Mr.O

营业中

休息中

今日嚟咗長沙灣嘅 Mr. O 西餐廳，第一次試，環境幾舒服～ 我哋仲特登request 坐打卡位，真係幾有心思📸 雖然地方唔算大，但職員好細心，仲提醒我哋唔好一次過嗌太多，怕唔夠位擺～ 尤其係嗰位「細細粒」可愛嘅職員姐姐，超有禮貌又好招呼，令人印象深刻！😄食物方面都幾好食，味道有驚喜～🍝🍗 不過份量就偏少啲，可能我哋四個人 share，每樣都食唔夠喉～ 建議大家如果多人一齊去，可以考慮叫多幾款分嚟試～整體感覺唔錯，大家有機會不妨去試吓～🍽️✨

今次第二次黎呢間西餐廳食飯頭盤「法國Special de claire N1生蠔」（六隻）新鮮飽滿，一咬落去啖啖海水味，鮮甜得嚟唔腥，加檸檬汁更加突出蠔嘅鮮味。「煎蟹餅」外皮煎到金黃香脆，入面啲蟹肉超實在，每啖都食得出鮮味.「千島醬三文魚手Tpizza」好特別，個餅底薄脆，三文魚夠新鮮，千島醬味道濃郁但唔會搶味，食落層次豐富.主菜方面，「牛肝菌意大利飯」好有驚喜，飯粒煮得啱啱好，吸收晒牛肝菌嘅香味同埋忌廉、芝士嘅滑溜，口感同味道都好平衡.「美國頂級肉眼扒三成熟」外層焦香，入面粉嫩多汁，肉味好濃郁，鹽同黑椒已經夠晒味，唔需要多餘嘅醬汁.甜品方面，「伯爵茶心太軟配雲呢拿雪糕」真係超好食，朱古力流心蛋糕加上伯爵茶香，配埋冷冰冰嘅雲呢拿雪糕，冷熱交錯，感覺好正 😊「芒果窩夫配雲呢拿雪糕」都唔輸蝕，窩夫外脆內軟，配新鮮芒果同雪糕，甜而不膩。總括嚟講，呢間餐廳無論食物質素、服務都好有水準，值得推薦，下次一定會再嚟

呢間西餐廳環境舒服，氣氛輕鬆，今次叫咗黑松露雜菌手工薄餅（12吋大pizza），餅底夠薄身，外脆內煙韌，黑松露香氣好突出，配埋新鮮雜菌，口感豐富，啖啖都食到松露嘅獨特香味。沙律配柚子汁，酸酸甜甜，幾開胃，菜都新鮮爽脆，作為前菜好適合😆飲品方面，熱美式咖啡即叫即上，香濃順口，醒神之選主菜叫咗和牛煙肉芝士漢堡配薯條，漢堡包鬆軟，和牛肉餅厚身多汁，煙肉同芝士夠香，啖啖肉香好滿足，薯條炸得金黃香脆，唔會太油膩。再配多個沙律，感覺清新唔會太滯。最後飲咗杯熱latte，奶泡細滑，咖啡味香濃，為今餐畫上完美句號。整體嚟講，食物有水準，服務好，價錢合理，成個用餐體驗都好舒服，值得推介！

呢間西餐廳真係幾有水準，今次試咗幾款人氣菜式.BBQ排骨配薯條要等大約30分鐘，不過排骨好入味，燒得啱啱好，肉質軟腍，啲醬汁又香又甜，配埋香脆薯條，好食到停唔到口～.辣肉腸手工pizza有12吋咁大，餅底薄脆，辣肉腸夠晒惹味，唔會太鹹，配埋煙三文魚凱撒沙律，沙律菜新鮮，三文魚鹹香好突出，食落去有層次感.美國1855西冷10oz五成熟，外層帶有焦香，肉質嫩滑多汁，泰式醬微辣帶酸，幾有驚喜，薯條夠多又夠脆.每日南瓜湯香甜濃郁，口感幼滑水牛城雞翼有兩隻，外皮酥香，醬汁酸辣醒胃，作為前菜一流.乾炒香辣龍蝦意粉份量足，龍蝦肉彈牙鮮甜，意粉炒得乾身又入味。總括嚟講，呢度主菜同配菜都水準高，環境舒服，好啱同朋友聚餐，值得再嚟

