Neway Karaoke Box (已結業)

今日黎服務改善左好多雖然人好多但服務好週到起碼快手有人跟好似今日CALL去服務台話無TISSUE唔駛五分鐘即刻有人黎換食物又上得快其中豆腐花好滑好好味

今日又約左朋友仔去唱LUNCH K今次要左黑椒牛扒拼格仔薯因為唔想食炸野叫佢轉飯點知黎到仍然都係無變都係俾炸薯我凍檸茶少甜又無少到好彩係同佢講番之後都轉過杯俾我黑椒汁好多牛扒都唔UN好易咬開格仔薯亦出奇地仍然係熱熱地味道都唔錯不過甜品就差左好多無左糯米CHI只有黑森林蛋糕但係味道麻麻下次要轉下地方先

今日兩個人無無聊聊又係唱lunch k未到十一點已經爆晒四樓叫左日式咖哩雞飯朋友要炸蠔豬頸肉烏冬由叫至送到都等左半個鐘好彩呢度有k唱住等唔係一定餓死日式咖哩雞飯～真係好似日式咖哩咁唔辣,仲帶有少少甜味,雞肉雖然係雪藏,但難得係煮得唔un,飯好多,男仔都一定飽肚炸蠔豬頸肉烏冬～朋友仔話炸蠔因為浸左湯,完全淋晒唔好食,其他ok咁自助送既湯幾好飲,雖然明知會有少少味精不過有隻朱古力蛋糕反而唔錯奶皇糯米糍仍然好食餡唔太甜皮又煙un有得玩又有得食呢間算係十分唔錯架喇唔要求得多

上星期朋友又話要唱lunch k方便大家出黎又再幫襯呢間今次我叫左白汁魚柳螺絲粉白汁好多螺絲粉吸晒d汁魚柳份量都唔少味道唔錯而且送到時熱辣辣真係幾好甜品咁o岩俾我拎左件奶黃糯米糍唔太甜又幾好喎相信好快又再黎

突然心血來潮想唱k於是同d朋友仔去左唱至抵既lunch k雖然係假日但都只係35蚊位加一唔收nuts大家分別叫左鰻魚磨菇汁飯同類似茄汁雞絲扁意大利粉鰻魚好薄身但d汁味道唔錯不過d汁同"送"都少左d意大利粉個汁都幾好只係嫌d粉就咁用水煮完即刻加汁o係面拎去焗所以麻麻地好食不過兩樣都係勝左新鮮熱辣跟餐附送自助湯水同甜品湯水無試但豆腐花出奇地滑而且芝麻糊味道都唔錯起碼唔似係粉開芝麻糊夾左芝麻湯圓湯圓個皮都幾厚一般味道不過以唔駛四十蚊有得食又唱足兩個鐘就好抵玩

四月三十日今個Semister 終於捱完了, 可以透透了, 約了三位同窗一同唱K.$49一位包兩杯Drink, 擕學生証九折三客Nuts 搶錢, 我地四個人咋!1:45到達. 沒有K lunch, 叫了下午茶三碟三文魚壽司, $3碟一碟帶子壽司, $3碟一碟赤貝壽司, $3碟一碟雞翼(兩隻), $5碟一碟豬頸肉(兩串), $5碟一碟八爪魚, $5碟一碟螺肉, $5碟兩客饅魚定食$10客一碟墨魚夾丸$5碟壽司新鮮! 其餘一般!本來4:45要我地走, 最後竟然5:45才趕我地走!

