Next Station Dessert (已結業)

還好😝有甜到-<芒果拿破崙> $58上枱時有被精緻的設計所吸引😍馬上相機食先📸餅底夠鬆化帶脆，芒果好鮮甜😌但略嫌吉士醬有丁點過甜(不過我嘅標準是少甜開)😅應該對要甜甜族無咩影響

第三次來到Next Station Dessert了，三次所試的甜品都不一樣。這裡的甜品層次多，即使只是一杯小巧的甜品都會有多個元素，較適合喜歡嘗試新產品的食客。下午時份並不是食甜品的高峰期，所以不用等位。餐牌面的Test Tube 2.0 是我每次都跟自己說下次一定要試的甜品，但三心兩意的我還是選擇了另一個『她』!My Pink Lady $58皆因上次嚐過綠茶泡沫，我實在太愛這種元素多，製作複雜但口味又和諧的甜品了，所以便選了跟綠茶泡沫雙生的My Pink Lady。面頭可愛極致的心形脆餅可蘸著士多啤梨泡沫一起吃，泡沫口感輕盈又不會甜。中層是醃製過的士多啤梨，滿載甜味之餘亦比新鮮貨更多汁。旁邊的Strawberry Yogurt Ice cream是超好味的級數!! 帶有酸性的雪糕很易入口，而且在吃過兩層甜食後剛好有清洗味覺的作用。最底層的是帶有玫瑰Tequila奶凍，顏色亮麗又令人很有新鮮感，中上層都給我一個少女清新感覺，底層忽然加有酒味彷彿是在寓意粉紅小女孩成熟了，成長了一樣。一道小巧甜品都象徵了一位女孩的成長過程，果然有別於一般甜品店。

裝修都幾雅致既Next Station令人有時代感， 而且都係一班後生仔營運。睇得出喺設計餐牌及食材方面下左心思。出品唔係抄製其他甜品店;呢樣好抵讚兼值得鼓勵。 一坐低先遞上一杯清水， 朋友暗中稱讚， 因好多甜品店無水供應。Next Station唔算闊落, 佢地既高枱係6位枱, 所以必定要搭枱既.我同朋友叫左士多啤梨乳酪雪糕芒果班戟 ($56)，紫薯窩夫雲呢拿雪糕 ($62) 及一個流心芝士撻 ($15)。 o係 facebook like Next Station仲有9折添 (無收加一).  我地梗係不甘後人, 即時行動啦.芒果班戟果肉十分鮮甜， 班戟內唔止有果肉及忌廉， 仲有朱古力脆粒令林林既班戟加多點質感，再加上一球我鍾意既士多啤梨乳酪雪糕， 配搭得宜又夠份量  。紫薯窩夫係紫薯夾係窩夫入面， 但窩夫仍然脆口。唔太甜， 因用紫薯感覺亦健康。另附蜂蜜及朱古力醬各一小碟，其實比兩樣有啲浪費。我提議落單時詢問客人要邊樣醬會好啲， 唔好嘥嘛！  唔知Next Station用邊隻牌子既雪糕, 但就肯定唔係"牛X公司".  起碼都係"齋牙S", 或者咁上下既質素.  唔錯唷  .

約左朋友行街, 行到身水身汗, 當然要搵個地方坐底過下冷河兼差差電啦, 食個甜品就最岩, 知道呢頭開左幾間甜品店, 多一點選擇, 上次食過覺得幾唔錯, 一於再ENCORE呢間!打開餐品牌見到有新款甜品上場, 朋友選了焙茶鬆餅配金莎朱古力脆脆雪糕 ($58), 賣相相當靚仔, 有3件相當厚度既鬆餅, 配以抺茶醬/糖漿, 而碟上裝飾既綠色係綠茶味醬, 紅色係士多啤梨醬, 總共有4款醬用黎配襯鬆餅! 講返個主角鬆餅先, 好軟熟, 面頭灑上少許糖粉, 而個金莎朱古力脆脆雪糕球都好香金莎朱古力味, 喜愛食金莎既朋友應該好LIKE! 朋友最喜歡佢個抺茶醬, 充滿抺茶香味又唔甜, 減少"膩"既感覺!我就點左呢款雲呢拿泡沬配榴槤雪糕 ($56), 身為榴槤控的我, 行到咁熱想食返杯凍品COOL DOWN一下, 見到榴槤雪糕仲唔心心眼咩?! 面頭係好香滑雲呢拿泡沬, 配以側邊既柚子肉, 一甜一酸口感特別! 而中間係榴槤雪糕, 菓味好夠, 閉上眼覺得自己食緊榴槤咁, 而底層係芒果肉粒, 味道甜甜酸酸, 令人感覺SO FRESHING! 一客份量岩岩好, 食完唔會好飽肚!此店不收加一服務費, 仲會送上清水比

