No Money So Lonely

营业中

休息中

價錢唔平 員工態度差到嘔啲嘢幾好食都好呀 幾平都好唔好嘅員工態度 咩都係假只會去一次 唔會再嚟啲員工要好大聲呼叫先會有反應唔係擔天望地 就係玩手機同埋背住啲客人 根本其他客人舉手係完全唔會有人理你同埋啲人同你嘅眼神交流係零完全唔會望住你亦都唔會覆單 聽完就算然後會漏單唔知雇主係咪遲咗出糧定係啲員工唔憂做個個都好似博炒咁嘅樣 西口西面野食一般啦 但絕對係overpriced個軟殼蟹黃咖喱啲汁少到呢大部份法包都係只可以掂到少少醬汁

早到的好處，可以坐靚靚卡位，未食先打卡！睇睇餐牌，餐巾同餐具，有好多令人會心微笑嘅菜式名，好搞笑！👉🏻夏威兒果粒茶 $48真係好足料，有洛神花，葡萄，菠蘿，玫瑰果，木瓜，柑橘柑，芒果，味道酸酸的，好開胃，而且飲完一壺可以再加熱水，第二轉就係淡淡的果香，好味！👉🏻黃咖喱軟殼蟹比薩 $148一岀場，香味濃郁，大大個軟殼蟹，外脆內軟，入口又唔會食到成口油，超好！再加上有黃咖喱薯蓉，口感再提升，每塊都分到大大份牛油果，紫洋蔥同車厘茄，超讚！👉🏻無朱古力味的朱古力燒牛扒沙律 $148因為只係瀋左一d朱古力粉，所以確實係無朱古力味，但牛扒就好有牛味，7成熟，好粉嫩，食得又睇得！沙律菜亦好新鮮，大大盤，兩個人分啱啱好！真心推薦，下次會再黎食！

《No Money So Lonely 》多國獨創Fusion菜：店內每個角落都充滿玩味+有搶眼打卡位。特色多國玩味佈置未開餐先興奮！餐廳主要分為3️⃣大區域： 名畫配壁燈的優雅卡廂座； 玩味燈箱配搭搶眼植物；置身星河的VIP房，讓人有置身繽紛世界的錯覺。環境裝潢滿分💯！🦀啖啖蟹肉擔擔飯Topping有好多蟹籽點綴麻麻哋好惹味 有豐富嘅蘑菇食到停唔到口🐙大阪章魚燒意大利粉朋友叫嘅 開頭覺得好奇怪有少少伏 冇諗到原來都幾好味喎！一上碟木魚飄下飄下 好動感😂食落去有章魚燒調味醬 紫菜 同沙律醬意粉就代替平時既一粒粒小丸子仲有啲五花腩 好正啊！🥑牛油果軟殼蟹pizza 皮薄香脆 成塊Pizza都有好多芝士拉絲軟殼蟹點整都係好食嘅 今次係用咖喱味😉整體感覺好夾📌No Money So Lonely旺角彌敦道700號T.O.P This is Our Place 4樓406-408號舖

呢間餐廳裝修唔錯，幾特別，啲菜色名都好特別，幾有創意，叫左兩樣都冇，而且服務員態度很差，好似阻礙佢地做野咁，下次唔會再黎lu，而且野食唔熱，叫嘅豬油飯冇豬油香；芒果椰奶嘅芒果都好酸

晚上黎過2次都食唔到，第2次18:15 walk-in終於食到!!📍啖啖蟹肉擔擔飯真係每啖都有蟹肉絲，唔洗自己剝殼加哂分。食開擔擔麵，第一次食擔擔飯，花生味濃到爆💥📍貧窮是寂寞拼盤幾款炸物都炸得恰好，唔好過硬又唔會好淋，正常發揮，記得點醬呀🥫📍朱古力麻糬窩夫呢個爆哂朱古力漿，夾埋窩夫同粒粒麻糬perfect match，友人唔太好甜食都比佢征服左你就知掂啦🤤🤤🤤建議大家18:30前要黎攞位，否則提前預約就最穩陣😄

今日去旺角TOP既時候見到呢間餐廳，個風格同裝修都幾得意就坐底試下野食既款都幾多而且都幾特別，唔係一般食到既款，我點左既係煙三文魚海鮮醬意大利麵，而友人食既就係蘋果咖哩飯配香煎鴨肝煙三文魚海鮮醬意大利麵個三文文成個花咁超有feel，除左有海鮮醬之餘仲真係有海鮮的，都幾juicy味道都唔差，每一條都有汁掛住，所以一點也不會覺得dry蘋果咖哩飯配香煎鴨肝個配搭比較新奇，係炒飯上面有一大片既鳳肝，食落咖哩味唔算重，加埋蘋果個口感同味道都有一點不同，帶一點甜甜的味道，想不到也不錯！！

