MoMo Café

营业中

休息中

假期前果晚去食應該有7成滿座可能因為餐廳細所以拎野都唔洗排隊但重點係勁！少！野！食！刺身明明話有帆立貝同蝦刺身兩樣都冇🙄算食三文魚同吞拿魚，三文魚正常，可以再食但個吞拿魚毫無懸念，霉霉爛爛咁生蠔正常，但絕對唔係佢所講既即開囉海鮮拎咗蜆同埋長腳蟹腳蜆又係霉既，長腳蟹咸到食完覺得會生腎石咁🤦🏻‍♀️熱食得一款咖哩、一款菜、一款炒粉面類，夾埋最多10款熱食牛肋骨同炸魚、炸雞翼就幾好食既現成嗰啲甜品睇到都唔想食但就有12隻味既movenpick 所以令甜品區加返分，合格🥴服務都要講講啲呀姐收野收得勁急你未食完啲野停一停手放低餐具佢就9秒9黎收走，叫都叫唔切明明話21:30先完自助餐，9點已經想幫我地收晒啲餐具🤷‍♀️呢餐自助餐應該係我人生食得最少野既一餐同埋令我真係忍唔住要上黎分享食評因為依家大把自助餐買一送一或者半價絕對唔需要嚟呢間🤦🏻‍♀️

同朋友食呢間，佢話好平我本身都無乜期望星期六嚟食，滿座但唔會太迫唔會太嘈都傾到計刺身有4款每人送兩隻生蠔凍蝦同螺都好鮮甜最鍾意個喇沙米粉，既整有六款movenpick 雪糕可以話係甜品嘅highlight其他甜品就真係好一般，唔好有咩期望總括嚟講，樣樣都ok ，平平地食下都幾開心

西環的香港萬怡酒店MoMo Café的自助餐一直都是窮人恩物。以超低價格見稱。今次經優惠網站預約，再扣減$15折扣券，最後人均只需$178.5。從來未遇到如此平價的自助餐，見到這個機會當然不放過。平日的午市，大約有8成入座率，食物沒有想像中少，凍海鮮有3款，剌身有4款，即切肉有2款，甜品有6款大家都喜愛的movenpick。這個食物的數量已對得起這個價錢。 味道方面亦都沒有想像中差，而且有某些是水準以上的。例如熟蝦、即切牛扒、剌身三文魚、薄餅配咖哩雞...這些都不錯。當然甜品movenpick又是很一貫的美味。 整體上這個價錢交出這個質素實在沒有投訴，若不是太遠直情可以成為常到飯堂。＝＝＝＝＝＝＝＝＝＝＝＝＝＝＝＝＝＝＝＝＝小絲評價：抵!最抵食自助午餐，沒有之一。食物MVP：印度薄餅+咖哩推介指數：7.5/10

今年想去食啲低價自助餐，無論午餐定晚餐，食以$350以下一位為目標。今日去食個$201嘅酒店自助午餐，就係西營盤萬怡酒店 ModeMode CAFE。入正題~~簡單介紹下**飲品**有兩部咖啡機，飲品有3樣，最後個款係清水，雜果賓治幾好飲，啤酒加$38任飲。**前菜(芝士火腿麵包)**有芝士牛油可以搽麵包，個人覺得個軟芝士好難食，仲有其他配料。**餐湯**西蘭花忌廉湯及青紅蘿蔔湯**凍海鮮**凍蝦 - 都幾新鮮唔霉係細隻啲。 烚蜆 - 蜆肉幾鮮甜，間唔中有一隻有沙。黃金螺 - 幾大隻，都幾新鮮肉好爽甜。**刺身、壽司及小食**甜蝦 - 鮮甜正常水準。鯛魚 - 新鮮爽口。北寄貝 - 味道一般，有小小沙。三文魚 - 厚切冇筋，不過魚三文魚味淡左啲吞拿魚沙律軍艦 - 比較水左啲，味道還可以。吞拿魚壽司 - 魚冇筋，魚味幾濃。鮮帶子壽司 - 幾觧甜，唔錯。蟹肉沙律軍艦 - 正正常常。芥辣八爪魚軍艦 - 一般。**沙律類**菜好爽脆，薯仔沙律一般，牛肉沙律唔錯。** 熱食 **鹵水五花腩 - 太咸同有啲肥膩。炸魚塊 - 幾香脆，魚肉唔鞋，他他醬唔太酸幾夾。印度瑪沙拉雞 - 唔太辣，配埋香酥餅食好

