Mee...lemongrass (已結業)

一心諗住食肉骨茶，嚟到皇室堡地庫呢間馬拉口味嘅餐廳食中午飯，點知竟然同我講無肉骨茶。咁都無辦法啦，呢度主要有飯同叻沙，睇一陣，就揀咗一個海鮮叻沙，一個海南雞飯，跟餐配沙律，甜品，仲有送野飲，飲品就叫咗凍奶茶，熱咖啡。叻沙幾多料下，蝦都有兩隻，都幾彈牙，好似幾新鮮咁，仲有D豆卜，蟹柳，蜆，魚蛋，魷魚咁。係米粉底，個湯有D鮮味，配合起嚟異常好味，我諗可能因為叻沙比較適合配米粉，最近食過另一間米線做底嘅叻沙，成碗野杰撻撻咁非常影響胃口。呢碗叻沙好味。另外一個海南雞飯，份量都幾多，食落個飯幾香，但我食唔出加咗乜野，個海南雞就比較失色，唔夠滑，而且雞皮較肥，個菜心一睇就知咩料，沙律應該是青木瓜+急凍蝦一隻，叻沙隻蝦好食好多，仲有一碗味精湯。唔推薦，除非唔想食叻沙，想食飯亦建議食其他飯。等咗一陣，嚟咗兩杯野飲，凍奶，熱啡。奶茶味道有D奇怪，奶同茶融合得好好，但淡又怪。咖啡，我習慣唔落糖，個咖啡有D辛辣口味，澀口，唔啱我口味。總括嚟講，打個和，叻沙值得推薦，其他麻麻地。有機會的話可以試埋肉骨茶，銅鑼灣午餐嚟講價錢合理。

來到銅鑼灣，聽講附近有間食馬來野的Mee...Lemongrass 都唔錯，今日冒住大雨黎到呢間餐廳。餐廳門面裝修簡潔整齊。我地叫咗秘製肉骨茶$86、馬拉盞炒秋葵$64，同緬甸咖哩雞$78，配油鬆餅$26。以前去新加坡飲嘅肉骨茶都係以胡椒味為主，一直都好想知馬來西亞嘅係咪真係重啲藥材味。呢間就正正做到我想試嘅藥材味！佢味道真係好濃，但濃得黎純粹因爲佢本身好多湯料，一啲都唔係靠味噌！湯又夠熱 我都忍唔住飲曬全部！😋跟住好快就上咖哩雞！咖哩醬真係好味！咸味啱啱好，濃郁得黎又唔會好傑 油鬆餅沾上醬汁簡直係一流！ 油鬆餅外脆內煙韌，唔落醬原本就已經好香，咬落嗰種口感真係令人有一份滿足感！唯獨係雞肉唔算嫩滑,啲汁冇入到雞肉入面。朋友向來討厭食秋葵，今日原本諗住激下佢 專登嗌佢最討厭嘅野食！點知！完全失敗！佢竟然話好好食 咁我都同意嘅， 佢用好多蒜頭黎做個馬拉盞汁，而且秋葵切到細細條 少咗佢原本好滑潺潺嘅質感！朋友竟然成碟清曬😌 所以！健康嘅嘢煮得好味都係可以氹到最挑剔嘅人食唔停😏😏😏我再嗌咗杯熱杞子紅棗茶$26，朋友就嗌咗凍馬來特色手拉咖啡$28。咖啡略為太甜。不過總括而言，呢間真係唔錯！經過銅

又係lunch Time唔知食咩嘅時候，行過皇室堡見到呢間餐廳好似都唔錯就入咗去試吓。泰式奶茶好正宗，奶夠滑，茶味濃，飲完似去左泰國🇹🇭炭燒豬頸肉撈幪粉，大碗到痴咗線，食極都食唔完，可惜個汁唔夠酸，魚露味又無咩，好淡，不過六十幾蚊個餐，仲有前菜青木瓜沙津再加野飲再加椰汁甜品，其實都好抵食！海南雞飯，又係食極都食唔完，大件夾抵食，隻雞煮到啱啱好，夠笠！招牌芒果糯米壽司，芒果夠新鮮，椰汁香濃同杰。椰汁糕，又係好好味。總括而言，環境舒適又大件夾抵食！

