沙律菜就夠開胃-明太子蝦忌廉扁意粉脆卜卜既明太子自帶鹹香，配埋大蝦勁惹味，蝦🦐都幾大隻，夠哂新鮮，食落爽口彈牙，意粉煮到Al dente既狀態，口感層次非常豐富。

今次二訪呢間fusion菜餐廳，之前食過一次lunch已經覺得好好食，今次帶埋男朋友夜晚過黎撐枱腳慶祝拍拖紀念日❤️🔥參峇辣蝦醬炒牛脷粒呢款係叫比中意食辣既男朋友，牛脷粒雖然厚切，但唔會煮到過熟而變得韌，配上馬來西亞既辣蝦醬，更加帶出牛肉既香味，唔食辣既我都覺得好好食🔥黑毛豬脆片、卡邦尼意粉男朋友辛苦返左成日工要食返啲澱粉質，叫左個大家都啱食既卡邦尼意粉，仲有一大塊黑毛豬脆片，可以插係意粉上面影相，之後整碎撈埋意粉一齊食，口感好豐富。意粉煮到剛剛好，配埋好creamy既忌廉汁，食完都唔會覺得漏👍👍👍🔥香煎比目魚柳配龍蝦尾伴柚子檸檬汁呢個係叫比自己食既🙈龍蝦尾啱哂我，啖啖肉，建議點埋柚子檸檬汁一齊食，會帶出海鮮既鮮味又唔會好膩🔥

疫情緩和，興趣班復課，上完堂係附近搵食，網上見到《Nonsense》嘅comment 唔錯，食物相望落吸引，落堂一於同同學仔試試係餐廳門外已經見到啲畫得靚靚嘅大menu板入去坐定定再睇清楚個menuMenu 選擇都幾豐富: snacks, main course, soup, salad, pasta, claypot rice, risotto, curry甜品有過10款選擇飲品有coffee & chocolate, tea & soft drinks, non-alcoholic selection, cocktails, wine, beer最後揀咗2個main，1個claypot rice同試咗杯non-alcoholic drink🔸燒澳洲和牛 • 封門柳Australia Wagyu Beef • Hanging Tender • BBQ今次完全試得出封門柳嘅特色，肉質有口感得嚟都淋，牛味非常濃郁不過，封門柳嘅重牛味未必人人喜愛，皆因佢係位於牛腹腔嘅橫膈膜嘅肌肉，附著少少內臟嘅味道，平時唔食內臟嘅我，試一塊就夠喇同學仔平時都會食內臟，覺得封門柳非常有特色，佢食哂成碟津津樂

同朋友行完九龍城歎咖啡，慢慢行落去土瓜灣參觀朋友新屋，上去之前係附近食個輕盈啲既early dinner先，我地兩個女仔唔敢食太多，叫左兩款沙律加一個主食share算巴馬火腿蜜瓜芝士沙律🥗沙律正常發揮，巴馬火腿唔會鹹，沙律醬酸酸甜甜幾好食，加埋芝士碎口感更豐富❤️🔥燒菠蘿慢煮雞胸沙律菠蘿片同雞胸肉都係厚切，擺盤好似一把扇咁好靚，配埋新鮮沙律菜感覺好清新北海道松葉蟹甲羅盛。海鮮日式煲仔飯配白味噌湯全晚既重頭戲黎啦，係openrice見到好多人推介呢個，咁啱我同朋友都係海鮮控，叫呢個實無錯啦，用左大蝦、青口、帶子同魷魚等海鮮圍住主角: 松葉蟹甲羅燒，北海道松葉蟹肉質鮮甜，蟹膏味香濃，加埋滿滿既蟹籽撈埋一齊食，好滿足😋😋😋

之前都bookmark左一段時間，終於有機會來trytry位於土瓜灣嘅Nonsense兩個人叫咗兩個main加個甜品，lunch會包埋杯飲品嘅～黑毛豬肋肉日式煲仔飯一來到店員都好細心叫我哋襯熱撈咗先，我哋都拿拿林撈起佢，試左個味先。佢個飯底仲有啲飯焦係度，佢有個汁跟埋的，但佢都好夠味，我哋都係分開試小小，都覺得唔洗再加汁。軟殼蟹鹹蛋意粉呢個就有啲驚喜，估唔到佢係成隻軟殼蟹咁上，炸得好脆好鬆化，唔錯！玫瑰芋泥日式卷蛋好多芋泥！玫瑰味剛剛好，呢個配搭幾特別Overall都值得推介！三樣食物都好味

