No Money So Lonely

营业中

休息中

是日Lunch Time 同男友去咗旺角T.O.P.行街街， 見到呢間餐廳個裝修超有feel，Menu嘅菜式都好吸引，就Try Try佢！ 🧡泰式燒春雞（$122）燒春雞肉質非常嫩滑，未點醬汁嘅調味已經好香同入味！醬汁係酸酸地帶有魚露嘅鮮味，點埋醬食又係另一種風味！跟雞嘅飯亦係都有調味過，正！ 🧡泰式全日早餐（$128）份量十足，有香蕉煎餅、炸蝦、煙三文魚、炒蛋、薯仔同沙律菜！我最鍾意個香蕉煎餅，香蕉個味勁出。薯仔部份亦同樣唔錯，表皮香脆，薯仔味非常香！ 🧡今天的湯（跟餐$Free）南瓜湯夠哂Creamy，跟湯嘅蒜蓉包亦好香脆！ 🧡田園沙律（跟餐$Free）沙律菜新鮮爽口，醬汁帶微酸，加咗火龍果帶返一份甜味，好開胃！ 🧡美式咖啡（跟餐$Free）美式咖啡係帶酸味嘅豆，入口幾香，唔錯！ 🧡蜂蜜紅茶（跟餐$Free）暖暖地甜甜地，入口舒服，凍嘅天氣飲非常合適！

姐妹们！真的有被这家餐厅惊喜到🤩是我朋友订的位，原来旺角T.O.P居然藏着这么一家餐厅。尤其现在圣诞，装饰的特别好看！！！每一个角落都很好拍，店铺面积也超级大-📌贫穷是寂寞拼盘💰78我们点的虾饼、春卷、炸鱿鱼，有一说一这是我第一次觉得泰式拼盘的炸物是好吃的‼️都非常的脆口，炸鱿鱼里面很嫩，外层的炸粉不会太厚刚刚好👍🏻吃完没有油腻感📌冬阴功大虾披萨💰142第一次吃到冬阴功披萨🍕好神奇🤣这个是薄底披萨，但份量也是很足的。能吃到一点点酸酸的冬阴功味。虾很大一只，肉质紧实饱满Q弹📌如果没有窝夫我会很寂寞💰128窝夫一上桌这个卖相就赢了，并且好大一份👍🏻我点的是碎麻薯朱古力芝士奶盖奥利奥📌番薯紫薯话梅奶昔💰58紫薯红薯做的奶昔，底下还有紫薯泥，没有喝到话梅味，不过也是很好喝的

「食餐飯要過三關」的日子終於過去，當然要第一時間吃一頓好的早一日訂了位，竟然派到我最想坐的酒桶廂座，桌面還放着可愛的聖誕裝飾，太幸運了之前逛街經過已經覺得這間裝修設計十分特別。藍綠色的牆壁配上木支架分隔空間，帶點古典味的北歐風，但四處放滿了七彩的小擺設又玩味十足。更玩味十足是菜名🥗燒八爪魚要你慢慢地切沙律：也不算嘩衆取寵，只是如實報道怎樣食一條長長的八爪魚鬚。慢慢地切成薄片後其實不靭，鮮味從牙縫泌出來，點一下附上的燒烤汁更能帶出烤烘過的香味。沙律是菜葉配上紅桑子和藍莓，酸甜的味道好開胃🍝大阪燒配章魚海鮮意大利麵：就是把大阪燒的醬汁和配料炒意粉，熱騰騰的端出來，搖曳的木魚碎散發醬汁的香氣，味道跟日式炒麵相似，但意粉更有咬口。🍖蜜味酸辣豬肋骨：把傳統的美式BBQ醬換上泰式的酸辣，沾上香草魚露汁，是泰式燒豬頸肉的味道，但豬肋骨的肉質更鬆軟也比較少脂肪，吃辣的朋友一定喜歡。配菜的沙律菜可以解辣，不過總覺得如果可以加上薯條就是絕配🍹楓糖香蕉玉桂奶昔：雖然是凍飲，但香蕉加玉桂的味道十分豐厚，隱約有一絲八角的香味，很有冬天的感覺，甜度適中加上濃滑的口感，當成是液體甜品也可以。

