影片
营业时间
今日营业
18:00 - 03:00
星期一至四
18:00 - 02:00
星期五至日
18:00 - 03:00
*星期一至四(last order 1:30) 星期五六日(last order 2:30)
以上资料只供参考，请与餐厅确认详情
呢间串烧店堂食唔多位，主要系做外卖串烧同烧野食🤣，价钱相当贴地，平过餐厅食好多😎，以下为小编觉得唔错嘅嘢食，其他就不过不失唔试都冇损失：-1️⃣「蒜蓉原只茄子🍆($38)」超重蒜蓉香，茄子好绵好淋~👍🏻-2️⃣「金菇肥牛卷($15)」👍🏻呢个配搭冇得输！juicy-3️⃣「炸秘制乳鸽🔥($56)」炸得外脆内嫩🥰，觉得呢个系店嘅招牌👍🏻-4️⃣「蒜香帆立贝🌊($22)」👍🏻5️⃣「蒜香烧生蚝🦪($26)」👍🏻两款海鲜都惹味，大量蒜蓉正~-6️⃣「烧鹌鹑蛋($10)」表面甜甜地，好得意！虽然胆固醇爆表👍🏻
继续阅读
今日收工经过光辉围发现原来开咗间烧烤串烧店舖，因为平时收工回家都比较夜，所以餐厅种类选择比较少，见到呢间铺都仲未收铺，抱住一试嘅心态试下，种类唔算太多尼，但都唔算少，价钱都算公道。因为我买嘅时候已经差唔多凌晨1：15分。所以我问有咩会冇得叫，个间店员好有耐性话基本所有食物都有，某些食物可能要烧得比较耐，问我介唔介意可能要等10几至20分钟，我叫咗烧腐皮串，鸡肉串，猪颈肉串，烧生蚝，烧元贝加店员推荐烧布朗尼。我企起门口等，店员攞咗张櫈俾我坐住等，仲俾咗张传单话下次如果想食可以提早打电话order 就唔洗等咁耐。我攞嘅时候佢同我讲今日送多2串俾我试下，1串牛丸加1串鹌鹑蛋俾我，因为佢哋差唔多收铺，我觉得唔好意思，因为自己拣烧生蚝同帆立贝，原来贝壳类会烧嘅时间比较耐，住人收工，佢仲不但冇唔耐烦仲送多2串俾我。真系多谢哂。好耐都未遇见咁nice嘅后生。
继续阅读
本身系呢一区啲街坊然后都好钟意周围去揾呢区嘅美食特别系宵夜，前排听朋友讲新开左一间食串烧嘅就胆粗粗走去试吓，每样肉类海鲜都有嗌咗啲虽然唔系话算得上特别好食（可能因为啲肉串切得太细粒，本人比较中意大大嚿比较有口感😂）但系都有几样令我觉得惊艳嘅系佢嘅鸡肉串，烧完唔会话太干外脆内软仲有好多肉汁同埋佢嘅招牌腐皮串加咗啲蒜蓉同辣椒粒做内馅非常惹味但系个人就觉得如果佢嘅内馅可以再丰富啲就好例如加啲肥牛啊，或者炒过嘅肉碎之类同埋呢样特别要讲，就系我觉得佢嘅烧生蚝，真系我呢一区食过嘅算系最好嘅一间，依家都好难得有舖头可以做到烧海鲜系好食嘅。然后点解我要特别写个食评呢？系因为我觉得呢间小店系真系有用心去努力经营例如我之前讲过嘅可能啲肉串嘅肉切得太细粒食落去唔系咁过瘾然后我前两日又走去同朋友试咗一次结果呢一次冇令我失望到，每一串肉串都系足料嘅钟意大口食肉嘅朋友，一定唔会令你失望😝然后另外见到有炸乳鸽，又嗌咗一只嚟试吓只乳鸽炸得好靓，个外皮好脆啲肉都好香好多汁之后我就问咗老板娘 点解你哋只乳鸽整得咁好嘅佢就答我，只乳鸽其实系佢屋企人整嘅，佢屋企人以前都系做烧味嘅老师傅。所以我就觉得真系唔错，除咗串烧之余都仲有其他嘢都整得唔差，但系个人一个小小嘅建议唔知除咗乳鸽仲可唔可以整到啊叉烧烧肉之类嘅小食😂😂Btw上次挂住食，都唔记得影相如果有机会嘅话我应该会再去食过，到时再影多啲相
继续阅读
夜晚收左工好肚饿，同一大班同事一起去食，舖头嘅伯伯见到我地即刻帮我地开台叫我地随便左，𠮶日仲唔好彩落雨，然后即刻帮我地d台搬入d！我地𠮶日都嗌左好多野食个个都食饱不过最后埋单先八旧左右人均一百多d，个人觉得咖喱鱿鱼同埋花枝丸羊肉串都值得试，仲有佢地个炸乳鸽，乳鸽好味过出面酒楼𠮶d我个人觉得🥺唯一嘅点可能系要等比较耐，不过我觉得系小事，我建议赶时间就唔好食，唔赶时间就坐喺度大家一起吹水都唔错嘅，外卖可以提早嗌就唔怕等🤣同埋啦始终呢间小店系开喺街口，咁我地一大班同事对环境都冇太大要求嘅，我觉得如果介意热啊冇冷气嘅朋友仔可以嗌外卖嘅😂ps：食晒先醒起要影相
继续阅读
open rice见到佢系新开，附近又冇咩食，谂住试吓佢la。6点50分叫咗外卖$16xx嘢（7个人食），结果等咗超过1个钟（7:50pm）先烧好晒。我见到得我哋一单，同food panda一单（一袋仔嘅食），厨房成4个人烧都要烧咁耐，比住系其他铺头，堂食有其他客都系烧咁上下耐。我唔敢话佢哋手脚慢，但可以肯定见到系设备差，炉头细。到走𠮶阵，个店员讲其实我哋可以打电话叫，然后送上嚟，我心谂鬼知咩，你又唔写出嚟可以送，我又唔知原来要烧咁耐，低低哋咁等咗成个钟先讲。好la，搞咁耐，冇冷气又热又多蚊又贵，返到去，结果味道仲要系连牛池湾价钱平一半嘅串烧店都不如，完全冇用火烧嘅𠮶种感觉同味道。我从来都未试过写食评，但今次真忍唔到。加件搞笑嘢，我哋叫完嘢问𠮶阿叔（冇着制服，而入面有两个后生嘅有着）有冇得平啲，佢话老细唔系度，要打个电话比老细先，结果佢一打，厨房入面有部电话响，之后佢就急急脚咁行入厨房搞个电话，最后佢直到一个钟后我哋走都冇再出过嚟。各位自行判断老细喺唔喺度laBTW，想堂食嘅朋友留意吓系要坐喺条街度食
继续阅读