依家黑布街都開咗好多甜品同埋餐廳，嗰日行開黑布街想食下午茶，已經有幾間可供選擇。而且仲要間間都有一半以上爆滿，似乎呢度嘅甜品市場競爭都幾激烈。由於更更都未去過所以我揀咗一間外型最cool ，個名又特別嘅Next Station Desert 。入到去已經聞到好香嘅蛋糕味。店員帶左我入去坐位， 呢度嘅店員係全男班，位置舒適，裝修幾有型格。個菜單都做得好靚，啲相影得好吸引。甜品價格平均 $58至＄68。真係好難決定。最後我揀咗紫薯栗子配雪糕 HK 68，配黑咖啡。 天氣熱，我原本想飲凍咖啡，佢哋居然冇凍飲嘅咖啡！有點意外。甘就熱咖啡吧 HK 30。熱咖啡味淡，唔夠咖啡香，可能佢哋專做甜品多過咖啡， 所以咖啡一般。我嘅主角嚟啦,就係我嘅甜品!同張相一樣咁靚好似個女王拖住長裙，後面有四個小公主。紫薯蓉好香，天然嘅紫薯甜度適中。而且薯蓉打得好幼細，所以冇纖維之類嘅雜質。個雪糕估計係栗子味，味道天然唔過甜。個底仲有一塊曲奇，脆脆的。栗子做得唔錯，有栗子嘅香味。成個造型又靚，令人食得心花怒放。

Next Station Dessert人氣好高之前已經黎過一次今次係朋友想食 所以再黎食過呢間甜品質素一向幾高而且好有特色 雖然食完飯已經好飽但係甜品係有第二個胃大愛綠茶的我今次叫左個綠茶心太軟即叫即整 所以都等左十幾分鐘先有得食綠茶係我鐘意食的澀澀地的綠茶綠茶味好濃 一切開入面的綠茶餡溜晒出黎配埋紅豆一齊食 好夾食食下覺得太漏就食旁邊的野莓雪糕涼一涼個口之後再連同熱辣辣的心太軟一齊食一冷一熱 唔覺唔覺成個食晒朱古力班戟都好有水準朱古力味好濃 如果不停食都係會太漏但加埋個清清地的青檸味雪糕岩岩好中和左朱古力的味道 所以一齊食非常之夾感覺到呢間甜品店係有研究過咩甜品配咩雪糕支持有Heart 小店

Next Station Dessert 第二去呢間甜品店，感覺依然良好，好享受。今次我鎖定了綠茶心太軟，成品賣相好美，香氣也非常吸引，重點是切開後非常流心澎湃，場面非常震撼呢！！心太軟實在是非常好味，上面一層紅豆既甜，配合了綠茶的清香，綠茶味都幾濃幾突出，味道是挺不錯的。芒果班戟配乳酪雪糕一定要讚讚芒果啦，已經是第二次吃這個甜品了，芒果依然是依舊的甜，叫人吃不了停口的。被薄薄的班戟皮包裹著的也是超甜芒果啦，配合起極甜的芒果醬汁在班戟皮上面，除了新鮮清甜，還是新鮮清甜，愛芒人士必食之選！

