McCafe

营业中

休息中

朋友生日，食飽飯就想叫件細細地嘅蛋糕開心下，見到麥記有千層士多啤梨蛋糕，廿幾蚊咁抵就試下啦（因為好多其他店都要好貴）點知又幾好味，食落一層一層幾好口感，士多啤梨味都香同甜，但個人覺得cream味太多，而朋友就好滿意咁嘅價錢咁嘅質素係超值嘅👍🏻😆

我認我係麥當勞擁躉，因為有時攰攰地就好想食啲junk food架嘛。不過平時呢都會節制下嘅。早餐呢我就最鍾意先嘆杯black coffee, 醒醒靈魂先再開工。如果嗰日唔夠時間係屋企沖咖啡(手沖咖啡), 就要外求， 要快靚正，我推介嘅唔係綠色或紅色logo嗰兩間美式咖啡店， 反而係Mc cafe囉！其實好多人唔知Mc cafe啲咖啡真係一啲都唔差， 無論豆嘅烘焙同沖嘅手藝，都有一定水準。我一般會點long black, 貪佢夠濃，同媽咪一齊佢就會點cappuccino, 聽講都好香濃滑。平日會配brown sugar toast, 但今日冇，我就改配香蕉muffin。見到層咖啡油就知佢唔錯啦真係估唔到個鬆餅都好好味喎，好有香蕉味同好鬆軟，仲熱辣辣上碟添。食完好滿足。我覺得麥cafe絕對係俾人低估左呢！

其實愈來愈多麥當勞有McDonald's Cafe' , 同一樣的餐牌但沖調的procedure卻因人而異， 就好似Cappuccino為例，有人會落朱古力粉在底再打鮮奶，有些卻灑在面頭，而我卻喜歡後者，第一城分店水準較穩定，讚！