話說喺OpenRice買咗優惠券，並且同時喺OpenRice平台book咗位。book位嘅時候，已經Mark咗六大一BB，並且請他們預留BB凳（ 仲Mark咗有位朋友生日）。之後嗰兩日，諗住打電話confirm Booking。（在OpenRice平台嗰個，亦都在網上找了同一個電話號碼，亦留言），共打左四次，一次也沒有人接聽，飛去留言信箱都已經留言。（嗱，我睇返條款係冇講過話需要打電話去餐廳預留座位）到了第三日，即去餐廳食飯的那天下午，因為想再加多一位成人，再打電話，仍然沒有人接聽。因為要加位嘅原因，我打去萬怡酒店前台，請前台同事駁到餐廳，仍然沒有人接聽我的電話，飛去留言信箱，仲要留言信箱都滿了，不能留言。於是唯有博佢俾我哋即場加一位成人。到餐廳的時候，我跟店員說在OpenRice book位。個位店員問我：「有冇打過嚟book位，同埋預留BB凳？」我話：「冇，我試過打過嚟，你冇人聽。」佢再同我講：「你打8888（字尾）嗰個電話梗係冇人聽啦，你唔直接打黎。」我再話：「我打咗六次都冇人聽，我亦都打過去酒店要去駁上嚟，你哋都冇人聽喎。」佢話：「你冇打嚟book BB凳喎。……咁我哋而家幫你

MoMo cafe嘅午餐自助餐真係幾抵食，二百幾蚊，坐得都算舒服，雖然食物選擇唔算多，但味道都可以嘅，尤其係叉燒燒得好味有少少焦香。但牛仔骨同牛扒都有啲韌。佢最正嘅係任食movenpick 雪糕，仲有個千層紅棗糕都好好味。千層紅棗糕美味雪糕

元旦早餐好開始。八時到。發揮小宇宙。餐廳裝潢舊。可稱之簡陋。樓底矮。極難受。先灌三杯蘋果汁。與胃戰鬥。回到獅子山下時候。炒蛋很黃。白粥微暖。煙肉無得救。薯仔焗透芝士“漏”。一般茄汁豆。吃湯麵。摺起袖。熱度難要求。水果四樣麻麻地 。甜得假。莫追究。麵包易燶火太猛。黑吐司。迎白晝。中式點心啱阿茂。魚肉燒賣。長壽。拉布腸粉滑溜溜。牛肉球有陣怪味道。似足過期荳蔻。穀物種類齊全。啱晒孩子幾個枱右。糯米雞。不利瘦。將將就就。百零蚊。堪回首。明年再邂逅。

我喺KKDay用$350一位嘅價錢買咗個自助晚餐環境嚟講就一般，成間餐廳啲燈光都好暗服務唔錯，職員幾nice講番食物刺身有三文魚、紅鯛魚等等，質素一般生蠔OK，$350有生蠔都算係咁凍海鮮同沙律都係一般熱食有泰式燒豬頸肉、辣椒膏炒青口、蠔餅、豉椒炒海鮮，辣椒膏炒青口比較突出，唔會太辣，青口夠大隻肉眼唔錯烤魚好正，個皮好脆，同個泰式汁好夾串燒（雞同豬）都唔錯，沙嗲汁幾好味喇沙湯底好突出，湯底好新鮮甜品選擇好少，淨係得4款（係我食過咁多間自助餐最少選擇），包括班蘭千層糕、蘋果和菓子、麵包布甸同埋窩夫，賣相同味道都係一般雪糕就係Movenpick，有11款味呢間自助餐啲選擇比較少，比較突出嘅食物有烤魚同埋喇沙湯麵全場得50個客左右，比較冷清，不過價錢比較平，$350有生蠔又有生啤任飲，可以一試