早已聽聞這間cafe非常受歡迎，經常都擠滿客人，我們特意挑選星期一晚上前來，果然比較少人，等大約10分鐘便可入座。巴馬火腿蜜瓜芝士沙律Parma Ham同蜜瓜呢個組合無得輸，蜜瓜好甜又多汁，配上鹹度適中既巴馬火腿，底層仲有新鮮爽口既沙律菜同芝士粒，呢個前菜我好滿意💯北海道松葉蟹膏意大利飯意大利飯份量都幾大碟，軟硬適中，加上濃郁既蟹膏，仲有啖啖蟹肉同脆卜卜既蟹籽，蟹控表示大滿足😋芥末炸魔鬼魚平時炸魚薯條就食得多，炸魔鬼魚都係第一次食，口感都幾特別，即叫即炸熱辣辣，配埋芥末醬好惹味烤魷魚串🦑食到最尾唔太夠喉，叫多個主食又太多，我地都係揀左個串燒過下口癮，點知呢個又幾驚喜喎，火侯控制得剛剛好，魷魚仲keep到彈牙既口感，正！

作為一個為食既foodie，土瓜灣呢個小區隱藏左好多高質cafe，是晚光顧網評不俗的Nonsense，主打fusion菜，店內非常整潔，座位夠闊落，空間感十足。燒菠蘿慢煮雞胸沙律呢個慢煮雞胸沙律係比減脂增肌朋友多個選擇，慢煮雞胸肉質嫩滑，配埋新鮮沙律菜夠哂健康🔥芥末炸魔鬼魚炸魔鬼魚塊都幾大件，又厚肉，外脆內軟既口感，沾上芥末醬提升左魚塊既鮮味❤️參峇辣蝦醬炒牛脷粒呢個係店員推介我地試下既牛脷粒，平時牛脷通常配番茄🍅一齊煮，呢度加埋辣蝦醬又幾有亞洲特色喎，估唔到兩樣食材炒埋一齊又幾夾喎沙薑炸雞翼酥脆肉嫩的雞翼，炸得均勻唔油膩厚粉，甜脆中帶點沙薑味，新奇有趣。香煎比目魚柳配龍蝦尾伴柚子檸檬汁龍蝦尾係my all time favourite，龍蝦肉爽口彈牙，鮮味十足，比目魚柳煎到好香，肉質多汁嫩滑仲要無骨，超正🥰

📌 Nonsense📍 土瓜灣北帝街143-155號順輝大廈地下4號舖☎️ 28063800∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴ ୨୧ ∴∵∴老友住土瓜灣，約咗上佢屋企玩。佢推介去附近一間餐廳食晚飯。話自己食過幾次，幾好味氣氛幾好。佢好少勁讚一間餐廳，就去睇下乜料啦！💫黃金炸雞翼（$68）因為嗌咗酒，叫咗幾樣佐酒小食。雞翼上枱果陣已聞到陣陣咸蛋香。表面沾滿咸蛋黃，有咸香不過唔會話死咸。入口咬感好脆又香口。💫烤魷魚串（$68）原本想嗌黃金魷魚軟骨，店員好好咁提議話唔好兩樣黃金小食，試下新出嘅烤魷魚串喎。呢個真係超級推介，彈牙有咬口，分量好多，一共四串，每串有5隻魷魚仔，蘸埋個酸辣醬，加強魷魚嘅鮮。💫雙重芝士蟹肉大啡菇 （$63）大啡菇肉厚多汁，菇裡面釀入蟹肉及芝士，口感豐富，菇汁仲流落下層嘅薯蓉度令到薯蓉味唔會好寡。薯蓉質感唔係滑滑雪糕口感，而係有啲粒粒狀，我係極buy 嘅，因為食得出佢無落好多牛油去打滑嘅果種肥膩感！💫蒜香煙肉薑蔥韓國蠔（$98）蠔身脹卜卜非常飽滿，入口一啲都唔腥。輕輕酥炸過好香口。加上煙肉同薑蔥等調味，口感惹味！💫黑毛豬肋肉日式煲仔