Neway Karaoke Box (已結業)

今次又同位朋友去唱lunch k,入房之前小姐介紹都好清楚,服務幾好bor.我叫了個炸魚柳伴薯菜,都ok啦,相信呢種食物無話好唔好食,不過個紅豆沙都差左少少,太水同太甜,但朋友個焗牛柳飯就好好食~雖然食物好食,但大堂門口個沙律吧就完全唔補,添加食物,我都係近1pm出去搵下有咩沙律同糖水時,竟然咩都無,真是.........自己雖然唔多去k,以前更唔鐘意neway,覺得佢做得濫d,所以去加州紅多d,但去neway多左,又見佢不斷進步,環境/食物/科技/服務都好左好多,間間newAY都唔錯.....所以都唔去加州經,因為去過一兩次都唔太好,相比下創興那間依然好舊,真係要改善下

二零零七年十一月十一日下午茶去唱K,本人推介:蘆薈龍眼蜜(不用加錢),壽司竟然可以接受:三文魚新鮮,手卷的紫菜很趣,好過X綠,不過熟食就要撞手神,小食有時很油。

之前見到LEI道有K BUFFET 都想試,一直都未有機會今日咁難得咁多人~梗係一齊去試下啦!唔好既地方:我地大細加埋有10個人,但係竟然比間O岩O岩好坐哂既房我地...放埋D袋,真係迫左D...我地仲要食BUFFET,行出行入~真係好麻煩講返D野食啦~款式黎講都算唔錯~好彩我地早去..我第一次出去拎左幾舊壽司,跟住再出去已經無哂=.=同埋佢無再添LOR..有鰻魚壽司,三文魚壽司,芝士蝦壽司~芝士蝦好好味!最好食係:咕嚕三文魚球,自製蒜蓉包,手卷,即整炒意粉,梳乎里....等等~食得最多係手卷XDD真係好好食!我個表妹仲話...【食唔食多個手卷好呢?但係我又好飽...】哈哈~~每人仲包兩杯飲品~我要左杯波斯貓~同埋SHIRLEY TEMPLE~第2杯幾好味~~紅色又令^^PS..COMPASS VISA免加一

尋晚(28-7-2007 SAT)7:25pm同6位做義工朋友o黎一餐K buffet.呢o度好多o野食,而且啲員工都密密咁巡住啲食物,如果冇晒都好快換上.而咁o岩尋晚o既主題係三文魚,好多菜色都加入三文魚,如蘿蔔糕,串燒,南瓜煮三文魚,煎三文魚頭等...除此之外都有好多菜色,沙律,甜品,車仔麵等,重有自助班(卓戈)玩.不過我尋晚唔係食好多o野,但o野食唔錯.服務:個個都好有禮貌,而且侍應見你拎好多o野都會主動幫你拎入房.請佢o地整手卷畀你時,佢都會講聲多謝,好似當o左係自己生意咁,唔錯啊.衛生:只係去toilet時,可能因要經過廚房門口,連入到去toilet地下都有啲跣,要小心.環境:呢o度安排唔錯,分開食buffet o既就o係5樓,唔係食buffet o既就o係4樓.免得函生危險同浪費客人時間.PS:以前唱K我都首選加州紅,貪佢o地打碟快,但o衣o家好似被Neway扖o左頭喇,每次唱K,個個都不約而同咁話去Neway,而佢真係開始令我改觀.

我地一行3人23:30度去,可以唱到6am度!好多呀!!!圯自己倒瀉野飲仲有得賠番杯新ga!!!!太好了!之前仲會比人覺得煩ga ma!!~

都幾耐冇去唱Ｋ，今朝起身之後計計下仲趕到唱早場，於是約朋友去唱下～１２點３去到，立即可以有位。俄羅斯牛肉飯：Ｄ汁傑左Ｄ，而且凍左食所以唔多好味。唔知乜乜汁雞扒薯菜：本來我冇份食，但其中一塊雞扒唔熟，侍應拎走後無耐佢竟然拎返一碟全新畀我地呀！（．．．仲以為廚師淨係整返熟呢塊扒就算＞＜；）呢度已經加哂分喇，哈哈！味道唔錯，薯條林左ｄ，ｏｋ０既～任飲湯（瓜湯）＆糖水（芝麻湖），其實唔係任飲，係先拎先有，上次遲左拎點知糖水冇哂，今次醒喇，唱到一半拎碗返房先（哈）不過有樣０野好怪，埋單０個陣我朋友０岩０岩出去廁所，同個侍應前後腳一出一入，個侍應入０黎坐響我隔離不得只，仲要收左錢慢條斯理咁點下佢手頭上ｄ帳單仲有幾多張！！０個陣我真係驚呀，大佬呀，唔識你０架間房得我同你咋～！．．．找錢０個陣我朋友都響度，又唔見佢坐底ｗｏｒ，仲要我收完錢佢即閃返出去．．．嘩！下次又係咁我實投訴你呀～

新世紀個間係加洲紅唔係Neway ar......

