Neway Karaoke Box

我人生第一個食評就係2016年俾你哋Neway嘅負評，估唔到九年後嘅今日，再激到我要留言。 星期一下晝我唔信佢爆晒棚囉，訂唔訂位都係收咁多錢點解一定要早一日訂位呢，有生意都唔做快啲執晒冇人可憐。 佢今年做緊生日月壽星免費，優惠啱啱再推星期三及星期日半價，搞咁多嘢都即時唔慌好生意啦。 老闆諗乜㗎，整埋啲咁嘅條款，咁多年一啲進步都冇…查看更多

最近有朋友生日，甘就趁依個機會試下邊爐K！依加party room 競爭甘大，好耐無黎new way 了，唔知佢依加變成點。依加做緊優惠4-6月仲有半價，好抵！野食選揀都好多，而且係任食，好抵呀。叫左個烏雞湯底，個湯其實都幾好味。食物質素方面不過不失吧，啲肉好薄但勝在任點，連續食左3轉。。值得一提係佢完全唔拖單，好快上菜。最後仲有甜品碟，但已經食到好飽，夠曬皮了。邊爐加唱K依個組合真係第一次試，但整體感覺幾好，有得吃有得玩，埋單因為半價都唔洗300蚊一個人，真係好抵，有機會會再黎！…查看更多

我們在樓下牛駅吃飽了，4點到Neway唱歌，原本是2個人唱2個半小時，他跟我們說如果無人可以唔cut唱耐少少，我們入到去就問飲品，正常既，我話唔落住，半個鐘又入黎問落飲品，我朋友落左杯凍檸茶，我叫左杯熱檸水，過多半個鐘多少少，5點零鐘就話Last order，我朋友杯野飲都未飲，佢又叫多左杯，我叫左支水，唱到6點45分，停左啦，我地唱埋首歌已經6點48分，音樂咪聲都Cut晒，我朋友話飲埋杯野就走，6點52分職員入黎，話要走，我話等我朋友飲埋杯野就走，他態度極差咁講，已經好耐啦波，其實只係坐左4分鐘，我唔介意你6點30分cut我，我唔洗你地施捨我地15分鐘，又要咁急趕我地走，其實食完放題真係飲唔落，飲唔到咁快囉，唔講服務，音響都超唔掂、唔怪得無人想係香港消費，服務唔得，質素又唔得…查看更多

5月1帶細佬細妹去旺角創興唱K 慶祝生日當日落住大雨traffic 影響遲咗15分鐘到到咗同個reception講我book咗一點跟住佢劈頭講咗「book左一點而家先到？」唔講以為我返工遲到 定係我去緊軍訓？唱k 遲到要俾人話，要睇你面色本身提早預約係有半價 跟住個reception話個系統已經cancel晒Booking 冇得keep返個優惠。我好好奇問佢 ，之前試過如果夠鐘，但係未到會有人打電話confirm係咪會嚟。個reception答：我哋好多Booking唔會逐個打俾你confirm。如果係我接你Booking嘅話應該會同你講要準時到㗎喎。其實隔住個電話，我唔會知你係邊個…我再問多次咁個優惠係冇得再keep番？reception就表示公司個系統，遲到1分鐘都會自動cancel晒Booking冇辦法keep。咁我就冇再爭辯落去，幾舊水費事同佢嘈。但係呢一個reception，全程服務態度勁差，黑口黑面，講嘢冇尾音，亦都冇magic words。後尾有人帶我哋去房，無論係order嘢飲，定係攞嘢飲入嚟，都係黑口黑面，講嘢冇尾音。去餐廳book枱食飯，都留枱15分鐘，貴公司系統遲1分鐘就cancel晒啲Booking，唔太make sense。難道01分到ge 客人，係後面排緊隊，未serve到ge 話都cancel晒？如果係有咁harsh嘅handling，就應該同個客講遲到1分鐘就會cancel Booking ，建議提早到，提早排定隊。可能啲員工返工返到好攰，但係佢份人工就係pay for providing service？ 如果唔鍾意做服務業，咁可以唔返呢份工，但係我俾錢去唱K，都係想have fun 輕鬆吓，而唔係想俾錢嚟俾黎睇你哋員工嘅面色。建議搵神秘客戶黎評下分，同埋改善吓training嘅質素。…查看更多

