No Money So Lonely

营业中

休息中

一共叫咗幾個餸，整體來講啲飯幾好嚟嘅，蟹肉都好足料佢有啲好特別嘅花生醬味，而且亦都見到成個面都鋪滿蟹肉，來個大滿足另外叫咗個三文魚意粉，呢個就正常發揮，冇乜特別，但係好味嘅甜品先係重頭戲，基本上呢個窩夫雖然有啲貴，但係係好味嘅！面對面唔鍾意食甜嘢嗰個男人都話好味，但佢淨係食個甜品其實都已經夠飽最後食埋個芝士蛋糕超級飽整體來講食物都算有特色，啲餐具，環境，裝修都唔錯嘅本身都已經係屋企附近，再返嚟食嘅機率都高

終於可以嚟到朝聖🤩呢間cafe 玩味十足室內擺設好有特色，每一個位都喺打卡位📸地點超方便～同朋友嚟傾吓計relax吓嘅好地方🍗泰式燒春雞（半隻） $122燒春雞肉質嫩滑都幾大隻，兩個人食半隻剛剛好，配上秘製辣醬汁，香茅油飯感覺不算太油膩🍝羅望子虎蝦意粉 $126虎蝦大大隻肉質都幾鮮甜🍤意粉喺扁意粉質感彈牙，味道酸酸甜甜帶點微辣～🍰是日自家製手工蛋糕 $42🌰焙茶栗子蛋糕，焙茶同埋栗子味道兩者好夾好突出，忌廉好幼滑，甜到剛剛好唔會太甜～蛋糕size好大塊好開心🥰作為飯後甜品真係好滿足～☕️Latte一凍一熱熱嘅有拉花～凍嘅都有分層～

慕名和家人來試，結論是失望。3個菜式，係個星鰻飯比較好少少，星鰻個汁好似小時候既一款日本零食「蒲燒さん太郎」，飯好多荽芫，味濃而不鹹，唯一覺得係比較油。香茅雞翼個面燶到以為係非洲雞翼，入面未至於柴，但係唔Juicy，失去左食雞翼一咬落去爆汁既樂趣，完全食唔到香茅味。原本最期待個八爪魚沙律，來到最失望，八爪魚係霉既，要用力先切得開。沙律係普通沙律，無乜特別。雖然裝修好有心機，係打卡好去處，但係食嘢就應該無下次了。

📍No Money So Lonely想黎呢間玩味十足既餐廳好耐了，唔單止係裝修，連佈置、餐牌、餐具等都充滿趣味感，每個角落甚至每一枱都可以作為一個打卡位🤩而且食物都有水準，唔係只供打卡用既餐廳😜🥗1️⃣好想搣你個面珠墩一聽個面就知同面珠有關，不過唔係你同我既面珠，而係​牛味夠晒濃同埋軟淋淋既牛面珠! 除左牛面珠之外，仲有拌章魚同沙律菜架! 醬汁酸酸甜甜，有泰國風味，真係食唔停口😜而且牛面珠份量好多，唔係得三四塊🤩🍚2️⃣好鬼惹味豬頸肉胡椒飯呢個炒飯味道偏甜少少，豬頸肉切成一粒粒加埋飯一齊炒，每一粒飯同豬頸肉都食到調味既香味，果然好似佢個名咁，好鬼惹味!🤣🤣🍹3️⃣士多啤梨玄米奶昔首先賣相好得🈵飲落好清新，士多啤梨味夠香，但又唔會太甜👍🏻面頭係好似玄米奶蓋，仲食到啲一粒粒既米狀🤌🏻本人好怕啲太甜既飲品，呢杯味道剛剛好，食完辣野飲啖就perfect池啦😛🧇4️⃣如我沒有窩夫我會很寂寞 - 朱古力芝士奶蓋奧利奧碎麻糬鐘意食Oreo既我一見到個名已經決定要叫呢款😍窩夫外脆內有麻糬，所以夠煙韌! 朱古力芝士奶蓋再加埋滿滿既Oreo碎加埋雲呢嗱雪糕同窩夫一齊食，真係好滿足! 而且窩夫係即叫即整，所以夾埋一齊食有

臨時約左朋友出去食飯，冇做功課唔知食咩好，行行下去左TOP商見到有間熟口熟面既餐廳，想食下意粉就諗住試下，不過第一下個感受就差左啲，果時都唔算好晏，想walkin入去食，店員叫我地掃code拎飛，但後尾補左句，如果9點都冇叫你就冇得入，心諗，咁我即係等定唔等，我就唔介意等，但我介意等完冇得食，我想講你一係唔好叫人拎飛，一係叫人地拎飛就確保人地有得入，咁既服務真係麻麻地….講番食物，叫左3個主食，平時一人一個主食都好夠包，今次食完3個主食都仲係餓，味道正常不過不失咁啦。另外既意見係，menu設計係好有新意，不過啲字係咁重重複複咁，真係集中困難既人好難睇…

