影片
睇返我之前o既食评...原来上次嚟已经系2013年o既事~ 今日咁o岩o系泳池o个边泊度位...又想食pizza..就谂起佢~ 平时o系附近食o野见出面都会排队...今日8点去到见入面得两台客...完全唔驶等位...食食o下仲无晒人...变o左包埋场tim~ 哈~我地叫o左个$208 o既2人餐 (2餐汤, 2小食, 1意粉, 1 九吋pizza, 2冻饮) ~ 呢个餐真系好抵食!!! 餐汤已经够晒足料又大碗~ 同埋佢o既红汤偏酸...o岩晒我地两个口味~沙律超大碟...绝对唔系佢所讲 "小食" o既份量!!! 我地叫o左麻酱火鸡胸沙律...生菜好新鲜爽口~ 而且又有脆面包粒, 榄同青椒丝~ 一d都唔hea!!!佢d火鸡胸比想像中滑tim~d汁虽然少o左d...但反而系好事...因为之后d小食同主菜都好大碟...唔食咁多汁仲无咁漏...另一个小食 "芝士烟肉焗蘑菇" 仲正` 热辣辣而且有6大粒咁多!!! 唔讲得笑...蘑菇入面仲酿o左好多烟肉同埋充满香草味~最紧要系好juicy~ 每人食三粒又饱o左一大半~ 之后仲有大大碟白汁鸭胸天使面~ 好多汁~不过天使面就稍为淋o左少少...好钟意佢d鸭胸有煎过~ 个边脆脆地好好味~主角 "啖啖肉" pizza最后先出场~仲望到师傅fing个pizza皮tim~ 虽然套餐只系9吋...而且又热辣又足料...但食到呢个moment真系饱到食唔落啦...最后打包o左半个pizza走!!! 套餐仲包两杯冻饮~ 加埋一都只系$229~ 呢个餐真系三个人都够食~ 而且比起之前食一样咁好食~
继续阅读
距离认识mrpizza应该有一年半多，真心想赞下，无退步过。更有新菜式，今日见到d24榴梿芝士pizza, 已经双眼发光，配搭好似好奇怪，但试完包爱上。另外餐汤日日唔同，饮过菠菜汤，真系好足料，不过今日系蘑菇忌廉汤，唔系只有几粒蘑菇片，而系用蘑菇碎去煲，浓浓蘑菇香味，不得不试！！！千层面系每次必点的，不能错过的招牌菜。试过就知~~~pizza好足料，芝士可以拉扯不断，起其他地方未试过顺带一提，点餐时，问过老板榴梿pizza 系咩味，老板话：中意榴梿就应该会中意食，结帐时，老板很亲切问，觉得榴梿pizza味道如何？果真无介绍错，真的很赞，元朗人不能错过，唔驶成日食鸡煲同寿司，可以黎试下，真心推介小店
继续阅读
回到元朗，今晚水太太水爷要试新餐厅我们随便在教育路行，最后选了到MR PIZZA吃晚饭见到餐牌，一点也不算贵，约$45一个晚餐连汤、饮品和甜品，好丰富环境算OK，餐桌布是银灰色的，很有格调今晚没有很多客人，颇宁静，可以与水爷谈谈心哦餐汤我们都选了忌廉汤是home-made feel的忌廉汤，不太咸，有少许杰稠正合水太太的口味夏威夷8吋pizza ($48)上面的饀料是火腿和菠萝， 很清新的味道芝士也溶得很好要赞赞批底，有点厚度，但底部烧得很脆批底味道很香有点烟靵，好好味芝士海鲜焗饭 ($65)也是很home-made feel的焗饭忌廉汁正是忌廉汤同一牌子的，味道一模一样但可惜上面的芝士有d 硬，若能与忌廉汁好好混合在一起就更好吧要赞的是海鲜材料丰富，可是应该是雪藏海鲜来的这样的价钱，已经算不俗甜品是芒果果冻没有特别问题，很满足的一餐呢门口还放有一个24吋大的PIZZA，见到也劲开心若开派对就最合适了﹗
继续阅读
我地6:30坐低, 三个人叫左1)3个1人餐2)两个小食饱到抱到个肚走, 个一人餐虽然得一片pizza, 但系块pizza大过你块面~因为有我朋友个样系度~所以就无up埋上黎~ 大家经过试下啦~支持下D小店, 我唔知点解D人会觉得某连锁pizza会好食~唯一唔好处系, 间铺头系门口望入去都有装修ge, 但正如其他食评家所讲, 其实张椅唔系咁好坐~3人埋单$239 , 好平, 晚餐黎讲无得顶
继续阅读
元朗最近开左好多新餐厅，单单帆船快餐对面条街都有不少选择。几年前仲系中学生既时候，呢条路既餐厅只得一间，今时今日已经多到食日式中式西式都有。友人之前已经食过mr pizza，话好抵食所以推介。虽然喺街舖，不过唔算起眼，入到去只得2枱食客，侍应生服务唔算殷勤，摆低menu就走，已经见我等人，连水都冇杯，大热天时，可能因为环保挂，不过唔算细心啰。只系得坐埋墙先有挨pan chair，我坐左2个钟圆“邓”都几唔舒服，餐枱之间空间太少，好彩少人食，full晒都好逼。order左个2人餐，$168，小食/沙律，意粉，12吋pizza，2杯饮品或忌廉汤忌廉千层薯切落去果下听到啲爽脆声，我同友人不禁对望……劲惊唔熟……入口系好爽口，爽到个感觉似未熟……味道好淡，淡而无味果只，早知叫薯角啦蕃茄酱海鲜意粉唔可以话唔好食，汁算多，不过无咩咸味，海鲜得几粒仲要个样煮得过熟缩到好细粒。单叫呢个意粉要成$48，假如系咁既质素都几唔抵食，跟餐黎讲就算啦……夏威夷pizza,可选蕃茄汁同千岛汁都几大份，见啲食客都系食唔晒要打包，好有衣食！材料有火腿同菠萝加芝士，芝士份量都几多，pizza皮见佢系人手搓仲抛上抛落，几有咬口，千岛酱唔会好漏餐饮要左热柠茶，柠檬份量都多，唔孤寒，但点解要连埋茶包上？又唔系靓茶唔需要show label，个杯已经够细，饮几啖已经冇，加埋柠檬同茶胆，杯茶实质有几多？我宁愿佢冲一壶茶，放底2只吉杯加柠檬俾我地仲好，不过可能冇位啦总结：地方太细，枱同枱之间好逼，好彩隔离冇人啲野食可以放喺隔离枱，唔系大家就要食快少少唔好阻位上菜！香港寸金呎土，逼少少放多2张枱做生意我都好明白，不过啲chairs换一换好啲，真系唔阻得太多位。另外service好一般，要我俾加一唔系好gur，间餐厅已经少食客，但个侍应既警觉性都好抵，谂住叫佢俾杯水，叫左几次仲要其他食客提醒先知我地叫佢，餐厅唔算好大姐，问佢拎杯水佢都几搞笑：净系2杯水呀？无其他野要？我谂佢既意思可能想催我地落埋餐饮。最后佢忍唔住过黎问：我想问你地2个想饮乜？埋单多谢都冇句，临走都唔say bye,街坊生意都不至于咁既服务挂？用下service language啦唔该！不过食惯左其他pizza shop都可以试下呢到，pizza冇pizza hut咁油，始终手工pizza都难得，期待你进步呀mr pizza!
继续阅读