Manis Café (已結業)

之前見d人講話呢間小店就嚟結業 聽到嗰陣有d唔開心， 因為啱啱先發掘到呢間souffle pancake, 咁快就冇得食不過冇辦法啦，think positive!!!! 我要襯佢仲有得做嘅時候食多幾次 所以今晚又嚟食我直頭甜品當晚餐我上次都有試過叫鹹蛋黃梳乎厘班戟， 但係冇得食, 今次都冇。。。。 其實有冇得食架。。。。 不過唔緊要， 我食返歌劇院梳乎厘班戟 但係應該唔夠飽同埋要等， 咁我就叫多個雞蛋仔食住等， 我揀咗檸蜜爆珠雞蛋仔雞蛋仔食得多， 但係呢間小店有d好特別嘅雞蛋仔味， 連午餐肉， 五香肉丁都有~ 我冇咁大膽揀呢d, 我就試檸蜜爆珠~ wa~~~ 不得了！！！ 粒粒雞蛋仔都有爆珠。 平時飲台式飲品飲得多， 都係凍飲。。。。 熱食嘅爆珠真係第一次~ 好味 超多爆珠歌劇院梳乎厘班戟就好似上次食咁， 好味~~~ 如果呢間小間摺埋唔做， 我又要再搵過第二間喇 唯有食得一次得一次啦

上次晏晝過嚟， 冇得食pancake..... 超失望 決定搵日收工過嚟幫襯，咁啱今日臨時有fd ok, 即去~~食完茶記過去食甜品， 見到都幾多人響度等， 有堂食， 有外賣， 都唔少人識得欣賞呢間鋪仔， 識食呀吓~今次特登過嚟食souffle pancake, 我地兩個叫咗兩份pancake 上次試咗cheese, 今次本來想試鹹蛋黃， 但係賣晒... 不過唔緊要， 我地可以試花生醬同歌劇院 由於即叫即做， 等咗一陣先有得食~ 期待嘅心情係最興奮嘅， 個心一路響度講， 就嚟有得食x10000 等緊既時候都可以欣賞吓佢地嘅擺設， 都幾靚幾有feel~ 影影吓相就有得食喇~ 花生醬真係呆咗， 花生醬好似唔駛錢咁， 多到呢~ 超濃花生醬味。。。。 老實講， 真係有d漏， 所以真係要share食， 如果鐘意食花生醬真係必叫！！！歌劇院即係朱古力， 好好食~ 好似之前食咁， souffle pancake見到已經好開心， 食嘅時候仲開心 話咁快就食晒聽講呢間鋪就嚟要close, 等我呢兩個星期再去， 睇吓食唔食到鹹蛋黃味pancake先

嚟開九龍灣， 食完tea, 點少得又嚟manis cafe~~~其實已經食飽， 但係真係對佢個souffle pancake念念不忘。。。。 上次食完之後超卦住 點知去到。。。。 個哥哥仔話pancake要7 點後先有.... 咁唯有食其他嘢啦。。。我地今次又係6 個， 坐晒成間鋪咁滯，叫咗d雞蛋仔， 夾餅同嘢飲~飲品方面叫咗honey lemon earlgray tea, 個fd話入面超多爆珠~ 正！！ snowball hot chocolate都好好飲， 個面超多綿花糖。 仲有叫咗兩杯latte, 我地之前食過呢間，有得儲印仔， 有一杯免費添夾餅就叫咗原味格仔餅同抹茶紅豆格仔餅， 好香好好味， 個抹茶紅豆都好多紅豆， 抹茶味都好香濃， 好好食~雞蛋仔就叫咗個肉鬆味， 入面超多肉鬆， 每一粒雞蛋仔都有滿滿的肉鬆， 好掂呀最美中不足係冇pancake食， 不過唔緊要， 我會再嚟食， 一定要食到pancake為止

