My Day

营业中

休息中

呢間餐廳《My Day》位於尖沙咀美麗華商場6樓，最直接了當到達方法係喺彌敦道同金巴利道交界既入口旁，搭乘電梯直上6樓。餐廳平時係婚禮同搞event既場地，不過如果無活動既話，就會有semi-buffet供應，食足兩個鐘。食物款式一啲都唔失禮，有波士頓龍蝦、亞拉斯加長蟹腳、一大堆冷盤熱葷等等。場地以柔和既蘋果綠色為主調，未入門口都見到餐廳是行小清新路線，簡潔舒服，室外有戶外證婚花園，蘋果綠色既窗框配襯著亮麗既玻璃窗，日落前斜陽從窗外透入，感覺舒爽清新。坐低咗之後侍應好快就送嚟一盤冰鎮【海鮮併盤】，併盤有波士頓龍蝦，亞拉斯加長蟹腳，大蝦同埋青口，波士頓龍蝦有成隻手板咁大，肉質結實爽彈結實，蟹腳一絲絲好容易拆，有淡淡既海水味，大蝦鮮甜爽口，無論點COCKTAIL SAUCE抑或落檸檬汁都一樣咁正。任食嘅區域陣容都唔薄弱，有原盅燉老火湯，多款cold cut，多款沙律，有預先整好嘅，亦都有啲係你可以自己動手整嘅，最特別係有【燻蹄海蜇】同埋【泰式鳳爪】，喺一個咁童話嘅地方，食一啲咁地道嘅嘢，雖則有少少違和感，但係三樣嘢都好好食。【原盅燉老火瑤柱花膠湯】，一打開就聞到好香，個湯底好鮮味，有冬菇、

久唔久都要撐下枱腳嘅 今晚又搵到新地方美麗華6樓呢間my day真係唔錯坐得舒服之餘 食物又唔差 而且都幾抵食餐廳係半自助晚餐 前菜 小食 甜品 出面自己㨂款式都唔少 而且好乾淨整齊 店員會不停refill食主菜之前 重有一份海鮮拼盤送 龍蝦同長腳蟹入口比想像中更鮮甜 而且彈牙青口令我有驚喜 外表普通 但又幾好食喎主菜我地㨂左香煎鱸魚柳+蟶子王同埋燒肉眼扒鱸魚外皮煎得好香脆 肉質好嫩滑蟶子王好鮮甜彈牙 配埋個魚湯好正肉眼扒 好有炭燒味 入口牛味濃 輕輕點鹽已經好正

約咗一班靚媽午餐聚會❤️要搵一間地理位置方便、裝修靚得黎又高貴、環境夠舒適而食物質素又有返一定質素既餐廳 ...😅真係唔容易!千挑萬選之下終於決定去位於尖沙咀美麗華商場6樓，四季薈旗下既My Day❤️！其實喺OpenRice睇介紹嘅時候見到個環境已經非常之鍾意💕呢到好多新人book做婚宴同公司包場攪Event架！😍由訂枱個刻開始已經感受到果位同事好有禮貌又細心，所以我都好期待呢次飯局💕Lunch Set價錢中等，食物方面都算多選擇連素食者都照顧到!抵讚👍🏻👍🏻前菜-翡翠螺金柚沙律配柚子蜜糖汁❤️呢個配搭真係好清新！螺肉好爽甜而且啲沙律菜好新鮮！是日餐湯（雜菌忌廉湯）好香濃幼滑，係我既最愛❤️超正！主菜方面大家都點咗唔同既菜式慢煮咖喱雞配飯$128香煎鯛魚柳配蒔蘿忌廉汁 $128炭燒澳洲牛柳配青胡椒汁 $168我叫得做牛魔王梗係要食牛啦！🤤四成熟都唔會好多血，而且肉汁好豐富，好有牛味，連配菜都超好味👍🏻份量啱啱好😍總結：每次上菜大家見到都話好靚，睇得出My Day喺食物擺盤方面都好用心，相機食先是常識吧！ 服務方面侍應生好殷勤又有禮貌，值得一讚！最後仲有MOVENPICK雪糕為我地畫上一個完美