Usually, when we cannot think of any food to have for dinner, we will go for the typical asian cuisine. Especially Hainan Chicken Rice, since both of us love chicken lol! So here we are, to this kind-of new restaurant which is located at the basement in one of the popular mall in Causeway Bay. - The first dish we ordered was chicken wings, it was grilled nicely and crispy on the outside. Alongside, there’s a small salad which tasted good too. - The second dish was the famous hainan chicken of co

我已經去過依間餐廳食好多次，即使每次要等好耐位，我都會好有耐性咁樣等，因為我好鍾意間餐廳嘅裝修，我覺得勁靚同埋自己都好鍾意食泰國菜。所以今次呢就唔係同男朋友去啦，今次就同爸爸媽媽去食。我哋叫咗一個龍蝦喇沙，個龍蝦係原隻咁樣上，勁大隻，顏色非常鮮艷，價錢亦都好合理！之後我哋就叫咗一個普通喇沙，即使係普通嘅喇沙，但湯底都非常之濃郁。最後我哋叫咗一個海南雞飯，雞係無骨雞，海南雞飯有配菜同埋湯。仲有叫到一個印度薄餅，新鮮脆卜卜又煙韌！甜品我哋就叫左一個椰汁糕，清清地幾好味。差啲唔記得咗講我哋仲有叫到芒果糯米飯，芒果非常新鮮，好甜，同埋啲糯米飯一齊非常之夾，令到我有少少掛住泰國。隔離佢仲會有得俾你點椰汁，一個字，正！

突然間好想食喇沙，飯腳就提議去皇室堡食mee，於是一行五人1點即過去皇室堡，雖然預先用App攞位，但去到都仲要等十幾分鐘先可以入座。喺等入座期間已經諗好左要食無骨海南雞喇沙套餐，好快飲品已經到左，過多大約十分鐘食物都陸續送到。先試海南雞，肉質超級軟滑，但唔係霉，雞味都唔錯，皮同肉中間無咩肥膏，連皮食都唔會太油膩。喇沙麵十分豐富，除左麵仲有兩粒豆卜，半隻蛋，仲有芽菜同香葉，湯底亦夠厚身，濃香惹味，而且唔辣，唔食得辣嘅朋友都可以放心食。另外，一定要講下個油鬆餅，係送嘅，喺皇室堡出面有個叔叔派傳單，傳單上面會有送油鬆餅同cash coupon，大家去食前記得搵叔叔拎。個餅唔會好乾，食落都幾鬆軟，個味甜甜地，都幾好食，如果大家食喇沙，強烈建議將個餅浸一浸喇沙先食，因為超夾超好食!唔計個油鬆餅，個餐有雞有麵，有飲品，沙律同甜品，今次嘅沙律係蝦沙律，酸酸甜甜幾開胃，而甜品係一口蛋糕，次次唔同口味。咁多野食成個set只係$78加一，都算抵!

係銅鑼灣行街巡視完業務要醫肚,行到去皇室堡地庫,E原來有餐廳架?!唔只係SHOPPING!本人一向對亞洲菜情有獨中, 無論中菜,日式,韓燒,泰菜我都岩食, 但係馬來西亞菜就相對無咁大路唔係周街都係,好啦咁就腳一落扶手梯第一間餐廳就係佢,一於試下。平日晚上7點左右去到,見到有小小人群,門口有部機可以拎飛等位,2 人檯等左唔使10分鐘就可以入座。餐廳裝修算係半開放式, 水吧位置用玻璃窗間隔見到有個外籍員工主理薄餅。墊檯紙畫晒所有分店所在地,幾得意丫。先比個大合照大家睇下, 叫左四樣野已經好似好豐富咁,可以開大餐!平時比較小機會食到肉骨茶,所以第一時間叫左個肉骨茶先。可以見到佢都幾多藥材,紅棗,龍眼,杞子都好多, 除左排骨仲有豆卜, 冬菇, 蒜...咁多料去煮,個湯好有入味.之後再黎無骨海南雞飯, 一個set 入面有湯,有菜,有個油飯同埋主角無骨海南雞, 都幾balance唔會只係肉肉肉，起碼有碟菜食.個飯面D蒜片將個飯提升左，好好味。串燒4支(可以一半牛,一半雞), 成盤上好豐富, 串燒以外仲有脆卜卜 多士,小小蔬果,2款醬(花生醬夠傅統, 醋就夠開胃，兩種各有各好味)軟殼蟹米紙卷呢個就稍