先總結，絕對唔建議大家嚟！以下係本人的悲痛經歷我哋到場後首先點咗午餐，並打電話詢問係咪可以遲啲先叫飲品，得到可以嘅回覆。然後有一位員工送上午餐，我哋順口問佢可唔可以而家嗌嘢飲，諗住唔使打多次電話。然而，佢嘅態度非常無禮，勁惡咁樣問我哋點解唔打電話嗌？並且翻白眼串我哋。我哋唔知係咪只俾電話點餐，如果係，相信一個有素質受過培育嘅公民可以有禮貌咁樣解釋，而不是似佢咁樣毫無修養咁樣對待顧客。另外插一句，午餐好鬼難食！（難食完全係客觀因素，冇受到侍應影響）之後呢個員工幾次入嚟都係好粗魯放低啲嘢就走，完全冇受過培訓咁，素質低下！理解你返成日工好攰，但呢個唔係你黑面嘅理由，對住我擺面色有咩用？想我降龍十八掌教你做人？但係我覺得你適合打狗棒法多啲喎。（講吓笑）大概過咗一個鐘，我哋嗌咗四杯嘢飲。有一個員工送咗過嚟。幾分鐘之後，先頭我哋講個冇素質嘅員工又送嚟四杯相同嘅嘢飲。我就打電話俾前台同佢哋講送多咗四支嘢飲。跟住佢又入返嚟勁串咁收返晒啲嘢飲。大概又過咗一陣，我嗌咗杯新嘢，佢突然間入嚟問我我哋係咪嗌咗嘢飲，費事又話自己冇嗌到。當時已經係無語到講唔出嘢，我哋已經算好有素質㗎啦，全程冇鬧過你，希望你遇到一個脾氣衰啲㗎啦，得到教訓係你應該嘅。呢次係Neway嘅體驗真係好失望，態度問題相信唔係就得我哋遇到，希望可以加強員工培訓，唔好再發生咁嘅事啦。…查看更多

receptionist同經理態度極為惡劣成晚好無禮貌仲好寸我地初初3個人黎到先 比左間麻雀房咁大嘅房我地之後再黎多3個人 6個人間房迫到坐到腳貼腳張枱唔夠位放野飲食物同玩唔到骰盅要求轉房佢地叫我地嗌酒嘅套餐但嗌完話full晒未轉到住之後佢地叫左經理黎 個經理1入黎話 ‘’你地有咩問題呀？‘’ 我地o晒嘴last call唔同我地講仲淨幾多杯人頭包嘅飲品之後問receptionist就話 ‘’last call左啦喎‘’咁我就問你地同事last call無講 無問我地飲乜咁要1支支嘅水得啦好聲好氣同佢講 但都唔肯比 話“叫經理入黎幫你”…查看更多

今日又去元朗neway唱K lunch啲野食愈黎愈大份😂😂叫左個牛扒餐配薯菜 同 日式炸雞定食明明勁大食既我 牛扒餐今次真無食吾哂又有k唱又食午飯一次過滿足2個願望…查看更多

很多年沒有去唱卡拉OK了，今天約了朋友一起去唱lunch，食物質素令人驚喜。我們叫了牛腩、叉燒炒蛋，以及魚柳意粉，當中食物溫度適中，而且味道令人有驚喜。牛腩炆得好腍，而且有口感。叉燒炒蛋，雞蛋牛油果熟，而且飯的溫度夠熱，沒有冷冰冰的感覺。魚柳意粉表現一般，但願我沒有說你這一點值得稱讚。卡拉OK房裏的溫度太低，有一種想趕客的感覺，而且地板10分滑，稍不留神就會跌倒。另外，房裏面的咪都不夠電，找職員玩了之後咪後仍然是沒有電，這一點令人聯想到職員工作態度是否認真。…查看更多

第一次跟朋友去食Lunch又唱K，還要是三個中年大男人，齊齊走進年輕人的卡拉OK世界？是次經驗完全癲覆了我的古老思維，起碼有雨個意外驚喜。第一，想不到閒日的中午，再加疫情又開始升溫，Neway竟然有8成爆滿。第二，以為K房是唱下K，飲下野的場所，餐飲食物是行貨和昂貴，想不到又吾貴喎！大約8款午餐選擇，有中式西式港式，連火鍋都有，有趣。價錢算大眾化。我點了香草羊肶配薯菜，還配備薄荷醬和蒜蓉醬來伴羊肶，連薯條都有茄汁。味道中規中矩啦！130蚊一份餐還跟杯凍檸七，唱足兩個半小時卡拉OK，抵玩抵食啦！此外，朋友點了比目魚扒意粉和雞扒烏冬。論食物賣相，我小勝。論唱功，當然是我輸左9條街啦！除了食物質素不錯外，招呼都算吾差，隨傳隨到，又有禮貌。衞生間都算乾淨的。第一次寫卡拉OK店的食評，比個讚啦！有機會再安歌。…查看更多

事源有fd就想打邊爐，有fd就想唱k，咁我就係度穩有無地方可以唱k加打邊爐，點知創興neway就真係滿足曬fd嘅要求窩，咁就打算黎開心打邊爐唱k咁⋯⋯ 咁我地就六個人啦（打曬針😂）叫左個鴛鴦湯底，之後個陣好肚餓咁就叫左好多野，咁先講個速度先啦，比如我7點遞點菜紙，半個鐘後先有配料醬汁個d，再半個鐘先有湯底，再半個鐘先有d送菜打下邊爐，仲要六個人個爐同兩個人打嘅一樣，好鬼細啦😩速度同🐢一樣，最衰仲要係三個鐘唱k時間，等野食都個半鐘🤗 野食方面啦，其實真係野食質量都係一般般，無咩特色，勝在咩都有，只要有心等🤣 總結黎講：下次唱k就唱k，打邊爐就打邊爐😂😂😂去其他地方打完邊爐先唱k，唔好咁懶🤣…查看更多