今日朋友介紹去這間My Day食半自助餐， 感覺最正都係這裏的環境 ,純白wedding的佈置, 環境優雅， 浪漫寫意,在這裏進餐心情都特別靚。半自助餐主菜都有很多款可選擇， 價錢由HK$328至HK$398,另計加一，價錢適中。主菜柯打了波士頓龍蝦配車厘茄汁意粉和脆皮炸雞配瑤柱蛋白炒飯， 趁主菜未上， 先去自助吧攞啲食物醫醫肚先。 自助吧食物雖然不多,但沙律菜好fresh, ham和煙三文魚味道也不錯， 加上是日有焗扇貝和青口任食，多款甜品和中、西兩款湯， 基本上已算不錯。其實主菜之前也有頭盤的， 主打海鮮冷盤, 有波士頓龍蝦、長腳蟹、青口和海蝦，味道鮮甜， 尤其以長腳蟹較為鮮甜味美， 蟹肉結實有鮮味， 不用點醬已經好好食。主菜出場了， 波士頓龍蝦配車厘茄汁意粉， 品質不錯,蕃茄味濃，食落好開胃，份量刚刚好。 至於脆皮雞瑤柱蛋白炒飯, 雞皮確實香脆，肉質嫩滑，蛋白炒飯雖然炒得太乾身， 但瑤柱分量多，令飯香好食。套餐還包杯飲品，食飽後一邊飲下嘢,一邊傾下計,慢慢享受 這裏的氣氛，感覺舒暢。

星期六兩點Tea Time, 只得Tea set 可以叫。冇其他選擇。份量正常,咸點好食但數量不多。餐飲叫了士多啤梨花茶, 一套茶壺兩個茶杯成壺上,重幫我地加左2,3次熱水,好抵飲。。慢慢hea慢慢飲。。適合女孩子們談心影相。Tea set $328/2 persons

今晚陪好友黎呢到度試下My Day嘅晚餐， 因為佢睇中咗呢度會考慮成為結婚宴場地，我地就黎個事前試菜兼睇場。My Day平日提供半自助晚餐，價錢係按主菜收費，仲送埋精選海鮮拼盤， 壽星仔女帶埋朋友嚟食仲可以免費tim。半自助餐的前菜沙律湯可以任食任飲。 佢啲湯幾好飲，尤其忌廉南瓜湯非常清甜，我飲咗一大碗！塊餐包係搽咗橄欖油再慢慢烘熱， 口感香脆，味道得意，非常搞鬼，似足中式油炸鬼！主菜其中一款係燒美國肉眼扒， 好多配菜，五成熟， 生熟程度剛好，幾香牛味！另一款主菜係鮑魚蟹肉魚翅撈飯，個感覺好似去左一餐宴會咁！ 一下子由鮑魚，到敬酒前的魚翅，再到炒飯，不過呢次係一齊食，感覺好得意。賣相幾靚，菜式極有創意。另外仲有飲品，我地飲咗凍檸茶同埋橙汁，呢個橙汁直頭係婚宴的味道。

期間限定甜品下午茶（$328 for 2)呢個係由餐廳 cross over 品牌Kesalan Patharan 嘅下午茶，餐廳一向做開婚宴所以環境佈置得好浪漫亦都坐得好舒服，下午茶食物由熱氣球鐵架盛載，賣相好精緻，影相呃like一流🤣鹹點同甜點嘅份量比例各一半，鹹點方面有煙燻三文魚迷你三文治、伊比利亞火腿卷、鵪春蛋煙肉薯蓉同蕃茄大蝦餅乾等等，最鍾意係個火腿卷，有埋蜜瓜係入面都幾好食。而甜點就有士多啤梨玫瑰慕絲蛋糕、白朱古力檸檬杯子蛋糕、士多啤梨朱古力撻、玫瑰馬卡龍、紅莓將結婚蛋糕同紅莓血橙果凍慕絲等等，估唔到唔係得個樣，味道都唔錯，我覺得比鹹點更加好食。呢個Tea set 只係3百幾就食到，仲送埋Kesalan Patharan 旅行裝嘅潔面產品，真係好抵食！期間限定嘅下午茶做到8月31號，係同閨蜜/男朋友黎relax 既好選擇。

