MONMONO (已結業)

知道最新開咗間充滿藝術氣氛嘅餐廳，無論餐廳內外都一致用晒星夜藍色，入面仲有多個打卡位，勁好影相，老闆都話大部份客人都係女士。慢煮雞胸沙律・牛油果・柑橘芝麻汁($138)雞胸唔會太乾身，有少少肉汁，柑橘芝麻汁味道都清爽，做開胃菜都OK的。阿根廷安格斯肉眼扒・洋蔥沙律・酸汁($348)Order時侍應哥哥都話會比較生3成熟，如果接受唔到咁生都可以幫我地拖多兩下，係幾貼心的。自家製意大利麵・澳洲扇貝・櫻花蝦・香辣龍蝦車厘茄汁($218)見係店家推介就trytry，份量唔大，但都足料既，每條麵條都沾滿汁，唔會煮得太淋，可以一試。陰雨連連($88)其實本身係想叫水晶花園，但當日已經賣晒啦～所以就試下呢個啦～不過份量都幾細。佢係芝麻慕斯蛋糕，個人覺得比芝士味搶左風頭，旁邊有閃電形狀既白朱古力，唔會太甜。蝶豆花乳酪/桃子特調($48/$58)就係普普通通既乳酪飲，唔會太甜，比想像中細杯。通常對打卡為主既餐廳都唔會抱太大期望，但今次食物質素都唔錯，睇得出係有heart既，份量唔大價錢都唔平，比較岩中意影相既姐妹去～另外侍應哥哥們都好nice好有禮貌，仲要同客人傾計，加晒分！

今次嚟咗尖沙咀一間用深藍色作為主色調嘅餐廳，今次純粹Walk in入嚟本身預約已滿。😢但係好好彩😀個經理可以幫我安排座位。主要如常指定時間交枱就可以👍👍👍呢度啲樓面好有禮貌而且服務態度一流。內在環境有優美，唯一美中不足的是Menu有點殘舊，要多加改善。而食評方面已經mark左落d相到。最後埋單1千左右2個人食。都算物有所值。值係環境果邊暫大部分。會唔會再黎？會，因為佢d菜式都算幾新派。可以等佢轉menu再試過。

慕名而來，藍色餐廳，有主題預早一個星期上網訂仲要打電話去confirm Booking準時到達，其實之前訂枱已經希望話有卡位坐，佢話未必安排得到，叫我預咗冇㗎啦，fine .照去見我地着住短裙，竟然夠膽死安排個高腳座位角落位我哋!個餐廳明明仲有好多位，卡位都冇人連派位都唔識派，或者係特登？你唔俾卡位我你都唔該俾返張正常枱我啦，你唔係要個着短裙嘅人坐高腳枱呀嘛仲要個餐廳好多位㗎喎！坐咗喺度5分鐘都冇，就走過來催我落單，咩事？話說佢個Menu剩係得set ，一樣甜品都唔可以叫咩餐廳嚟㗎？認真我唔覺得嗰度啲waiter有服務態度（？）啲服務生同個環境係完全唔同feel喎我覺得啲價錢同應該有嘅餐廳質素唔合符預期唔建議去，尖沙咀大把餐廳又高質素又好環境佢嗰間餐廳其實入到去係好細，人多過影相位，喺門口望一望都夠

午餐搵食～新派法國fusion菜…餐廳係4月中新開張～ 即刻約埋朋友去試下先…餐廳布置以藍色為主幾特別,好靚啊,坐位舒適… 都有幾多打卡位呀！侍應親切有禮…食物好味～👍午餐 set lunch 虎蝦配明太子香蒜汁意大利麵 … 三文魚刺身牛油果蓋飯 …可以升級套餐有沙律.飲品～最可惜食唔到個甜品crystal Ball(水晶花園)…因這甜品要下午三點後或晚餐至有供應～ book定下次晚餐要食這甜品😋但係幾難book位!

