MOO MOO

营业中

休息中

辛苦做完一日野，最開心都係放工約朋友去食下野，吹水chill chill。約咗朋友喺公司附近嘅moo moo burger，呢度環境好relaxing，好似酒吧咁，仲有酒飲🍻🍺不過我哋今次就試咗佢哋嘅特飲，蜜桃特飲（$28），士多啤梨特飲（$28 ），是有氣嘅特飲，味道似梳打，幾清新。經典之堡（$ 60）朋友揀咗呢個因為佢第一次來，所以想試下佢哋嘅經典 見到入面有啲洋蔥粒，仲有厚厚嘅漢堡扒超juicy。鹹蛋黃雞扒雞堡（$69) 好少見到鹹蛋黃味的漢堡，蛋黃醬好特別，就叫嚟試下。雞扒份量大，煎得外脆內嫩，夠juicy，配鹹香嘅蛋黃醬，特色又美味。

Moo moo burger 好耐之前食過一次，真的令我有驚艷嘅感覺，價錢大眾化，但質素非常高，是會不禁想再尋找嘅滋味。見好耐冇食過burger，琴晚特登過觀塘搵moo moo🐂🐃🐮🐄🔥熱帶之堡($ 67) 呢款漢堡係我嘅最愛，裏面有一塊厚切菠蘿，菠蘿燒得焦香，配厚厚嘅漢堡扒，同埋烤過嘅麵包，size巨型🍔食落爆汁非常美味清新。🥗煙豬頸肉沙律配柚子汁（$54）煙豬頸肉嘅肉質好嫩滑，烤得好香，面頭有啲甜甜地嘅蜜汁。沙律菜新鮮，仲有粟米粒同蕃茄片，夠曬大盒。🍗忌廉蘑菇雞翼六隻（$63）呢個真係推介 雞翼去骨外面烤得金香裏面樣入忌廉蘑菇 係功夫之功夫菜式 真係食到唔停口。

好耐冇食個burger，之前喺呢度食過之後一直對呢度嘅burger念念不忘，今日終於有機會過嚟食多次啦。嗌咗兩個漢堡同兩個小食，我自己就覺得食完一個包已經好飽，因為佢真係好足料。我咁鍾意食燒菠蘿，梗係嗌返個熱帶漢堡啦。其實佢足料到我一啖根本咬唔晒。入邊除咗爆汁燒菠蘿之外，仲有煎到勁香嘅煙肉。不過最重要嘅，始終都係呢排超級juicy 嘅漢堡扒，佢嘅漢堡扒係用新鮮牛肉打成，唔會一咬就散而且仲保留到肉汁嘅鮮甜味。另外仲有一個係經典漢堡，叫得做經典就梗係有一大塊牛肉漢堡，再加上滿滿嘅芝士。今次試咗個水牛城辣汁雞鎚，佢好得意哋幫你將啲肉起出嚟好似一舊蘑菇雲咁，方便你食。然後仲有一個新鮮炸起嘅洋蔥圈，出邊炸就脆卜卜，入邊啲洋蔥圈就好甜好林。

有時侯行經觀塘，見到呢間burger嘅室外座位，成日都有啲外國人食嘢同埋飲酒霓虹燈箱，整體嘅感覺好chill今日520，放工後都想chill下，行入呢個類似food court嘅位，叫咗2款burger同一啲小食餐廳有開放式廚房，點餐形式係自助嘅夏威夷burger係classic burger嘅變奏版，加咗菠蘿上下2塊包皮好鬆軟，入面每一層都好有口感，甜蜜嘅菠蘿，半溶芝士，焦香嘅牛肉扒，番茄同生菜，簡單嘅配搭已經係美味嘅burger烤雞同牛肉漢堡嘅配料差唔多，微辣雞肉外脆內軟，加上千島醬汁，好juicy有得配gravy嘅薯條通常外國見得多，香港冇乜肉汁味道唔濃，加上芝士同調味粉，令到成個薯條好香脆洋蔥圈都炸得香甜脆卜卜，配搭茄汁好好味

上次黎呢頭食飯，見到呢間餐廳都幾吸引，就決定下次再黎呢間試下。兩個人，要左兩個漢堡，一份薯條，兩杯飲品，坐室外空間感大啲，chit-chat下都開心啲。不過，某人轉過頭又見到買啤酒有優惠價換薯條，又整多份，好懷疑食唔食得哂。😂我地一個食白菌之堡，一個食魚Full之堡。白菌之堡其實係安格斯牛肉加蘑菇，車打芝士等，雖然上檯嘅時候其貌不揚，好似好細份，但一咬落去就發覺漢堡扒好厚，牛肉味好香，而且唔嚡口。而魚Full之堡當然係魚柳配芝士啦，同樣好厚肉，炸得好香口，夠哂新鮮熱辣。兩個包同樣係令人好有滿足感嘅漢堡包，每一樣材料嘅份量都夾得啱啱好，唔會太膩亦都唔會太寡。呢間小店都算有驚喜！😋薯條就分別係肉汁芝士薯條同丹麥腸仔薯條，見到個份量都夠哂澎湃，芝士多，味道重，配啤酒一流，淨係食薯條都夠飽，岩哂chit-chat食。我地原本飲檸檬特飲同蜜桃冰茶，無乜特別，不過不失啦！啤酒就有3款選擇，分別係1664，Asahi同嘉士伯。白菌之堡 - $65魚Full之堡 - $62特飲/冰茶 - $28@啤酒配丹麥腸仔薯條 - $62