前言：有天早上到旺角辦理回鄉咭，十一點半便辦妥，想吃K-Lunch，遂跑到這兒。食物和評語：是日供應「$35 半自助午餐KTV」，無加一或其他收費。三十五元唱足三小時，兼有午餐食，好抵。 a. 主菜要了‘吉列魚柳配薯菜’，兩大塊炸魚柳，配菜是薯條和三色雜菜豆。成品肯定係來貨翻炸，因為是即炸，仍然溫熱，入到口兼份量十足，算不俗。 b. 自助餐湯，有中湯和兩款西湯（一紅一白），沒有飲用，未能評論。 c. 自助甜品吧有約八款。‘豆腐花’出奇地香滑。‘椰絲豆沙糯米糍’和‘日式香竽水晶和果子’因經過冷凍而略硬。‘巧克力慕絲布丁’巧克力味欠奉。切餅方面，‘黑森林蛋糕’和‘香草慕絲蛋糕’算軟滑。另有兩款方形迷你‘慕絲蛋糕’，好滑好輕。水果有提子、草莓、藍苺，幾新鮮。 d. 餐飲點了‘熱奶立克’，居然足料香濃。註： a. 以$39這個價錢（全包、無其他收費），唱足三個鐘（12:00至15:00），包一客主菜、一杯飲品、另外餐湯甜品任飲。價錢便宜到無話說！ b. 回到公司，才三點半，之後工作至八時。感覺好充實！想起‘Play Hard, Work Hard ’。

我係去西洋菜街分店的，這裡並無自助餐供應，只有散叫小食或晚餐。昨晚上去唱K，居然唱K有晚餐送，雖然每個只需$15，但有得送當然開心啦。點了鰻魚烏冬、白汁海鮮焗飯、茄汁豬扒焗飯，每一款的味道都不俗，鰻魚汁濃烏冬煙韌，白汁軟滑海鮮不算少，茄汁惹味豬扒少少香脆，雖然份量不大，但觀其味道賣相都幾吸引。其實一直覺得Neway 的食物以如此低價都算物有所值，食物的質素味道算中等，選擇都尚算多元化，而且長時間觀察下來，每間分店的品質都保持得不錯，都幾難得。唯一要彈的地方是桌頭太低，要烏低身食都幾辛苦。

今天和弟弟去這NEWAY唱K，我們2:45到，5:30左右走。沒有K LUNCH了，不過嘛，那日式茶餐還不錯，而且價錢很平，可是，服務就是太好了，每15分鐘就有人問你要不要收東西，入了10多20次，她不煩我也煩了。

前日去呢間嘅k lunch時段，由十點半唱到三點。去到reception，見到有個穿著套裝嘅男職員喺入面煲煙，仲有幾個一睇就知唔方係好人嘅人喺度等緊，呢間簡直係我去過嘅neway之中最品流複雜嘅一間！除咗服務態度唔掂之外，食物方面都係咁差！有個friend遲咗嚟，無晒ｄ餐，淨係可以揀兩杯飲品。其中一杯份量幾少，得大約大半杯。下次一定唔會再去呢間！

都知道karaoke box既野唔會好食,但今次食既真係好唔掂...我出名食得落既一定唔會"side", 但我都只係食左幾淡..我同fd share鴨胸焗意粉, 暖的,意粉好淋,個茄汁不知所謂...鴨胸好鞋..紫菜雙丸米- 凍的,個湯似水,米粉硬到不得了..人參薑汁檸蜜- 似飲水最可怕係走時經過個廚房...好污糟呀!!!!!地酒樓都清潔過佢,當時我諗返我剛才食既野就係o係度做...即刻有d作嘔...

前幾日唱happy hour都可以食佢d lunch~友人食既肥牛米線- 又酸又"縮"的吞拿魚焗長通粉- 個而焗到焦焦地多吞拿魚又唔鞋口係芝士焗的雖然係karaoke　ｂｏｘ　但佢做哩個又比得上ｄ西餐廳ｗｏ～

我成日都去旺中neway 唱k架.幾抵喎...平時happy hour 加一都係70蚊就一定賣到單.同埋而家有學生証呀等等証件9 折之ma..50蚊都得架喇~冇人call 房又繼續唱喎..我係呢度ge 熟客..可能旺角多卡拉ok box la..我12 點去唱..8 點都未cut 我.你話奇唔奇? 口合~入面d 野又唔差...近排neway 又多新歌唱喎..有好多歌星ge 歌仲係獨家試唱忝架~正~~~~一句講晒..平正!!!

呢間NEWAY 勁DIRTY ... 唔知係咪因旺角既關係.