老實講 裝修係唔錯嘅服務態度都OK嘅 如果要坐卡位 要打電話book嗰陣request 打卡嘅朋友睇到呢度可以睇完本身滿懷歡喜 到咁多媒體都有報道 但食評：terrible 頭盤： 天婦羅雜錦上碟熱嘅 正常嘅 係佢話蠔肉喺紫蘇葉但食咗兩舊到真係食唔到 Main: 自家製紫菜蟹肉海膽味噌意粉因為麵粉發得唔夠/煮得唔夠熟 本身食開麵身偏硬嘅我 都覺得佢好硬好韌 今晚應該消化不良 加上我完全見唔到紫菜Main： 法國燒春雞真心被呃了 燒春雞得雞髀 可能係我大想頭 但係一個配菜都冇 真係過分咗啲 本身menu有薯蓉 我再一次睇唔到 二百幾蚊一隻雞髀 咁算啦都叫左 咁都食啦 唔係滑嘅 都係比較靭 亦都比較冇味 係10分失望Conclusion: 貨不對辦 埋單$600 真係唔知食咗咩

最近呢間新開，係instagram見到有推介，即刻book黎同friends一齊試吓😋山林道一行入去右手邊已經見到成間藍色，入面其實位置唔算好多，裝修係有心思，都有好幾個打卡位，最正係坐sofa😆中午暫時佢哋做兩輪，lunch set價錢大概係$150-$230左右，有salad/soup，有意粉、烏冬、和牛漢堡等等。意粉份量唔算好大，女仔細食啲都夠既，味道還好。雞絲烏冬份量都係比較細，味道普通，個人覺得意粉比較好食啲😂總括嚟講打卡為主。

充滿魔幻色彩嘅藍色霍格華茲🧙‍♂️🔮🪄✨琴日去咗最近好熱門係尖沙咀新開 裝修以藍色作為主調嘅餐廳 非常特別 新開一個星期就爆紅📌有關訂座我一早book咗枱 當時未有好多人預約 所以職員表示 重可以留到卡枱比我 但準時到達 發現原來根本無留到卡枱比我😞不過好彩等客人離座 我都有幸坐到平日三點到達全場坐滿 當時都有小小嚇親 大概4點就開始小人開始影到多啲唔同嘅角度✨大家去之前記得打電話或者社交平台dm 佢哋 無book枱好易摸門釘📌有關餐廳光線整間餐廳 以藍色作為裝修主色驟眼睇會比較暗所以天花板裝咗好多射燈 射燈上面照落嚟 影人樣會好恐怖除咗喺藍色車嘅位置之外 其他位置嘅光線都非常一般 我呢啲有拍攝經驗嘅打卡能手都搞唔掂為咗避開佢嘅光線直頭抬頭😂迎接光線📌不專業食評$𝟿𝟾 鹹蛋黃牛角包窩夫 超好味😋鹹蛋黃嘅味道非常出色配上忌廉好似食緊流心奶黃月餅嘅味道 $𝟷𝟼𝟾 水晶花園(椰子脆脆及菠蘿泡沫）一個糖膠波波包住嘅甜品 我都係覺得幾靚先叫😂 椰子脆脆幾好味菠蘿泡沫 有種空氣清新劑嘅化學味道我覺得你係為咗食既就唔好嗌你係為咗好似我咁 貪過癮 可以試吓嘅( ̀⌄ ́)D糖脆片 有少少鋒利 食嘅時候要

一間性價比高的餐廳，環境好適合打卡waiter全部都好有禮貌同好nice👍🏻👍🏻叫左4款食物，同1杯特飲夏日主食叫左燴智利爐魚，脆飯團，山椒西芹汁好好味啊魚肉整得好靚好嫩滑，好夠味道擺盤仍好靚....值得叫另一個主食係自制意大利麵配澳洲扇貝，個龍蝦汁唔會過鹹又好香濃仲有啲櫻花蝦加埋一齊好好味呀👍🏻而小食叫左個炸雞腿肉👍🏻都不錯最後叫左個鹹蛋黃窩夫，邪惡之鬼但真係要叫因為又係好好食😂