Maxim's Café (已結業)

中午時份到係時候食個午餐，和家人一行五人由哥哥帶領我們到此餐廳。美心餐廳，當進入時的感覺這店不像美心快餐店。有職員帶位。我們共點了五個午餐。先上餐湯，今曰係蕃茄湯。足料及味道很好，這是蕃茄蓉湯當中還放了兩粒蒜蓉麵包糠更能帶出蒜蓉及蕃茄混合的味道。伴湯的麵包，像伴菜不起眼？但這裡的麵包確實好香及很鬆軟，很香的新鮮麵包。主菜嚟到，份量看似很少但卻啱啱好，沒有過飽也沒有覺不足夠。海南雞飯，雞油飯，雞很香雞味，雞肉新鮮嫩滑，配汁也混合了酸甜醬，引起口味，開胃。豬扒會意粉，豬扒很嫩，配合煎蛋一齊食，令入口很滑。瑞士汁炒牛河，帶有少少甜味，很易入口，不太油膩，牛肉入口不硬。還有煎石斑，那當然煎得很香，魚皮得脆，金黃色，包住了魚汁，讓吃入口不會太乾，味道新鮮，配以薯蓉，份量剛好。餐飲奶茶，茶香及夠厚。

中秋假期約友人到尖沙咀文化中心逛逛，趁機吸收一下文化，洗滌心靈。期間肚子怪叫了，提醒我們要找地方醫肚，於是在附近選擇了Maxim cafe.餐廳的裝修令人感覺清新舒服，只是侍應語氣欠佳，招呼一般，慶幸所點的食物的味道都不錯，同時在這用餐後再坐一下跟友人聊天也是一個好地方！海南雞飯，雞嫩滑，油飯夠乾身！煎石斑配普羅旺斯香蒜蛋，厚厚的石斑，外皮煎得香脆！ 瑞士汁炒牛肉河粉(個人比較喜歡一般乾炒牛河，因瑞士汁帶甜味，不過炒牛河鑊氣十足，非常惹味)忌廉湯夠香濃

今日係尖沙咀行行下覺得好肚餓, 就準備去搵食啦。咁岩我地係文化中心附近,發現原來有間美心cafe, 我地當然走去試下啦一入到去, 發現個裝修非常之有格調, 內裹運用左大量既鏡去營造空間感。我諗你哋都知道平時尖沙咀人山人海非常之多人, 一入到去個感覺就唔同曬好似去左高級餐廳咁。每一張枱都有足夠空間更加唔會趕人走。我哋每人食一個餐都食咗兩個鐘除左環境之外, 食物質素都非常之好!和牛漢堡配薯格個漢堡非常之好味加上半熟嘅蛋漿溶入去芝士同漢堡扒入面。Perfect match!薯格係新鮮炸好, 非常之脆同入味, 要ENCORE! 煎魚柳配意粉 番茄醬非常之新鮮, 可惜醬唔夠多如果有多啲醬就更加好。一定要再黎食!

本來想去經常去的Deli and Wine，但途中見到隔壁有家Maxim’s Cafe，門口放著一個牌子寫著午餐78起，看裡面的環境挺舒適的又不用等位就走進了這家。當時進去吃飯已經是下午兩點多了，一行三人進去就安排了卡位，沙發很軟很好坐，冷氣也剛剛好。桌上的Menu就有當天的午餐套餐選擇，我們點了一份雜菜番茄義粉、牛肉漢堡、還有依雲雞飯（本來想叫海南雞飯的但sold out了）。餐湯是羅宋湯，沒有忌廉湯選；點了2湯1沙律。沙律🥗挺推薦的，青菜新鮮，伴著酸酸的沙律醋還有少許醬作dressing很開胃，沒想到還有少許藜麥呢！很健康。Main Course很推薦牛肉漢堡，牛肉不會很乾，而且不會熟過頭，配上芝士和半熟的煎蛋，超級好吃😋。依雲雞的汁很香，雞肉挺嫩的。義粉：醬汁剛剛好，雜菜有椰菜花、小番茄，秋葵、菇之類的，沒有什麼太特別的地方，份量足。餐飲有手工咖啡和港式奶茶，都叫了，熱奶茶太澀了，有點難入口。個人覺得熱咖啡比熱奶茶好喝。總體的用餐經驗很好，食物都上得挺快的，價格算是親民（另加一服務費）。以後在香港文化中心附近的話吃飯又可以多一個選擇啦！

