MARKA HOUSE

营业中

休息中

姨甥女將會到加拿大工作, 為她餞行, 約佢吃西餐！呢度一向出品精美, 正所謂用料靚口感正😉今晚都唔例外, 保持水準👍🏻 Lamb chop同和牛肉質都好嫩, 扁意粉彈牙啱啱好, 巨型漢堡加粗薯條絕對好過其他貴價品牌多倍, 直頭冇得輸😋之後小老闆請我哋試新品炸魷魚鬚, juicy & yummy 😋其實呢度環境同食物質素一流, 收費係中等, 勝價比高👍🏻但係可能位置唔夠好, 始終唔見佢大旺, 可惜😌

餐廳所走的是簡約和型格路線, 灰白色的雲石餐枱和黑色皮革餐椅, 牆上還掛了一些型格裝飾, 另外, 桌與桌之間亦有一定距離, 在這裡用餐真是十分舒適。當天到訪是晚餐時段。他們提供了十多款的主菜, 有意大利粉, 漢堡, 烤雞, 烤羊架, 牛扒等等, 而每款主菜另加$20便可以成為套餐, 配有湯或沙律和飲品, 主菜由一百元左右至二百多元, CP 值很高。食物質素亦很好。當天我們點了南瓜雞肉長通粉, 香煎虎蝦白汁扁意粉和安格斯牛肉漢堡, 三款主菜都十分美味。餐湯椰菜花湯口感幼滑, 味道非常好。期待下次再來試他們其他食物😋

星期日打算外出晚飯，見這家餐廳開業多年，因此想嚐試，預先致電餐廳留位，店方亦可安排。 裝修走灰色和白色格調及簡約風格，亦有空間感，算舒適。 晚餐主菜以意大利飯、意粉/天使麵以及扒類為主，價錢約百多至二百多元，相當合理，另加$20可以有餐湯及飲品作套餐。 我們點了三個套餐如下: 餐湯 – 意大利栗子湯 溫度極高，很滾燙，入口立即暖胃。第一次品嚐到栗子湯，有鮮甜的栗子味道，亦可咀嚼到粒粒栗子碎，極有口感。 北海道帆立貝南瓜意大利飯 ($138) 意大利米飯煮得濕潤可口，每一啖沾滿了甜美的南瓜汁，一入口鮮味動人。北海道帆立貝有四隻，火喉控制得很好，內裡呈半生熟，沒有破壞它軟腍的質感。 香煎虎蝦忌廉芝士意大利麵 ($128) 表面放有一片芝士，虎蝦有五隻，忌廉汁極濃郁，令人回味。虎蝦新鮮爽口，肉質彈牙，意大利麵軟硬度適中。 香烤紐西蘭嫰羊架・薯蓉・蒜香野菌 ($208) 羊架有四塊，份量十足，令我們有意外驚喜。下單時選了七成熟，羊肉鮮嫰亦鎖住了肉汁，齒頰留香，亦沒有帶半點羶味，加上香滑的薯蓉以及充滿芳香的野菌，這道主菜相當不俗。 用膳過後，邊喝熱飲邊聽著輕快的音樂，環境

搬咗附近兩年，行過過好多好多次，終於同家人入去－試，三個人兩大一細食晚飯⋯首先上枱係南瓜湯，味幾濃但唔濁，幾好飲之後個沙律跟上，老婆話淡咗少少，但都👌之後阿仔嗰個全日早餐上枱，望落幾ok，攪到老婆少少心郁想同阿仔調轉食，阿仔話好食👍跟住老婆嘅意粉上枱，啲汁味唔係好濃嗰隻，幾好👍最後，意大利飯上枱，個汁唔係好鹹但幾夠味，個牛仔肉幾冧身，幾好👍杯香橙菠蘿梳打唔錯，有幾嚿菠蘿，入口唔太死甜，幾fresh 👍相信有機會有回頭，尚可尚可👍