知道Manis Café做到7月中就結業，感覺有點可惜，決定食飯前去幫襯下。店鋪細小但很精緻，主打雞蛋仔及梳乎厘班戟，一踏進Café就見到貼滿Yellow Cards的畫架，牆身亦有好多文宣/相片。原味梳乎厘班戟配焦糖醬 $32所有班戟都可以自由配搭醬料，有蜜糖、朱古力、焦糖，亦有得加錢($12)揀流心餡料，例如金沙朱古力、草莓朱古力等。兩層厚厚的班戟蛋香味算濃郁，質感輕盈，不過未到空氣感重、好Fluffy嗰種口感，加埋微甜的焦糖醬，呢個價錢實在無得輸，值得大家再去支持一下。

#200620.重要的事說三次❗️❗️❗️#justeat_黃店 #黃色經濟圈 #黃店.#告急 ‼️扺食黃店梳乎厘班戟💕.<雙重芝士梳乎厘班戟🥞+牛奶軟雪糕🍦 $48+12>即叫即製 班戟上枱時暖暖的 配上雪糕冰火交融❤️可能加上軟芝士 所以更會入口即化☺️震騰騰的樣子十分吸睛😍內裏芝士拉絲力強👍🏿車打芝士鹹香突出☺️另外的芝士則帶淡淡的奶香🤣鹹甜味道擦出火花👻不過班戟體可以實身一點 便不會被鹹芝士搶過風頭🙈整體來說性價比不錯 值得等待和一試☺️他們7月中便結業 希望能把握機會再試一次🥺..📍 #ManisCafé (九龍灣)九龍灣牛頭角道77號淘大商場一期地下G128號舖. #justeat_日式 #justeat_九龍灣 #justeat_甜品 #pancake #懲罰黃店#米豬連 #黃店告急 #topfoodnews #hkig #hk #hkfood #hkfoodie #fotdhk #hkgirl #igfood #igfoodie #foodpics #foodlover #foodie #food #foodstagram #foodporn #支持小店 #良心小店

想試呢間甜品店好耐，每次經過都會聞到好香焗雞蛋仔味，好吸引💛💛，店入面嘅環境都好靚好有feel。————————————————————舔舔脷指數 : 🐽🐽🐽🐽🐽🐽🐽7/10抵食指數:🐽🐽🐽🐽🐽🐽6.5/10 ————————————————————雙重芝士梳乎厘班戟配軟芝士同混合三色芝士各一件（$48+$12牛奶軟雪糕）🥞呢個梳乎厘係即叫即整，所以要等20分鍾，睇住熱騰騰嘅梳乎厘騰騰震個下真係好治療😍，不過要忍住唔食等相機食先。芝士好足，筆起啲梳乎厘個下可以拉到勁長嘅芝士絲😋，講真🐷就食唔出兩款唔同芝士嘅梳乎厘有咩分別。梳乎厘個味道唔錯，食落個口感軟綿綿☺️，軟綿綿得黎又唔會覺得自己食緊空氣，唔會係一啖食落去就冇咗個種。不過個人認為芝士同梳乎厘放埋一齊就唔係好夾，再食嘅話🐷會食原味梳乎厘。個牛奶軟雪糕🍦係幾好食，唔係死甜個種牛奶味，係香濃真·牛奶味。Btw下次會想試佢地唔同口味嘅雞蛋仔，啲香味真係好吸引。

阿華田脆脆雞蛋仔（$32）Takeaway隔左15-20分鐘倒先食估唔到只係底果1/3稔左 其餘仲keep到脆脆地 尤其邊位雞蛋仔身內部香軟棉密 蛋漿分佈勻稱 蛋香重阿華田味香而不甜 同蛋香冇互相搶味雞蛋仔中間係深啡色嘅阿華田脆脆餡不過係整同運送嘅過程中啲脆脆都溶左大部分所以食嘅時候就好似阿華田醬夾心咁不過保留到沙沙感 食落唔會單調阿華田味一如期望好濃 不過當然都會偏甜Share食我覺得還好 未至於好漏整體幾符合期望 相信即場食一定更好味🤤