No Money So Lonely📍旺角第二次食呢間玩味十足嘅fusion餐廳🤣 屋企人都話唔錯😎💚青咖哩石斑魚比薩 $128青咖哩味幾濃 每塊pizza 都有一塊石斑魚😆 餅底好薄 而且脆身 加埋芝士好惹味🥰 估唔到青咖哩都可以夾到😆🤍青檸凍的蜆 $88見到好多人話好食就試下🤣 好似係第一次食凍蜆 估唔到凍蜆都唔錯🤣 蜆肉冇沙 都幾大粒 而且一碟份量都好多😎 味道方面蜆肉有香茅同泰式辣汁嘅味 味道好夾好開胃😆🍝蒜片鹹魚茄子鮑魚炒意大利麵 ＄138呢個炒意粉有驚喜😍😍 有兩隻鮑魚 咬落都算爽口彈牙😗 鹹魚加埋茄子好惹味😆 有啲似食緊魚香茄子嘅感覺🤣

I am so lonely🥺 come lunch with me👻...旺角T.O.P. 內一間型格、潮味、有趣既fusion 餐廳🍽，同樣充滿玩味。餐廳分為3個portions. 主題都有點點不同，充滿泰式風情渡假既感覺，而唯一不變就是同樣好IG able 📸。菜式方面，菜式共冶一爐🍽，多元選擇岩晒揀擇既朋友👻。No Money So Lonely❓ 來吃個玩味fusion菜，或許鬼馬菜式名稱，能讓你放下心情逗你能會心微笑一下吧。ll $140配 紫菜芝麻飯做人最緊要有選擇！一客Select what you like 自由配搭既餐牌就最有性格👻。今次揀選左：荷包蛋 Over egg、泰芒果蝦蝦沙律、泰式肉碎、啖啖蟹餅、泡菜豚肉，fusion 口味岩晒為食愛試既我💕。ll $108Green & Red Pepper Pasta w- Beef另一款肥牛炒意真的很惹味，帶點辣味🌶 既肥牛脂香滲進每條麵條。套餐仲可以Add-on ll $28Deep Fried Squid🦑，份量雖少但魷魚滿有鮮味有彈食，過過口癮既香口小食確不錯吃。☕️Americcano 美式咖啡☕️Honey R

今日去左旺角既一間搞鬼餐廳叫No Money So Lonely食野，個名係押韻既。身爲Mamaday系列既餐廳，當然處處都係打卡點，影食物相打卡幾好。No Money So Lonely主打西餐+東南亞fusion菜式，餐牌好似轉左新，靚仔好多，有聖誕下午茶餐，下午茶餐牌，前菜，湯，沙律，比薩，意粉飯，分享主菜，甜品同飲品。今晚決定試試特別又未試過既菜式。荷蘭汁正呀紐西蘭羊架配乳酪醬，芒果粒，梛菜花沙律 $258 另加一揀左呢款全場最貴嘅主菜，之前唔覺有，今次就試吓先。羊架六支骨，外面圍滿香草，一切開見到超粉紅羊肉，食落好稔又唔羶，就咁食有啲乾，沾另上嘅酸酸哋嘅乳酪醬一齊食就唔乾，外皮粒粒香草好有口感。伴碟嘅沙律有碎梛菜花同西蘭花，加左3粒藍莓同紅桑子點綴，好健康同清新。另外芒果粒就比較酸，上面加左少少類似芝士醬。整體而言，個羊架係唔錯，唔怪得賣呢個價錢。今次坐左喺私隱度高啲嘅木材卡座，都幾有特色。而家轉哂聖誕裝飾，好有節日氣氛。

星期日下午2:30想食嘢，見佢裝修幾特別，啲食物個樣睇落好似幾得，最緊要係冇乜人，只係得幾台客，唔使排隊咪去下囉。去攞位嘅時候已經覺得啲侍應發緊夢。有兩個侍應一男一女企喺門口，但用個背脊對住啲等位嘅客,其實唔知佢哋兩個喺度做緊乜嘢。不過唔緊要，叫一叫佢哋，佢都會安排座位。坐低，睇餐牌，過咗我諗大概五至10分鐘，都冇侍應想過嚟落order。感覺佢哋都比較chill. 唔緊要，我主動啲，大動作啲，大聲啲講句”唔該落單!” 見到有個冬陰功大蝦Pizza感覺幾特別，就想試吓，個女侍應話supplier返唔到貨，冇貨做唔到。唔緊要，叫個肉碎豬頸肉pizza，雖然最想食嗰樣嘢已經冇咗。再叫咗個淡淡蟹肉擔擔飯。佢哋啲奶昔嘅配搭都幾大膽，好奇好想試吓。叫咗個番薯話梅奶昔同埋抹茶奶昔。然後想叫多個炸地瓜條。侍應姐姐又話冇貨，冇得食炸地瓜條。講真，番薯係咪真係咁難買？咁都冇？係冇定係廚師唔想煮？唔緊要啦，落住單先。過咗大概幾分鐘，侍應又返嚟，佢話冇貨，奶昔冇得賣。真係好多個黑人問號系個心入面。其實啲食材係咪真係咁特別呢？咁都冇？簡簡單單喺餐牌度叫咗幾樣嘢食，有四樣都冇。不如你哋整一整個餐牌，淨係寫一啲你哋