我地一班人十個人食完晚餐想飲啲野或者食甜品 ，經過呢間野記得佢個朵好嚮，所以簡左呢間野。佢好似過左8點就有最低消費，係每人一杯野飲，咁我簡左紫薯窩夫配雪糕 ，啲fd簡左香蕉pancake ，咖啡啦，其他味窩夫仲有其他甜品，坦白講，個價錢相比起個味道有啲貴，因為個味雖然都唔錯但又未到好好食，個價都唔算平，但咁出名都可以去試下既。我食嗰個紫薯窩夫冇好濃既紫薯味，但窩夫外脆內軟而且好香，算唔錯既。而試其他人嗰啲都ok ga ，啲咖啡有拉花影相打卡唔錯既，個香蕉pancake 好食過紫薯窩夫，因為香蕉煎都好香軟加埋cream 同塊餅食幾好食

之前已經想去試下，但都很多人在外等候，這天剛好一入就有位，所以一試。進到店內格調都不錯，餐牌上的甜品不少，想試新的但又忘不了舊的，但我認為要分別與其他甜品店的高下，或許叫一樣差不多的會較好，所以我都點我最愛的綠茶心太軟。而我朋友叫了粟子拿破菕。我曾經一再提醒他，拿破菕應該吃天后的，但見有不同的口味，所以一試。 價錢我不能說便宜...嗯...吃後更加只覺得貴了......=.=粟子拿破菕首先到步，賣相不錯，有特色。 一口吃下...我朋友立即說：不值這個價錢......不會吧！那我也試一下！粟子的味...嗯...利申：我是一個喜歡吃粟子的人，也吃過不少粟子產品及甜品，我朋友也是......OH...這個粟子味真的有夠差，不單止粟子味不出，而且多了一種不應該存在似洗潔精的味......這個味令我不想再吃下去。當然，為了試清楚這個甜品，我再吃...個皮脆，但中間加了一層朱古力有點多此一舉。我不明白為何要多加一片朱古力=.=...... 好！我當偶有失手，所以綠茶心太軟都有點期待。賣相不錯，與一般心太軟的外貌不同，不要緊。吃下去！嗯...嗯？是不是太甜了？這個是我吃這麼多綠茶心太軟中最甜的

今晚和媽媽吃完晚飯, 她意猶未盡, 我就帶她到附近吃甜品, 這間甜品店數年前來過, 香港租金加得那麽狂都站得住, 應該質素都能保持, 就這裡吧! 店內人不算多, 坐得舒服媽媽也是芒果迷, 點了這個芒果窩夫, 窩夫新鮮烘焗, 加上糖漿, 為夢幻組合也! 旁邊的朱古力不是我倆的飛佛, 所以完全被冷落了, 那球RASPBERRY的雪糕也很出色, 啖啖苺肉~ 酸美美, 好味!佛手柑吉士, 賣相得, 最面和上間均有佛手柑吉士, 香滑, 但小妹覺得略甜, 第二層是冰凍的草苺芭菲, 所以整個甜品有點膩, 如果換成雪糕會更棒! 餅底為厚酥皮, 夠香夠脆. 旁邊的粒粒是乾草苺, 有口感, 四方形的兩塊是蒟蒻, 但兩塊味道的分別不太突出 .這裡是有HEART的甜品店, 可以再來呀!

Came here on a Saturday night and was about a 20minute wait outside. They don't give out numbers, so if you step out of line, you may just lose your spot. When my friend and I finally got out seats, we were pleased with the large menu selection. I couldn't decide between the passion fruit soufflé or creme brulee sampler. I ended up choosing the latter and was not disappointed at all!

食甜品幾乎是每次同女友人飯後的指定動作，今晚我們飯後下一站就到Next Station Dessert 食甜品。Next Station Dessert 位於旺角黑布街，這裡有不少同類型的甜品鋪，當中人氣最高可算是這一間。是晚我們算是幸運，我們只是等了五分鐘就能夠入去了。我們叫了兩個甜品，分別係芒果班戟配朱古力布朗尼雪糕 及 三色焦糖燉蛋。芒果班戟配朱古力布朗尼雪糕($56)：芒果班戟與坊間不同，薄薄的外皮卷成長條狀，入面包含著清甜的芒果肉，加上少量甜忌廉及朱古力脆脆粒，口感豐富，再配合甜甜的芒果汁，不論口感及味道都十分出色。三色焦糖燉蛋($55)：三種味道，三種特色，各有所愛。左邊為熱情果味，中間為伯爵紅茶味，右邊為雪尼拿味。熱情果燉蛋：燉蛋香滑味道帶有微酸，薄薄的焦糖味道極甜，熱情果燉蛋與焦糖一齊食，口感特別，味道亦互相配合。伯爵紅茶燉蛋：伯爵紅茶茶味香濃，口感幼滑，而且第一次見到啡色的燉蛋，不論視覺及味覺都令人享受。雪尼拿燉蛋：雪尼拿味濃郁，蛋香亦係三種燉蛋中最豐富，水準達到酒店級質素。

