MX (港鐵大學站) (已結業)

因為大學站經過返屋企，冇咩選擇之下就買咗美心，今日個飯煲壞咗，不過好好彩都有剩餘幾個焗豬扒飯，買咗一個加紅豆冰幾好味，但係大家樂高質素啲 🙈好有趣，佢轉晒米粉！因為橫掂都唔係食咁多飯，所以就買啲外賣小美仲抵食！因為佢質素非常之好，油雞大鑊好評，全家六個人都話好味好驚喜，下次可以經過再買！佢個條尾好好，我自己就鍾意再瘦啲 不過真係全家都大贊好難得，證明質素真係好 叉燒就好好痛痛，不過啱我鍾意食瘦嘢嘅人 佢個老火湯雖然好濃味好夠火喉！不過用排骨煲嘅清補涼，飲落去覺得好油，放凍咗仲見到層油添不過另外加嘅上湯菜同埋湯都好足了，份量非常多，個湯仲有好多件排骨冇期望之下有意外嘅驚喜員工服務態度都唔錯 👍🏻同埋買咁多嘢都等得好快，果然係快餐啱晒咁趕時間走人嘅我

所謂「好又一餐唔好又一餐」，但係經常外食，對身體始終唔係太好！尤其係快餐店之類，其實不外乎燒味，高鈉少菜嘅組合，都係偶一為之吧！本來平時中午食開高纖蛋白營養代餐，但係嗰日忘記咗帶櫃桶鎖匙，於是就求其去買個外賣飯盒算。睇見水牌上面嘅選擇唔多，每款價錢都接近$40至$50（如果加埋嘢飲的話）。所以我就揀咗最平嘅茄汁雞扒焗飯，貪佢有熱飲送，仲要係限定優惠$39! 但係呢個價錢比起我平時食開嘅高纖蛋白營養代餐仲貴咗$4!講起呢個焗飯，面頭塊芝士好脆，內附一粒焗熟咗嘅番茄仔，同埋兩塊幾厚嘅雞扒。尚算不錯啦！如果可以多啲配菜就好喇！

現在，經常都需要上國內工作，而且需要在早上九點左右到達東莞的常平。所以，一旦需要北上，我六點就要出門口，趕頭班車到中學站了。亦因為要非常早起床，早上的一餐就需要在車站解決了，而唯一的選擇，就是《MX》了。新的《MX》環境舒服了，不過，不的食早餐可以改選蘿蔔糕走麵包。習慣食快餐店早餐配蘿蔔糕的我其實有點不太習慣。而在《MX》我就慣常點他們的一個龍蝦湯螺絲粉的套餐。始終，北上工作需要食飽一點。最令我感開心的，就是這一個腸片龍蝦湯螺絲粉。最吸引的是香口的龍蝦湯，味道濃厚，沒有腥味，連濃湯、粉同腸仔片一起吃入口，既溫暖又夠飽。在快餐店，最喜歡都是吃他們的雞扒。不過，此《MX》的出品長期煎得太乾身，味道雖好，但口感非常差。奶茶倒是令人開心的，因為這奶茶很滑，奶味濃得黎又唔會過重。早上有好的一餐是很重要的，而大學站的這一間《MX》，雖然是連鎖店，但可以令我得到溫飽，已經夠開心了。

今日入沙田，順便去中文大學行下朋友，去到夜晚想食啲快餐，就入咗嚟美心。本身期望都唔高㗎啦，但係真係冇嘢好揀。叫咗份咖哩飯叫做唔錯啦，都飽嘅，咖喱唔會難食得去邊。令一份就真係麻麻哋啦。個湯就唔錯啦，夠熱囉，睇相都唔吸引就明。

今晚又來食，雖然食過好多次，但係冇其他嘢好揀。再試試燒味飯，上次切雞好多骨，今次揀啲冇乜骨架，要燒鴨。黎到，肉量ok喎，食落唔多骨。味道正常啦。價錢始終一般燒味舖平，又冇嘢飲。

又係我呀喂M X，我又來啦喂。嘩今日搞咩黎呀，個mon爛鬼左入到去發現啲窗都封晒喎見到有款新嘅烏冬喎，試吓先。首先，橙色係好搶眼嘅，但係焦點放左喺冇乜烏冬到，其實食完之後知道有足夠嘅烏冬，但係沉左。第一感覺比較差。雞扒都係覺得好細塊。食落，其實個濃湯唔錯少少稠都正常。烏冬就痴埋左同浸到林左啲啲。要搞兩吓。雞扒煎得唔錯其實，啲肉好實，少見都知d濃湯係有客人叫到先淰上烏冬度，但係想之前搞佢兩下都係用2秒姐，效果就好唔同啦。

黎到中大，唔係學生，又唔想食fat fat嘅唐記，又要快，就揀左美心MX。晚餐黎講選擇唔多，大家樂同大快活會多啲。叫左鹽焗雞肉燥豆腐飯跟熱檸茶。望落唔錯，不過食落啲雞冇乜肉。得層皮咸其實冇乜用。豆腐肉燥就正常，飯量都夠。下次寧願揀叉燒多啲肉又唔洗花時間去皮。

好耐冇寫食評，近排有時間即刻落筆。今日去到中文大學附近，想食啲乾淨啲唔煎炸嘅餐，又有少少趕時間，見MX喺度就試吓。叫咗個叉燒飯加例湯。叉燒偏瘦，份量OK，叫咗少飯不過都係偏多。味道正常啦。個南瓜湯有驚喜喎，有豬骨食，同一段粟米。推薦大家試，不過買之前記得問清楚咩湯啦