這是一間泰國菜與西餐融合的餐廳‼️🇹🇭 店內的裝潢及餐牌都用心設計、充滿趣味性‼️😉 隨時都可以拍到美照喔‼️📸 當天試的菜式都很美味，期待下次再訪呀‼️💖▫️❥$𝟭𝟰𝟴 貧窮是寂寞拼盤❥$𝟭𝟰𝟴 青咖哩海鮮比薩 ❥$𝟭𝟱𝟴 人人都嗌的啖啖蟹肉擔擔飯❥$𝟭𝟯𝟮 煙三文魚秘製泰式海鮮醬意大利麵 ❥$𝟭𝟮𝟴 如我沒有窩夫我會很寂寞 (朱古力芝士奶蓋奧利奧碎麻糬)❥$𝟴𝟮 芒果糯米蛋糕 ❥$𝟱𝟮 黑芝麻豆漿沙冰❥$𝟱𝟴 士多啤梨玄米奶昔 ❥$𝟱𝟴 楓糖香蕉肉桂奶昔 ❥$𝟱𝟴 蕃薯紫薯話梅奶昔

✨No Money So lonely 店名真係同我好貼切 月光族🌝餐廳係MaMaday 姊妹店黎既第一次食MaMaday覺得好合我味所以就再黎try try佢啦🤗✨NMSL Pizza$112隨機發出唔同配料既pizza咸咸地甜甜地咁既味都特別辣辣地加埋蟹肉 份外惹味👍🏾✨啖啖蟹肉擔擔飯$138其實擔擔飯就真係第一次食只不過名有相似 同麵係兩回事黎既✨貧窮是寂寞併盤$148（full)眼闊既我最鍾意唔同既小食所以併盤就岩晒啦😝唔同小食都有3-4件每款都炸得岩岩好 令人胃口大開✨如果沒有窩夫我會很寂寞$118食完正餐 點可以沒有甜品⁉️窩夫都好出色 好軟熟再配合雪糕 一流

💎總評分：6/10——位於t.o.p. 嘅泰式fusion餐廳係mamaday嘅姐妹店 所以店名都fun過人🤫——🏅冬蔭公大蝦比薩🦐$136 (7/10)餅底夠薄同脆 食完唔會太滯大蝦肉質鮮美，爽脆彈牙配料仲有車厘茄，蘑菇片，洋蔥pizza係好食，不過唔係幾食到冬蔭公味___🏅啖啖蟹肉擔擔飯🦀$138 (6/10)擔擔麵就試過，但擔擔飯就真係未試過🧐佢放左好多蟹肉面頭放左蟹籽同花生粒佢餐牌冇寫辣但係呢個仲辣過冬蔭公pizza花生醬同花生配埋飯食係幾創新不過我自己就覺得有花生醬已經足夠加左花生粒感覺好似啲飯混左生米咁🤨——🏅士多啤梨玄米奶昔🍓$58 (5/10)面頭有層綠茶味嘅奶蓋冇咩味奶昔就有少少酸我覺得麻麻地適合打卡only

餐廳佈置非常精緻，超ig-able📸📸，黎既時候咁岩撞正聖誕period，問返原來可以預訂有節日主題tea set🎄🎄，仲特設2個超特別木圈圈卡位，相信每逄節日呢度都好full No Money So Lonely Combo🥲 full set or half呢份小食拼盤如果叫full set 就可以有齊薯條、腐皮扎肉、秋葵蝦、天婦羅蝦、炸魷魚、炸飯波6款美食，half set 就可以以上選擇3款。貧窮得黎個都要安慰下個肚腩🥲一食就食哂呢6款。小食炸得好脆口，天婦羅蝦好鬆軟，魷魚勁大舊，鍾意腐皮扎肉，好香口😋Sweet & Sour Chicken Pizza秘製甜酸醬雞肉配上芝士菠蘿，酸酸甜甜好juicy，雞件大大粒好足料White Pepper Pork Jowl Rice 好鬼惹味豬頸肉胡椒飯小小辣，炒埋豬頸肉好惹味💓