518 都係令人憤怒嘅一日，唔去happy hour發洩下點頂~近近哋喺觀塘鴻圖道 一個飲食商場入邊一間漢堡包舖~因為佢有酒飲，呢間鋪開咗有啲時間，喺後巷放咗幾張枱~ 都有啲蘭桂坊feel 同朋友一齊嚟嗌咗個漢堡我就肯定要食牛~ 因為牛肉可以畀到energy繼續憤怒~ 再加chips~當埋晚餐食~ 喺前枱畀完錢坐好會送上食物， 睇到個包上檯嘅時候感覺好似好細個，但一啖咬落去 好厚肉好juicy牛肉味好香濃~ 冇得頂~ 見到做緊有個set啤酒加腸仔薯條 80幾蚊~ happy hour都抵~

觀塘成日都有好野食食😛黎到觀塘一定唔會餓親🤣觀塘工廠區果邊已經有唔少既選擇,今次為大家介紹漢堡包🍔.🍔熱帶之堡 $67完全係肥仔餐🤣好軟熟既牛油包夾住煙肉🥓加牛肉😋仲有最重要既菠蘿🍍夠晒多汁🤩要個口夠大可以一次過放晒佢地落口🙈.🍔白菌之堡 $65睇相以為有好多菇所以叫左佢😂果然其望越大失望越大😢啲菇唔算好多，成個包都好juice 唔叫好乾😇so far都幾好.🍗炸雞條 $39成條雞肉拎去炸🙈正呀，上到黎仲熱辣辣♨️再配埋芝士醬，緊值係一流呀💯.🍟薯條 $25薯條就算唔配肉醬都好夠味薯條配有七味粉，今次佢幫我地落多左有啲鹹😢但佢既薯條本身係好味既😇

今日出開去觀塘搵野食，搵到呢間食burger既好似吾錯，就黎試下。第一次黎呢間食，上次黎過呢到食pizza,感覺呢到好多西式野食，價錢都吾係好貴，呢間鋪吾係好難搵，好多人係呢間到食漢堡。我就簡左個經典之堡，睇落似招牌，應該吾錯，連套餐叫埋有topping既薯條同野飲都吾係話好貴，漢堡既牛肉好厚，睇落好有滿足感，食落都吾錯，好有牛味，有生菜，有蕃茄有醬同芝士，吾錯。薯條我比較鍾意芝士肉醬，佢既芝士同埋芝士肉汁既吾同，芝士肉汁果種可以拉絲，我朋友反而比較鐘意呢個，我比較鍾意濃味既芝士，同埋上面滿滿既肉醬，好抵食~朋友叫既美式漢堡好像係比我果種多左煙肉同埋個醬吾同，大體差吾多，佢menu有寫每個漢堡入而有咩饀，我見佢最後果個係全素，大啡菇漢堡，食素食既人想食漢堡都可以去呢間試下佢個大啡菇。

鋪頭地點唔算近觀塘市，係近創紀之城嗰頭多啲，所以我哋都行咗陣，先搵到間鋪鋪頭服務唔錯，我哋去到之際剛好鋪頭生意挺忙，但店員有主動行過嚟講聲唔好意思，已經盡力追趕緊您的訂單漢堡外層嘅麵包非常好食，外脆內軟，配合埋不同的醬汁，令人一食之下感動萬分「經典之堡」中規中矩，話明經典，如果太多改動反而失去咗經典嘅味道我自己試過兩個漢堡後，覺得「白菌之堡」更有驚喜，因為個醬汁都有好濃厚的松露味道不過個人覺得$125兩個漢堡嚟講有啲貴，如果價錢喺$90-$110(兩個包）左右，會更為理想

話說今日同同事開夜，遲晒放工，結果都係要係公司附近食飯。兩個男人緊係要食肥仔野啦。肉汁芝士薯條，呢啲野好邪惡超好食，啲芝士多到痴線，食到好high。同事就揀左個菠蘿漢堡包，同事話塊波蘿好甜好好食。我諗中和左肉味。我就食美式漢堡，好肥好邪惡，芝士極多食落好有芝士鹹味。至於塊扒真係好多汁好好食。薑味芒果冰茶。呢個以為係啲汽水味，但有驚喜，飲落有少少辣好得意。啤酒好飲。兩個男人，一人食一個飽，狗埋個薯條好飽。

