Monkey Cafe

营业中

休息中

和好友到灣仔參加了一年一度的珠寶展，買了心頭好！行得很累，因為這餐廳地點有點遠，所以坐的士到了這裡用餐，選這裡主要是貪這裡是酒店，可以舒舒服服坐下傾計詳談。這晚人不多，總共只有4枱人，我和好友點了一份沙律，一份漢堡包。沙律的分量不多，三文魚不夠肥美，幸好沙律菜算是新鮮，沙律醬足夠，吃起也十分可口。而漢堡包有驚喜，那漢堡扒及芝士味道濃郁，十分出色！可以encore! 完美的晚餐，當然不能沒有甜品，我點了朱古力心太軟，我十分滿意我的朱古力心太軟。朋友點了炸雪糕，我嘗了一口朋友的甜品，它不是我杯茶。因為網上訂位有7折，結賬$400，價錢算是合理。買了心頭好，吃過美味的晚餐，過了愉快的一晚

跟酒店住宿package賣，唔係特別抵不過都抵左。可以揀午餐或者晚餐價錢一樣，既然包左梗係食最貴啦。揀咗最貴嘅$178 牛扒配帶子，得兩安士。對女仔來講都還可以。仲配一個羅宋湯加餐包。羅宋湯好有味道。牛扒同帶子都好鮮。本身以為只係花園餐廳味道，識落樣樣野都好有酒店質素餐廳氣氛好好，好寧靜，唔係太多客，每一圍枱都有足夠嘅私隱。餐廳服務亦都好好，添水同埋收嘢食都好快。餐廳有懷舊設計，啲沙發好舒服。如果想寧靜可以選擇此餐廳

搵地方食飯，要因應食飯對象而作選擇，食肆環境、食物質素或食物類型等要決。如果同媽咪食，最重要食肆環境，必要條件係寧靜同舒服，呢度正正符合呢兩大條件，可能因為地點唔方便啦，所以人客稀少，星期六中午就只得我哋一枱客。🍴餐包&羅宋湯(跟餐)💎💎💎💎好少地方有白芝麻包，咬落非常軟熟，白芝麻又夠香；羅宋湯好香濃，唔會重味精，超多蔬菜🍴經典懷舊餐－4安士美國安格斯牛柳配鐵板帶子 $178💎💎💎我比較鍾意食牛，所以叫咗4安士牛柳5成熟，牛柳有牛味但唔夠腍同juicy，熟成度還可以，帶子雖然鐵板過但完全無味，薯條外脆內軟有薯味，仲有特別嘅入味茄子做配菜🍴午餐－雞肉蘑菇蕃茄汁意粉 $98💎💎💎💎極力推介呢個意粉，意粉剛好煙韌彈牙，蕃茄汁用上好多新鮮蕃茄做成，味道同濕潤度呈完美，唔會太稀或者杰身，令意粉非常掛汁，雞肉有啲鞋身，唯一一個小缺點，而菇菌輕炒過，大大件帶點爽口，一大碟瞬間被k.o.二人共消費：$304

見到咁多點讚，所以專登去試吓鐵板肉眼牛扒，先來個酥皮白湯，幾好飲夠熱，最期待的鐵板牛扒，賣相oK，但味道仲差過花園餐廳，雖說價錢平民化，不過始終是酒店出品，真的很失望，塊牛扒跟本無牛味，吃了一半就不想食，最後叫了甜品心太軟，幸好味道幾好，如果唔係跟本食不飽

很難得可以見到鐵板上噶牛扒，真系特別懷念，現在好少可以見到哩種西餐廳了，雖然系鐵板上噶，但系價格就特別親民！真系好難得，餐廳噶裝修不是太豪華，但系環境還是可以接受的，都算乾淨整潔啦。等左一陣，終於上左我期待已久噶牛扒啦，鐵板上噶牛扒特別有風味，發出吱吱噶聲音，而且好香，體見就好味啦，肉質好厚實，而且黑椒味好入味，咬落去仲有滴汁汁吱出來，性價比超高！