就著朋友工作關係揀選西營盤晚餐。疫情之前想試但當時沒有供應生蠔，淨係得海鮮拼盤感覺唔抵，而家晚餐就有各種食物 生蠔燒牛肉日本刺身等，見倒其他平台都有做優惠價錢又抵，即管簡單吃一餐。生蠔就比較瘦，沙律選擇不多，熱食有瑪沙拉雞都不錯但薄餅硬曬得太耐。有不同飲品及一般咖啡茶供應。可惜甜品真的選擇太少，如果以酒店來說俾放題仲要做得差，另一集團 太平洋酒店 以前的自助餐價錢相約，但相對地食物質素和款式都做得好認真，味道也很好吃，可能冇左對手所以做得很差，甜品方面必須要大為改善。整體食物是可以接受的，三佰幾價錢有生蠔長腳蟹食雪糕都已回本。

好耐無食buffet今日專登帶家人由元朗去西環食momo cafe Lunch buffet由12-230～1230去到 無乜人野食都多元化超薄pizza, 壽司 （無三文魚）豬頸肉 三文魚柳 牛排 有湯有飯甜品係movenpick 有6種味 食食下開始多人 呢個價錢黎計我都滿足了Staff態度都好好

Klook有優惠便試試，冷盤有雪蟹腳，生蠔，魚生等，熱盤有牛排，魚，咖哩雞，咕嚕魚，pizza等，中湯西洋菜湯很好味，甜品，生果，Movenpick任食，果汁，咖啡，啤酒等任飲，雖然選擇不算多，但是這價錢算抵食。

整體食物種類少。但帶子和甜蝦刺身很美味，啤酒任飲1. 服務： Momo cafe職員尚算友善，但人手不足，同一位職員要同時處理生蠔及日本刺身，易交叉感染。佢工作辛苦，亦曾被其他客誤會而鬧，無奈 (我地絕對無鬧佢！）2. 環境：幾舊式，冷氣嚴重寒冷，說是中央冷氣問題而沒法調較， 連隔離枱新入座都話太凍，而趕著調位去坐其他地方。洗手間配套，只得1格，排長龍，好大壓力！尤其我和家人因食物問題而3次肚瀉，深感痛苦難堪。3. 食物：質素普遍差，種類極少，熱食味道不能接受。全場只得帶子和蝦刺身美味，現成的啤酒任飲及moverpick 雪糕最可接受。但雪糕需要食客親手添加，兼讓客人沒帶口罩之下自行添加，很不衛生！4, 總結：唯一好嘅係 staff 普遍friendly，可惜人手非常不足 而扣分，真係好難求助 - 呢part 佔30 %. 環境（洗手間嚴重不足，冷氣過份勁凍，似要戴帽著長袖衫來）及食物質素大部分麻麻，熱食及湯唔夠熱 - 呢part 佔70 %. 若當普通家常便飯 / 類似私人住家diy 自製mini buffet party at home, 係ok 的，或當飲beer 傾計都ok.