＊我是去旺角新世紀分店＊下午約左朋友去唱K，咁耐以０黎未試過平日下午去唱，係今日放假先可以試下，聽朋友說響呢度平日下午唱Ｋ好平．．．１點半去到，已經有好多人等緊位，拎左飛之後等到２點２先有可以入去．５９＄一位，包２杯野飲．下午茶餐要另叫，我地叫左煎餃子﹑鮑魚雞粒炒飯＆凍螺肉。０野食好細碟，３個餐２個人都唔夠分！最後埋單每人都要７９＄，乜咁貴０既？！下次都係去唱返早Ｋ．．．抵好多呀＝Ｏ＝

尋晚我地一行三人7:30 BOOK左間細房本來對個"瀑肥"寄望不大不過志在K下估唔到D0野咁好食魚生壽司, 大班魚, 青口, 蝦碌, BBQ, 火鍋樣樣齊仲有至"瀑肥"0既甜品實在顧得食唔顧得唱唱到成1點先埋單(記住我地只有三個人)每人只係$148超底! 快D去試下啦

如前言,而家呢到做緊"唱.和食".日本食物選擇雖唔多,但刺身,壽司,卷物,炸物,小食,麵或飯類每個品種起碼有七至八樣,質素本人覺得泊得住和民(皆於和民而家並不高級了). 三個人都覺得好味o既包括:炸雞軟骨,炸軟殼蟹,焗芝士海鮮飯,肥牛露荀卷,螺肉,甜蝦壽司. 有d食身的確偏咸,但以karaoke 黎講,唔洗食果d十蚊晚餐都算係咁啦.值得一讚o既係呢到d服務員好young(似暑期工),但係個個都好好禮貌. 真係要encore!

12/7去咗唱K,撞啱做梗promote..."唱和食",開頭睇見個menu都幾好,但心諗menu歸menu,實物可能冇咁靚喎,試過之后,又幾"正",所以就喺呢度推介俾大家喇...

好耐無去唱k今次又再去鰻魚去左皮o岩晒我牛扒,豬扒都煎得唔韌甜品仍然係朱古力蛋糕最好味服務真係無得彈有禮貌反應又快每次出出入入收碟送飲品都會敲門見我地拎住野食番房又會主動話幫我拎有次仲主動問我搵唔搵到路又個個都笑容滿面比起之前去neway city好好多抵佢成日爆房架

尋日同同學唱k lunch, 4樓裝修過黎, 幾得意我食左個炸蝦滑蛋飯. 但我只係見到d 獻汁見唔到d 蛋, 不過d 蝦幾好食個朋友食左個焗肉醬意粉, 我試過, 幾好食啵, 不過我個frd 覺得較咸不過尋日有個waiter 好好禮貌, 入親黎送野都會話"唔該晒", "唔好意思", 同埋我出去俾左野食紙佢o個時,佢都講"唔好意思呀..." , 唱k 已經好少見呢d 咁好禮貌既人喇

已經好無黎唱K今日再去點知令到我一肚火不得不黎呢度公開下食物已經出得慢又唔係特別好味(最多只可以話個吉列魚柳係新鮮即炸,味道唔錯)但咁都要等左二十五分鐘先到最嬲係落ORDER時問左一句可唔可以改薯菜做飯點知個不男不女既侍應一句好串好惡咁話: "唔得!!""不過都算喇點知後尾拎甜品食時發現紫米露不單又唔熱又唔凍仲要係煲燶左同唔甜我呢個唔"好"甜既人都覺得係無落糖水煲幸好當我拎糖水時發現無碗問個經理拎佢不單止即時攞俾我仲要係咁話唔好意思呢D先係服務架嘛衰D講句抵佢做到經理O個D唔明咩叫CUSTOMER SERVICE既係唔會有得升

今日為左陪朋友仔又再幫襯好多人但服務仍然唔錯可惜食物資素每況愈下朋友仔既羊脾肉好un我既焗帶子同蠔只得好厚既一層粉飯又冷又硬質素連茶餐廳都不如結果只係食左豆腐花填肚