見到員工d野食跌落地照執番黎用極度唔衛生 之後係甜品戴眼鏡嘅男員工不斷聽到他大叫聲 超級影響 然後甜品要等好耐都未上到 第一次OpenRice留言 未有一間餐廳令到我會嬲到想打段野出黎講又貴又難食 大家見到真係唔好再去食 間餐廳得個裝修其次所以有都不予置評 我再問過去過間餐廳食野既朋友都覺得間餐廳服務質素極差 員工態度又唔好 叫極又唔應 特別節日去左食搞到成餐飯feel都無晒 去到好似比錢受氣買差環境食飯咁 野食吹左勁多次都未黎 有去過幾次既朋友話野飲質素差左勁多 所以唔建議再去食

No Money So Lonely~~沒錢就是寂寞~~聽到依個名就覺得玩味十足，有夠盞鬼， 點都要試下。之後睇返原來餐廳係主打fusion菜, 同埋都係Mamaday嘅姊妹店。聽講假日都好full，但我個日好好彩，walk in 都竟然唔使等😆今次兩個人試咗:人人都嗌的啖啖蟹肉擔擔飯 HK$158蟹肉豐富飽滿，配搭花生醬花生粒，口感有層次及多元化。花生醬味道強烈，適合愛花生醬嘅朋友。大板燒配章魚海鮮意大利麵 HK$138同章魚燒一樣，意大利麵上放咗好多海苔同沙律醬，而每一條意粉又充滿燒汁嘅味道，再加埋啲海鮮做配料，真係同食章魚燒一樣味。夏威夷果粒茶 HK$48芒果椰奶沙冰 HK$52只係餐廳份量有啲細，大食嘅我有啲唔係好夠，哈哈🤣🤣🤣

轉了工之後，再決定了人生下一步要怎樣走之後，能 free 出來飲飲食食既錢錢，大大減少了。我變成了真正的 No Money。而某一日，陪太太去逛旺角的商場，當我去八封一下商場內有什麼餐廳時，發現了這一家《No Money So Lonely》。一看名字，真係好配合我現時的生活模式啊。不過，我雖然 No Money，我沒有 feel Lonely，因為我雖沒銀、沒水，但有食物、有家人啊。之後，找了一個週末天，同太太二人來這兒，吃一個午餐。《No Money So Lonely》的確是一個很奇怪的餐廳名字。而我們入到餐廳坐下，又唔覺這是一個 No Money 的地方。只覺得，餐牌上食物的價錢，係會令到你 No Money 的。那天，我不是 Lonely 的，因為有太太陪我一起吃。此外，當我們打開餐牌，菜式的名字，係會令你笑呵呵的。我點的一份餐，名字叫 "日式豬軟骨配失傳已久自家製豬油撈飯"。我唔著重討論個奇奇怪怪既名字啦，因為食物好唔好味才是重點嘛。在那奇怪的名字內表達了，這是一個日式豬軟骨豬油撈飯。本以為是一個油淋淋的東西，但店方夾了不少沙律菜，而且加入了水果伴碟，令到濃香的飯餐增添了清

過左去的星期日，本來滿心歡喜黎呢間玩味餐廳食晚餐。 點知一入到去拎枱時， 個身形比較龐大的女員工嘴臉很差， 一d修養都無，人品好差，問佢少少野都好似得罪左佢咁，十分趕客。 本來仲因為咁諗住轉第二間餐廳， 不過趕時間就算啦 ！ 其實無人迫佢係到番工架麻？ 我都係想黎開心食餐飯， 點知要受氣。 可取既係其他員工就親切有禮， 食物質素都好唔錯， 但都挽回不了一開始貼錢買難受的感覺。 希望呢度老闆好好教育呢個員工， 唔好比佢破壞餐廳形象。

週末工作日的中場休息。 今天起了個大早，去咖啡店邊飲咖啡邊工作，不知不覺就到了飯點。這咖啡店什麼都好就是沒洗手間， 所以就正好中場休息，先去吃午餐，下午再戰。在旺角TOP找到這間餐廳， 之前因為餐廳佈置特別吸晴所以bookmark左，今日原本來是想吃份泰式ADB的。可能因為時間尚早，所以餐廳客人不多，眼看只有三四枱。餐廳內籠比我想像中天大， 裝飾真的很特別， 到處都是打咭位，而且臨近聖誕，也有著漂亮的聖誕裝飾。我坐了個卡位， 服務員就跟我說今日餐牌只提供某部份意粉、飯及Pizza。其他都沒有。幸好今天我只是一個人來吃午餐，所以沒所謂。於是我就點了黑胡椒飯，配料我忘了是豬頸肉還是豬腩肉。飲品就是中西合璧。飲品其實就是柚子咖啡梳打， 不過加了八角，所以味道又帶點東方touch， 總知就是清爽。黑胡椒飯真的黑漆漆登場， 想想應該是用了黑醬油吧， 唔鹹但有香味。胡椒味是淡淡的，所以整體不是很辛香惹味的風格， 但豬肉有點油膩，不能多吃。