今天去文化中心睇表演，順便去附近的餐廳食嘢。美心這間食肆近日完成裝修，環境光猛，空間比以前大了不少。我叫了抵食常餐，由早到晚都有得供應。而今次有新奇嘢玩，就是下面那個「追蹤器」訊號牌。當食店將食物準備好時，這個訊號牌會震動和亮閃燈。屆時，我就可以從我的座位走去櫃檯領取食物。方便我可以坐下慢慢等，或可到處搵位，不用聚在櫃檯等出食物。我叫了常餐，有叉燒通粉、多士、火腿和炒蛋。餐飲叫了熱檸水，有助消化。常餐盛惠五十二元。

星期日在尖沙咀看電影後有點肚餓，想找個舒適的地方下午茶，便到文化中心附近看看有什麼發現。門面吸引，然後看到二人下午茶$138，附送茶或咖啡，感覺是新派的fusion西餐，便決定一試。港式奶茶地道港式茶餐跟西式下午茶cross over 的感覺，造型簡約精緻。分別有蛋沙律蟹籽三文治、炸雞柳、蝦多士、朱古力脆皮雪糕及芒果藍苺撻。當中推薦蝦多士，新鮮鬆脆。朱古力雪糕較甜，水果撻的芒果香甜，不錯。這個下午茶價錢合理尚算精緻，用餐環境理想，值得推薦。

呢日晨早同朋友行書展行到咁死咁攰，行足大半日真係冇命，行完仲諗喺灣仔食晚餐好定返尖沙咀食好。最後我朋友諗起呢間嘢我地經過好多次都冇入過去，又話想試下，最緊要近碼頭唔使行咁遠，對腳都冇咁攰啦，於是就決定嚟呢度問餐。入到去第一個感覺好靜，好舒服。服務員好有禮貌，好nice。嗰時八點三左右啦，都半滿。打開個menu，唔多種類揀，不過都啱我食，同起碼唔怕選擇困難症發作。佢個價錢只包主菜，要前菜飲品同租品另外畀多少少錢，當然要加一啦！我同個朋友前菜一個揀沙律一個揀湯，主菜就就一個魚扒同一個牛扒，飲品一個咖啡一個奶茶，甜品叫咗一份雞蛋布丁。由於我地鋸扒嘅關係，咁要換過把刀，個服務生都好輕柔咁拎起把刀再靜靜咁擺過另一把刀喺枱上面，呢樣幾抵讚！首先嚟碗湯同兩個包（我叫沙律都有包食？？），我朋友話個湯上面滴咗啲佢話唔知咩嘅嘢做裝飾（我都唔知係咩），好靚，好熱，唔太鹹，又唔會好水，好飲！個包我同佢都覺得整得幾特別，熱，不過我嫌佢唔夠軟熟。再嚟沙律，都幾大豌喎！望落好靚好豐富，好多肉，菜夠新鮮，沙律醬剛剛夠，味道唔錯！主菜係魚扒到先，好大條魚，唔怪得冇問可以揀跟飯定意粉啦，原來set咗跟薯菜！據我朋友所講，

與友人共晉晚餐，星期六未到7點已幾頗多人等候。取籌期間已觀察到服務員非常忙碌，分身處理派籌帶位都有難度，更說不上和善有禮。室內空間有限，等位既人都唔知可以企去邊。和友人點了兩碟沙律。先上餐包。餐包係普通甜餐包。用畢餐包，等了好頗長時間沙律才送到。沙律擺盤幾好睇。但塾底既菜同面既雞肉之間既蘋果西芹沙律，啲醬多到似食醬多過似食沙律咁，非常greasy，食醬食到滯。以加一後近百元的價錢來說實在是不敢恭維用餐其間不斷有服務員在身邊高速走過，更有用過收起的一大疊碗盤在我額角幾厘米處略過。其實如果真係咁好生意又唔想多聘人手，不如好似裝修之前咁自助搵位買餐，何苦扮高級又扮唔晒？

今天尖沙咀放工，叫左男友係尖沙咀等我，兩個諗黎諗去唔知食乜，行過尖沙咀文化藝術館附近，見到呢間Maxim's Cafe 好似幾靚，就入左去試下。入面的裝潢有點像那些舊式的西餐廳，就連用的碗碟都像舊式扒房，在未點餐的這一刻，確實有點期待會遇上舊式扒房的味道。我們選了兩個set dinner , 餐湯我們選了忌廉湯。這個湯還算creamy , 不算膩，隨湯亦奉上烘過的餐包，蘸住吃，確實有點懷舊餐館的味道。男友選了蕃茄大蝦意粉，用上了扁意粉，比起普通意粉，不但更容易掛上茄汁，而且更有咬口，意粉用上的海蝦也很新鮮，茄汁味道有點甜，相信這是仿效懷舊西餐廳的造法，加上特色餐碟，實在令人感覺置身上一代的餐廳。嗜肉的我選了黑椒汁網燒牛扒，看到扒上表面一格格，真的好治癒！7成熟的火候掌握得不錯，表皮有碳火的味道，內面又不失牛扒的juicy 。最近不少老扒房倒閉，經不起時代巨輪也是無可口非，看到美心這家餐廳，有意盡量保留那種懷舊，食起上來，真是令人會心微笑。

