影片
以上资料只供参考，请与餐厅确认详情
小心，外食腌制肉类食物可能有酸馊味！上次是鱼米嘅火腿，今日系美心嘅红肠，唔知下次会系……踩！大吉利是！千祈唔好好嘅唔灵丑嘅灵！如果唔系，一定即刻去买条6合彩去辟邪！🤬🤬🤬今日热热地，拎张被去焗，出开嚟就顺便食埋嘢，叫个4𩠌面，包括红肠、猪红、牛腩及上至爱嘅猪皮，加个冻茶少甜，要辣汤，原价要$48，实付几多就唔讲啦！所谓辣汤，原来只系加几滴辣油落去啲汤度，完全无诚意！今次个猪皮无猪毛亦无沙，牛腩系正常车仔面嘅碎腩，猪红亦正常，唯独是个红肠就出事，一般车仔面舖嘅红肠会系煎好或炸好，但呢度无，而且咬落口仲有阵酸馊味，我以为系个别事件，点知第二件一样，于是同执台职员讲，佢确认完系红肠之后，居然继续用佢平常速度去执台，执完之后就用佢讲均速走去厨房讲，讲完之后就出嚟同我讲话已经同厨房讲咗，佢哋会试吓味，之后就无之后，结果系点，我完全唔知，但佢个餐牌唔见有停售，亦完全无向我呢个当事人交代！😡😡😡我虽然坐起度凉紧冷气，但就好鬼激气😤😤😤，希望个肚无事啦！大吉利是！丑嘅唔灵好嘅灵！咁大间机构，居然服务同应变态度咁差！明知个客投诉，居然唔立即去厨房反映，明知个客有投诉，都唔同个客解释，真系好过份！完全扣哂分，咁嘅服务态度，咁嘅应变方式，有得拣嘅话，任何人都识拣啦，你话系唔系？
继续阅读