本來對漢堡包無咩特別興趣 但近年受到奶綠男渲染下🤯接觸多左香港既漢堡包店 又發現漢堡包都幾好味😋今日嚟觀塘食食 選擇去Moo Moo Burger食漢堡包漢堡包食落幾香甜 仲有陣牛油香 😳外軟內脆幾正安格斯牛肉 手打既牛肉漢堡食落肉味都幾濃 有啲肉汁 😛呢個熱帶之堡另外仲夾左芝士菠蘿生菜蕃茄煙肉 全部夾埋一齊再加上千島醬 真係幾惹味😋我叫既白菌之堡 就唔同在於無菠蘿但有白菌 同埋醬汁係好香濃既松露醬😌一樣都有安格斯牛肉漢堡同芝士蕃茄 生菜 都係好好味既配搭👍🏻另外仲叫左份雞翼 不過嚟到都係最推薦大家叫佢地既招牌漢堡包🍔

間鋪好易認，喺轉角位有個綠色燈嘅招牌，出面係酒bar，入面就係好快餐店咁，係自助型式。➡️ 經典之堡 Classic Moo ($60)有新鮮手打優質嘅美國牛肉、車打芝士、生菜、蕃茄、同埋佢哋自製嘅汁。咁嘅組合雖然好普通，但食得出d食材好新鮮，加上佢嘅漢堡包面有用牛油烤過，所以食落幾香脆！➡️ 白菌之堡 Mush Moo ($65)安格斯牛肉、白菌芝士、蕃茄、生菜同好惹味嘅黑松露沙律醬，全部夾埋一齊好juicy，唔錯。➡️ 芝士肉醬薯條 Bolognese Fries ($39)香濃嘅蕃茄肉醬味再配上即叫即炸嘅薯條，炸得好脆，而且仲要好大份，食到好飽！MOO MOO地址📍: 觀塘巧明街94-96號鴻圖中心地下1A號舖.............................. 味道😋: ⭐️⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

小弟見到呢間Moo Moo喺opr 係觀塘好評之冠，一於試一試先。小弟下午一點去到，餐廳外面有露天位，天氣涼嘅話，可以坐出去飲吓啤酒，（而今咁熱就不了），星期六餐廳唔算多人，可以即刻叫餐同有位。小弟叫咗份熱帶之堡跟餐，肉汁芝士薯條，寶寶叫經典之堡跟餐沙律，餐飲當然漢堡跟汽水永遠係最夾。漢堡十分鐘內整好，買相，熱帶漢堡有波蘿煙肉、安格斯牛扒，咬落去相當有層次，好juicy。寶寶話好食過隔離老麥，當然啦，一分錢一分貨。至於薯條，略嫌芝士味不夠；沙律得醬汁酸酸甜甜，開胃。整體而言，好食，同類型的漢堡店價錢適中。推薦！閒話奇聞：呢間Moo Moo唔知係咪受疫症影響有時會唔開門，第一次夜晚去發現閂咗，第二次中午去打電話確認開唔開，佢就話佢日日都開到夜晚喎⋯⋯好奇怪，唔通佢想講我去咗異度空間？

呢排好想食burger，上網見到好多網友推介，所以就過左黎試下。MOO MOO係一間好有格調嘅漢堡包店，未行入去已經見到霓虹燈招牌，好靚🤩呢度係先落單，然後攞完食物再自行搵位坐雖然鋪頭唔大，但有室外坐位。不過今日天氣熱，揀左坐入面，有冷氣嘛我同男朋友嗌左熱帶之堡（The Tropical Moo)同滋味雞堡(The Sexy Chick😂)熱帶之堡超級juicy😋滋味雞堡唔係好食到辣味，但雞肉嫩滑多汁😋但兩個包都唔會死鹹，吃得出食材原味。重點係食完都唔會覺得好頸渴👍

疫情關係，要到酒吧消遣暫時已經係不可能，所以襯假期前夕，搵間類似既餐廳去消遣一下。位於觀塘巧明街鴻圖中心的MOO MOO係不錯的選擇，置身當中食一頓晚餐，有如去了外國一轉咁，呢度有英倫的紅色牆、室內和室外座位/企位、日式的食桌電制位…..呢間MOO MOO的Burger選擇有好多，本身想叫鹹蛋黃雞堡，可惜已賣曬，咁我地今日就選左2份經典之堡，件漢堡係新鮮牛肉手打而成的 ($60/個)、1份芝士肉醬薯條，仲要係粗薯條，即叫即炸真係唔同D($39/份)、1份炸雞條，果個芝士醬真係超級邪惡呀。飲品緊係唔少得叫2罐可樂啦。係呢度一路聽住歌一路食住野，心情可以放鬆一下，暫且忘記不快的世事。