Munch Now (已結業)

昨天下午㸃了碗日本黒豚肉湯拉麵，端出來的樣子不錯，但啲豚肉卻咬不到𡁻不到，看似是急凍的豬頸肉；找來侍應哥哥，給我餐牌再看清楚，寫的真是日本黑豚肉！便請他問問廚師煮的是否豬頸肉？侍應哥哥回來説是豬頸肉，還收起我枱面上的餐牌。

夜晚係荃灣食 呢間係千色滙隔離叫左紅酒燴羊膝$148包湯+野飲（熱朱力好飲）入口即溶 好食到......又大份下面仲有薯蓉 好香好滑！西餐廳食晚餐真係好舒服 呢度人又少 8:00 walk in都唔駛等仲有黑松露雜菌risotto, $相比羊膝就失色左 但都好食好香黑松露味！份量一男一女都食得好飽架！個餐加15蚊可以有一籃仔薯條，見隔離台食得好開心，但我地2個今日喉嚨痛就不了🙆🏻🙆🏻🙆🏻🙆🏻🙆🏻🤦🏻‍♀️

前晚約了幾位老友食晚飯, 剛坐下, 其中ㄧ位老友話剛剛有野做, 要遲半個鐘才到, 我地另外幾個就繼續傾計, 大約 45 分鐘後才齊人, 餐廳職員完全沒有不悦之色。.點了個香煎美國安格斯西冷牛扒配薯菜燒汁先來個蘑菇忌廉湯, 好濃嘅蘑菇味, 加上個湯煮得濃滑又 creamy, 好味。個包有少少鹹味, 微暖, 搽上牛油, 正。牛扒都算厚身, 食落唔靭有口感, 燒汁唔鹹, 味道適中, 薯菜係新鮮蔬菜, 並不是普遍嘅紅蘿蔔加薯條, 所有都幾特别。最後要了杯熱朱古力, 濃得嚟唔太甜, 都唔錯。

今日同老公嚟屋企附近間餐廳食飯～開左幾年，食過一次晚飯就無嚟…並不是食物不好食，只是我們一家四口食嘅嘢完全不同～所以難就啲～今日再臨…見到午餐餐牌多元化～而且居然有我大女喜歡食的拉麵～～所以以後會成爲我家食堂！今日得我兩人，主打食牛同羊…西冷牛排配飯（$70+）五成熟，肉味夠，入口算冧，食到尾有啲根～本人覺得好食同抵！性價比高…咖喱羊腩配法包（$70+）咖喱屬小至中辣，汁較稀…點法包還可，如果汁再結啲就好！但羊腩夠so，肉質鬆軟，仲有層皮黏住…好好味吖！餐無包甜品，所以各餐$15叫了一杯凍玫瑰桂花茶～一杯凍蜜桃桂花茶！兩杯都想桂花味無咁濃就叫蜜桃果款～而且餐廳是用桂花茶包沖的…好有誠意

整完頭髮 決定先食野再行街髮型師介紹 地點係千色店附近酒店再行過啲 都算係好易搵星期日晚上六點半已經有2,3枱客人叫左美國肉眼扒（C餐）同豬手（H餐）跟湯,包同飲品湯冇得揀 只得一款 周打蜆湯個湯稀稀的 入面得幾粒西芹同蜆肉冇咩味的 （好彩）份量唔多飲幾啖再點下包 都見底反而個包一放上枱 香味撲鼻拎上手係熱的 應該剛烘的咬落去都係脆 唔係un的餐加15蚊 可追加沙律/薯條所以加左依2樣 仲有其他飯,意粉追加（見隔離枱係一碗淨白飯,淨意粉）沙律係普通薯仔雜果薯條上枱都係熱辣辣的但冇椒鹽個啲（枱面有黑椒,鹽）問佢地拎左茄汁 但食左少半唔想食了扒同豬手都有拌菜扒冇咩特別 （冇乜肉味）豬手佢地問要唔要碎上🤔我答左唔要碎 要切 （張單都係碎上 *碎應該姐係切）豬手皮都脆的 但肉有少少乾整體泥講 因為價錢唔貴 依個質素就咁上下隔隔離枱有叫蠔 下次可以試下

請客吃飯就算了。自己來來食物水準OK，牛排材料可以廚房煮工有待提供。服務就算了這個平民餐廳來的你要求什麼。好的就當bonus。但下次還是會再來。就是位置偏僻了一點

味道其實都還可以不過態度就真係差到不得了我埋單俾卡，條女好大聲話要夠三百先可以用卡我全完未食過一間餐廳要食夠錢先可以用卡我當時完全o 曬嘴咁你地就咪話可以用卡埋單啦！又唔寫明要食夠三百先可以用卡，我真係笑左。

雖然呢排忙，不過朋友都好就我，仲擇左呢間餐餐補足同我食生日飯，開心!Menu幾有氣派，高級餐廳style，唔知味道又係未高級餐廳呢MENU都好多扒，我又鐘意食扒，朋友真有我心最後擇左呢個香煎紐西蘭牛柳 $148聽到已經想食先來的西餐必備的包包，還不錯幾好飲的白湯小食併盤，薯條不俗，但左邊的魚柳才是令人驚喜之作，好香脆可口，可惜數量不夠多，未食得盡慶香煎紐西蘭牛柳到了，名實相符，真係煎得香，厚身，肉質又軟腍，肉汁豐富，正開心的生日飯，服務和食物質素都不錯，值得推介

