影片
相关文章
买左一件返去开party share食，大家都中意食，系价钱贵左少少，但比想像中大份，食落唔错，间唔中食下都几好！之前收工后先去买都卖晒，要lunch买定先有货。
继续阅读
狗狗爸爸带咗一件由朋友请客的Mr. CHEESECAKE Praline Pistachio 开心果芝士蛋糕返屋企。之前听过呢个品牌但冇深究，啱啱睇Openrice上列出的资料，先知原来佢系嚟自日本的甜品品牌，以制作意芝士蛋糕著名。近期品牌喺太古广场开设期间限定店，仲引入呢款限定的蛋糕，描述话：「以浓郁嘅开心果酱作主角，配搭滑溜嘅芝士蛋糕质感，每一口都散发出开心果嘅香气，仲有隐约嘅果仁脆口感，层次感十足」写就咁写，但实际系咪咁坚？Praline Pistachio 开心果芝士蛋糕：$422，网上写系圣诞限定。绿色的纸盒设计简约，卡纸非常硬净，虽然唔环保，但当切蛋糕时就知，外盒要坚靭啲先足以保护到呢个柔软的芝士蛋糕。单睇纸盒的尺寸，已经审断到个蛋糕好迷你。蛋糕的外观一般，正常，造型冇乜花巧、特别。狗狗爸爸食咗一啖即刻话好甜。睇番营养标签，100克的蛋糕有22-23克糖。狗狗爸爸话开心果味只系慢慢渗出，唔浓郁。要赞的话，佢最钟意个蛋糕够幼滑，可以不费吹灰之力食落肚。到我试，同样觉得蛋糕偏甜，唔肯定呢个甜度系咪迎合香港人的口味。开心果味淡（甚至唔存在），如果幪眼试食，未必分得出系开心果口味。的而且确，蛋糕本体够滑，但同时亦少咗口感，描述写话「有隐约嘅果仁脆口感」，可能太隐约，完全食唔到~~而芝士味都系淡淡的。我最欣赏系：蛋糕有甘苦的焦糖味，系一种好独特的甘苦味，唔系煮㶶咗果种净苦味，词穷，唔识形容，网上写系「焦香微苦的法式果仁糖」。呢种甘苦味非常讨好，亦可以刺激食欲，令人想追住食（如果唔系咁甜的话），佢又可以中和蛋糕的甜度，同埋心理上觉得可以解腻。整体嚟讲，如果系为开心果热潮而选购，好大机会会失望，因为佢的开心果味只系噱头，唔突出，零冲击。而蛋糕的口感、质地同味道几有水准，只系略甜。焦糖的甘苦味未必人人接受/欣赏，视乎个人取向，对我嚟讲，呢份甘苦味令人非常回味，系呢款蛋糕的魔力所在。考虑价钱的话，$422买一个咁迷你的蛋糕，唔值，不过请人食都仲可以，当系买个集体体验，自用就太奢侈喇。
继续阅读