Mango Tree

营业中

休息中

通常情人節我會在家煮幾道菜娛己，今日下午有事要辦理未能趕及預備，急忙找一間食肆與太太共享情人節，在圓方到處找找，在二樓邊處覓得此館。沒有預訂，出奇地有位。 入座後環顧四周還有多張空枱，奇怪環境格調不錯的餐館竟沒有爆滿，莫非今晚其他餐館也遭同一境況？這館將燈光調較得甚暗，看餐牌時眼睛有點受罪。之前，我在荅里島光顧一間餐館也是暗黑非常，但餐牌頂方配上一個小吊燈，美觀實用又不失情調，此店或可考慮。 (或用手機上開 Openrice app 看其店的餐牌更清晰）我們叫了三道菜，計有燒美國肉眼沙律、椰汁青咖喱大蝦和蒜香燒雞(半隻)。 咖喱大蝦味道佳，但份量比想像中少，而且都是小蝦，是否大家對蝦的大小準則不一樣？美國肉眼沙律牛肉燒得入味，包著菜和香料一齊吃口感極好（雖然有些肉片有點肥）。蒜香燒雞亦燒得不錯。兩道菜都是炭燒，應是此館獨到心得。價錢三道菜盛惠六百元，可能位處圓方，價錢偏貴。 但不失為佳節慶祝比較優選之餐館。晞月藍 HestonBlue

之前去食過一次afternoon tea. lunch同dinner都有去。今次afternoon tea的食物質素沒有變同埋依然好食。，service又好。會定期轉換款式。

情迷泰國料理的為食妹，當然要同朋友一齊試吓芒果樹！入到去，雖然燈光好暗，但環境好舒服！一早經OpenRice訂定位，非常方便！餐廳職員好友善，仲安排到坐window seats!朋友非常滿意！而且經OpenRice 訂位，還有買一送一飲品！椰青，cocktail 都有買一送一！非常抵！主菜一定要嘗試咖喱麵包同埋大蝦炒金邊粉！呢2樣真心正！冬陰公湯就係食泰國必叫之一！炸蝦餅就正常囉！冇乜特別！最期待都係個甜品！芒果糯米飯！

寶貝女生日到Sky100 所以順便去試試這間，去完Sky100 一到商場已是這餐廳，如果特登去較為遠位置經openrice book位，所以只等一會mango tree 食物整體都不錯但目測好多員工都是炒散，所以好多時都會是「睇你唔到睇你唔到」欠主動食品覺得最不錯就是菠蘿炒飯其他春卷，沙嗲串，雞......都還可以其他都不過不失，咖哩味道較淡因切餅要收人頭費，所以就叫左3個甜品抵消那費用仲有甜品上載不到相片（相片上限到了）椰汁西米糕南瓜雪糕芒果糯米飯

踏入這家餐廳我先呆一下，接着不禁笑了，這大概是我至今為止進過最黑的店 (照片已調亮)。現在的餐廳好像有一條潛標準，燈光越暗，餐廳等級越高，這麼下去怕是有一天我得自己打着燈在餐廳裡走路😅還好餐廳內部比近門口的位置亮多了，我們又坐在落地窗旁，街上燈光為室內添亮不少，而且我們剛好坐在射燈底下，燈光是足夠的，但長時間被射燈直射感覺不太舒服，個人認為這家"高級"餐廳的燈光不太適合眼睛不好的人或是老人家。燒豬頸肉是第一道出場的菜，豬頸肉的賣點是爽口感，這點是做到了。肉質不肥膩也不粗糙，油水平衡不錯，但朋友略嫌它沒有把表皮燒成微焦，欠缺一些香烤氣，這點我也認同。招牌泰北燒雞半隻質素不俗，它的好在於雞肉很嫩，但這同時表現出它的不好，就是嫩得感覺欠缺燒雞的焦氣，味道帶甜，質感和味道其實頗像豉油雞。燒雞附上糯米飯，這個配搭怪怪的，這個雞說像豉油雞又沒有鼓油雞那麼咸，飯是完全沒經過調味，即使先吃雞才吃一口飯，味道都帶不到飯去，糯米飯又偏硬，形成飯在口裡又寡又乾的感覺，我們只好拿燒雞附上的醬汁澆到飯裡拯救一下。泰式炸蝦餅不油膩，口感頗彈，但朋友則認為彈牙口感還是差得遠，吃過比它彈更多的。素菜春卷跟炸蝦餅一樣做

平安夜定咗mango tree 食下午茶因為之前見到朋友嘅相 佢話好好食 諗住一試無妨嘅心態試下食 聖誕節咩都貴 唯有退而求其次我食個下午茶 地方乾淨整齊 嘢食好好味 基本上成個下午茶 300蚊兩個人 仲包兩杯嘢飲聖誕節嚟講 真係好好 成個set分兩部分 一個係甜品 一個部分係鹹嘅小點鹹嘅小點全部都好好甜嘅小點最好食係芒果糯米飯真係好耐好耐都冇食過咁好味嘅芒果糯米飯宜家仲想食唯一麻麻地嘅地方 就係 嗰個黃色嘅班蘭葉味嘅布甸 就甜咗少少 同埋有啲食客 講嘢好嘈好大聲 基本上係冇得彈 好期望 下次去食晚餐再報告