鐵板扒餐曾經是香港紅極一時的食物，不少親民的豉油西餐廳也是那個時期開業。在時代變遷下，大家都開始未能滿足這類鐵板扒餐的質素，漸漸開始被淘汰，或者將扒的質素提高兼捨棄那塊熱辣辣的鐵板。 香港人就是有點奇怪的，擁有的時候不懂珍惜，失去時卻去追求。鐵板扒餐是慢慢沒落的了，可是有些餐廳又會靜雞雞地推出，以限定版來出現。友人知小弟喜歡這類懷舊鐵板扒餐，於是趁我在這個心情低潮時期來舒解一下。起初覺得地點實在不便，餐廳環境又沒有什麼特別，為何要特地到來。 可是，看見餐牌後終於知道，價錢親民得嚇人，試問只需用花園餐廳既價錢就可以在酒店用餐，仲有邊到可以找到？小弟選了鐵板肉眼扒配酥皮忌廉周打湯及香蕉船，連加一也只是二百多元，實在平得令人笑呵呵。 侍應先送上餐包，塗點牛油，正好肚皮也開始打鼓了。接著，新鮮焗製出來的酥皮忌廉周打湯送來，香噴噴，熱辣辣，忌廉湯的味道似曾相識，沒有錯，是舊式的老味道。 終於等到主菜了，在肉眼扒上淋上黑椒汁，閃閃生輝，鐵板則滋滋作響，實在很久沒有聽到這種新鮮熱辣的聲音，甚為動聽。其實肉眼扒質素不俗，生熟程度恰到好處，肉味香濃又多汁，非常好吃。 友人則點上鐵板大蝦拼吉

不知道大家有機會到灣仔伊利沙伯體育館那邊吃晚餐嗎？相對是有點遠離灣仔/銅鑼灣中心位置，就是有很多有獨特之處的餐廳。早前帶過法國朋友到圃公館，是很出色的中菜廳。這次又發掘了一間很值得一吃的餐廳— Monkey Cafe，吃的是經典懷舊餐，還很化算呢！經典懷舊餐的選擇也挺豐富的，經典如牛扒、雜扒都有，由於當天下午已經吃了扒類的關係，就特地點了鐵板大蝦x 吉列魚柳～酥皮忌廉周打湯 除了酥皮忌廉周打湯外，還有羅宋湯和忌廉湯，就是特別喜歡最前者那塊酥皮，於是便點了它～很好的是酥皮比想像中要薄，是一層一層的，忌廉周打湯的部分也做得不錯，配合麵包牛油一起吃，更是加分。 鐵板大蝦拼吉列魚柳 在洋蔥汁和黑椒汁的選擇下挑了前者，很開心可以重溫那淋汁在鐵板上時拿起餐巾擋住衣服的畫面，哈～ 大蝦起肉的過程也容易，肉質很到位，沾汁也合拍喔～ 薯菜是薯條來的，有達到內軟的效果，就是假如能做到外脆便好了！火焰朱古力布朗尼雪糕 甜品是很有視覺效果的，有藍藍的火光，置頂是一球雲呢拿雪糕，就是如果朱古力布朗尼口味再黏一點便更好了～ 特別一提的是餐廳的格局有點似是Hotel Icon的The Green呢，特別在晚上

走到英皇駿景酒店🏨一試只需百多元就能享用的懷舊鐵板餐，套餐包有餐湯、主食和飲品，另外加了$50改為酥皮湯和火焰朱古力布朗尼。鐵板肉眼扒（$148）Sizzling Rib Eye Steak鐵板大蝦拼吉列魚柳（$138）Sizzling King Prawn and Grillette Fish酥皮忌廉周打湯+窩夫拼雪糕（$40）Cream Chowder Soup with Puff Pastry + Waffle with Ice-Cream酥皮忌廉周打湯+火焰朱古力布朗尼雪糕（$50）Cream Chowder Soup with Puff Pastry + Fire and Ice-Cream Brownie餐包同樣烘得熱烘烘，表面有香脆穀物，完全不油膩，像歐陸式麵包🥯。酥皮焗得金黃酥脆🔆，聞起來有很香鹹蛋黃味🐣。酥皮下面是熱辣辣的周打魚湯🐟，湯中應該加入了煮溶了的薯仔🥔，味道濃郁，質感厚滑，配合酥皮同吃十分不錯。懷舊鐵板餐點了一份肉眼扒，一份大蝦拼吉列魚柳。肉眼扒點要四成熟🥩，肉質軟腍，沒有筋位，生熟程度掌握得剛好，加上黑椒汁味道不錯。魚柳非常嫰滑🐟，魚肉柔軟細膩，入口溶化，