侍應眼神不友善，態度十分不耐煩，黑囗黑面。遞錯食物俾我哋，手勢又重，好似一兜掟落地喂狗一樣，落單都冇幾耐居然可以唔記得我同我朋友三個人點咗乜嘢，我估計佢有心遞錯，我前世應該係爭佢錢。收錢同找錢個陣一句聲都唔出。呢D員工，正一倒老細米。食物ok，但係單有美食，唔係美食天堂。今時今日，咁嘅服務態度。送上一份水心木，加十七隻差字：差差差差差差差差差差差差差差差差差。之後食完個肚覺得唔舒服，唔知係火氣重定係食物衛生問題。

早幾日去文化中心睇相展，hea咗兩粒鐘見肚餓就入美心cafe開飯，咁大集團點都有保證啩，好在趕得切食tea，價錢唔會太貴，同個仔一人一個丁麵，志在有個位坐下又唔太貴，這裡特別在可點生啤飲，估計係多鬼佬遊客。餐肉丁麵，好耐無試過有厚切餐肉食，口感一定正，雖然唔係梅林牌，但都可接受，出面茶記多數薄切再煎，完全兩回事麻辣肉碎五香肉丁炒出前一丁，呢個堅好食，香口又惹味，又足料，辣得過癮，係愈食愈想食嗰種，下次再去都會食

星期六晚朋友响文化中心做完嘢，約咗响呢間餐廳食晚餐，我7點鐘到都要等一陣至入得，未入得就睇下有乜嘢食先喇！呢度嘅選擇唔算好多，散叫都係一眼睇哂！比起其他餐廳，呢度嘅晚餐算係好少選擇，是日晚餐5款，不過最緊要有質素！我哋分別叫咗杏仁魚柳同肉眼牛扒！先嚟餐湯同包，忌廉湯個賣相冇其他餐廳忌廉湯咁悶，味道都唔錯！朋友揀嘅牛扒出場，佢揀咗全熟，食落當然有啲咬口喇，但幾有肉味，比較特別嘅係呢度嘅煮法係燒而唔係煎，所以有陣陣烤香！我揀嘅魚柳都好正，煎得好滑，good！朋友話要餐後甜品，佢一見到焗雪山(即係火燄雪山)就兩眼發光，二話不說就叫咗呢個甜品！估唔到焗雪山都真係幾大個，特別嘅係侍應响我哋面前倒著火嘅冧酒，而唔係好似其他餐廳咁先倒酒後點火，個甜品又大又著火就當然引嚟其他客人嘅目光喇鍾意食cream嘅朋友真係唔好錯過喇，成個雪山都係cream，切開後到入面係士多啤梨雪糕，食完後就真係夠哂滿足！

這餐廳最近在文化中心開業，第一次嘗試，先講環境，都舒適 ok , 午餐有 set , 價錢平均 $120 ，套餐包括麵包 ， 餐湯 ， 主菜 ， 飲品，份量都足夠 ， 先講味道 ，點咗 2 個 set lunch, 餐湯味道偏淡（ 我係覺得 ok 架 ）， 雜錦海鮮配薯菜 （可選飯或意粉），味道其實偏淡，但整體海鮮其實配搭不錯，有魷魚，虎蝦，三文魚，帶子 ， 青口，薯菜係薯蓉，份量幾足。另一主菜係咖哩牛腩配有印度酥油餅跟白飯，牛腩夠淋 ，可惜酥油餅皮太燶，有點浪費。星期六中午時段，都不是太多人，講真 ， 可能不是太多人知道吧！ 以平均 $120 人，這間餐廳都是不過不失，普普通通。

一個大人帶一個揀飲擇食嘅小朋友去食飯係一件好煩嘅事。你叫兩個餐又食唔哂，一個餐又唔夠分，再加上我地4點幾先食左下午茶。我地只叫一個紙包龍利柳，加28蚊跟餐湯、餐包（暖暖的）及餐飲。當靚哥哥送到餐桌上，用刀幫我們切開，香噴噴的氣味迎面吹來，小朋友話好香呀！入面包住2片魚柳、2隻蝦及新薯，非常美味。食左主餐，有人急不及待舉手叫朱古力雪糕，我都唔執輸叫返個自家制芝士餅。最後，小朋友話下次要再去食魚，但要自己食哂成份喎！我自己就覺得蝦較好味。