MUSEe

营业中

休息中

呢間餐廳我試咗佢嘅越南火車頭河粉同大頭蝦喇沙湯麵，味道方面中規中矩，河粉湯底算清甜，牛肉份量適中，入口嫩滑；喇沙湯麵香料味濃郁，湯底夠辣夠香，大頭蝦都算新鮮彈牙，以呢個價錢嚟講，食物質素係對得住嘅，唔算失望。可惜，最大問題係服務態度差到離譜。餐廳九點收工，我八點十五左右入座，正常嚟講食到九點都冇問題，但由我坐低開始，侍應就不斷暗示我要快啲食完，期間幾次走埋嚟問可唔可以埋單，感覺好似想我即刻走人。當時店內客人唔多，氣氛其實可以好輕鬆，但啲員工全部一副唔耐煩兼唔想做嘢嘅樣，零招呼，完全無服務可言，好似我8:15入座係得罪佢地咁。食物雖然對得住個價，但咁嘅態度，真係難以再幫襯。

真心想推介！去South Side睇戲搵地方食午餐, 雖然見到呢度嘅評價唔多好，但係又很喜歡它的裝修，咁啱又有好多位，即管試一試。吃了大頭蝦喇沙麵，正宗湯底，大頭蝦也比我想像中爽口。三文魚牛油果pizza，材料新鮮又好味。兩杯咖啡也有水準👍感覺所有服務員都很有禮貌，待客認真，上菜速度也理想，真搞不懂為何有網友的經驗那麼差🧐它絕對值得我為它平反一下！其實網上嘅評論真係唔應該跟太貼，自己的感受最重要😅下次再來🫶🏼

中午時間外賣兩餸飯，啲肉切極都切唔開，原來雞髀未熟。應該唔會返轉頭再去換個隻。今餐當減肥😞食咗一半，希望唔會肚痛。本來對食物嘅選擇已經好失望。再多個理由唔使再幫襯。

好少會發脾氣，亦都好少會咁唔大方！但呢次用餐體驗真係可以講係嬲到震。😡😡😡😡😡😡話說今日喺南岸商場食飯，8:15左右入座，其實一般餐廳嚟講都唔算真係好夜啫？一入去店員已經吹我哋落單，我哋都冇問題嘅，好配合，馬上點咗三個食物：有牛扒，有豬扒同埋叫咗碟菜。食物我都唔想討論了，其實食扒都要啲時間架，已經滾水淥腳咁倒入口，食到咁上下店員已經吹我哋賣單，我哋都好配合，冇所謂嘅！去到最後9:30左右個服務員直程行過嚟問我哋食完未，我哋禮貌地回應話差唔多，話口未完我睇住佢將我先生嗰碟食物馬上收起，講緊嗰度仲有食物未食完，而佢隻手仲拎住刀叉架！真心覺得超級冇禮貌，一句唔好意思都冇，其實公司冇比OT錢你哋咩？唔係應該俾個客人好好地食埋先咩？到底呢間公司嘅指引係咪因為冇錢比OT費，所以啲員工1分鐘都唔可以留多一陣？我哋都唔係有心阻大家收工架！至少都俾我哋食埋個食物飲啖水先得唔得呀？😡😡😡😡😡😡Total 其實買單都差唔多$700，食得一個鐘，咁樣趕客法唔怪得知香港飲食業口碑越做越差，非常希望呢間餐廳嘅管理者或者老闆睇睇呢篇文章！係我哋親身嘅經歷！嬲到震！😡😡😡😡😡😡😡😡

這份餐點的份量相當足夠，讓人感受到滿滿的飽足感。牛肉部分更是令人驚喜，有五大塊的肉片，吃起來既嫩滑又多汁，牛味濃郁卻不失細膩，令人回味無窮。牛肉的切割恰到好處，不會過薄，保持了豐富的嚼勁，品質十分優秀，令人滿意。湯底熱騰騰，既清甜又鮮美，沒有過多的油膩感，帶著濃郁的越南特色香氣，每一口都令人陶醉。河粉下方鋪滿了新鮮的芽菜，吸收了湯汁的美味，讓整體層次更加豐富。每根河粉都淋滿了香濃的醬汁，味道濃郁而不膩，帶來豐富的口感與滿滿的幸福感。 整體來說，這份餐點不僅份量充足，材料新鮮，味道正宗，是一份讓人吃得安心又滿足的越式料理首選。早餐再要配埋腸粉，份量夠哂大。MUSEe (黃竹坑)黃竹坑香葉道11號THE SOUTHSIDE地下G19號舖

最近，我和朋友們到一家人氣餐廳用餐，原本期待能享受美食和愉快的用餐氛圍，但卻遭遇了讓人失望的服務。進入餐廳後，服務生似乎對我們的到來並不熱情，沒有任何微笑或歡迎的語言。點餐時，我們感受到她對食客的不耐煩，語氣冷淡，似乎只是想快點結束這一過程，讓人感到十分不舒服。最令人無奈的是，當我們的蛋糕終於送到桌上時，竟然是打橫放置，幾乎要從盤子上掉下來。這樣的情況不僅讓我們感到驚訝，也影響了用餐的心情。蛋糕本應是甜美的享受，卻因為這樣的服務而變得索然無味。我們試圖反映這些問題，但卻沒有得到滿意的回應。這樣的經歷讓我深刻體會到，良好的服務態度對於顧客的用餐體驗至關重要。希望這家餐廳能夠重視服務品質，提升顧客的整體滿意度，讓每位顧客都能感受到尊重和關懷。