還記得小時候每逢大時大節，父母就會帶我去食鐵板鋸扒，當年還是小朋友的我，最期待當然是用「神燈」倒下醬汁的一刻，聽到「吱吱沙沙」，心情頓時感到萬分雀躍，現在人大了嚐盡珍饈百味，反而少了吃豉油西餐，上個週末我就來到位於灣仔英皇駿景酒店內的Monkey Café品嚐《那些年 · 經典懷舊餐》，尋找童年的回憶味道。餐廳面積雖然不算很大，但勝在樓底夠高，充滿空間感，坐得舒服自在。牆上掛了不少型格掛畫，包括timeless music icon Ziggy Stardust 的David Bowie，注入摩登時尚的氣息，不落俗套。另一邊種滿綠色植物，綠意盎然，置身其中令人感到份外愜意。放有留聲機小擺設，貫徹懷舊主題，懷緬那些年的憶記。新推出的《那些年 · 經典懷舊餐》定價不貴，鐵板和坊間的港式扒房相差無幾，而且加$40-$50 就有齊酥皮湯和甜品，沒想到在酒店鋸扒也不用二百元，這個價錢真是算得上是抵食。加上這裡始終是酒店，服務態度亦有酒店級數，侍應親切友善，禮貌周周。首先店員奉上熱辣辣的餐包，麵包質感軟綿綿而帶一點彈性。以麵包的熱力融化牛油，入口柔軟散發奶油香。酥皮忌廉周打湯鐵板扒餐配酥皮湯可說是

好耐無鋸過扒，見到英皇駿景酒店Monkey Cafe新出那些年 · 經典懷舊餐，有鐵板鋸扒，價錢又唔貴，上星期六就過黎食lunch。樓底幾高，環境開揚，整齊乾淨，坐得好舒服，而且服務態度好好，放假黎坐下hea下都係一個唔錯既選擇。我過黎就係為左呢個鐵板餐，唔洗200蚊就有齊餐包+酥皮湯+鐵板扒+甜品+餐飲五樣野，係酒店食到呢個價錢真係抵食架喎。除左呢個餐之外，另外仲有tea set 同散叫menu。餐包烘得暖暖地，好鬆軟。酥皮湯賣相都好正，酥皮焗得漲卜卜。外皮焗到金黃色，層次夠酥脆又有牛油香，整得幾好。而個湯就係港式忌廉湯，唔算太特別但幾足料，夾埋酥皮一齊食就好襯。今次點左雜扒同魚柳大蝦，侍應會幫忙倒汁，唔洗自己郁手彈到周圍都係，服務真係幾周到。魚柳大蝦配洋蔥汁，塊魚柳都幾大塊，魚肉好嫩滑，又唔會炸得太油，大蝦都啖啖肉，幾彈牙。另一個就揀左雜扒，好多肉，配黑椒汁一流，尤其是牛扒同豬扒都醃得入味，而且鐵板煎完都唔會好乾好韌。之後就上甜品brownie，首先侍應會倒左d酒入去先。跟住就會噴火槍，會有少少著火，不過呢度環境光，有d難影，但現場睇就睇得好清楚。燒完既brownie暖暖地而又軟身

話說今日同朋友贏咗馬，就想搵間附近就腳嘅餐廳去慶祝下。喺灣仔英皇駿景酒店地下，就有一間西式餐廳叫做’monkey cafe’。咁我就點左一個懷舊嘅西式鐵板西冷扒餐🤣 餐廳方便環境舒服，方便我同我朋友一齊傾計。首先頭盤就有羅宋湯配餐包同牛油，我鍾意佢嘅餐包係有穀物，健康有營養。跟住就有我嘅鐵板西冷配薯條同埋蕃茄配上洋蔥汁，當啲汁淋上去七成熟嘅西冷扒時，好治癒。 最後跟餐仲有一個甜品同埋餐飲，我揀咗個雪糕紅豆冰同埋雪糕格仔餅。甜品都好好食，令我諗返起以前細個時候。好回味和懷舊。我期待下一次再嚟食其他嘅款式😃

