Moore Cake Shop

营业中

休息中

近萬事達嗰邊噴水池有間麵包小店，他們有位C9唔知夥記定老細長期眼啤啤唔想人揀嗰隻，態度甚差。話說今日去買麵包，我都只係見那嗰好就揀，也是近邊的，沒有亂夾! 點知佢就頂唔到就出聲話我，話個個好似我咁揀就唔得掂，我即時扯火，我話你哋自助形式乜唔比揀嘅咩，我也是見啱揀嗰個就要，是很有道德的！我話如果你哋唔畀人揀你就唔好做自助形式囉！其實一間咁普通嘅麵包店，點解可以高高在上！

作為區外客，見到麵包小店是會好奇店內各款麵包的！今早在店已本取了一個新鮮吞拿魚包在盤那刻，見到另一個平時少見到的鹹牛肉包，那便將吞拿魚包放回原位，另取鹹牛肉包。之後，隨即聽到店員鬼食泥說＂揀好先好攞！＂我覺得當時其實可以客氣些同我講，唔使喺度好似諷刺我咁。Ok! 我無反問係米話我？！我忍你！得罪客人後果⋯⋯無下次！請檢討一下！

朋買了三件蛋糕分享一件芒果千層蛋糕，味道不過不失另一件藍苺芝士蛋糕，完全無芝士味🙁可以放棄最可怕是Oreo蛋糕，各人吃了一口不能再食，十分酥味😖，成件揼咗整體而言蛋糕都係十分失望🙅🏻‍♀️絕冇下次

同事買左個芒果🥭蛋糕慶祝搬公司大成功順利🎉🎊💕，因而有幸地試到呢間美孚懷舊老餅乾店既蛋糕🎂。一小個分到八小件，表層水果份量足，誠意之作，有七款不同水果，都只售98元📍係現今香港🇭🇰其價錢已經算實惠抵食。根本係好經典款，多忌廉，做夠三層：海綿蛋糕🍰、忌廉、海綿蛋糕🍰、忌廉、海綿蛋糕🍰、忌廉。因為蛋糕🎂以前時代也算是奢侈品。海綿蛋糕🍰要做到有海綿🧽感好巧功夫，其濕潤程度拿捏得好好，食落比較偏扎實，又不是死實，係個種好懷舊傳統蛋糕店搵到個陣功駕蛋糕🎂甜度適中，配合濃厚牛奶味忌廉提升了海綿蛋糕層既味道。芒果🥭略為酸，不過好過係用糖水浸泡既水果。總結：整體味道不俗 簡單就是美值得一試既經典款芒果海綿蛋糕🎂

很久沒有出現在美孚了，發現到，周邊的商店已經產生了許多的變化。該日，老爸說要買點麵包回家，就同我一齊來到這家飽餅店的新面孔《Moore Cake Shop》了。爸買了麵包回他的家，我就選了一份蛋卷，拿回我的家。這一個瑞士卷，蛋味算是不錯。口感不像連鎖店出產的鬆散，有點點的實在口感。中間的 cream 份量適中，不會太過甜。單以蛋卷來說，合格。簡單總結，這一個瑞士卷好味。老爸對這店麵包出品的評價，也是好味。

早餐.每次到訪美孚都會經過這店早上也頗多人光顧的今天終於決定買個來試一下.薑汁蕃薯包 $9好味!吃得到有薑汁的味道但又不會辣內裡是滿滿的蕃薯整個包都很實在很豐富並不是空氣包啊有機會要試一下其他款式的麵包

/糯~米~糍🥜🥜最重要是花生餡<Moore cake shop>🥜糯米糍($3.5)▪️🍞美孚嘅麵包小店，行過遠處見到圓圓啡啡地色嘅一個個粉糰仔，就知係我嘅糯米糯bb。👉🏽一共有3款味，傳統紅豆，花生餡，仲有芒果味。當然我是揀花生😎👉🏽🙂一粒粒糯米糍用錫紙兜仔裝住，整齊乾淨。👉🏼表面粘滿烘烤過的椰絲，更香口。外皮略厚，但欣賞佢做到帶嚼勁嘅口感。👉🏼內餡是炒香椰絲芝麻和花生粒，混以砂糖，餡料和我很喜歡K&K個間一樣，但味道就是略有不同，餡料口感偏乾。👉🏽試一次就夠，普通。

今日響附近上堂, 唔夠時間坐低食, 所以就響地鐵出口附近快手買個麵包食. 呢間麵包鋪雖然細細, 但款式都幾多, 而且衛生. 諗緊揀咩, 見有丹麥條, 呢款包係兒時既回憶, 所以左諗右諗最後都揀左佢, 盛為$8.5, 價錢算差唔多.麵包雖然唔係熱辣辣, 但又唔覺乾同硬, 個面仲烘得幾脆口, 面層糖漿唔會太甜. 不過一粒粒除左有提子乾之外, 仲有另一款, 唔知叫咩, 果款"提子"唔啱我口味, 其餘都不錯.

行經店外見到間最近新開的包店 門外玻璃櫃放了好多好多既蛋糕今日一嚐了芒果pancake 價錢都合理 11蚊 都算大件但味道就不過不失 都是一般的pancake感覺有cream,有蛋糕,有芒果芒果都算多及甜。。但又未至於食完會想再食店內既包都好吸引咁，下次再黎試下其他野食

早前見新開張就買份三文治食下,正當我再睇緊面包架上有冇其他吸引之製,店員呀姐態度差到唔憂冇生意一樣,好大聲示意叫我俾錢😤到排隊俾錢就連有個人咩住個細路,小朋友太細個手當然會抓抓下,都避唔過俾佢大聲呼喝！態度唔好都算,個碎蛋三文治dry到吞都吞唔落…d沙律醬仲好酸果隻……美孚至差餅店,唔會再幫襯!!

如果晌石硤尾大嘅朋友，一定聽過占美餅店，依間鋪至少有幾十年歷史，因為喺小弟由細食到大嘅餅店，亦喺當時晌石硤尾所賣嘅包款較新式嘅港式麵包鋪，最愛喺佢哋嘅排包，軟熟，富牛油香，當然搬離石硤尾十多年已經好耐無幫襯。最近，晌美孚偶遇佢……嘅姊妹店，但最初完全聯想唔到兩者關係，都喺晌門口個餅櫃見到「占美」個餅盒，再問問店員就明白個究竟。支持吓占美，亦支持吓小店，所以，買咗兩個包當下午茶。小弟好有誠意架，返到去專登焗番熱先慢慢嘆。蘋果酥包 $8.5可以講喺幾樣嘢嘅混合體，包括：蘋果批餡、港式麵包、酥條，麵包好軟熟，裡面有好多蘋果、提子乾做餡，蘋果煮得夠軟綿，又有玉桂香，至於包面加咗啲酥條，外觀唔太單調之餘，有少少酥脆感，整體真喺幾好食。薑汁蕃薯包 $8.5外間有唔少店推出原條蕃薯嘅蕃薯包，然而，依一款就完全唔同，蕃薯部份可以話做成蓉作為包餡，最突出喺嗰朕薑汁味，好有薑汁蕃薯糖水嘅感覺，其實，味道喺唔錯，不過，蕃薯餡被人感覺喺少得可憐。有段時間兩公婆星期六晏晝都比較無細藝，所以，趁有閒情逸緻就落去嘆個下午茶，所以，都寫咗好幾篇「我的美孚下午茶餐」系列。不過，食耐咗又好似無乜店有新嘢好寫，加上老婆星期