每次去荃灣諗唔到食乜 就會諗起呢間餐廳 食過幾次都唔會失望 餐牌多選擇 咩都有啲 有意大利飯 意粉 全日早餐 漢堡包 班尼迪蛋 扒今次叫左個南瓜野菌雞肉長通粉 賣相不錯 份量幾大 食落好重南瓜味 好Creamy 不過雞肉份量得好少 得幾舊 仲要係好細舊 不過整體味道都不錯？另外仲叫左個每次都會叫既伊比利亞黑毛豬鞍配薯蓉蒜香野菌 揀左七成熟 有兩大舊黑毛豬鞍 賣相好靚 煎到岩岩好 好香口 食落好多肉汁 好juicy 薯蓉打到好香滑軟綿 整體黎講 環境舒服 食物高質素 多選擇 價錢合理 值得一試

食過咁多次呢間西餐廳 依然都係會每隔一排想再返黎食一次 今次晏左好多黎食 已經過晒食午餐既時間 大約係晏晝四點幾到達餐廳 當時已經得返一枱客人 之後就得返我地 餐牌都係有咁多選擇 每次都係會叫既伊比利亞黑毛豬鞍配薯蓉 蒜香野菌 揀七成熟 豬鞍有兩大件 煎到好香口 入面呈粉紅色 七成熟係岩岩好 食落肉質好嫩滑 有肉汁 薯蓉打得好綿滑 幾好味另外今次仲叫左個法式香草青檸烤半雞配薯條 沙律 呢個揀左轉午市套餐 有餐湯有野飲 今日餐湯係香烤南瓜湯 好香南瓜味 飲落好creamy 飲品揀左蜜桃石榴香橙梳打特飲 飲過咁多次 都係呢杯最好飲 飲落酸酸甜甜 好好味 主菜係半隻烤雞 一上到枱已經聞到烤雞好香口 賣相好靚 烤雞烤到金黃色 烤到雞皮好香脆 雞肉好嫩滑 有肉汁 好juicy 好好味 薯條依舊炸到熱辣辣金黃色脆卜卜既粗薯條整體嚟講 食物高質 多選擇 價錢合理 值得一試

玻璃外貌餐廳設在人來人往嘅通道一角，我夫婦二人經常往來荃灣廣場、如心廣場此帶覓食，經過多次也提不起興趣走入試試，唔見有隊龍，眼見入座率不高，故睇睇門口嘅餐牌後仍冇意欲試試，今天突然想嚟試試 ; 入內食客唔多，按侍應指示坐下，QR code點餐，order咗两個set lunch, 有湯或沙律、主菜及飲品; 稍等一陣便上餐湯(香味撲鼻、味濃郁夠份量)、菠蘿沙律(油醋汁沙律菜加幾片菠蘿); 主菜一係魚柳全日餐(感覺好用心處理嘅一道菜，色、香、味俱全、還熱辣辣，即時增添食慾)，另一道煙肉忌廉芝士意粉都唔錯，飲品有我老公啱飲嘅Zero coke，杯上仲加片檸檬及我嘅凍檸茶。我俩均滿意嘅午餐，會再嚟㗎！

星期日一家大細佢呢度食午飯，其中有一個長頭髮嘅女侍應，抓住馬尾，服務態度極之差張枱污糟，叫佢抹唔理。小朋友講嘢大聲咗少少，我已經叫小朋友細聲啲，佢即刻走來話我哋騷擾其他客人，如果唔歡迎小朋友就set age limit，個女侍應全程黑面。唔明點解佢哋會請啲咁嘅人，從來都未試過響街外邊食食吓飯會有人走來話我哋騷擾人，該名女侍應仲有叫其他小朋友收聲，完全唔明白佢做乜嘢。其他男侍應態度OK ，食物質素都還可以，但全程食得好唔開心。但係egg benedict係凍冰冰嘅。