母親節就嚟到喇 今日同媽媽去呢間英皇駿景酒店度預先慶祝母親節 星期日下午嚟到食個lunch buffet 佢係玩semi buffet即係有一份主菜之餘 沙律吧都係任食 價錢唔貴仲可以喺酒店度食自助餐 十分之抵食餐廳格局行高貴路線 牆上嘅植物牆仲係用上真嘅植物 有誠意 樓底好高加上吊燈 明畫等等做裝飾 氣派十足沙律吧當然有沙律菜 沙律菜夠新鮮爽脆 沙律醬同千島醬 粟米 紅腰豆 煙肉粒等等嘅配料 都係任加旁邊嘅凍櫃仲有煙三文魚 凍蝦等等 凍蝦夠曬大隻 肉質鮮甜彈牙 仲有好多蝦膏 高質之作餐廳做緊東南亞主題 仲有無骨海南雞 串燒 肉骨茶等等 海南雞夠曬滑溜 而且雞味十足 十分推薦到咗最期待嘅主菜 叫咗個美國安格斯牛肉眼 牛扒大大塊 五成熟整得啱啱好 配埋燒汁 高水準

今日同女朋友黎到香港島玩 除左行街之外 又點可以少左食野呢? 經過係開飯網既搜尋之後 搵到呢間Monkey café 入面係無馬騮既 但係環境真係一流 入面有座大大既植物牆 非常養眼呢個餐包左一份主食 我地揀左肉眼牛扒 牛味香濃之餘牛油亦都好甘香 五成熟既牛扒真係岩岩好 少少血 更多汁之後就去食BAR啲野啦 食材好豐富 有煙三文魚 泰式鳳爪同串燒 肉骨茶 無骨海南雞 如果你要我揀一款去推介俾大家 對唔住 我做唔到 因為全部都係我既至愛 餐廳用料亦都好新鮮上乘 味道一流總括而言 呢一餐既性價比非常高 唔太貴既價錢食到優質酒店自助餐 大滿足!

好少去開銅鑼灣呢一邊，今日因為去開附近做嘢做晏左有啲肚餓想喺附近開餐，見到佢lobby有間餐廳即刻衝左入去，入到去先睇餐牌原來做緊一個70年代懷舊套餐連酒店都有鐵板牛扒餐食咁得意就叫左一個鐵板ribeye牛扒餐價錢好經濟，完全唔似酒店價錢又有甜品又有嘢飲又有餐湯餐包，未食已經覺得好抵個湯係經典羅宋湯小小辣睇得出好足料！牛扒嚟到雖然價錢平但係質素一啲都唔差，我叫medium生熟度啱啱好，最驚過熟🤣有得揀黑椒汁定蒜蓉汁甜品嚟到已經飽飽地但係個waffle都幾脆最尾都係食晒😅

以前既我 因為唔食辣 麻麻地東南亞食物 ~ 但近年我發現 東南亞食物都唔代表一定辣, 而且仲有唔少好岩食既款式 於是乎...愈食愈鐘意 ! 知道位於英皇駿景酒店既Monkey Café有以東南亞為主題既semi-lunch buffet 急不及待約埋朋友黎試試XDD! 酒店樓底果然都係偏高, 令到成個感覺grand d 一入門口就會見到餐廳呢~ 除左放有舊式留聲機呢D懷舊元素外 牆壁上掛滿一幅幅king size既懷舊風西洋poster, 好似置身好多年前既西方時代咁 仲有一邊係一片大大既假植物牆, 個感覺又令人覺得relax d, 有旅行feel d~ 呢個東南亞半自助半餐一律收費 $228/head 除左main要點餐外, 其他沙律/小食/湯/水果/甜品/飲品都係自助拎架~ 餐廳會先等你食下D 自助食物先, 等你覺得想上main時先再搵waiter上~ 想食既東南亞小食.. 大部分都可以係度搵到啊~ 最令我驚喜係竟然有 肉骨茶 !! 仲要幾足料添, 佢唔係重胡椒味個一種, 所以我飲到好多碗啊XDD 沙律方面係Caesar salad, 配料都幾多選擇, 但我最鐘意當然係狂加