上次經過呢間鋪， 由於我地6 個人， 佢間鋪太細， 所以轉咗食第二間。 今晚同fd兩條友， 要再試吓食呢間~望住個menu, 真係選擇困難。。。。 樣樣都想食, 最後同fd一人揀一樣， 我當然揀souffle pancake啦, fd就揀雞蛋仔。 pancake要等20 mins, 冇所謂， 咪食住雞蛋仔等囉~~~抹茶麻糬雞蛋仔，真係好食~ 我本來唔多like麻糬， 但係佢呢個雞蛋仔入面嘅麻糬熱咗， 又有味， 煙煙韌韌， 好好食喎， 估佢唔到， 綠茶味都好香好好食。。。 本來諗住試一粒， 點知食吓食吓， 食咗個fd一大塊跟住我個souffle pancake到喇. 我叫咗雙重芝士梳乎厘班戟， 佢真係超鬆軟呀！！！！！ 大愛， 我覺得仲好食過幸福 佢真係好動L, 入面嘅芝士好夾， 啱啱好， 真係超級好食！！！！！ 我一定要再嚟食！！！ 下次要試佢個朱古力souffle pancake!!!!

哩間小店以胡桃夾子同埋木偶做主題配上暗黃嘅燈光 同埋木製家具有種係鄉村小屋食甜品嘅感覺小店提供梳乎厘pancake 創意雞蛋仔同埋格仔餅全部即叫即製哩幾日天氣咁凍 坐低食返件熱辣辣嘅甜品就最開心🥳.因為去到嘅時候已經係夜晚10:30想試嘅earl grey同埋抹茶味已經賣曬就試左佢嘅焦糖原味梳乎厘pancake $32pancake好軟綿綿 又熱辣辣做到入口即溶 好似雲朵一樣嘅口感焦糖香甜 份量剛剛好 唔會掩蓋pancake濃烈嘅蛋香配埋旁邊嘅cream食 忌廉嘅奶脂同蛋白泡沫交會口感昇華到另一個層次而且整體甜度都增加左少少相信會滿足到鍾意食甜野嘅你

第一次食呢間嘅原味格仔餅😋因為外賣翻屋企食，所以冇熱辣辣食。亦都唔知熱食有冇脆邊🥺不過格仔餅好煙韌！好好味！✨同埋佢都算厚，厚得嚟又好食！難得～重點係夠曬多醬！！💞食得好滿足甜度都好夠，啱曬我嘅口味，可惜咬唔到砂糖因為翻到屋企啲糖都融曬lu😢如果唔中意食甜，可能會覺得太甜包裝紙袋我都好滿意細個食開個啲格仔餅嘅紙袋都好薄啲醬好容易就會滲到出面整到成手都癡粒粒但呢個紙袋較厚，食完這手都好乾爽下次會再試食其他嘢！

香港有好多間人氣日式梳乎厘班戟 有好多都起碼要百幾蚊先食到🤑 呢日咁啱經過九龍灣見到個餐牌非常之吸引 有好多種口味既雞蛋仔 格仔餅 同埋班戟雞蛋仔既價錢合理 而班戟價錢簡直係超值！最平$32就可以食到啦 如果心血來潮想過下口癮道絕對唔可以錯過啦飯後甜品🍮- 係原味梳乎厘班戟2層厚厚既班戟非常足料同吸引呀醬料可以自由配搭 而我今次就揀左朱古力醬蛋香味好濃 而且非常鬆軟 配搭埋少少既朱古力醬好好食 如果想配料可以加錢加配 但總括依然 好抵食 質素亦唔差 絕對可以一試