如題$70嘅3餸飯外賣 佢畀得兩舊西蘭花會唔會太過份 個蒸蛋極咸 雞髀又老又唔入味然後佢包裝係非氣密嘅紙盒 根據政府網頁所講 係可以不收費提供膠袋要求提供袋裝住嘅時候 話膠袋要收$2職員態度亦係一個問題 該名職員表示佢地由紙袋變成膠袋好耐 作為客人係唔會知你地嘅好耐係幾耐 另外 佢熱食同沙律個價錢係一樣 但佢永遠都唔畀客人熱食加沙律 只可以全熱食 或者全沙律價錢由原本$68 有3餸 到依家加價$2 都唔緊要 黃竹坑真係美食沙漠 有似樣少少嘅食物已經好開心唔會再喺呢度買外賣

東南亞美食、西餐既菜式也可選擇款式多，味道好每道菜大人、小朋友也覺得美味，價錢適中侍應清晰介紹食物的配搭，服務態度也很好餐廳環境很舒適，燈光柔和，令人舒適，值得再去

今日去黃竹坑諗住去新商場搵嘢食，見到呢間兩餸飯賣$58雙餸，立即試試佢夾餸嘅時候前面位小姐（普通身形）已經覺得職員好孤寒，出聲問點解淨係得咁少肉？真搞笑。到我自己揀咗豬肉同雞。一打開得啖笑，兜亂晒，雞肉又少又生，得啲頭頭尾尾位！豬肉又鞋又少，最多就係咖喱汁，仲要極不好食！簡直侮辱兩餸飯！一個新商場一間餐廳做到咁應該都冇得救，但可唔可以對得住個良心？我都知要交租，但係食物質素就係咁？仲要喺個客面前畢完餸覺得太多肉，倒返出嚟再畢！有冇咁小家啊？

路過見到有下午茶，咁岩想食意粉，就叫左野菌忌廉扁意粉，啲野菌幾新鮮同忌廉醬都幾濃郁，配埋即磨咖啡都只係$64。即磨咖啡仲有唔同選擇。而且餐廳裝修靚，有格調得黎又坐得舒服。

平日lunch time單機幫襯左兩次，每次去餐廳都係滿座要等位，不過可以用GULU app攞定飛第一次食紅酒汁牛尾糙米飯，埋單連加一$8x，食物好食，環境又舒服不過第二次去，叫馬拉盞炒豬頸肉卷心粉，成碟粉好鹹好油，埋單要$101，覺得好唔值… 而且發現成個lunch menu其實都加左價未必再有下次…

係美食沙漠返工基本上有咩新餐廳開大家都會蜂擁過去依間多國菜我幾欣賞首先個裝修做得好好唔錯其次係入到去咩都有得食門口有啲高質外賣三餸飯嘅選擇坐低食又有西餐，東南亞菜等等選擇起碼一家大細行落去都有啲嘢可以揀而且喺南區嚟講呢間嘢都叫做中規中矩絕對算係抵食今次同同事就試咗一個泰式炒卷心粉其實就即係好似一般嗰啲泰國炒麵咁幾有鑊氣嘅同埋好惹味另外叫咗個喇沙湯就唔OK 淡到飛起蕃茄大蝦意粉都係好一般要瘋狂加辣椒仔先有味不過lunch嚟講仲送一杯免費嘅冰茶都算係咁就算嘢食一般般下次諗唔到食乜都會想行落去起碼環境有優勢乾淨舒服又夠闊落上菜時間都幾快手服務水準都有中等啲員工全部都幾Nice親切嘅重點係多款款式可以揀喺黃竹坑返工嘅朋友仔可以考慮考慮

第一次去the southside, 商場比想像中細, 行過見到MUSEe餐廳, 環境幾好就試吓晚市餐牌 並唔係套餐, 飲品或者餐湯沙律都要另外加錢, 相中只是晚市餐牌其中之一越南火車頭河粉（生牛肉.牛腩.牛丸.牛栢葉）$98，足料，但牛肉偏肥，湯唔濃，唔推薦原隻越南大頭蝦忌廉汁意大利麵,$158, 大頭蝦有鮮味, 意粉算多汁, 味道唔錯是日餐湯 加$12 蘑菇忌廉湯, 味道一般, 下次唔會再飲餐廳環境氣氛都算好總括: 味道一般，晚餐價錢適中，行過都可以試吓

唔錯喎，仲有兩餸飯！個Menu同啲菜式同之前IFC金鐘的Simplylife極度相似，但份量就多一些，（除了果茶，沙律，湯和麵包份量比Simplylife少，但我不介意，最緊要main course份量多），一樣咁好食，但價格稍為便宜。門口counter仲有take away兩餸飯，$68，我是堂食，但都想試吓那兩餸飯，有炆牛尾，炸魚塊，大大隻雞髀，炒西蘭花cum椰菜花,大大盒真係好OK啵. 我堂食，和朋友點了炆牛尾糙米飯及laksa, 味道唔錯。我諗佢都會逼得Southside其他餐廳加把勁！只可惜喇沙和相片不符，缺少了兩件豆卜，豆卜塑料喇沙的汁這應該超級好味的，但這碗卻偏偏走了兩粒豆卜，我們追問waitor他竟然說話我們那碗不是喇沙，所以沒有豆卜，佢真係傻咗，唔通我食完都唔知嗰碗係唔係喇沙？

剛一星期前開始有tea set，即和友人到訪試試😄 Tea time ☕️2:30-5:30pm Mon to Fri💥班蘭咖央多士配香蕉+泰式奶茶👉香脆多士沾滿咖央再加上一片牛油，另以焦糖香蕉件碟，整體口感豐富，但個人感略甜😂👉泰式奶茶濃郁茶味，香滑可口，煉奶過甜。。。。💥蘑菇芝士飽配薯條+Americano👉芝士+幾類菇菌+菠菜蓋在香草飽上，份量甚大，調味剛好，香草飽軟绵。👍👉Americano 濃度適中帶微酸😄