Neko Puff (已結業)

屯門 - 《Neko Puff》📍 屯門屯順街1號屯門市廣場1期1樓Kiosk 7號舖呢個甜品品牌岀名1小時即叫即焗拿破崙♡有多款唔同創意口味選擇而且賣相都十分精美🥳價錢都唔會好貴好適合慶祝節日食～荔枝香檳🍾️果凍芒果🥭拿破崙蛋糕上面係荔枝香檳啫喱酥皮好厚好脆好香牛油味(*´∀｀*)每一層都夾住芒果粒粒同cream啲cream甜度岩岩～一啲都唔膩夾埋一齊好好正，口感好豐富

🏆世一。即焗拿破崙蛋糕🎂~~~~~~~~~~~~~~~~~~~~~~係店舖POP牌寫住係🏆 而且係1小時即叫即焗的，確保酥脆度襯熱鬧試試佢有幾新鮮！🔷 伯爵茶 + 草莓麻薯打開餅嘅時候，聞到濃濃嘅牛油香 + 草莓香味！個蛋糕一共有三層厚酥皮，厚穌皮焗得好酥脆眼睇已經見到超多層！！每層之間再夾住厚厚嘅忌廉、士多啤梨果肉，無花果同麻糬，唔會淨係得 cream! 略嫌麻薯有啲甜，同埋士多啤梨味有啲假一切開d穌餅碎就飛彈出黎！食落去非常鬆脆！而我最欣賞係伯爵茶配無花果！ 食落去非常清新，完全中和了酥皮，厚cream嘅油膩感！ 夏更食更加一推！ 成個蛋糕亦唔算好甜整體覺得係一間非常有水準嘅小店特別是佢即焗嘅堅持，值得一推！ ~~~~~~~~~~~~~~~~~~~~~~~~👅味道/賣相 🌕🌕🌕🌕🌗🐋環境/服務 🌕🌕🌕🌕🌑👛性價比 🌕🌕🌕🌕🌗🔄回頭率 : 85%~~~~~~~~~~~~~~~~~~~~~~~~📍 Neko Puff (屯門)屯門屯順街1號屯門市廣場1期1樓Kiosk 7號舖📞 21318883

每次經過見到佢地既介紹"世界冠軍拿破崙"我都覺得好吸引~所以~一需要買蛋糕時~佢地一定係我既first choice~仲要有成12款唔同口味既拿破崙蛋糕比你揀~真係總有一款口味岩你~而我~今次就揀左~✅焦糖燉蛋拿破崙蛋糕($328)唔好睇佢細細個咁~其實係1lb黎架~4個人食岩岩好~Crème brûlée同拿破崙蛋糕都係法國傳統經典甜品之一~而哩倆款甜品都係我既至愛~所以我真係好期待倆款口味crossover後~組合成一個蛋糕既味道~一打開~賣相已經好吸引啦~中間既忌廉十分香滑濃厚~除左忌廉之外仲暗藏左一層焦糖法式燉蛋係裡面~焦糖燉蛋十分軟滑~蛋香味加埋焦糖既香氣~令到口感更加豐富~唔會太甜之餘~每個味道都好平衡同埋好夾呀~另外~一小時即焗亦都係佢地既賣點~可能因為咁~當晚我拎左返屋企即日食~拿破崙食落真係十分鬆脆~酥皮層次分明~而且仲有好香既牛油味添呀~個個都食到舐舐脷~讚不絕口~

屯門 - Neko Puff身為熱愛甜品嘅少女🫢無論係開心定係唔開心，都會買個甜品嚟氹自己開心🙂屯門就有一間法式蛋糕專門店，主打靚靚嘅蛋糕及法式拿破崙蛋糕，食材均選用法國直送之原材料製作，拿破崙蛋糕，更獲得世界賽冠軍🏆梗係係要試一試啦😎Give me 2(芒果+韓國草莓）（🌟98.99/100）拿破崙系列標榜即訂即做，最快一小時前預訂，就可以取貨。有12款吾同口味供大家選擇，心大人細嘅小編每一隻味都想試，所以就叫咗兩款口味嘅拿破崙蛋糕😍一去到舖頭門口，牛油香味撲鼻，流晒口水🤤拎住個蛋糕返屋企途中，一直都聞到好香，好想即刻拎嚟食🤣拿破崙皮看得見嘅一層層酥皮，芒果粒極香甜，韓國草莓好甜一啲都唔酸，旁邊圍住忌廉，一切開更可以聽到「卡察」、「卡察」聲，食落拿破崙皮牛油味極香濃，中間嘅吉士醬同芒果粒，甜而不膩，食到啖啖的芒果粒，更連唔鍾意食甜品嘅爸爸都食晒跌咗嘅酥皮碎🤣絕對會encore嘅一間店，下次好想試晒佢唔同嘅口味🤤

