MX (港鐵大學站) (已結業)

一直工作至2:45還未食飯,懶得用腦,走進美心食下午餐.看著餐牌,炸雞翼,西多士,燒臘…實在令人皺眉,最後惟一令我可以安心放落口是”至有營”系列的”番茄雞絲三蔬燕麥麵配低糖綠茶”.燕麥麵過淋沒有咬口,幸好配紅蘿蔔,椰菜一起食可以挽救了口感的缺憾;另外,番茄又酸又夠多,可惜完全遮掩不到因多鹽而過鹹的湯底.有營養嗎?至少比炸雞翼西多士好得多.笑臉是給有心做營養系列,請繼續堅持吧,因為全場爆滿只有我一個點了這個”至有營”…

突然發現有需要為自己給的笑臉下個定義, 所有Concept都要有Operational Definition的.笑臉: 未必肯定是超好食, 有一間可能好食d但只有ok, 反而另一間冇咁好食又有笑臉wor, 何故? 個人而言同expectation(預期)是有莫大的關係的. 如果那次吃的經驗exceed my expectation, 而且價值是高於成本的話就可以得到笑臉了.今次係美心的經驗就係一個好好的empirical evidence, 去了tea一tea, 選了"鮮茄雞絲三蔬燕麥麵", 睇相就知賣相係亂七八糟的, 係出奇地食落唔錯wor, 先係燕麥麵唔會太淋有咬口, 薄薄的麵條配合了淡淡的蕃茄香, 當然唔係超香濃la, 但湯底都散發出陣陣新鮮茄香, 見到有茄肉的.雞絲也出奇地嫩滑, 重有少少酒香味tim, 蘿蔔絲, 粟米粒, 菜都可以加強口感. 個人認為鮮茄雞絲的組合會比另外的沙嗲來得自然^^用埋$10 coupon咪係value higher than cost lor~~~

中午沒有吃飯，下午tea一tea，順路來了這裡。下午茶餐2個：公司治配扭紋薯條，加華田一杯($21) - 大大份，好吃蜜糖雞翼兩飯配栗米，加檸茶一杯($17) - 相比之下，雞翼當然是KFC的好吃，不過以這樣的價錢吃得飽飽，也是物有所值了

話左唔會再o黎，結果反口了。因為學校飯堂實在太難食。今日叫左個魚蓉豆腐。個豆腐好滑，但係無乜豆味。算係唔錯。配湯，個湯好清，都唔錯。仲有綠茶，菜同生果盒。飯就有三色米，的確幾健康。最緊要都係食得飽。價錢算做合理(計埋優惠)。平反了……

學校d canteen 裝修，無計啦，見有優惠，就o黎豪一次。叫左個冬瓜盅+荷葉蒜蓉蝦蒸飯。仲有杯中國茶。個冬瓜盅其實唔錯，不過一個人食就太多了。個荷葉飯，拎出o黎果陣時已經唔熱架啦，到我食果陣只剩低那點點餘溫，感覺好差。飯已經少架啦，仲要無乜荷香。個蝦仲離譜，我都唔知自己係食緊蝦膏定係蝦。d蝦仲要一d鮮味都無。結果食完有好飽ge感覺(因為一肚水)，番到宿舍已經肚餓了。下次應該唔會再食呢間。

屋企近排冇人煮飯,為有去美心到食飯一向都對燒味都鐘意食燒味,見到有六寶更係叫碟試下呀,六寶有1,油雞2,燒鴨3,紅腸4,叉燒5,墨魚6,咸旦.油雞味道吾錯吾會太鞋.叉燒有少少瘦乾身.二十六蚊一次過可以食齊六種燒味,都叫吾錯