途經MoMo cafe，就想吃一下這裏的自助餐，於是就前去光顧，入酒店經大堂搭電梯上二樓，然後去店門前的櫃枱服務員帶位，坐了座位後到十二點鐘就出去自助餐枱取食物，食物有海鮮，例如有鮮蝦，蜆，青口，海螺，甜蝦，帶子，仿鮑片和三文魚片，熟食有燒牛肉，燒羊肉，炸魚柳，薄餅，還有其他款式的熟食，甜品有各式各樣的糕點，各款式口味的雪糕和水果，配料桌上有些配料，可以用來配搭燒牛肉和燒羊肉，還有煙肉可以取得，中西式湯有合掌瓜煲唐排湯和忌廉磨菇湯，凍飲是紅茶可以任斟，可以配搭旁邊的檸檬片和糖水調製成凍檸檬茶，熱飲是咖啡，食物款式中矩中矩，不算太多也不算太少，但全都好吃，就這樣來來回回地取這些食物來吃，鮮蝦夠鮮甜，蜆夠鮮甜，青口夠鮮甜，海螺夠鮮甜彈牙，甜蝦夠鮮甜，仿鮑片夠鮮甜和有口感，全都很新鮮好吃，燒牛肉夠多汁燒得很香口，軟韌適中很好吃，朱古力口味的雪糕裏面有碎朱古力很好吃，吃到臨完場還有生蠔兩隻附送，生蠔很新鮮和鮮甜，店內環境裝潢舒適，坐位夠寬和舒適好坐，冷氣夠涼，服務員的態度也很好，整體上很不錯，下次再來光臨

第二次到呢度食lunch buffet, 今次book左週末食，早喺kkday訂位付款$23X, 由12:30食到15:00週末lunch buffet有四款刺身供應，有三文魚，甜蝦，鲷魚，北寄貝，凍海鮮有三款包括凍蝦，青口，白蜆，質素普通沙律有多款蔬菜，辣牛肉沙律，柚子沙律，木瓜沙律，酸辣味幾開胃熱食有红酒燴羊肉，羊肉有少少脂肪，羊羶味唔多又夠腍，烤肉有燒牛肉同燒羊脾，兩款烤肉味道幾夠，但過熟偏韌甜品有六款口味movenpick雪糕任食，另有薑汁糕，泡芙，窩芙，幾款水果等食物款式唔算多，只可講中規中距，但喺港島區只需二百幾蚊食到飽都抵嘅，食飽後要去中西區海濱長廊散步消化返哂先得…

[ MoMo Café ]最近留意到萬豪集團旗下，位於西環嘅香港萬怡酒店做緊晚餐自助餐優惠，係網上平台kkday或klook預訂每位只需要三百幾蚊，酒店buffet嚟講都幾抵食🤑。✿ 海鮮拼盤自助晚餐 星期一至四 正價$538 / 星期五至日 $568供應時間：下午6時30分至下午9時30分前菜有沙律🥗、煙三文魚、西班牙風乾火腿等選擇。冰鎮海鮮星期一至四晚餐buffet主打海鮮拼盤，入座後餐廳就會按人頭安排，而星期五至日晚餐buffet任食海鮮。海鮮款式有：新鮮即開生蠔🦪鱈場蟹腳🦀阿根廷天使紅蝦🇦🇷🦐愛爾蘭黃金螺🇮🇪🐚當晚生蠔來自愛爾蘭🇮🇪，蠔肉爽口鮮甜，海水味重；鱈場蟹腳蟹肉扎實，蟹味濃郁；紅蝦刺身爽嫩鮮甜；黃金螺螺味重，肉質彈牙。除咗以上海鮮，自助區亦有大蝦、蜆及黑殼青口，全部都refill得好快。👍🏻刺身🐟有挪威三文魚🇳🇴、吞拿魚、北寄貝、甜蝦等，魚生即點即切。熱食區🔥 有多款中西式熟食。肉類有即切肉眼牛扒🐮🥩、馬來咖哩雞🇲🇾🐔、清蒸海上鮮🐟、中式燒味等。此外有餐廳招牌石烤pizza🍕，口味有瑪格麗特披薩等。而當晚粉麵檔更提供越式🇻🇳扎肉湯粉，即點即煮，幾有特色。甜品🍮有蛋糕及M