星期日在荃灣吃晚飯&慶祝週年紀念, 因怕假日多人所以預訂早一點時間用餐. 餐廳裝修雅緻, 環境寛敞舒適樓底又夠高, 每張餐枱之間的有足夠空間, 即使稍後座滿客人都沒有焗促感覺.先來6隻法國生蠔, 大大隻啖啖肉好新鮮之後是炸雞籃薯條, 份量不少, 雞&薯條都炸得很香脆再來是加拿大豬鞍, 肉身大而厚, 肉面剪得好香, 肉質非常嫩口餐飲點了凍咖啡, 其實還有餐湯餐包但忘了拍照.我們還另外帶了餐酒&蛋糕慶祝用膳期間, 侍應任何時間都禮貌週到, 值得稱讚

前日(6-5-2017 Sat)晏晝,同老公食o野,終於記得再o黎呢間,今次老公要$49.00o既西班牙豬腩肉湯拉麵,但侍應話呢個冇晒,其它日式湯麵都有,咁佢就改要日本黑豚肉湯拉麵,加$5.00轉地獄湯底.我要$69.00o既黑椒咸豬手配意粉,加$8.00要凍檸水少甜.好快, 少甜 凍檸水到o黎,果然做到少甜,冇甩拖.之後我o既餐湯到o黎,係冇得揀o既羅宋湯,同舊年第一次o黎食一樣咁多料,亦同樣咁好味.(o個個食評:https://www.openrice.com/zh/hongkong/review/%E4%B8%8D%E6%AC%BA%E5%9F%B8-e2597839 )味道: 5分5分鐘後,老公o既地獄湯底日本黑豚肉湯拉麵到o黎,由於辣,所以我唔敢食,但老公將一片黑豚肉用水沖走辣湯俾我食,話好好食.咁我食啦,好彈牙,重以為係豬頸肉,又係好味.味道: 5分幾分鐘後,我o既黑椒咸豬手配意粉到o黎,黑椒唔算太辣,豬手亦唔算鹹,但好似煮唔夠,唔係入口即化,重有啲咬口.意粉冇煮過腍,o岩o岩好.味道: 4分環境:今次坐o既位對正風口,好凍,所以o係未叫o野食前調位.服務:落完單上菜時,隨

今日去左munch now食個lunch 叫左一個芝士焗吞拿魚蘑菇意粉 我轉左長通粉首先佢黎左個餐湯先個餐湯係蘑菇湯黎第一個問題 講好聽啲係唔夠熱 其實係凍架囉第二個問題 個湯啲麵糊一舊舊未溶既 特色黎？第三個問題 完全冇味道可言到個芝士長通粉個賣相係唔差既 啲芝士都焗得幾靚但拎隻叉開始食既時候我了到成塊月桂葉出黎 咩料呀之後成碟野啲味道非常差芝士冇芝士味 吞拿魚冇吞拿魚味 連個白汁都只得單純既咸味 仲要係淡！淡！同淡！不過服務都算細心 上餐會問個餐係邊位既咁 老實講呢個質素賣49 我不如去椰林閣食？p.s. 凍飲+8蚊 熱飲+6蚊

初三和幾個朋友來食還可以，人多等餐約二十分鐘便有得吃。但今天晚上和另一個朋友來食晚飯、完全唔得，二個人入黎時為晚上八時坐低，當時的人不滿約六、七成人入坐，但我們都需要等成個鐘先有得一份湯飲和個餐包，問點解二人叫餐得一份餐湯和包，服務員又話跟進之後不了了之，而份主餐包括一個咸豬手亦無送來，再問服務人員她只說有落單製作需時，之後再追問單才知寫漏一份餐湯及包，而主餐仍說有落單製作需時，但隔離枱遲我們來二十分鐘來都有咸豬手食。最後要等一小時二十分鐘才來主餐。😡😡😡😡😡

三個女人一個墟，當然要揾個可以墟耐啲嘅地方啦，無意中發現荃灣呢間西餐廳，快樂星期五都無限時限刻，又試新野。我地點左牛柳、燴牛尾同海鮮炒意粉。牛柳七成熟但「鞋」左少少，味道屬一般肉汁尚算豐富燴牛尾入哂味如果再淋啲就仲好三款之中最出色係佢。海鮮炒意粉用料豐富，但味道無大驚喜。整體無特別，反而打頭陣嘅餐包我鍾意，暖暖嘅洋蔥包最好餐湯係白湯味道不錯。

今日Lunch想吃西餐，同事選了這間口碑不錯的餐館入去試試～點餐後，先奉上隨餐附送的蘑菇湯，暖暖的，喝到微微的蘑菇香味。我點了焗蘑菇吞拿魚意粉，意粉軟身，芝士多而略香，也吃到吞拿魚的微酸，整體味道OK。同事則點了鐵板黑椒咸豬手飯，她覺得味道普普通通，但豬手較油膩。另一同事點了洋蔥豬扒飯，讚份量十足，豬扒煎得全熟但不太韌，肉汁多而不稔，油而不膩。總結，價錢中等，份量OK，味道OK但沒驚喜，簡簡單單吃了一個Lunch～

同事介绍，今日去了呢間餐廳食lunch，大約一點，我地有五位，但我先去拿位，竟然末人齊都俾張沙發我坐住先，原來裏面好大，有百幾個位，環境都幾舒服。到食野方面，我们叫了西冷，洋蔥豬扒，龍利柳，可以配飯戓意粉戓薯菜或沙律，海鮮炒扁意粉，同夏威夷pizza西冷叫七成熟，69蚊肉質都唔錯，煎至剛剛好，粉紅色，而洋蔥豬扒就好大份量，有二塊，真係超飽龍利柳出面食只係得半塊，或者係切好晒，但呢間係成條上，煎至金黃色，炒意粉都够鑊氣，就可惜係薄底不是厚底，款式太少，餐茶要加６至８蚊，加＄６一杯即磨咖啡雖細杯但質素高。服務方面侍應服務都算好，語氣唔錯，我們要熱水同暖水同冰水都好快俾到。值得堆介，不過地點唔算太方便。