食過呢間質素還是不錯的 所以印象不錯所以晚餐同屋企人都選擇左呢間海南雞飯 有湯有菜又有超滑的海南雞湯，菜，雞都有齊 感覺出街食飯都食到菜非常欣慰仲要唔係只得一兩條 而係份量十足的海南雞唔鞋的而且肉質又唔會冧到好鬆散 還是不錯的見到好多客人都來食佢既海南雞飯mee..喇沙佢裏面有2種麵 米粉同埋油麵所以掛湯同口感都帶到俾我而且湯底既味道係濃厚既 超正的魚蛋彈牙既 唔係油炸魚蛋 所以彈牙唔熱氣係蜆呀 帶殻既蜆新鮮可口最吸睛係佢d蝦係足足兩大隻大蝦新鮮超多料豬頸肉佢都幾入味 而且仲有辣辣 酸酸既汁沾泰國風味十足芒果沙冰都幾大杯所以我地兩個人share一杯都飲唔曬 性價比都幾高過來可以試下好似我咁飲

喺銅鑼灣行街等埋男朋友放工食飯～經過皇室堡，俾依兩張牌吸引住好似好抵食咁喎就試下啦！雖然優惠係好抵，但怕兩個人食唔哂，所以都係叫返正常份量嘅喇沙MEE...喇沙好足料啊！有大蝦、蜆肉、蟹柳、魚蛋、豆卜同魷魚每樣都係兩份，同男朋友share 啱啱好喇沙份量都好多，油麵+米粉湯底好惹味！男朋友嘅魔法梳打～顏色好靚～熱玫瑰柚子茶好香好甜～泰式蠔仔蛋Menu 張圖望落好多蠔，仲係推薦黎添，叫黎試下先！侍應一放落黎見倒好似冇咩蠔咁，另一個角度睇，嘩啲蠔爆出黎～蛋入面都仲有好多蠔蠔嘅份量又多又大隻有驚喜～Menu 有印度薄餅咁得意嘅？叫個香蕉薄餅食先～做飯後甜點一流～香甜得黎唔會太膩～有咬口～唔錯食到飽一飽都係300蚊內，食物水準不錯，好抵食！

經過見到餐廳promote $84原隻龍蝦喇沙就入去試試, 點左幾道泰國菜, 等左5mins到, 已經開始陸續上菜👍🏻 原隻龍蝦麵好大碗, 我都係第一次試龍蝦放湯麵到食！喇沙湯底有香濃椰香, 帶少微辣。揭開龍蝦, 見有紅膏, 我至愛！餐廳專登配左2款麵, 油麵同米粉, 口感剛相反, 一軟一爽, 一粗一幼, 幾特別下！ 軟殻蟹米紙卷包住香芒、三色椒、生菜等搭配, 蔬菜都好新鮮, 脆又有汁。米紙彈牙, 又唔會太厚。👍🏻 馬來蔗蝦原來幾大件下, 皮脆, 入面啖啖蝦肉, 可以大大啖咬落去!😂點埋甜酸醬食最夾！ 食食下見玻璃窗有個外國人係到拉麵粉整簿餅, 即整好新鮮感, 不過已經食到好飽了, 今次冇試到！😂 1麵2餸加杯drink, 賣單$290, 每樣菜都大大件, 算幾抵食！

夏日炎炎，喺街流咁多汗，食乜都冇乜胃口......唯獨係東南亞酸酸mei mei嘅菜式吸引到我去食！再加上之前上網睇人介紹旅行，見到泰國菜，海南雞飯，去唔到泰國，都要嚟番個東南亞晚餐！結果，就上網搵到佢.....Mee Lemongrass!!!!去到真係如食評啲人咁講，大排長龍，咁我地就等下啦！入到去，侍應好有禮貌咁俾個餐牌我地叫我地慢慢揀...一睇個餐牌，比我想像中多嘢食...因為朋友同我都唔係大食人士，我地就點幾樣嘢試下，再嚟一個芒果糯米飯做甜品！芒果糯米飯因爲即叫即整，所以要早十五分鐘order!!!! 食完成餐飯，我覺得呢個甜品同杯大大芒果沙冰係必點推介！