我係一個好鍾意唱K嘅人，但疫情下都好耐無唱。所以連續唱咗幾天😁不過呢間就麻麻地.隨咗房間無獨立廁所之外，禮貌都麻麻哋。尤其入門口reception 嗰兩位姐姐仔，真係串到爆！😅音響設備器材就係每一間都都好嘅，不過間間時間都唔同，昵間就唱小半個鐘！！！🤔一樣收每位百幾元包兩杯無酒精飲品，我每次唱歌都一定飲熱花旗蔘蜜，滋潤下喉嚨，唱都唱得特別夠氣，而且杯飲品又真係好夠熟吓。都唱咗幾日，暫時都頂得下唱歌🎤引😂————————唱K唱得好過引，唱反夠本先走人😂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————-…查看更多

上次幫趁neway（創興廣場），原是已經三年前的5月了！音響比較差點，容易有迴音。今次消費加價約多了15%以上，10:30唱至16:00，有午餐與一杯飲品，都是抵玩的。我楝香草牛油扒比目魚跟意粉、檸水。比目魚很嫩滑，但意粉與沙律菜沒有醬汁，又乾又沒有味道，不知道是否忘記添加？我們分開四個房租，原來我們共有三位都是點選比目魚，都是有共同欠醬汁問題！但我們都沒有查詢，照吃了算了！雖然午餐欠完善，但與朋友唱K的確很開心，更何況相隔三年才再有機會再聚。…查看更多

收通宵同同事去唱K，每人包一份午餐加一杯飲品，有啲餐要加錢，閒日不用等，十點只開12樓（房內無廁所）2個人房間不大，器材不是太滿意，音響設備水準唔太好，咪又無電要換！午餐：鯖魚定食：來錯了肥牛金菇餐，要再做比我，鯖魚燒得唔錯，魚肉不油又香，白飯鬆軟，前菜是鮑魚群邊（ok)熱檸茶：正常朋友食：點心拼盤：竟然有竹籠上😆店員們勤快，打電話去服務櫃檯好快回應，不是我比錢，所以無收據，這個出街食個午餐嘅價錢包埋唱K，超級抵（竟然比我們唱到1330）閒日唱K午餐（記得我比返$88朋友）…查看更多

過完聖誕同朋友一行三人去左唱k兼自助餐當我去拎剌身嘅時候我都知有規矩 我亦跟足規矩去拎 而侍應好冷淡 基本上可以用目無表情黎形容我覺得了解嘅 返工返到攰 都無心對客人笑 不過始終係服務性行業 基本禮貌都應該要交戲 唔係返工返到好似好唔情願咁而拎完剌身之後我行過另一個有侍應站崗的櫃枱 撞啱有個客人想拎d燒烤類嘅食物 而個個位係L形櫃枱 個侍應姐姐企左係另一邊 個客人問佢”係咪自己拎就可以？” 個侍應姐姐好態度差兼寸咁答”自己拎？咁唔洗搵個人企係度啦？” (備註:係差到旁人聽到都會覺得銀耳個隻態度差) 個客人聽完就無奈行開 而個侍應姐姐見到佢行開仲好得戚咁講多句”自己拎？都未熟啦”雖然呢件事唔係發生係我身上 不過我聽到都覺得好嬲 我明客人唔係大晒 但唔代表我黎娛樂都仲要受侍應氣 如果客人唔識規矩 唔代表你做侍應識晒啲規矩就可以大大聲寸啲客人 唔識規矩你做侍應就算唔笑咁解釋 都應該係要用正常態度/語氣去解䆁而唔係用咁寸嘅態度去話啲客人到走嘅時候 門口接待個小姐頭都無抬起過咁玩緊手機傳緊信息 只係覺得Neway啲服務態度點解可以差左咁多？…查看更多

我地5個人唱K間房比較小，又冇獨立廁所！佢個k buffet都算幾多選擇。海鮮 長期放係冰上面，保持住冰涷同新鮮！之後有沙律，有火腿！蕃茄仔！粟米！呢啲大路野！之後熱食竟然有咖喱魚蛋，炸雞翼，好多炸物！如果肚餓仲可以整個Shabu shabu煮個鳥冬，碌下啲金菇，丸類等！炒飯麵飯又有提供！超多種類！估吾到蒸魚都有，仲要原條上！佢有一個係燒烤攤位，不過每次只可攞一見，夠曬公平，吾洗驚人浪費食物！燒蝦！蕃薯！青口都有！最後甜品有心太軟！所有野都好食，而且加$48就有！推薦大家要邊吃邊唱先夠盡興！…查看更多