影片
💕派对就像一场人生，每个阶段都有不同的乐趣。😆最近天气咁热🔥，有时又落雨，真系唔想出街。系屋企叫到会同屋企人朋友一齐分享都可以食得好丰富同滋味😋 今次拣左@mrmixcatering，一站式到会服务，大玩Fusion菜式。西式经典名菜大撞东方酱汁，又或者东方名菜配搭西式煮意，一路食一路有惊喜。😎 Bunny 最钟意就系香甜柚子蜜烧猪仔骨，猪仔骨味道香浓配上香甜柚子蜜，味道酸酸甜甜，十分惹味。食完屋企人个个都大赞😃
继续阅读
平日每逢食日本丼饭都大排长龙，今次网上揾到一间外卖丼饭，新产品试试佢来历。一向对牛情有独钟，点了个慢煮安格斯烧牛肉切丼加滑蛋、沙律、薯角及水晶珍珠奶茶。先讲佢个慢煮安格斯烧牛肉切丼，除左卖相吸引，最欣赏厨师好贴心地将安格斯牛肉切件，牛肉质地嫩滑，食得出系上乘的安格斯牛。酱汁加入洋葱、冬菇，比起其他净酱汁的餐厅明显用心制作。入面附有渍物，似足日本丼饭。滑蛋金黄幼滑，成个丼饭超级丰富。沙律最怕食到底干身无酱，但呢个胡麻酱蕃茄沙律底部已经加左酱汁，即使食到最底都有酱汁包住，同埋睇得出生菜好新鲜。第一次饮水晶珍珠奶茶，卖相同台湾珍珠奶茶差不多，但原来水晶珍珠食落质感偏粉，只有外边层衣有Q弹感觉，甜甜地几好食，由于奶茶本身偏淡，所以整体吾算好甜，但如果奶茶味香浓D会更好。呢间外卖食材新鲜丰富，有高质惊喜，下次可以encore试埋其他丼饭。
继续阅读
话说前排喺九龙湾揾到间隐世滋味汉堡，原来同一个厨房仲有另一个品牌，系卖日式丼饭嘅。由于从未试过呢间，稳稳阵阵叫咗个火辣泡菜安格斯西冷丼($64)，仲加咗只溏心蛋 (+$8)。外卖返去，打开饭盖庆幸仲系好有热度，呢个泡菜丼嘅辣酱无其他韩式辣酱咁甜，好啱个人口味。而辣度方面，食开谭仔5小辣嘅我，觉得有啲刺激，但又唔会食到一半顶唔顺。薄切西冷够晒软熟，亦充满肉汁，唔会失望，不过暗地希望可以煎㶶少少，咁就再香口啲。另一个惊喜喺只溏心蛋，其实好少食呢种蛋，所以唔识比较，但就好享受佢半熟嘅蛋汁。如果五个「丼」为满分，我今次会畀「丼丼丼丼」佢。
继续阅读