影片
以上资料只供参考，请与餐厅确认详情
有关奖赏计划
食家推介
今次自己去咗呢间西餐厅用餐，非常满意！！首先试咗「卡邦尼意粉」，酱汁好香浓🤤🤤带住蛋香同芝士味，忌廉唔会太腻，意粉煮得啱啱好，烟韧有咬口，每条意粉都挂满酱汁，配埋烟肉粒，咸香味道好突出，必试呀.「唐杨鸡粒」都好有惊喜，鸡粒外层炸得香脆，入面肉质嫩滑，完全唔会干身。.餐厅环境舒服，灯光柔和，服务员有礼貌，落单同埋上菜都几快。价钱合理，份量足够，食物水准高，非常适合情侣约会或者同朋友聚餐。下次会再同朋友试其他菜式🥰🥰
继续阅读
呢间西餐又几好食～今次试咗南乳蜜糖烧春鸡外皮香脆，有淡淡南乳同蜜糖香甜，鸡肉嫩滑多汁，配上炸得金黄松脆的薯条和椒盐粟，咸香开胃，层次丰富～🥰.沙律选用新鲜蔬菜，搭配清新的柚子汁，微酸带甜，好开胃～～.主食威牛脷杂菌蕃茄意粉同样令人满意，牛脷软腍入味，同多种鲜菇配搭，融合左香浓蕃茄酱汁，意粉软硬适中.最后甘荀汤，入口细腻顺滑，带有自然甘甜～餐厅食材新鲜，创新惊喜，是一间值得推荐的西餐厅～～～～～～
继续阅读
今次去咗呢间西餐厅食饭，整体感觉好满意。主菜点咗美国1855西冷牛扒10oz，七成熟，外层烧得好香脆，入面仲保持到粉嫩多汁，牛味浓郁又唔韧，配埋泰式酱，微辣带少少香料味，几特别，唔会抢晒牛扒风头，反而令味道更有层次🤤薯条炸到外脆内软，热辣辣，好邪恶但又忍唔住食多几条。.沙律就用咗柚子汁做酱料，清新开胃，酸酸甜甜，啱晒夏天食。蔬菜新鲜爽口，食落冇负担。.至于冬阴功虾肉意粉，意粉烟韧有咬口，酱汁酸辣惹味，完全食到冬阴功嘅香料味，虾肉弹牙又新鲜，几有惊喜。.餐厅环境几靓，灯光柔和，气氛舒服，啱晒同朋友聚会或者拍拖。服务员有礼，落单同上菜都好快。整体嚟讲，呢度食物有水准，价钱合理，食完会想再嚟！
继续阅读
我最近又同老公去咗 Mr. O 餐厅，呢度真系好舒适，我哋光顾好多次，尤其钟意食晚餐。今次我试咗西班牙黑毛猪配鲜菠萝扒杂菜，仲有洋葱汁。黑毛猪肉质滑嫩，搭配鲜菠萝嘅甜味，味道好清新，洋葱汁就令整体风味更加丰富。老公叫咗南瓜汤，浓郁得来仲好顺滑，特别暖胃。饮品方面，我点咗热红茶，喝下去感觉好舒心。主菜方面，我哋分享咗辣肉肠手工 pizza，12 吋的大 pizza，饼底薄脆，肉肠辣味适中，搭配芝士，真系好好味。老公又试咗话梅茘枝梳打，饮起来清新又解渴，正好去油。总的来讲，Mr. O 一直都冇令我失望，食物和环境都好好，期待下次再来！
继续阅读
之前食过一次，今次再同朋友食其他菜式天妇罗软壳蟹配麻药蛋凯撒沙律🥗，软壳蟹炸得香脆，唔会太油腻，麻药蛋够味，配埋清新生菜同凯撒酱，味道几夹。甘荀汤饮落好顺滑，有萝卜嘅甜味，但唔会太重手，入口舒服。朋友叫咗冬阴功虾肉意粉🍝，酸辣味唔会太重，虾肉新鲜弹牙，意粉挂汁都ok，食落有啲泰式风味但唔会抢晒意粉嘅感觉～～.朋友叫咗卡邦尼意粉配温泉蛋，酱汁比较浓，烟肉味香，温泉蛋拌埋一齐食，口感更滑.沙律🥗用咗柚子汁做酱，带啲果香，食落清新，唔会太腻～～成间餐厅环境几舒服，服务都有礼貌，味道同配搭都叫做有特色价钱方面属中等，份量啱啱好，唔会食唔饱😂总括嚟讲，呢餐食得开心，有惊喜，有机会都会再嚟试下其他菜式。
继续阅读