呢間鋪喺旺角TOP商場入面，長期都勁多人食，所以都建議大家一定要打電話！！！提早幾日！！！book位。一入到間鋪，果然係Mamaday姊姊店，一樣都係行搞鬼風格，好打卡able!大阪章魚燒意大利粉就咁睇個名以為係會有章魚燒加意粉咁，點知原來係有章魚燒味嘅意大利粉，呢個菜式好有趣。同章魚燒一樣，意大利粉表面都放咗好多紫菜粉、木耳碎同沙律醬，而每一條意粉又充滿燒汁嘅味道，再加埋啲海鮮做配料，真係同食章魚燒一樣味。煙三文魚海鮮醬意大利粉開頭睇到海鮮醬呢三個字以為係唔辣，點知食落去又辣辣地，幾有泰國菜嘅味道，呢個泰國風味嘅意大利粉幾岩我口味，令到人想keep住食。放喺面嘅煙三文魚都正正常常，又唔會話特別難食，擺到成朵花咁，幾有心思。

每次經過都好想試下既一間餐廳✨從裝修同餐牌都好有style滿滿的打卡位🙊但MK實在有太多好野食 同埋都多人排隊～有日係附近竟然唔洗排隊就食到 開心(´▽｀)食物有驚喜特別得黎又幾好味 擺得又靚🤍放假去依間餐廳食野幾chill又有滿足感～好岩同三四個朋友gathering咁就可以試多幾款野食！！！我會再encore的 真心推介🫶🏻📍人人都嗌嘅啖啖蟹肉🦀擔擔飯 HKD138招牌菜一上碟好香花生味🥜 兩個人share剛剛好蟹肉🦀同蟹子都幾多 而且蟹肉都新鮮喎甜甜地～飯量🍚黎講就唔多啦 男仔食未必夠食但花生碎同花生醬撈埋一齊食 出奇地好食🤤中意佢依道菜既新穎✨其他地方食唔到既味道～📍估唔到咩味牛油果蘆筍炒意大利麵🍝 HKD118如果有餐廳有青醬意粉通常我都會嗌特別鍾情食青醬 仲要唔係咁多地方會有煮咖～意粉炒得好香又入味 一路食都會夾到好多配料好足料✨有好多蘆筍同蕃茄仔🍅又辣辣地 有啲似泰式青咖哩味～仲有一朵靚靚牛油果🥑花花 撈埋一齊食好味😋份量望落唔大但夠飽～📍貧窮是寂寞拼盤半份🍤🍢 HKD78可以自選三款炸物 就揀左天婦羅蝦🍤 炸魷魚🦑 腐皮扎肉🫔新鮮炸起熱到仲係盪口既溫度一定好食咖啦🤣食材

真心推介呢間店，位於旺角地鐵站B3一出（遮都唔使帶）就係呢個T.O.P商場，喺4樓（如果電梯上到4樓就喺電梯後方）。呢間舖裝潢好有心思，其實可以好多打卡位，叫埋幾個friend隨時可以留半日。就連餐具都有好搞笑gimmick，好正！食物方面真係屬於高質。墨魚汁卡邦尼意粉配香煎帶子個墨魚汁係我食過最濃最有味嘅汁，然後配新鮮嘅帶子真係好王子公主嘅配合。個帶子煎得啱啱好，煎完重有好多水份。我自己好怕食好咸味嘅嘢，但呢碟意粉就取得好好平衡！Good job！冬蔭公大蝦薄餅抱住乜都試吓心態，點知結果係我會下次再食多次。真係沒諗過薄餅可以有冬蔭公味！而且冬蔭公陣味唔會太dominant，意大利薄pizza但就輕輕地食到泰國味道！講真，真係令泰國旅行回憶出晒嚟（加上餐廳黃+藍色嘅主色）。唔使講，啲好新鮮嘅大蝦都有份。整間餐廳我覺得值9.5分！😊👍🏻

