影片
更多
2019-05-02
380 浏览
以前既我 因為唔食辣 麻麻地東南亞食物 ~ 但近年我發現 東南亞食物都唔代表一定辣, 而且仲有唔少好岩食既款式 於是乎...愈食愈鐘意 ! 知道位於英皇駿景酒店既Monkey Café有以東南亞為主題既semi-lunch buffet 急不及待約埋朋友黎試試XDD! 酒店樓底果然都係偏高, 令到成個感覺grand d 一入門口就會見到餐廳呢~ 除左放有舊式留聲機呢D懷舊元素外 牆壁上掛滿一幅幅king size既懷舊風西洋poster, 好似置身好多年前既西方時代咁 仲有一邊係一片大大既假植物牆, 個感覺又令人覺得relax d, 有旅行feel d~ 呢個東南亞半自助半餐一律收費 $228/head 除左main要點餐外, 其他沙律/小食/湯/水果/甜品/飲品都係自助拎架~ 餐廳會先等你食下D 自助食物先, 等你覺得想上main時先再搵waiter上~ 想食既東南亞小食.. 大部分都可以係度搵到啊~ 最令我驚喜係竟然有 肉骨茶 !! 仲要幾足料添, 佢唔係重胡椒味個一種, 所以我飲到好多碗啊XDD 沙律方面係Caesar salad, 配料都幾多選擇, 但我最鐘意當然係狂加
以前既我 因為唔食辣 麻麻地東南亞食物 ~但近年我發現 東南亞食物都唔代表一定辣, 而且仲有唔少好岩食既款式
於是乎...愈食愈鐘意 !
知道位於英皇駿景酒店既Monkey Café有以東南亞為主題既semi-lunch buffet
急不及待約埋朋友黎試試XDD!
酒店樓底果然都係偏高, 令到成個感覺grand d一入門口就會見到餐廳呢~ 除左放有舊式留聲機呢D懷舊元素外
牆壁上掛滿一幅幅king size既懷舊風西洋poster, 好似置身好多年前既西方時代咁
仲有一邊係一片大大既假植物牆, 個感覺又令人覺得relax d, 有旅行feel d~
呢個東南亞半自助半餐一律收費 $228/head除左main要點餐外, 其他沙律/小食/湯/水果/甜品/飲品都係自助拎架~
餐廳會先等你食下D 自助食物先, 等你覺得想上main時先再搵waiter上~
想食既東南亞小食.. 大部分都可以係度搵到啊~最令我驚喜係竟然有 肉骨茶 !! 仲要幾足料添, 佢唔係重胡椒味個一種, 所以我飲到好多碗啊XDD
沙律方面係Caesar salad, 配料都幾多選擇, 但我最鐘意當然係狂加栗米粒, 麵包粒同煙肉碎啦~
有 海蝦~ 而且每隻都大大隻同埋夠新鮮, 夠彈牙 !
主角我覺得一定係 海南雞 同 炸蝦餅 啊!! 海南雞已經去左骨, 食到啖啖肉~仲配返3種傳統醬汁~ 不過個人覺得D醬汁無平時食到既咁濃味 (我鐘意濃味)
炸蝦餅 要襯佢岩岩炸起上碟個陣拎啊~~ 咁就會好夠香脆, 而且完全唔會油, 幾好!!
除左以上食物, 仲有泰式炒蜆, 泰式鳳爪, 油飯同埋雞,牛肉串串燒 !炒蜆望落好辣所以無試到.. 油飯反而幾有驚喜, 好入味
串燒 亦都大推介啊~~ 配埋沙爹醬好香好惹味
食左2 round之後, 我地就叫waiter預備main course la~我同朋友分別揀左:: 香煎龍脷柳配菠蘿沙沙汁 & 烤肉眼扒配燒汁(5成熟)
肉眼扒牛味突出, 但係略嫌肉質有少少韌, 另外配菜有薯角同醃意大利酸瓜兩者都醃得好香~~
龍脷柳反而好有驚喜! 肉質嫩滑, 有香味散發加上菠蘿沙沙汁清新得黎又香滑, 同龍脷柳超夾呢
最後仲有 水果 同 甜品 呢, 不過太飽既我.. 淨係食左一塊曲奇餅係我鐘意既軟身曲奇 ! 牛油味香濃, 可以一試!
飲品有咖啡, 檸茶, 檸水, 可以按個人口味調配份量 : )
张贴
