影片
今晚我地3个女仔打算揾间cafe可以坐耐d倾下计食个晚餐, 本身对cafe食物既质素都唔会抱咁大期望既, 经过恒威商业中心楼下..已经有一堆十零岁既妹妹仔系度吱吱喳喳咁一轮咀叫你上去(嘈到不得了)..分别有3间"6b cafe" "full house cafe" "mk cafe"同属同一个老细, 又话晚餐有野饮同甜品..仲问我地食唔食烟, 我地话唔食..佢地就话"上9楼啦..全层禁烟架" 好..就凭佢呢句我地上左去9楼, 系门口我地已经再问一次系咪禁烟..佢地话系...入到去一睇餐牌..价钱都算贵..好普遍一个意粉餐都六十几蚊...我地分别点左三个晚餐...叫d咩都唔洗讲..总之一句..难食..饮品都尚叫可以接受既...但坐坐下闻到好大阵既烟味, 原来后面几客都食紧烟...感觉好似被欺骗一样...所以叫个侍应黎问问啦...佢只系答左我一句"你等等"就走左去...完全无再作任何交代...极之气顶!! 之后好快咁黎左碟所谓既甜品...我地三个眼都突埋...朱古力窝夫三份...每份只系一旧擦胶咁大..都算喇..谂住快快脆脆食完就走啦...我地放左入口...大家互望左一下..好想吐返出黎!!! 但由于要顾住仪态..夹硬吞左..顶佢丫...旧窝夫好似唔知摆左几多日..淋晒架!! 真系未食过d咁难食既野! 食你唔死真系偷笑..服务态度又差...系门口tum你入去果阵就笑笑口..跟住我地打算去完toilet就走啦..当我去完出黎果阵..d朋友同我讲已经拎左张单埋黎话繁忙时间只系可以坐个半钟..叫我地埋单..有冇搅错呀! 原来同佢投诉点解会有咁多人食烟..叫我地等等就系拎张单埋黎叫我地埋单走人!!!!
继续阅读
招牌菜
呢篇系我人生第一篇食评,实在难食到我唔写唔得!!其实对cafe的食物应该冇乜期望的,但就冇谂过可以难食到咁0既地步!星期六晚,一行十人book左十点唱k,未够钟,谂住去揾间cafe坐下食下野打发时间~去到信和对面一停落黎就畀三个妹妹仔冲埋黎系咁sell佢地间cafe!扰攘左一轮,MK cafe话送小食拼盘,咁就跟左佢上去~环境一般,大厦门口0系条冷巷度,好在同行有男仔~上到去环境都系一般,可能我地人多,都坐得几迫~冇谂过会有人食烟,唔知佢地有冇犯法呢?朋友们肚饿,每人叫左个set dinner, 可拣一款𩠌,配饭,意粉,蚬縠粉,薯菜竟然要+$5!!!!再配白汁蘑菇或肉酱~有朋友叫"白汁火腿吞拿鱼意粉"食落口,白汁无味,吞拿鱼似刚刚0系罐头倒出黎~到侍应推介的"肉酱猪颈肉饭",肉酱叫做有d味,但猪颈肉依然无味~汁同饭的比例系1:4!!送0个个小食拼盘系肠仔,好在食得落口~甜品系窝夫,大家食完佢d主菜都冇勇气再食佢,我鼓起勇气试左一旧...天呀!未食过咁念0既窝夫!!!好似隔左夜再攞出黎叮咁!!(好后悔临走前冇整烂晒d窝夫,我怕佢地留畀下一手!!)食食下,发现有个侍应叫左个外卖0系度食,就知"濑"野!!连侍应都唔食返自己餐厅d野!!可想而知质数如何...饮品系饮过咁多间cafe最差的!冻饭唔冻,饮热野又冇只匙羮畀你搅!又贵!论service,都系唔掂!人客唔多但依然漏单~d侍应净系识得坐,唔会主动帮你收碟~总结一句,千其唔好畀低胸短裙姐姐tum你上去呀!!!
继续阅读
同友人食完饭来此cafe饮野倾计, 一上来已经差不多full house. 四个人初头坐近厨房d位唔系太好坐, 后来有人走佢地都俾我地换去sofa位都几舒服.不过佢地个menu价格都有d偏贵, 一杯饮品都要由$25-$38. 我叫左杯芒果乳酪($33) - 都几好味, 有少少似益力多味, 仲有少少芒果肉算唔错, 不过嫌甜.我见都佢地有set dinner($58)都几好几抵,有沙津,焗饭,甜品及饮品. 下次都可以试下. 不过出食物及饮品都要等几耐.
继续阅读
这阵子倾功课唔去地下coffee shop转去楼上coffee shop同学来过几次,推介沙冰类饮品及小食结果四个人都系叫沙冰类饮品本人叫了蓝莓,味道不过不失同学A点了Mocha,因为跟她坐对面,所以闻到mocha香味同学B点了芒果,佢杯造型最唔靓,”塔”哂,不过佢话食到芒果肉,所以唔介意外表唔靓同学C点了strawberry益力多,试了一口,都唔错小食则点了薯格,太干兼”痴”住哂,本人就唔系咁推介另,包场唔系好贵,有同学仔已经心思思想系这里搅party
继续阅读