呢晚我們食完晚飯後，其中一位朋友建議食甜品宵夜，我們行過黑布街，覺得 Next Station Dessert 的餐牌幾吸引，於是便決定來這裡了。侍應安排我們坐在隔板後面的木桌椅座位，感覺很是雅致及旺中帶靜。這碟「焙茶心太軟 金莎朱古力脆脆雪糕」，一上碟便馬上被朋友急不及待地切開蛋糕，中間的焙茶流心湧泉而至。這款甜品很適合不嗜甜的朋友。焙茶味的溶漿比較甘香而不甜，味道並不先聲奪人但勝在不會甜膩，蛋糕亦有淡淡的茶香，質感相當鬆軟。同樣的，雪糕球也貫徹焙茶甘甜的味道，口感亦很軟滑。紫薯窩夫配雲呢嗱雪糕。窩夫上碟的時候熱呼呼的，而且相當香脆而帶點蛋香。凍冰冰的雲呢嗱雪糕球，味道帶甜香，但放在熱熱的窩夫上一起吃，帶來一冷一熱的交融，也為窩夫點綴不同的味覺享受。窩夫中間還夾了綿泥的紫薯，清清甜甜的味道感覺不膩。草莓泡沫。看見 menu 上的粉紅心型餅便被吸引了，而實物跟照片亦相差不遠，以粉紅色為主調，感覺相當可愛。原來粉紅心型餅是一片薄薄的威化餅皮，口感都幾鬆脆。上面軟滑微甜的士多啤梨泡沫、叠了酸甜的乳酪雪糕球、juicy 而濃甜的士多啤梨粒、還有最底軟綿綿的士多啤梨 moouse，加起來便是甜

行元波鞋街，行到累，又要食野啦，經過佢門口，成村人排晒長龍，試下啦，睇你有幾好食重要不設派籌，真囂張話用黑卑正既甜品，但又冇黑卑未，真趣怪酒心心太軟，上面支酒自已隊洛去，講真好一般，雪高也一般乜都一一般般，冇乜好講，元

同朋友出街，飯後又點少得甜品呀！！來到旺角呢到有家出了名的next station dessert ，門口排了一條長長的龍呢！！晚上10點多了！！果然慕名而來是有原因，人頭湧湧齋是門口呢個餐牌都已經睇到流哂口水啦！！其實呢個試管甜品是他們的得獎作品來的，造型也相當別緻，不過對於我來說發現了新大陸，又試下啦！重點，是呢度的甜品除了好味，還有好睇靚到是可以好好滿足我的相機食先引喔！！！健力士啤酒朱古力慕絲 ＄59酒鬼至愛，Guinness 黑啤喔！！用來整蛋糕，對我來說極之吸引，食落有淡淡的啤酒味和朱古力味，再嗒真啲還有點黑啤的麥香添，不錯！！除此之外，還有白色那個半圓物體，口感很獨特，有點像冰凍的毛巾.....形容得有點怪，不過就是這樣呀！！冰凍的和鞋鞋地的口感，配落滑脫脫的慕絲其實這對比是什為過引，好奇之下問下店員，原來這是忌廉芝士混呢拿做的。百利酒酒心朱古力心太軟＄58好香呀！！剛焗起的心太軟香氣四溢，一冷一熱的配搭好鬼正！而呢個更特別是可以選擇加入多種味道的酒心添！！！自己動手擠入心太軟中心。混和中心的朱古力流心，夾在旦糕之間，濃濃的朱古力味旦糕沈出陣陣百利酒的酒香，兩者非常配合喔