今晚一個人食飯，要快靚正，send menu比男朋友問食乜light得黎又飽又健康，佢話不如試吓個豬扒雜菌稻庭烏冬。黎到，係靚既，不過豬扒切開3件合埋少左啲囉，食梗係去皮先食烏冬幾彈牙同足量，湯就一啖擺低。菇就ok啦。普普通通不過因為係男朋友揀既，都食得開心

今朝又跑科學園，跑完10k當然要食返個靚早餐。可惜中大d canteen太遠，cafe又星期日冇開，所以唯有快餐頂住檔。我地10:50先去到，就快冇早餐要加快腳步！去到見到好多都售罄，所以我哋六個人一式一樣叫咗雞扒煎蛋（炒蛋同烚蛋都售罄）。其實一直都知道美心早餐質素係最好，不過都好少食快餐早餐。今日再一次確認美心好食，丹麥多士甜甜地，唔會好似其他快餐店早餐啲厚多士隔夜咁又硬又凍，塊雞扒都幾大份，太陽蛋有兩隻， 唔生唔熟啱啱好。熱奶茶正常。

好多時候一個人諗唔到食咩，都會渴望求求其其搞掂一餐就算。係大學除左成日食canteen food，大學站既美心都會係學生既選擇之一，不過價錢就當然相對大學既canteen/餐廳貴一截啦😗不過食得多學校canteen，耐唔耐都會想轉下口味，所以就去左美心食個quick dinner，求求其其又一餐，最緊要係醫飽個肚。因為慣左晚餐唔食咁多澱粉質，所以就揀左個相對無咁heavy既忌廉豬肉扁意粉($47連熱飲)🤓成日都以為係快餐，諗住都係一早預備好，淋d芡汁上去碟麵到就搞掂，因為以往食快餐店都會有d野食凍冰冰、唔熟等既不愉快經歷，所以都無太大期望。點知今次又無呢個情況，碟扁意粉都係出煙熱辣辣既😆豬肉有d似豬頸肉質地，少少爽口但係就無咩豬肉味。芡汁略少，唔夠撈哂成碟意粉，所以食果陣都有d乾爭爭既感覺😢同埋最大個問題就係份量好少，食完真係好似攝牙隙咁🙈不過都真係唔可以期望大多既，始終係集團式快餐店，務求三個條件——快、靚、正，係快就快既，不過靚唔靚正唔正就見人見志喇😂

剛從深圳做完推拿，係大學站轉車回家，看到有美心MX，反正自己有點肚餓，索性走入去看有甚麼好食！自己只是一個人吃飯，去快餐連鎖店食就最方便。第一次看到美心MX竟然有黑蒜油义燒拉麵食，非常之吸引我，一個拉麵套餐包括熱飲品一杯只是$49，價錢非常合理，若果在其他拉麵店食就要$70-$80才有一碗拉麵。整個拉麵我最喜歡是那個糖心蛋，味道不錯，有一般拉麵店的水準，至於义燒就略為較薄與細塊，但味道還可以，最令我失望是拉麵的質感，一點也不像我以往吃的拉麵，比較像一般的即食麵，還要是整碗麵也是碎濕濕的，不過想到價格，以這質素是可以接受的，明白是不可以要求過高的。那碗麵的份量對女性來說是應該足夠的，但男士們可能會不夠飽，無怪乎坐在我附近的男士們都是選擇食飯喇！

係Library溫書溫到好肚餓，但眾志堂又無開，又唔想搭校車上去食野，於是局住去左連鎖美心MX食。七點半左右間鋪都唔算多人，大部分都係學生、大陸遊客、同係大學岩岩放工既職員。好快叫左個金沙四季豆小菜，49蚊，貪佢有碗中湯，可以暖暖肚。睇到實物，原來金沙既意思姐係鹹蛋醬，本身以為連鎖店點都好過學校Can，點知個醬好淡無咩味，配幾塊豬肉片同四季豆，四季豆無去絲之餘亦都好淋，成個餸都好唔開胃。唯一係個中湯好有水準，豬肉蘿蔔湯，都幾多渣，撈埋湯先食得曬d飯。差唔多八點就開始多人，食完就急急腳走啦。

今日有啲趕時間，經過大學站，要食個quick lunch 🤪諗住叫快餐就算～就入咗美心。因為係lunch hour, 好多人, 差唔多坐爆咗。好彩好快買到嘢食。叫咗個肉醬意粉。雖然賣相一般，但味道幾好！ 如果係焗意就好啦，因為個意粉有少少凍同水。同埋加杯熱檸茶，咁就盛惠48 （如果冇記錯）。 不過肉醬入面有磨茹，不錯不錯！隻蛋係全熟嘅，just the way I like it👍🏻 不過不失啦！不過如果唔係咁趕時間，都應該唔會再食啦🙈🙈🙈

唔舒服嘅第三日要食美心，唔算好多嘢揀，又唔食得煎炸嘢最後揀咗呢個梅菜蒸鯇魚飯，對面嘅朋友都病，佢就叫咗鹹蛋蒸肉餅飯嘩呢個蒸魚真係「世界級」，啲魚唔知點解異常地油膩，有好多啫喱狀嘅物體痴住魚係唔新鮮嘅，魚肉煮得over咗，又淋又散不禁令我思考我究竟係咪入咗老人院/醫院食緊個啲餐雖然我病要食清淡啲，但係都冇理由係劣食成個餐比較食到落肚嘅係梅菜，同埋墊底有豉油嘅豆卜最後都食唔哂就走咗人，呢間美心no next time