✿╮❤╭✿ ✿雜感女生 好味日記✿ ˚*•✰。Mee...lemongrass．香脆蝦餅最吸引。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友口痕想吃東南亞菜 在皇室堡附近，一於試試這家「Mee...lemongrass」 每台限時90分鐘，食物質素有80分 特別推介小食炸蝦餅 這是愛泰菜者必點的 招牌無骨海南雞飯 配湯和清菜 份量來看是足料的 海南雞味道正宗夠嫩 飯有油香，湯是清湯，有大量蔥花 清菜也和海南雞的油香配得好 馬來海鮮炒粉絲 粉絲爽身，也用了多款海鮮 大蝦、魷魚、蛋絲 賣相好，以為很有辣香，誰知味道偏淡 應加多點香料，那就會更有馬來風味 香脆蝦餅 厚身彈牙，香脆好吃，泰式風味 屬於必點之列 香芒椰汁糯米飯 有趣的壽司造型，放在「拖鞋」上 香甜軟糯的糯米飯團很吸引 芒果是極甜美的，應屬時令之選 整體味道很不錯 食物與價格合理，符合預期

今晚去CWB 行街, 之後極速搵食再上去睇戲~我同朋友揀左Mee...lemongrass, 因為果度上菜係超快的!!一開始, 朋友叫左傳統的Mee.. 喇沙、有大蝦、蟹柳、雞蛋、魚丸、豆卜、蜆肉等、入面真係好足料、湯底味道濃郁，少少辣，完全接受到！而我就叫左個無骨海南雞飯，haha懶人至愛呀無骨~~~個餐包左個青紅蘿蔔湯、菜心，油飯！隻雞好滑，而且好香黃油味，點埋佢個海南雞汁，少少辣辣就岩晒我！另外叫左杯紅豆冰豆奶share飲～overall 上菜快, 服務都幾好, 下次會再黎 =]

不經不覺去完新加坡返黎已經有成三個月，真係偶爾都幾懷念啲喇沙同海南雞飯，所以琴日去開皇室堡行GU，見隔離有間東南亞餐廳就入去食個dinner💁🏻‍♀️入去前見到波士頓龍蝦喇沙（$84）做緊半價覺得好吸引😍。 不過入到去係見唔到menu有寫，所以要專登出去睇返🤪一上枱見到個碗勁大都已經估唔到😲， 霸左成半張枱，重點係唔止個碗大，食材都有好多，包括一整隻龍蝦😍、豆卜&雞蛋等。而最估唔到係竟然米粉同米線都有🤩 真係一次滿意曬2個願望💓喇沙湯底重椰奶味，勁香又惹味，見到隔離枱飲左兩碗🤪，而我都不知不覺飲左一大半。 雖則係話無咩辣味可能有少少唔正宗，但就正正岩曬口味。 另外既招牌無骨海南雞飯（$80）雞係無骨，方便食，而肉質嫩滑，味道唔錯，送飯一流菜心亦都鮮綠飯面有啲炸蒜，令到成個飯食落更香配埋碗湯真係完美🤤甜品就食馬來脆雪山（$52）係想試左勁耐既一個甜品，裡面主要有花生同糖，食落甜甜地又帶點脆，本身以為係空氣多，但食落都覺得幾飽肚，3-4人share就最好不過最後就係泰國豆奶紫米冰（$38）呢隻豆奶係我喺新加坡都飲過，其實同我地香港既維他奶差唔多味，加埋紫米原來係咁襯👍🏻總結而言係覺得呢一餐真

某年某月某日，行完gu搵野食。一望見到有間泰國，就入左去。當日叫左軟殻蟹紙米卷，油鬆餅，龍蝦麵。軟殻蟹紙米卷太多料，可以少返少少就好。油鬆餅係coupon送的，無想像中咁油。龍蝦麵真係好大婉，兩個人都食唔晒。2百拎蚊係銅鑼灣區食咁多，直頭抵到爛。