之前在泰國吃過Mango Tree，印象麻麻。當友人提議到Element Mango Tree 下午茶，也有想過拒絕，但友人對香港Mango Tree讚口不絶，最終被游說成功，而且改變了我對Mango Tree既印象靚景落地大玻璃窗跟一般High Tea無異，食物卻有必於傳統High Tea。此Tea set全為泰式食品，我們選了"鹹點+甜點"的set，菜式都是大路泰國菜，例如柚子沙律、米紙卷、香芒糯米飯，但全部變成迷你版，正好滿足樣樣都想食，而又食量不大的女生需求，份量剛剛好。環境舒適，食物美味，確實是Tea一Tea既好選擇

忙左成個禮拜，最近天氣好好，決定要去有window seat 既餐廳relax 食返個靚靚午餐，我星期四晚上打電話訂星期六lunch 有window seat，12點去到，唔多人。二個人去左mango tree 叫左個一位$358weekend lunch加金邊粉。weekend lunch 份量好大，有小食拼盤(水準好高，帶子同蟹蓋都好好味，不過怕辣既我就覺得幾辣)同一個main course, main 我地揀左燒雞。燒雞份量夠大，二人食啱啱好，另外本身配左個白飯，個飯係用竹杯盛住架，好靚。蝦金邊粉好足料，賣相好靚，唔會油，炒得好香。不過隻蝦係雪蝦無乜蝦味啦。

Mango tree 主打泰國菜，位于Element 的Mango tree 是好隱蔽，餐廳隱藏在一眾名牌之中。從九龍站行過來要10分鐘，不容易找到。餐廳環境優雅，有高樓底，而且餐廳仲有落地玻璃望到維港景色，商務lunch就最合適 Set lunch menu 價位在HKD$ 138-178 之間，包餐飲。大蝦🍤金邊粉分量好大，只食一半都食唔曬，但蝦只有2隻🙈

位於九龍站既圓方平日下午人流不多 係一個舒服行街既地方對於偶然放半日假既我地黎講係度食個afternoon tea 談下心 最合適不過呢次揀呢間泰式餐廳一來唔會話食cake食多士太飽飽濟濟二來呢間餐廳亦都有名氣 想試好耐 由於三人行 所以都比較麻煩 但呢間餐廳order就好flexible 可以分開剩叫多一份咸點/甜點所以同朋友叫左個二人afternoon tea set 再加一份咸點set 所以total有4杯drinks咸點好豐富 有燒牛肉沙律 糯米波波 串燒 米紙卷 燒大蝦甜點就有芒果糯米飯 布甸 糕成個set最有驚喜係咸點個糯米波波一定要成粒連饀食 就咁咬一口個皮會無味蝦好新鮮肉身彈牙 米紙卷無得輸我地三個女仔都讚口不停

母親節飯補祝母親節雖然係遲左好多不過最緊要食得開心咯我地話食得好D所以簡左圓方呢個間泰國菜（mangotree)高級地方果然不同D裡面環境氣氛一流而且玻璃望出去 可以欣賞好浪漫的夜景泰式的菜式雖然都係個幾款但係上菜的時候每碟的擺款都好靓令人食起來好開心而且非常高貴同埋D泰式飲料好特別杯杯都唔同啊女話好好飲而且好新鮮餐具都好高級成個晚上大家都看好盡情得享受慢慢聚下 慢慢品嚐而且服務人員態度非常好大家不妨試試

很喜歡泰式食物的特有香味，例如冬蔭公湯，泰式炸蝦餅，和我今日最想吃的炒金邊粉。泰式炒金邊粉又可稱為泰式炒河粉 或泰式炒粿條，不難在泰國的餐廳或是街頭小店都是常見的食物。今天去了圓方的Mango Tree 品嚐了他們的著名大蝦炒金邊粉，美麗的大蝦炒金邊粉用一個像網形的蛋皮包裏著，很漂亮 好吸引，上面還放上幾隻大蝦仁呢！金邊粉的主要材料有金邊粉、蝦、蛋、韭菜、豆芽、豆腐、磨碎的花生、芫荽以及羅望子醬。金邊粉炒得夠煙韌，蝦肉爽口，加上魚露，糖 及其他醬汁，甜甜酸酸的味道，叫人食指大動，

推介粟米蟹肉脆餅超級好味的食物一定要試下，它的食材看似簡單，但綜合起來味道不同凡響。粟米蟹肉脆餅材料包括有超甜的粟米，鮮味的蟹肉，雞蛋，燈籠椒，泰國青檸檬葉，烤了的椰茸及青咖喱醬…等，包你吃了一口便會愛上它。😋

很想試這間好耐，總有機會試吓環境感覺很好，可在訂枱時指明要窗邊位，可以望到中環景色；服務員親切有禮；食物質素高，份量也剛剛好，性價比高呢當日試咗出名的泰北燒雞，雞肉嫩滑入味，不用點醬汁已經好好味，還附帶香軟糯米飯；香蕉花沙律，比較少地方有，感覺清新特別；青咖哩大蝦，有點辣但十分野味，蝦的份量也十足十；甜品選了芒果糯米飯 椰子荔枝雪糕 泰式班籣千層糕，不太甜但味道十足，太好味大滿足下次可以試吓他們的泰式tea set, 好吸引呀

好味，Cocktail 很有芒果味,但多D酒味更好。食物全部都不錯，芒果炒飯更多芒果更好。馬拉盏炒通菜好味。Homemade 雪糕 芒果好食，荔枝奶味比較重,多荔枝味更佳。可以傾談的地方，因為座位相隔遠 聽不到第二抬談話，坐了兩個鐘，沒有人趕。埋單入了會，但分店不多。 Mango Tree 只在 The Elements. 點餐侍應常常替換碟仔，餐廳都是請女侍應，泰籍侍應都會说中文 服務也好，反而門口是香港人侍應不太友善。