今晚小妹陪朋友一試婚宴專門店食物質素！佢話二人同行，送海鮮拼盤🤭小妹梗係唔客氣啦🤣入到去個環境同裝修都幾靚！仲有半個空中花園，不過入夜無開燈，所以小妹就無去影啦～原來三人行同一個壽星，仲可以free一個！！首先揀個main course，小妹揀左龍蝦意粉，朋友就揀左牛排！任食方面：有沙律🥗有冷盤、有甜品、有少量熱食，仲有一中一西餐湯可以飲！任食特別要講既係：有芝士焗帶子🤩🤩🤩🤩 而且不停refill，勁正！唔洗錢既海鮮拼盤🙈🙈🙈 有龍蝦、長腳蟹、青口、蝦... 龍蝦肉幾甜幾彈牙，唔錯👍🏻牛排到～～賣相幾靚，牛排食落勁淋，味道都唔錯！薯條好脆，但咸左少少龍蝦意粉～個意粉汁幾好味，係意粉份量少左d，不過少d就可以有位去出面食甜點😂小妹揀左三件蛋糕仔食，最妹味係右邊咖啡蛋糕，幾滑幾濃咖啡味，綠茶卷就清清地，唔算甜！

朋友約我食飯，話知道有間餐廳環景好靚，晚市係食半自助餐既，女仔嘛....聽到餐廳環景靚，就點都心郁郁既所以呢晚就黎個happy friday，book位去食食個semi-buffet 先場內以白色做主調，佈置優雅，真係好靚，女仔一定中意講返食物先，呢度既自助corner有沙津區可以自己拼返碟心水沙津唔想整既都有兩三款既沙律可以自己“bug”黎食當中亦有部份冷盤、熱食同小食而湯品就有兩款，一中一西，呢晚既中湯係嚮螺雞湯，我都飲左碗，味道唔差呀，當中仲有唔少嚮螺添order左 main course之後，店員好快為我地送上一盤海鮮拼盤幾款海鮮都好新鮮，隻龍蝦既肉質仲好爽彈好多膏添食完個拼盤都飽左三份一啦main course有7個選擇，由HKd$328-398+10%不等，呢晚我地要左份“ 香煎鱸魚柳及巴黎牛油焗蟶子王 伴車厘茄黑水橄欖羅勒魚湯”HKd$368+10%同“ 美國燒肉眼扒配原味燒汁”HKd$398+10%一齊share主菜既味道不過不失，但份量好充足，男士都唔洗擔心食唔飽食完主菜就當然要去返自助區到拎返啲甜品食下啦啲生果味好甜好好食呀，而呢個意式奶凍都幾正，既香又滑，呢晚我

這晚和舊同學聚會，來到美麗華商場的My Day。餐廳很像一個小庭園，相信用作結婚行禮之用，置身其中，份外寫意。餐湯，前菜，甜品都是自助形式，還有幾款熱食，保證吃得飽。主菜可從餐牌任選一份二人同行還免費贈送海鮮併盤，有長腳蟹，龍蝦及青口，每款海鮮都很新鮮。至尊魚翅鮑魚蟹肉撈飯鮑魚很有咬口，一點也不韌。魚翅蟹肉與飯伴勻後非常入味，兩者味道很配合，簡直尊貴享受。美國燒肉眼扒配原味燒汁牛扒7成熟，煎得恰到好處，切開有肉汁溢出，非常juicy。餐茶選了熱紅茶，有助暖胃及消滯。

今次和友人到美麗華既 my day☕️, 我地都係一次黎, 場地主要做婚宴的, 戶外環境幾靚✨閒日比較清閒, 只得數枱客人, 環境清靜, 坐得舒服👏🏻下午茶應該只供應 tea set, 六月份餐廳推出和日牌Kesalan Patharan cross over 夢幻甜品下午茶. 可以網上 book 位, 很方便👏🏻甜品食物較簡單唔花巧, 味道正常但無乜驚喜, 餐飲只有大路的咖啡檸茶選擇. 價錢實惠, 還有品牌贈品送贈, 想舒舒服服和朋友坐下傾計, 是一個不錯的選擇😆