呢間玻璃屋又好耐冇食 每隔一排就會想再食 難得今日係紅日 見咁耐冇食 又去食吓 今日係公眾假期 所以個餐牌同平時唔同 有少少分別 不過都係咁多選擇 有漢堡包 天使麵 意大利飯 全日早餐 豬扒牛扒 好多選擇好豐富 我哋叫咗一個套餐 有前菜有主菜有嘢飲 今日嘅餐湯係法式栗子濃湯 一上到枱好香濃栗子香味 係一個好濃味嘅湯 入邊好多栗子蓉 好香甜 主菜揀咗煙三文魚班尼迪蛋芝士烤雞全日早餐 呢個全日早餐同平時嗰個唔同 望落感覺上比較豐富 好多嘢食 有一個班尼迪蛋 一塊芝士雞扒 一條腸 兩個迷你薯餅 炒野菌 煙肉蘆筍 扒茄 新鮮沙律菜 整體味道不錯 飲品揀咗蜜桃石榴香橙梳打 酸酸甜甜好開胃 唔會太甜 幾好味另外仲單點咗一個主菜 伊比利亞黑毛豬鞍 薯蓉 蒜香野菌 呢個主菜每次必叫 不過今次唔係跟薯條 轉咗薯蓉 賣相依然都係咁靚 不過今次感覺上唔夠香口 豬鞍煎得太熟 食落有啲鞋 但個薯蓉好好味 好嫩滑整體黎講 環境舒服 座位坐得舒服 食物質素不錯 價錢合理 值得一試

星期六想喺荃灣食晚餐，周圍都有好多人。今次朋友帶路去荃灣西如心廣場食一間抵食西餐，左穿右插，終於嚟到呢間西餐廳。地方唔算太大，環境都幾靚，如果坐窗邊仲可以睇到街景。出奇地唔算太多食客，冇排隊嘅現象，大概都係得兩三台，入邊仲要有好多位。有set dinner，價錢都唔算貴。湯有得揀忌廉湯，或加錢轉有蘑菇湯。而朋友極力推介蘑菇湯，咁就試一試。又真係好飲喎，大大碗，仲要啖啖蘑菇粒喺入邊。真係有驚喜。—北海道帆立貝蕃茄蟹籽天使麵，帆立貝太太粒，麵偏淋。味道都唔錯。—香煎虎蝦忌廉芝士扁意大利麵，大蝦有五六隻，份量唔少，味道不過不失。—法式香草青檸烤半雞，得半隻，熱呼呼，賣相好靚。雞肉嫩滑，少少青檸的酸味。但都好好食。加錢要特飲，味道都唔錯。—自家製蟹餅。份量都幾多。好多蟹肉。不過咸咗啲。總括嚟講，想要平平哋又舒舒服服地食個西餐晚餐，絕對可以接受。

2人星期六諗住去撐枱腳，點知第1次去呢間野服務差到鐵地！！有位長頭髮扎辮女侍應全程黑面、玩手機，入到去冇人招呼，餐牌都冇，直到我地問佢攞餐牌，個女侍應竟然反白眼！！！！講到野食牛扒仲硬過橡筋，仲要我地叫7成熟嘅西冷，竟然出咗份5成熟血淋淋刀都切唔開，擺明係3成，最後叫佢換過份扒，等咗成半粒鐘。講到服務真係仲差過茶記👎👎👎食完叫埋單，個女侍應仲係度玩緊手機，又係黑面，多謝都冇句，就咁隊張單埋嚟，何謂service charge？不如叫例牌加一，唔好叫服務費，難怪成日見間野冇乜人，絕對唔會再去，垃圾👎👎👎