呢間人氣西餐廳，真係大開眼界！餐廳環境優雅，燈光柔和，令人感到好放鬆～今次我選咗幾道招牌菜，味道真係令人驚喜🥰🥰.首先，我試咗**美國1855西冷10oz**，搭配泰式醬，薯條七成熟。牛排肉質鮮嫩多汁，七成熟火候恰到好處，保留咗牛肉嘅原汁原味！泰式醬有少少微辣，為牛排增添咗層次感，而薯條外脆內軟，搭配牛排簡直係一絕🤤🤤.跟住係**紐西蘭肉眼8安扒**，朋友選咗扒菜牛油焗蒜同黑椒汁，火候係七成熟，牛肉香氣四溢，肉質柔軟，入口即化牛油焗蒜味道濃郁，與肉眼嘅鮮味相得益彰，黑椒汁仲增添咗一絲辛辣，令整體風味更加豐富～.最後，另外一個又試咗同樣嘅**紐西蘭肉眼8安扒**，今次選咗五成熟，仲搭配咗炸薯條同黑松露蛋黃醬。五成熟嘅牛扒肉質更加多汁，肉味更濃厚，黑松露蛋黃醬嘅香氣更係令人驚艷，令薯條變得唔再普通🤣總括嚟講，呢間西餐廳嘅菜式豐富，無論係牛排嘅火候、醬汁嘅搭配，定係配菜嘅選擇，絕對值得一試！而家滿$200仲有八五折，更加抵

呢間西餐廳最近好受歡迎，上星期同朋友嚟咗試下，真係有驚喜！首先，黑松露黁菇薄餅香氣撲鼻，薄餅底脆卜卜，黑松露味道濃郁，配埋新鮮蘑菇，層次分明，幾惹味。南瓜湯質感幼滑，飲落唔會太甜，入口暖笠笠，配搭自家烘焗麵包，簡直一流🥰🥰.主菜方面，西班牙黑毛豬配鮮菠蘿扒雜菜同洋蔥汁，黑毛豬肉質彈牙，唔會太肥膩，菠蘿微酸中和咗油膩感，洋蔥汁提升整體風味。.椒鹽粟米件外脆內甜，食落停唔到口～.美國1855西冷牛扒五成熟，切開仲有少少血水，肉汁豐富，泰式醬汁有啲辣味，幾特別，配埋香脆薯條，份量啱啱好。.最後，煙肉芝士焗生蠔（5件）真係推介，生蠔鮮味十足，煙肉同芝士味道夾到絕，香口又唔會搶咗蠔味。整體嚟講，呢間餐廳食物有心思，擺盤都幾靚，服務都唔錯，下次一定再嚟！✌🏻

今次自己去咗呢間西餐廳用餐，非常滿意！！首先試咗「卡邦尼意粉」，醬汁好香濃🤤🤤帶住蛋香同芝士味，忌廉唔會太膩，意粉煮得啱啱好，煙韌有咬口，每條意粉都掛滿醬汁，配埋煙肉粒，鹹香味道好突出，必試呀.「唐楊雞粒」都好有驚喜，雞粒外層炸得香脆，入面肉質嫩滑，完全唔會乾身。.餐廳環境舒服，燈光柔和，服務員有禮貌，落單同埋上菜都幾快。價錢合理，份量足夠，食物水準高，非常適合情侶約會或者同朋友聚餐。下次會再同朋友試其他菜式🥰🥰

呢間西餐又幾好食～今次試咗南乳蜜糖燒春雞外皮香脆，有淡淡南乳同蜜糖香甜，雞肉嫩滑多汁，配上炸得金黃鬆脆的薯條和椒鹽粟，鹹香開胃，層次豐富～🥰.沙律選用新鮮蔬菜，搭配清新的柚子汁，微酸帶甜，好開胃～～.主食威牛脷雜菌蕃茄意粉同樣令人滿意，牛脷軟腍入味，同多種鮮菇配搭，融合左香濃蕃茄醬汁，意粉軟硬適中.最後甘荀湯，入口細膩順滑，帶有自然甘甜～餐廳食材新鮮，創新驚喜，是一間值得推薦的西餐廳～～～～～～

今次去咗呢間西餐廳食飯，整體感覺好滿意。主菜點咗美國1855西冷牛扒10oz，七成熟，外層燒得好香脆，入面仲保持到粉嫩多汁，牛味濃郁又唔韌，配埋泰式醬，微辣帶少少香料味，幾特別，唔會搶晒牛扒風頭，反而令味道更有層次🤤薯條炸到外脆內軟，熱辣辣，好邪惡但又忍唔住食多幾條。.沙律就用咗柚子汁做醬料，清新開胃，酸酸甜甜，啱晒夏天食。蔬菜新鮮爽口，食落冇負擔。.至於冬陰功蝦肉意粉，意粉煙韌有咬口，醬汁酸辣惹味，完全食到冬陰功嘅香料味，蝦肉彈牙又新鮮，幾有驚喜。.餐廳環境幾靚，燈光柔和，氣氛舒服，啱晒同朋友聚會或者拍拖。服務員有禮，落單同上菜都好快。整體嚟講，呢度食物有水準，價錢合理，食完會想再嚟！

我最近又同老公去咗 Mr. O 餐廳，呢度真係好舒適，我哋光顧好多次，尤其鐘意食晚餐。今次我試咗西班牙黑毛豬配鮮菠蘿扒雜菜，仲有洋蔥汁。黑毛豬肉質滑嫩，搭配鮮菠蘿嘅甜味，味道好清新，洋蔥汁就令整體風味更加豐富。老公叫咗南瓜湯，濃郁得來仲好順滑，特別暖胃。飲品方面，我點咗熱紅茶，喝下去感覺好舒心。主菜方面，我哋分享咗辣肉腸手工 pizza，12 吋的大 pizza，餅底薄脆，肉腸辣味適中，搭配芝士，真係好好味。老公又試咗話梅茘枝梳打，飲起來清新又解渴，正好去油。總的來講，Mr. O 一直都冇令我失望，食物和環境都好好，期待下次再來！