呢間鋪頭細細可能會漏左睇到但係絕唔簡單呢間賣各種口味既雞蛋仔，格仔餅，班戟既鋪頭睇到meau都覺得非常吸引我就叫左一份抹茶雞蛋仔$26同一份抹茶朱古力雞蛋仔$30等大約5分鐘就完成講下口感先我自己覺得抹茶朱古力雞蛋仔比較好食抹茶雞蛋仔口感偏淡而抹茶朱古力雞蛋仔口感好豐富有朱古力係入面 甜味好夠 好有層次非常好食環境雖然好細但係入面好多野睇裝飾品都好靚亦有枱枱凳凳比人坐bar枱中間有塊版隔住非常衛生下次會試其他口味

雖然「梳乎厘班㦸」甜品店「BXve」，跟街頭雞蛋仔格仔餅食店「Modos」好像合併了，然後合體版本的「BXve & Modos」，又有在坊間的分店，都忽然宣佈結業或者轉手易名。例如位置跟我最接近，在牛頭角「淘大花園」商場地下舖位的分店「BXve & Modos」，店舖曾經一度改名，店名忽然變成了沒有「Modos」在內的梳乎厘班㦸甜品店「BXve」。最近牛頭角分店「BXve」忽然宣佈關門結業，舖位很快就有人接手，舖位沒有裝修改建，立刻重開營業，只是店舖現在的名稱，就變成叫做「Manis Cafe」。我來到「淘大商場」樓下地舖的「Manis Cafe」之後，發現「Manis Cafe」除了店門的招牌被更改之外，店內的實際裝修擺設，其實沒有太大的分別，只是換了少許擺設，貼了幾張文宣而已。現在「淘大商場」地下的「Manis Cafe」，「Manis Cafe」餐牌價目表裡面的食品，跟以前「BXve」有點最大的分別，就是推出了一款鹹味的美式熱狗食品，配汽水飲品的套餐「Hotdog Set」。以前牛頭角分店「BXve」，負責製作甜品「梳乎厘班㦸」的廚房師傅，通常會在比較晚的時間，才正式回到「BXv

#支持良心餐廳朱古力粒粒麻糬雞蛋仔 $33辣味蝦乾肉鬆雞蛋仔 $28第一次覺得咸嘅雞蛋仔好食過甜嘅😂本身想食飯後甜品叫左個朱古力粒粒麻糬 粒粒朱古力係足料嘅 每粒入面亦都有麻糬不過質感（雞蛋仔同啲麻糬）都偏淋 所以就唔算好推薦呢款反而辣味蝦乾肉鬆幾有驚喜 尤其係食到中間多肉鬆嗰啲 原來肉鬆同雞蛋仔咁夾😂加少少辣味仲更加惹味 我本身係食唔到辣嗰種人 但係越食會越上癮 食到後尾停一停先發覺嘩原來都幾辣要即刻飲野😂 同埋呢款個雞蛋仔就會保持返應有嘅質感 唔會太淋 所以我鍾意呢款多過甜嗰款

淘大食完飯就搵甜品店，呢間店舖(之前叫Bove)唔大得幾個坐位，好彩啱啱有人走所以唔洗等就有位。呢間既雞蛋仔有好多唔同款式，但重點我睇中咗佢既梳乎厘班戟，見到佢有伯爵茶味即刻雙眼發光😎流心餡料再揀金莎朱古力，另外再叫個拉絲芝士雞蛋仔。梳乎厘班戟製作需時，先食咗個雞蛋仔先，真係超多芝士！！重要焗到個邊既芝士好脆呀！！真係好正！！😋😋間店實在太多人幫襯啦，太多order食完雞蛋仔都未有梳乎厘班戟... 咁就不如叫多個抺茶麻糬雞蛋仔黎試下😆😆 佢既抺茶味好濃，配上麻糬好match！！🙌🏻終於等到梳乎厘班戟啦，oh my god！好香濃既伯爵茶味，第一啖入口真係忍唔住嗌出黎！我朋友重笑我誇張，點知佢自己食既時候都忍唔住讚嘆 😂😂 中間嘅金莎朱古力醬都好好味！呢間店用料果然認真！搞到我已經諗住下次再試其他款式啦！！