我同我女朋友一個唔食煙三文魚一個唔食南瓜但係竟然我哋兩個都食到呢到嘅煙三文魚同南瓜湯勁開心兩樣嘢都好好食主菜揀咗漢堡+女朋友揀咗牛扒漢堡份量勁多 一個女仔係真係食唔晒 漢堡蕃茄轉左蕃茄蓉好貼心 一個唔鍾意食生蕃茄嘅人可以接受到個肉扒都好多汁好食 分量又厚唔鍾意食薯條所以唔評價牛扒叫咗五成係真係好好食份量都好夠不過個汁麻麻哋 都係鍾意食原汁原味最後嗌咗個燉蛋 兩個人搶着嚟食 CP值超高 有機會肯定再嚟環境方面都好好 但係窗口位好晒 建議晏晝去窗口位

呢間餐廳上年食過三次 最後個次食兩個主菜都好失望 隔左咁耐就想再黎試下 餐牌有少少唔同左 不過都係咁多選擇 有全日早餐 意大利飯 意粉 扒 今次叫左個午市套餐同埋一個單點主菜午市套餐叫左個南瓜雞肉意大利飯 炒得好香南瓜味 好多雞肉同菇 飯比較硬身 粒粒分明 幾好味 個餐揀左雲呢拿椰菜花湯 一上枱已經好香 味道幾濃郁 飲落好creamy 跟餐仲加左杯特飲 香橙菠蘿梳打 味道偏甜 入面有幾粒菠蘿 都幾清新另外仲叫左個伊比利亞黑毛豬鞍配薯條同埋黑醋沙律 揀左七成熟 上次失望就係塊豬鞍煎得太熟 好難好硬 咬都難咬 今次就冇失望喇 仲好有驚喜 一上枱賣相好靚 沙律菜好新鮮 薯條依舊係粗薯條 炸到熱辣辣 仲有啲鹽 食落鹹鹹地 份量又夠多 好好味 到兩塊豬鞍 一切就切到 煎到岩岩好七成 咬落好有肉汁 好香好juicy 整體黎講 價錢合理 環境舒適 食物高質 值得一試

🐷今日想搵個地方坐底靜靜地荃灣西餐廳就黎比我食晒😆呢一間全玻璃每次行過都無入去今日終於走入去仲無咩人～芝士烤雞全日早餐//..佢個煙肉蘆筍見到都覺好有誠意個烤雞係成件都有芝士🥹食落味道唔錯，同芝士好夾炒蛋唔會全熟有啲蛋漿上面仲有黑松露食落又癰另一種層次👍🏻蕃茄係燒過👍🏻炒菇係用左兩種菇好好味另外仲有個免費沙律菜送🥗我去個時係下午茶時段所以無咩人仲可以坐係窗邊位好舒服又靜靜地lucky😆整體黎講份量係足夠而且環境舒適值得一試👍🏻

節日假期既懶洋洋早上，搵左呢間裝潢簡潔既Marka House食個brunch先. 12點15分左右去到。窗邊位得返最後一個, 在最入面的.係落地玻璃，對住個綠油油既大平台，望出啲就係大型新屋苑。係全餐廳最開揚既位置!Lucky.叫了兩個 all day breakfast.一個係芝士烤雞全日早餐 $78-，加左個香烤南瓜湯 $10-個南瓜湯味道幾好。熱熱的又鹹甜適中。Good start of a day.  見到塊芝士烤雞個刻心諗﹕ 依! 應該係用片裝芝士鋪面烤架喎!(本人間唔時都會做下創意料理)即刻切少少來食下先。味道幾好, 好夾到!炒蛋本身好夠香滑，仲有少許蛋漿✨再加埋黑松露，味道更加有層次. 蕃茄烤得剛剛好。菇ss係-啡蘑菇和草菇兩溝用蒜炒。 比平時 all day breakfast 既烤大啡菇野味。另一個係脆香魚柳全日早餐 $88-, 同埋一杯黑咖啡 $15（Nespresso)脆魚柳好大塊啊!脆卜卜的。 係Fish & chips 個種。正啊。黑咖啡不過不失。食到一半發現餐廳已經坐滿晒。走個時仲見到門口有人排隊添。嘻嘻!發現自己好好彩!