之前食過一次，今次再同朋友食其他菜式天婦羅軟殼蟹配麻藥蛋凱撒沙律🥗，軟殼蟹炸得香脆，唔會太油膩，麻藥蛋夠味，配埋清新生菜同凱撒醬，味道幾夾。甘荀湯飲落好順滑，有蘿蔔嘅甜味，但唔會太重手，入口舒服。朋友叫咗冬陰功蝦肉意粉🍝，酸辣味唔會太重，蝦肉新鮮彈牙，意粉掛汁都ok，食落有啲泰式風味但唔會搶晒意粉嘅感覺～～.朋友叫咗卡邦尼意粉配溫泉蛋，醬汁比較濃，煙肉味香，溫泉蛋拌埋一齊食，口感更滑.沙律🥗用咗柚子汁做醬，帶啲果香，食落清新，唔會太膩～～成間餐廳環境幾舒服，服務都有禮貌，味道同配搭都叫做有特色價錢方面屬中等，份量啱啱好，唔會食唔飽😂總括嚟講，呢餐食得開心，有驚喜，有機會都會再嚟試下其他菜式。

今次西餐廳用餐經驗真係好正我同朋友兩個人感覺幾OK。美國1855西冷牛扒我叫咗五成熟，火候啱啱好，肉質都算嫩滑，juicy🤤🤤配埋個1002泰式醬，有啲微辣同酸甜，幾特別。薯條炸得脆身，冇咩油膩感，配牛扒一齊食都唔錯。沙律用咗柚子汁做醬，味道清新，唔會太搶味，食落幾開胃。.冬陰功蝦肉意粉方面，冬陰功味道幾突出，蝦肉都新鮮，幾特別甘荀湯適合鍾意清淡啲嘅人，整體嚟講，呢間餐廳菜式有新意，味道穩陣，適合想試下唔同配搭嘅朋友～～

最近去咗呢間好受歡迎嘅西餐廳，點咗咸牛脷雜菌蕃茄意粉、兩隻水牛城雞翼，仲有一杯熱Latte，整體用餐體驗真係唔錯首先，「咸牛脷雜菌蕃茄意粉」份量相當足，意粉煮得啱啱好，口感滑。蕃茄醬酸甜啱啱好，配埋咸牛脷嘅鹹香，真係好好味。成道菜好有層次感，真係好食！「水牛城雞翼」，外皮酥脆，肉質又嫩。醬汁有少少辣，簡直好好味！最後，Latte嘅咖啡香味濃郁，飲落順滑又唔膩，都唔錯😌今次用餐體驗非常好，食物質素高，員工服務態度友善。如果你鍾意好食嘅西餐同輕鬆嘅環境，呢間餐廳真係值得一試

個日lunch一個人黎試～頭盤飲咗個**南瓜湯**🥣，超滑，唔會太甜，南瓜味好香主菜我點咗**西班牙黑毛豬**🐷，仲有新鮮菠蘿同埋雜菜，配埋洋蔥汁，黑毛豬啲肉好嫩，唔會嚡，啲油脂啱啱好，唔會太膩燒過嘅菠蘿酸酸甜甜，好解膩，啲雜菜都新鮮，仲keep住爽脆口感，最正係個洋蔥汁，香味好突出，配埋啲豬肉真係一流，一啖接一啖停唔到口。食完之後我叫咗杯Latte☕️，拉花都靚，咖啡香濃，奶泡滑。呢間餐廳啲食物真係有水準，服務又好有禮貌，價錢都合理，推介

呢間西餐廳最近成為我同朋友新寵，氣氛輕鬆舒服，野食好味🤤.今次試咗幾款特色菜，最驚喜係冬陰功蝦肉意粉🍝，醬汁酸辣適中，夠晒開胃，蝦肉彈牙，意粉掛汁力十足，食落去層次好豐富.另一款雞肉蘑菇忌廉汁意粉就比較溫和🍝，忌廉汁香滑唔膩，雞肉嫩滑，蘑菇好多，每一啖都好滿足~🍹飲品方面，點咗茉莉綠茶，茶香清新，唔太甜，解膩一流。甜品就一定要試柚子檸檬芝士撻🥧，撻底夠酥脆，芝士餡帶點柚子香氣同檸檬微酸，食完好fresh，完全唔會膩。.而家仲有超抵優惠，星期一至四堂食滿$200即享八五折，約埋朋友一齊食就輕鬆達標。以價錢嚟講，呢度性價比高，出品有誠意，服務都唔錯，依家優惠期間更抵食推介比鍾意試新口味嘅你，一定唔會失望！