My Dear 烘焙工房

营业中

休息中

咁啱經過樓下聞到好香嘅蛋味🤣就行咗入去細細地嘅商場，點知俾我搵到呢間唔起眼嘅甜品舖，鋪面一眼睇晒，但係麻雀雖小五臟俱全，嗌咗個雪糕格仔餅🧇雪糕有得揀朱古力同雲呢拿，先唔講個味道，$20有份夾餅仲要有埋雪糕同埋cream已經夠晒抵食，店員大概比咗兩球雪糕，食到一半已經冇乜剩😢去到尾淨係齋食夾餅，扣咗少少分，不過蛋香味好夠，即叫即整，食落好脆口，大概等咗5分鐘左右就已經攞得，整體嚟講食得好滿足！😋

小朋友學校搞生日會，搵左店主訂製蛋糕，與我提供既圖片十分相似，蛋糕也可少甜，每位小朋友都食得好開心都讚Mummy當日取蛋糕回學校時吸引不少街上小朋友，連學校老師都讚蛋糕十分靚甚至有家長都詢問我在哪裡買，因為小朋友放學回家向家長表達當天蛋糕比其他還要好吃又靚

這家店營業已有多年，因為'吊腳'，所以沒有幫襯過。今天是特地到來，捧場、加油、打氣！店子很小，沒有一般甜品店舖的刻意營造，地方淺窄，堆放著各種生財工具和雪櫃。餐單也很隨意地在各個角落張貼。主打是布丁和木糠布丁。種類多；價格低。十來塊錢已有交易。花個2分鐘，我發覺芒果腸粉才＄12，買了一個來看看這店水平。 腸粉有兩條，椰汁皮；鮮奶油芒果內餡 。由於賣得便宜，成本惟有下調。鮮奶油很少，芒果亦不夠香甜，幸好外皮造得不錯，很滑很嫰。淋了一些似蜜糖水的甜汁，稍稍彌補了內餡的不足。平心而論，不是甚麼超級美味，可是以性價比來說，則算對得起街坊。但有個小問題，就是那些甜汁很易外漏，結果吃完腸粉後，兩手很黏膩。甜品是每個女孩年輕的夢，那些擠花和奶油；草莓和糖霜。這店－ 明顯的營營役役，見縫插針。放下理想找生活。小店不容易。

同肥髀去完剪髮就回家，回家前佢想食甜品，所以去咗呢度買外賣，店面在舊商場一個細舖位，大部分用作廚房，近門口雪櫃放咗啲預製甜品，我同肥髀各揀一個，姨姨袋好比我哋！回家打開，透明膠盒企理！楊枝甘露布甸（$10）肥髀食，試咗一啖，布甸幾滑，芒果味唔重，柚肉微甘，芒果肉酸甜，西米大粒，比較韌！唔太甜好味！綠茶布甸（$10）：布甸幾滑，綠茶味甘，唔太甜幾好味！店員姨姨有禮，見我睇蛋榚款式！叫我上網慢慢睇！仲提醒我要預早少少日子訂！

食完午餐，帶幾隻馬騮去廁所，廁所在商場內，商場比較舊，走廊好窄，經過呢間舖頭， 見貼咗好多甜品嘅相，樣子都唔錯，不過買嘢唔使入去，因為店面一眼睇晒，店內做晒廚房，放滿雪櫃，門口欄一塊板做櫃檯！ 店員阿姐招呼我哋！一人一款！全部用即棄餐具！攞走上車食！ 大菜榚（$8）最傳統嘅蛋花大菜榚，爽口彈牙！蛋花就食唔到味！唔會好甜！ 木糠布甸（$13）奶油比較實，唔易𢳂，木糠磨得幼細！好香奶香！唔會好甜！ 泰式椰汁榚（$10）椰汁榚彈牙，唔會好實，味道幾香椰汁味，面頭嘅西米無乜味，唔會好甜！幾款甜品正常，價錢唔貴，呢間可以訂埋蛋榚！只係商場地點唔旺！如果唔係去開廁所都唔知有間店！