Afternoon well spent at My Day Dining, enjoying the super cute tea set with my beloved friend💕To be very honest, the food definitely looked better than it tasted, and the proportion of the savoury to the sweets was way too low LOL As for the savouries, I liked the bacon & mashed potato canape most as there’s egg yolk flowing out when I poked it when a fork. The egg yolk tasted perfectly well with the salted bacon and mashed potato The mini sandwich though, was a bit disappointing as the smoked s

週末，當然要和好姐妹聚一聚。無意間，在facebook的廣告中見到My Day，它和Kesalan Patharan合作，食hightea會送小禮物，包括洗面水、店舖coupon...就和朋友去了。原來My Day是一個婚宴場地，它裝飾用色柔和，室外有個小小的行禮地方，雖然細看設施有些舊，但影下相來還是簡單得來又浪漫。❤High tea 價錢不貴，＄328兩位，加一後每人約＄180。有甜點和咸點，但最可惜的是沒有high tea必備的鬆餅。😥說到high tea, 茶是很重要的。當我們問侍應有什麼茶的選擇時，他er...左一陣，然後說「就是平時那些啊」😅😅旁邊的侍應嘗試解圍，但他顯然也不知道。最後他去廚房看了看，用手機拍了個照(因為沒有茶水餐牌)，告訴我們只有三個選擇: 士多啤梨、茉莉、Earl Grey。茶真的普通，喝得出是家裏茶包的那些。幸而high tea set的賣相不錯，挽回些分數~😀我覺得最特別的是 「鵪鶉蛋煙肉薯蓉」，一口咬落去，原來蛋汁和煙肉配埋又幾好食~😊甜品就無乜特別，以這個價錢我也不expect會食到很卓越的甜點。不過以粉紅色為主題，又真係好靚既~😘食物的Clos

尖沙咀既My Day Dining 一向做開婚宴酒席 環境同佈置都超浪漫超靚💕 層架下午茶亦好精緻 以粉紅甜品為主 一共有18件小點 仲有個好靚既迷你結婚蛋糕添!兩人afternoon tea set只係$328 仲有精美Kesalan Patharan 護膚品送 幾抵食啊❤️ 唯一美中不足係飲品種類較少 如果可以多啲茶同咖啡選擇就好了Taste: 👅👅👅Value for Money: 💰💰💰💰港女指數: 👑👑👑👑👑(on a scale of 0-5 emojis)

對於晚飯地點，好多時除左揀菜式、食物質素、價錢之外，環境都係一大要素，特別係講到慶祝另一半嘅生日。如果坐得舒適，可以傾下計，又可以表達下我嘅細心更好。位於美麗華一期六樓嘅My Day係一個朋友介紹嘅，令我幾加分。餐廳門面幾靚，以粉綠色為主調，地方闊落，視野廣闊，睇裝潢我就明白點解喇，因為呢度都係飲宴場地，從佈置都看得出來平日會做午市、下午茶及晚餐，晚餐更加係半自助形式。包括前菜、沙律、小食、湯、生果、甜品自取，主菜一份，價錢三百零蚊位，合理收費。我地入座後，各自點左一份主食，分別係美國燒肉眼扒398蚊、脆皮炸雞配瑤柱蛋白炒飯368蚊兩人以上惠顧會有精選海鮮拼盤附送，每位有半隻龍蝦、凍蝦、青口、蟹腳，都幾豐富。龍蝦都唔細隻，都幾多肉，冷盤，亦都見到有膏，唔錯。反而蟹腳幾鮮甜，又唔會太鹹。因為係送嘅，都收貨，青口、凍蝦普普通通。自助區有沙律、小食、生果、甜點、湯等。沙律都有唔少醬料、配料可選。仲有不少小食，例如鳳爪、燻蹄、海哲、扇貝等。有中湯、西湯，我地都好鐘意飲湯，所以飲左兩碗。當晚有椎山杞子螺頭煲雞湯同意大利雜菜湯，雜菜湯幾香；至於中湯都幾好飲，唔會好油，清得來又冇味精感，唔會太淡。湯