自認拿破崙控，又鍾意食甜品兩款口味拿破崙 Give me 2 1lb $34813款拿破崙，每款都好吸引，真係花多眼亂Give me 2 自選2款口味就啱晒喇揀咗鮮芒果、韓國草莓麻薯味道，每層拿破崙有一款口味，層次感豐富，而且份量十足！2款新鮮甜美，鮮果士多啤梨同芒果味道好夾。士多啤梨入面加入麻薯，增添口感！拿破崙充滿牛油香味，忌廉幼滑，口感鬆脆！下單後最快一個鐘頭就可以拎喇，即叫即焗，食到新鮮味道，非常滋味😋。Neko Puff 法式蛋糕專門店屯門屯順街1號屯門市廣場1期1樓Kiosk 7號舖

1⃣香蕉，牛奶朱古力慕絲好多人都會話慕斯同忌廉都差唔多，但對我本人嚟講就真係有好大分別。主要係口感：雖然慕斯同忌廉都係細膩順滑而且接近入口即融，但係慕斯會比忌廉挺身少少有翻少少硬度，我就比較鐘意呢個口感🥄 呢款蛋糕混合味道新鮮無苦澀味嘅香蕉蓉同埋香甜同樣唔會苦澀嘅牛奶朱古力打成慕斯，非常軟滑🍌🍫2⃣椰子熱情果蛋糕呢一款嘅配搭就感覺更加輕盈更加適合炎炎夏日嘅時分。椰子莫名地會帶點清涼感覺然後熱情果有酸酸甜甜，加埋一齊就好有夏天可以消到暑嘅冰涼感覺🧊

😄開心果朱古力蛋糕 $46蛋糕係鮮嫩搶眼但感覺自然嘅淺綠色。面層用咗大量開心果做成甜甜帶濃郁果仁香味嘅蛋糕脆皮，裡面就有甜甜地帶超級輕微輕微到可以忽略不計回甘味道嘅朱古力慕斯。除此以外都加入咗浸泡過白蘭地酒嘅莫雷洛車厘子🍒，有車厘子香甜濃郁嘅果味同埋酸酸甜甜味道之餘仲帶點白蘭地酒嘅醇和。整體口感非常順滑綿綿。開心果脆皮表面仲加咗唔同種類嘅果仁，例如係夏威夷果仁、切半開心果、杏仁碎，口感味道層次都變得更加豐富多彩🌈。一件一人份嘅小蛋糕已經可以食到好多材料品嚐到多重嘅口感。

呢度嘅拿破崙酥蛋糕真係名不虛傳、真材實料，買完食完就明白點解佢可以贏到國際瑞士著名甜品品牌La Rose Noire舉辦世界比賽嘅冠軍寶座🏅我哋買嘅呢一款香蕉朱古力麻糬拿破崙酥都算係經典組合啦，香蕉朱古力細個配班戟都成日食☺️通常三層酥皮夾埋食都會好甜好膩，但呢款竟然係甜而不膩，做到我覺得甜品裡面嘅最高境界😇 而且口感特別鬆脆，比一層一層咁食更加脆口同埋牛油香味都會triple咗🐮 最得意係個麻糬竟然係綠色嘅。本身見到綠色麻糬以為係抹茶味，但細心啲食都係食到農農嘅朱古力味道，可能係因為朱古力忌廉味道太香🥰🥰

有無煙韌控呢🙆🏻‍♀️ 如果你同我一樣係煙韌控一定對麻糬零抗拒，無論係麻糬 芋圓日本大福或者係傳統糯米糍我都超級愛，一見到呢款係裡面加入左麻糬嘅拿破崙蛋糕就即刻同店員講“我要呢款香蕉麻糬朱古力啊唔該!!🙏”拿破崙既靈魂所在係佢既酥皮，用左靚靚嘅法國牛油，用料上等質地細滑有絲滑既口感🧈酥皮就算係沾滿香甜嘅蜜糖都唔會影響佢香脆鬆化既口感，最明顯係用叉插落拿破崙既時候會即刻碎成小塊狀🍴朱古力味道來源除左係表面嘅粉之外中間既忌廉都混合左法國朱古力，順滑之餘帶香濃朱古力味道🍫