✨餐廳嘅裝修及擺設玩味十足劃分咗幾個唔同裝飾嘅區域, 非常有特色💫📝Menu內菜色嘅名稱好盞鬼超有喜感😆🍽️午餐時段由12：00-15：00套餐款式選擇多, 而且價錢合理$98-128🥣是日餐湯🥕甘筍忌廉湯甘筍味濃, 飲落口感綿滑🥗田園沙律沙律菜新鮮有爽口感,配黑醋醬汁,非常醒胃😋🍝羅望子虎蝦意粉 $126🦐上枱賣相吸引,兩隻虎蝦勁大隻,微辣嘅醬汁配煙韌度適中嘅意粉, 咬口感豐富😍🥥椰香咖哩雞比薩 $112🍕薄脆餅底上鋪滿黃咖哩汁薯蓉, 雞髀肉,洋蔥,辣椒,菠菜葉,椰絲,芝士....餡料十足, 微辣味道, 非常惹味😋白癡戀人 $52Creamy latte, 朱古力忌廉泡沫上鋪滿碎棉花糖, 啡味濃沃,入口順滑💕🐝蜂蜜紅茶☕潤喉之選

No Money So Lonely 位於旺角top世界4樓嘅玩味餐廳，餐廳裝修Menu設計都好有心思~啲菜名改到好盞鬼！菜式大玩fusion，西餐mix泰式，好有創意✨好適合一班朋友聚餐(*¯︶¯*)☁️貧窮是寂寞拼盤 (full) $148拼盤有得揀half(3種食物)或者full(6種食物)，我哋揀咗full。有薯條、腐皮扎肉、秋葵蝦、天婦羅蝦、炸魷魚、炸飯波。份量都算多，每款有三四件，而且炸得好香口，唔會厚炸粉。個人最鍾意炸飯波同秋葵蝦，推薦🤍！☁️冬陰功大蝦Pizza $138薄批~但冬陰功味唔係咁出，如果再惹味啲會更好，少失望。個底係冬陰功薯蓉，有六隻蝦、少量車厘茄、芝士、蘑菇、紫洋蔥。有層好厚嘅芝士，趁熱食芝士會拉絲(˶‾᷄ ⁻̫ ‾᷅˵)！！☁️泰式肉碎豬頸肉pizza $128推薦！好食😋味道濃郁~配秘製泰式辣肉醬。薄批，有少少辣(´･_･`)有五至六條惹味豬頸肉，少量青椒、車厘茄、紫洋蔥、芝士。同朋友一致認為呢個好食過冬陰功大蝦pizza🍤☁️蜜味酸辣豬肋骨(full) $238慢煮六個鐘嘅豬肋骨，個賣相打卡able。而且好好食✨煮得啱啱好，啲肉輕輕一撕就可以同骨完全分離(˶‾᷄

本身只係打算去旺角Top商場睇月亮頭，行行竟然發現到Lee間好玩味有趣既fusion 菜餐廳😉入面裝修好特別，好多唔同風格既飾品同擺設都會有，但就覺得好和諧✨大家去左就會明白我點解咁講gala😉◽冬陰功大蝦比薩🍕🦐$138非常之香， 每一啖都會食到濃濃嘅冬陰功味， 薯蓉好滑， 加埋蕃茄仔就會有啲酸甜嘅感覺，令到個pizza食落唔會膩👍 不過可惜嘅係佢有少少淋唔夠脆😗◽ 泰式烤魚 🐟🍃$198好驚喜， 入面有兩塊好厚肉嘅魚，好滑， 佢係用班蘭葉，香蕉葉同埋檸檬葉包住嚟燒， 食落啲魚呢會有啲香葉嘅味道， 連埋奶香嘅泰式醬汁一齊食，一流👍◽ 人人都嗌嘅啖啖蟹肉擔擔飯 $138叫得呢個名咁一定要嗌下啦 ， 一送到嚟嘅時候就聞到超級香嘅花生味， 完全係擔擔麵嘅醬， 蟹肉都好多，好食👍😋◽ 芒果糯米蛋糕 $78外層係甜甜酸酸嘅芒果mousse cake， 入面就係好香椰奶味嘅糯米， 好特別👍😋◽ 如我沒有窩夫我會很寂寞$118叫咗朱古力芝士奶蓋oreo碎麻薯味，嗯～其實就普通，一般，整得唔係好脆，但就幾有咬口😗

⊶ 香茅雞翼（咸蛋黃味）$68+ Thai Coffee $38👍🏻係單骨雞翼 一放上枱仲熱辣辣 香脆可口 超級濃咸蛋黃味 泰式咖啡完全唔會太甜 我你仲好有一陣泰風味 個人覺得配雞翼幾好飲⊶黃咖喱軟殼蟹Pizza $148真係一大隻軟殼蟹 完全足料 簿脆Pizza配上黃咖喱蓉 大量芝士 真係別有一番風味 第一次試咁既配搭 不錯吃🤪⊶墨汁卡邦尼配香燒帶子 $138👍🏻值得讚 本身都怕無咩味 但都係想一試 點知食第一嗒已經想想再食蒜香加調味香草係墨汁啱啱好 帶子都大粒鮮美#香港美食 #旺角美食#justleave旺角#justleave泰國菜 #justleave香港#hkfood #hk#hkig #fusionfood #泰國菜