昨晚老婆說要帶我到一間已經布置了聖誕🎄氣氛濃厚的餐廳下，享受了第一頓預祝聖誕節🤶的一餐！果然吸引，因為環境好舒服敢裝飾吸引外，食物都特別。冬蔭公大蝦比薩第一啖已有淡淡冬陰功味，又和各種鮮蝦配料十分融合又美味，加上餅底很脆薄不會滯，食多數塊都可以！芝士菠菜意粉素食一樣滋味十足，菠菜味使每條意粉都有refresh 的感覺！最後記得配以特飲啊，我這杯木瓜蜂蜜奶昔和苦瓜蜂蜜奶昔特飲都是新鮮蔬果鮮搾，太滿足了！No Money So Lonely @nomoneysolonely 地點：旺角彌敦道700號T.O.P This is Our Place 4樓406-408號舖

No Money So Lonely💸-🍴 冬陰公大蝦比蕯 $136值得一試❗️酸酸辣辣勁開胃🥰而且每塊都有一大舊大蝦😋好爽甜…記住要襯熱食先有拉cheese效果😛-Lunch Set (明太子烏冬 + 3款小食) $108Lunch menu可以自由選擇多款小食🤪對於有選擇困難既小編真係好難揀😂🍲明太子烏冬 - 明太子淡淡地,唔會好似平時個d咁咸🦀啖啖蟹餅 - 冇改錯名😂真係啖啖蟹肉,而家好入味🐔滋味炸雞 - 炸粉唔厚,juicy🦀咖哩軟殻蟹 - Must Try Item‼️原隻軟殼蟹炸到好脆☺️重點係個青咖哩汁好重椰香味🤤-原味炸薯條 (跟餐+ $18)份量超多😂依間d炸物係新鮮炸😛好出色👍🏾-牛油果蜂蜜芫茜沙冰🥑🐝因為最近芫茜實左太hit😂所以見到咁特別涃試下😂味道唔係想像咁差🤭但茜味真係好出🤣-餐廳得分: ⭐⭐⭐⭐⭐️

第二次去so money so lonely，最欣賞呢到環境裝修得好靚，好多人打卡。 五款組合 $140有自選套餐，選擇都好多，有冷盤有熱食，揀左有虎蝦中東米、太陽蛋、泰芒果蝦蝦沙律、啖啖蟹餅、泰式肉碎，份量非常多，蟹餅有一梳梳既蟹肉，芒果沙律酸甜開胃。漢堡扒手打漢堡扒的漢堡包 $98材料豐富有生菜、蕃茄、芝士，手打漢堡，蜜糖洋蔥，牛味濃郁有咬口，加上千島醬非常夾，薯條份量亦好多，香脆熱辣辣，跟餐既餐湯同沙律都好好食。

呢間餐廳打卡一流，安排咗嗰令令卡位，重佈滿聖誕裝飾，搞到我少女心爆發，影唔停。😛餐廳係屬於fusion菜，食物款式同味道都幾特別，值得一試，叫埋朋友黎重可以叫多幾款share食。☺️青咖喱石斑魚pizza🐟🍕真係好特別，係其他餐廳未食過！每塊pizza都好足料，有厚厚嘅石斑魚塊。而且青咖喱味香濃，少少辣，重有啖啖芝士，幾好食。啖啖蟹肉擔擔飯🦀🍚一上枱就聞到好香嘅花生味，重要有好多蟹肉同蟹籽係面，撈均食果然啖啖蟹肉。👍🏻番薯紫薯話梅奶昔🍠呢個十分之推介，紫薯味好濃郁，飲落啖啖紫薯蓉，唔會太甜，而且可以免費加奶蓋，好好飲。😋

《型格搞鬼fusion菜🇹🇭》———————————————-#NoMoneySoLonely 💛-早排經過T.O.P，見到呢間舖頭嘅裝修好潮，熟口熟面，上網search吓先知道原來佢係Mamaday 姐妹新店，就入去撐吓💪🏻-NMSL同樣充滿玩味，超多搶眼打卡位，色彩繽紛，仲有好多盞鬼啜核嘅金句，例如錢唔係萬能、但冇咗錢就萬萬不能等等，設計感十足😍 未食之前已經可以不斷影相，滿足少女們嘅心💕-餐廳提供午市套餐，配料可以自選，款式多樣，可以自由配搭，我哋揀咗明太子手撕雞、咖喱軟殼蟹同豬軟骨，三款嘅質素都好唔錯💖 主食方面，明太子冷烏冬夠晒清爽彈牙，冷拌方式夠晒開胃😋-💛 日本雲丹醬油海鮮黃金炒飯雲丹醬汁帶有微微海膽鮮香，拎嚟炒飯一流🤤 十分足料。飯上佈滿蟹肉、八爪魚粒同蜆肉，炒得非常惹味～-🐣 避風塘炸單骨雞翼避風塘口味相當特別，而且整得好出色，嫩滑唔會乾，炸到外皮脆卜卜❤️-⭐ 參考價錢︰午市自選三款套餐： $108日本雲丹醬油海鮮黃金炒飯： $128避風塘炸單骨雞翼四隻： $38💰 人均消費：$150🍌 抵deal 指數：8/10