Mochi Sweets (已結業)

平時唔會買, 但唔知點解今日買左4個黎食...整體黎講, 好唔值呢個價, 個皮好厚, 灘軟左20分鐘, 個皮只係淋身左, 但無煙韌既口感, 咬落去有好實, 總之又厚又硬。可能我唔識欣賞, 個人覺得維記雪米糍比呢個好食好多!以下係味道評分 (5分為滿分)榴槤 ($16): 2/5 無榴槤味, 更加唔好講會有榴槤肉喺入面抹茶紅豆 ($15): 3/5 味道係4個入面最好, 有一粒粒既紅豆紫芋 ($13): 2/5 唔好味, 芋頭味怪怪地咁芒果( $15): 2.5/5 都係果樣, 無芒果肉喺入面, 買長洲芒果糯米糍好過

上次試過對面芭芙，今次試埋呢間糯米糍！半間店一個櫃位，仲要唔係向出面，而係向住對面芭芙店，屈咗入去幾蝕底，而且深木色，因為經過嘅人都比對面鮮色芭芙店吸引了！糯米糍款式好多，而且所有味道都齊！我問店員邊款比較人氣！佢推介芒果、榴槤同抹茶，咁啱呢三款都啱我選擇！店員入落簡約紙袋，有硬卡片墊底，容易拎！可以八達通比錢方便！抹茶紅豆慕絲：賣相簡潔唔花巧，中央好濃抹茶味忌廉，夾雜大粒紅豆，炆得透又有啲𡁻口，抹茶外皮煙韌！日式抹茶味帶微甘，更加帶出甜味，口感有層次！幾好！榴槤慕絲：肥髀最愛，佢話好香榴槤味，中間忌廉滑，但我見榴槤肉唔多！仲要貴1蚊！芒果慕絲：工人姐姐食，揀芒果最穩陣（菲律賓出芒果，應該唔會唔食）佢話好味（可能我買佢唔敢批評）糯米糍會獨立有個紙套，唔會幾個黏埋，幾細心！又唔使沾到隻手污糟！店員有禮，服務殷勤，袋好比埋印花卡，會解釋比我知印花嘅儲法！有問必答！幾好！下次試下其他味道先！