Neway Karaoke Box (已結業)

今日本來諗住去食下午茶，但係朋友又話呀不如去唱k，咁我哋就去咗旺角新世紀neway 。一開門就見到小強，勁驚，之後我地要求轉房先肯坐。去到下午茶時段坐三個鐘唱歌加埋下午茶同兩杯嘢飲埋單150蚊，佢哋一到五點鐘都未到就cut歌有少少覺得唔係好夠喉。之後我哋就叫咗三個下午茶熱狗係凍嘅，面就係偏淋同埋好喊咸，之後朋友都係食咗一半就冇食到，我哋就叫咗多一個燒雞套餐38蚊，見好抵食有半隻雞加薯條再加蛋糕 。但係蛋糕十分難食，味道好怪， 雞肉好鞋， 唔夠熱，唯一係最好係面皮雞於皮有少少脆。這間neway都係我去咁多間之中最難食嘅一間分店。

旺角有幾間Neway , 今次第一次來呢間新裝修的店。新店buffet 食物枱位置就在門口，食物種類和飲料選擇都多，而且質素不錯。冷盤前菜有沙律，cold cut, 青口，水果⋯飲品方面除萍果汁，酸梅湯⋯外，還是九種茶葉可供沖泡熱食方面除肉類蔬菜外，還有大蝦，蟹，蜆，都新鮮而且大隻。炸雞翼好大隻又香口火鍋配料選擇亦很多，而且有三個爐提供，不用花排隊輪候。刺身種類不多，但質素ok。以k buffet 以言呢個質素真係物有所值，下次會再光顧。

旺角區都有幾間neway，而新世紀呢間真係咁耐都冇黎過。燈光比較昏暗，同新裝修既moko有大大對比。夜晚buffet上左年紀既人居多，而職員唔知係咪對得佢地多，態度都好唔耐煩咁。至於食物味道方面。。。我覺得唔係香港人既口味，好怪，唔好食。（燈光昏暗，圖片一般，請見諒。）糯米飯： 冷盤：螺肉，海哲，蛋壽司是日例湯，日式蒸蛋： 碗仔翅：比較正常既蔬菜同海鮮：冷盤again，有口水雞(OK LA), 泰式雞腳，腎，豬皮熱盤：食K buffet再送兩走小食：炸魷魚鬆同扇貝，味道比出面buffet既食物正常。

紅日約左朋友去唱K, 佢兩隻衰野竟然遲成個鐘,我就響PC 叫杯熱朱古力等佢地. 他們來到時話肚餓， 要叫茶餐. 熱檸賓 Iced chocolate 不約而同都要叫雞翼餐， 一個叫沙律一個叫薯條為配菜。 雞翼有三隻， 係孜然味，少少麻，唔辣。沙律份量不少，沙律醬不膩 ，雜果係罐頭加一些鮮果，如菠蘿同蘋果等。薯條係最愛波浪薯條，有啲仲張同筷子，剛剛炸起，新鮮香脆。 今次俾我地唱多半個鐘先cut 歌，巧開心!

是日，最曉食與友人又K癮起。便相約卡拉OK。見未到過新世紀這頂層的一間，便想在此來一個K LUNCH。可是，當我們到達時，原來已過了lunch的時間…沒法子了…也要接受了吧。這一間是只招待會員，也只好立刻申請做會員了。今天人不多，立即可以入座。收費偏貴，因為始終是到了HAPPY HOUR…唱K的價錢是六十多元，包兩杯飲料。如要食物，需付食物價錢再收取加一服務費。但為了滿足我們的唱K慾，唯有就範。只得兩人，所以房間也很小。坐下後，肚子已不斷咕咕提醒。馬上看餐牌點食物。要了一客香辣海鮮炒飯。推門送上炒飯一刻，已飄來陣陣香辣味。原以為是會像一般K場段，草草了事。但份量不少，而且從香味來說，應該不會太差。把湯匙輕輕一撥，一縷縷煙從空隙中飄出。可見飯是新鮮炒。吃下一口，毫不馬虎！的確是有香辣的味道！很惹味！而且海鮮也不小，有蝦，魷魚等。而且又有雜豆和蛋。很有鑊氣！飯粒是粒粒分明，不會出現飯團。兩個人分享一碟也夠飽。不知是否因肚餓的緣故。這炒飯，真是令最曉食感到驚喜！

唔知由幾時開始 , 唱 K 並唔單止為唱歌 , 而係為"食"有時諗唔到 lunch 食乜 , 就 book 定個 lunch k , 食 lunch set 又好 , 食 buffet 又好 , 坐下食下傾下唱下有時係開住個電視 loop 住歌咁食一餐 , 五六十蚊 hea 幾個鐘lunch 食到厭喇 , 就開始轉攻夜晚o既 K buffet , 而新世紀呢一個 neway , 令我地試過一次就以後都黎呢度價錢同其他分店唔爭得遠 , 地點又方便 , 最緊要係 , 食物種類又多又有質素 ~首先講一講佢地個冷海鮮區 ... 蝦同翡翠螺都好大隻 , 另外不時會加 d 青口同乳龍蝦 , 而且都 fill 得好快然後要大讚o既仲有刺身 , 佢地 d 甜蝦係有頭o家 !!我地有一次去食左十幾隻 , 鮮甜味美 ~熱葷方面都幾唔錯 , 款式多 ... fill 唔係 fill 同一樣o既野例如豉椒炒蜆無晒 , 就會 fill 辣椒膏炒蟶子 .....火鍋區o既配料都算足夠 , 不過湯底麻麻地 , 甜品推介有木糠布丁同香芋慕絲 , 有 d 靚d o既要加錢的## 相中有份鵝肝多士 , 係每人一客o既 ,

好幾年沒有唱K了, 坦白講, 好多新歌都無得唱之後, 根本提不起勁再去K場. 是日大家練完詩之後提議來唱, 見那麼久沒有來, 不妨又來重溫舊夢.大家唱的, 都是陳年舊歌, 害得我呵欠連連, 還是叫野飲好了.凍檸蜜: 6分, 歡樂時間當然是包兩杯飲品, 都是要凍檸蜜, 要了少甜, 還是幾甜, 下次走甜好了(仲有無下次?!). 不過飲檸蜜潤一潤, 都是多年來唱K的好拍檔, 錯不了.其實仲有幾多人真心想來唱新歌?