Mamaday姊妹店, 呢度既裝修秉承Mamaday既搞鬼復古風格, 每一個角落都係打卡位😎 香茅雞翼(避風塘)🐔($68)有三隻味可以選擇, 今次揀左唔會太辣既避風糖口味, 單骨雞翼炸到幾酥脆好香口🤤冬蔭公大蝦比薩🍕($138)冬蔭公味幾香濃不過一啲都唔辣, 每一塊都有一隻開邊大蝦, 大量融左既芝士, 番茄同洋蔥, 配料簡單但係好好食😋無乜芫茜味的芫茜飯配烤星鰻🍛($132)唔好俾佢個名呃到, 意大利飯食落啖啖都係香濃既芫茜味, 食芫荽既朋友一定會好鍾意🥰 烤星鰻輕輕用左燒汁去調味帶有少少甜味同烤過既味道一啲都唔會腥🤓莓莓營彭🍹($88)由各種莓果, 薑, 冧酒, Rosso Martini, 烏龍茶調製出黎既cocktail味道相當清爽同埋帶微微既酸甜好易入口😇蕃薯紫薯話梅奶昔🍠($58)好香紫薯同蕃薯味既一杯奶昔, 底下都有幾舊紫薯相當足料, 不過飲完都幾飽😂呢度既食物質素絕對係無容置疑, 真心好好食而且價錢都算公道, 不過真係比較full, 想食就最好卜定位喇🥰

個名咁特別No Money So Lonely，簡直講中小編心聲🥲（默默流淚）一於去餐廳揾下共鳴啦！呢間餐廳好爆！未到七點已經滿座！想試就請早了😌👅冬陰功大蝦Pizza ($138)黎得食fusion 菜，梗係叫d signature 菜色！認真地說：很！好！食！熱辣辣香噴噴，芝士拉絲，餅底極薄，大蝦都好夠大隻🥰推薦大家一試❤️‍🔥👅蜜味酸辣豬肋骨 (Half $158)肋骨好大，啖啖肉😁配泰式酸辣醬，辣辣地，非常惹味！呢個配合好特別好好吃😆👅No Waffle So Lonely ($118)肉桂焦糖蘋果麻薯配雪糕，食完正餐已經好飽，估唔到Waffle 咁大份！朋友覺得好食，但小編覺得偏甜，不過係個配合本身偏甜帶滯呢～ 🍧👅士多啤梨玄米奶昔 ($58)第一啖覺得怪怪的，有點酸酸哋，但越飲越好飲😁🤣但比較推薦朋友點的楓糖香蕉肉桂奶昔👍🏻食物：⭐️⭐️⭐️⭐️⭐️總括：除咗要等位，等食物外，其餘都好值得去🤘🏼📍No Money So Lonely (旺角)旺角彌敦道700號T.O.P This is Our Place 4樓406-408號舖

食盡旺角之西餐 — No Money So Lonely————————————————————— 星期六行旺角間TOP商場人流真係非常之多， 本身四點幾諗住入去食個下午茶但係原來午市完之後要六點先有得walkin， 不過唔緊要，周圍行下好快就夠鐘啦🤗🔸 人人都嗌的啖啖蟹肉擔擔飯 $138呢間餐廳其實係Mamaday嘅子餐廳，所以所有菜式名稱都好棧鬼有創意🤣 佢嘅蟹肉量都多而且係將擔擔麵變成擔擔飯既感覺，有粒粒碎花生同花生醬，食落又幾特別😛🔸 如我沒有窩夫我會很寂寞 - 楓糖芝士奶蓋香蕉麻薯 $118呢個窩夫嘅份量好多有成四份，兩個人食嘅話其實我哋食兩款食物已經飽左🤣 楓糖香蕉嘅組合加埋芝士奶蓋， creamy得嚟完美配搭， 窩夫入面間唔中仲會食到q軟麻薯，好食又岩打卡，推薦！🧡💭Overall Comments:如果想坐得好啲，有多啲打卡位建議可以預先book定位， 同埋記得如果食唔夠500蚊係要收現金㗎🧐🍽食物: 7.5/10🌌環境: 8/10👔服務: 7.5/10🎖CP值: 7.5/10