今日同朋友去旺角行街，順便係旺角食lunch，因為落雨，搵咗一間唔使擔遮就去到嘅餐廳，餐廳係T.O.P商場，一出地鐵站就係啦，估唔到lunch set都好有驚喜，係一間泰國fusion菜。餐廳好多打咭位，而且臨近聖誕，佈置咗好多聖誕裝飾，好有聖誕氣氛。我哋嗌咗兩個lunch set及兩款小食，分別係羅望子虎蝦意粉及泰式燒春雞，兩個餐都有配沙律或餐湯及餐飲，小食叫左炸薯條及唐揚魷魚。羅望子虎蝦意粉：非常之惹味，酸酸甜甜，加上辣辣哋；意粉偏硬，係我鍾意食嘅硬度啦，有兩隻很大虎蝦，爽口彈牙，加埋啲香料很好吃😋。泰式燒春雞：燒春雞肉嫩多汁，外皮香脆，還有香茅油飯，配上特製醬汁，充滿泰國風味。炸薯條及唐揚魷魚：送上來嘅時候熱辣辣脆卜卜，非堂香口，尤其個薯條，以為加配小食通常都唔大份，估唔到$18的炸薯條有一大盤，cp值很高。估唔到無意中發現嘅餐廳，味道有驚喜，下次會再嚟食。

No Money So Lonely之前見到好多人都推介呢間店舖，原來佢係mamaday 嘅姊妹店，裝修好有玩味同見到咁多人推介就想去試下啦；嗰日假日都好多人book 咗位，我地walk in 都等咗成個鐘先有位啖啖蟹肉擔擔飯 HK$138第一眼望落去以為係金邊粉，認唔出係擔擔飯；旁邊有好多蟹肉，一路食飯一路食到啖啖蟹肉絲；而且飯上面佈滿蟹籽同花生，食落去好有口感，好食~冬蔭功大蝦pizza HK$138呢個pizza 係薄批餅底，pizza啲料嘅份量十足，上面佈滿芝士同大蝦；冬蔭功味嘅pizza帶有少少酸酸地嘅味道，估唔到pizza同冬蔭功嘅味係咁夾木瓜蜂蜜花椒奶昔 HK$58佢地嘅野飲都係fusion，聽到花椒奶昔都覺得杯野飲伏味濃；木瓜甜甜地嘅味道配埋花椒嘅麻辣味，飲落去第一個感覺甜甜麻麻，但飲多幾啖就覺得怪怪地苦瓜蜂蜜豆奶昔奶 HK$58呢杯funsion 奶昔反而幾唔錯，苦爪味奶昔味感幾清新，而佢嘅苦味唔突出，呢杯奶昔幾fresh，唔錯~整體感覺食物質素算唔錯，幾有新意；但係同其他人嘅評語一樣都係服務態度好一般；回頭指數唔太高~

冬蔭功大蝦比薩＠$138呢間餐廳一向出名fusion菜, 而呢間偏向泰菜既mix, 一向鐘意食泰菜, 一見到呢個冬蔭功pizza 就揀左佢了(*´∀｀*)~ 食落口都有冬蔭功香味, 不過唔算太濃一無相像中咁辣, 薄餅批上的海鮮都多, 幾有咬口, 成個配搭都唔錯, 如果冬蔭功味落多d更好脆炸五花腩@$128脆炸五花腩個賣相幾好, 不過食落去口味無想像中咁好, 唔算話好脆, 而且有啲醬就有啲唔係好夾, 不過份量幾多, 雖然話係五花腩, 但感覺似厚身既豬扒多d~ 楓糖芝士奶蓋香蕉麻糬窩夫@$118雖然個名望落好豐盛, 不過泥到既時候賣相同口感都正常發揮(*´꒳`*), 甜度適中, 奶蓋唔算多, 不過有水果伴面唔錯