今年家姐生日，小編訂左個特別啲既蛋糕慶一慶佢😙😙呢間屯市新開既Neko Puff😍 有出晒名得獎既拿破倫😚個樣超吸引，仲要即叫即焗，提早1小時預訂就得啦🤪 勁吸引！今次小編家姐就order左《韓國草莓麻薯拿破倫》（1b $308，2-4人份量）一打開個盒，忍唔住靚到嘩出聲🤩當然要幫佢好好打卡一番再食啦😚啲cream食得出係靚野黎，好香甜，入口即融既感覺😋佢地既酥皮仲要每日都即日製造😚 放左入雪櫃一陣都保持到少少脆口😚最後不得不讚埋啲草莓加麻薯，提升左成個拿破倫既口感😜好彩只係訂左1b，小編食左1/4件都飽了，因為啲cream真係多到不得了呀🥰今年生日，大家又多個蛋糕既選擇啦😍

拿破崙蛋糕分開三個size，我地一家人有四個食所以就根據佢哋餐牌訂左個比兩個人至四個人食嘅一磅蛋糕🎂細細個見到啲人成日話士多啤梨甜品特別少女心，所以就叫咗呢個韓國士多啤梨麻糬得獎拿破崙🇰🇷好欣賞呢個蛋糕嘅細節位做得好好，譬如話面層嘅士多啤梨咁，每粒士多啤梨都用忌廉間隔著，韓國士多啤梨清甜忌廉就濃厚稠密，有啲「衝突的美感」嘅感覺🍓除左味道有少女心之外顏色賣相都同樣好得😉首先忌廉係原味無添加所以顏色雪白質地綿滑，士多啤梨就特別紅潤又大大粒咁，完美演繹脣紅齒白😜

雖然叫做伯爵茶無花果拿破崙但材料唔淨止係無花果 反而還加入左新鮮藍莓💙⭕忌廉唔似平時見到白雪雪原味嘅滑滑忌廉，而係加入大量伯爵茶同埋少量已經磨碎左嘅伯爵茶茶葉☕伯爵茶忌廉同原味忌廉相比分別除左味道之外都會多左啲幼細茶葉碎嘅口感 ⭕ 拿破崙主要有五層，每層酥餅都係由好多層薄薄嘅酥餅痴埋一齊而成，雖然唔知道做法但食得出甜蜜蜜蜜糖嘅味道🍯 ⭕一層厚酥餅夾著厚厚嘅伯爵茶忌廉啖啖滿足😚😚如果想口感同味道更豐富就可以配埋無花果一齊食，幸福感uppp

雖然唔清楚佢對於身體或者容顏明確嘅功效但伯爵茶同埋無花果對於我嚟講都屬於一啲養顏美肌養生嘅食材🤣 伯爵茶無花果拿破崙有三層超級無敵爆炸鬆脆的拿破崙酥餅，顏色係誘人吸引的焦黃色🫓 酥餅上面仲會見到明顯的淺啡色焦糖蜜糖，味道非常之香甜🍬最頂層有幾粒切成小塊的新鮮無花果，味道好特別非常少見。質地柔軟又非常之甜。咬到無花果肉的時後會感覺到細細粒嘅無花果籽喺口入面聽到咔嗞咔嗞的聲。無花果肉似係熟到軟爛的水蜜桃，果皮會有煙煙韌韌的口感🌸 有酥餅的脆口又有無花果的軟爛，層次分明

香蕉麻薯朱古力拿破崙蛋糕拿破崙蛋糕有三層酥餅 每一層都好厚好有存在感 但又唔會話厚到覺得好硬或者厚到咬唔開 反而係入口咬開即刻化曬👌餘韻係濃濃嘅牛油香味同埋陣陣嘅蜜糖甜味🍯每層酥餅中間都夾著海量嘅忌廉 但唔會係一篤過毫無美感 反而係睇得出整餅師傅係超級細心超級有心思咁一粒一粒忌廉擠出嚟👩🏻‍🍳深啡色嘅忌廉帶點朱古力甘醇嘅味道🍫中間重夾雜著啲新鮮水果 有香蕉同藍莓🫐 有一條煙煙韌韌又帶點軟糯嘅麻糬 蛋糕結構簡單得黎味道又唔會單調乏味

前幾日喺屯門做開嘢，因為都比較少去嗰區竟然發現喺屯門市廣場開左呢間專門賣拿破崙蛋糕嘅“Neko Puff”。睇相片睇到款款拿破崙蛋糕都好吸引但原來要預先訂架😭所以就買左個現成有嘅蛋糕試試先！熱情果黑莓蛋糕賣相最吸引，係深紫色光滑嘅黑莓味道外層。黑莓嘅糖分比一般嘅草莓藍莓都要高，酸甜味濃郁🫐🖤 內餡係味道豐沛嘅熱情果慕斯🔥黑莓同埋熱情果兩樣主角都屬於味道酸酸甜甜嘅水果，非常有喺亞熱帶地方食嘅度假風情✈️ 最頂層有一塊靚靚嘅米白色羽毛，食落發現原來係用白朱古力做成嘅羽毛😄 甜度足夠蓋過酸味