Mango Tree

营业中

休息中

叫左個$45X set lunch2頭盤小食2主菜2杯飲品甜品頭盤：炸蝦餅 （都唔差，熱辣辣，軟熟） 大蝦柚子沙律（得2隻蝦，正正常常）主菜：青咖哩雞柳 （ok) 菠蘿炒飯（可能吃開d傳統泰國菜，仲停留有原個菠蘿裝住炒飯）上菜時，係無既。菠蘿粒都吃唔到，料極少，都唔知吃左咩料.......甜品： 2舊椰絲椰汁西米糕 （ok）餐飲：熱檸茶，熱奶茶 （叫左2次，先黎，黎完，變左凍奶茶，換左杯，將d冰拎走，卑返個杯你，熱飲都唔係用個隻杯。算啦，是但啦）埋單＄500 其實唔係幾好吃，唔值呢個價錢，可以有更好選擇。

因為怕辣，BeautySearch 日常很少吃泰國菜，但泰式小菜中也不乏美食，偶然也想剌激一下味蕾，生活才不會感到單調乏味。最近嚐了位於圓方的國際知名泰菜食府《Mango Tree》，無論是食物、環境，還是服務，都令人充滿驚喜！這裡的裝潢相當有氣勢，樓底非常高，加上 270 度的景觀，感覺別樹一格。聽說可眺望維港美景，可惜這夜霧有點濃，看不清喔！而這夜，我揀選了匯聚多款矜貴海鮮人氣菜餚的『泰式海鮮饗宴 4.0』，每位$699，如果是 1957 & Co. 會員，更可專享二人同行一人免費，相當優惠。先來一客原隻椰皇燉翅，以原隻泰國椰皇作基調，透出清甜的椰香，搭配矜貴用料，魚翅和鮮嫩細滑的雞絲，清甜滋潤，更添味美。辣椒膏原隻帶子， 聽說是泰國中部常見的地道菜式，單看外表，辣度似乎相當高...... 原隻大大粒帶子被切成小粒，不過還保留了當中的彈牙鮮美，加入泰式辣椒膏、洋蔥、甜椒等，吃時倍感辛香，原來辣椒膏並不算很辣喔！食落還有意料之外的甜辣醒胃口感。炭燒珍寶河蝦可用刀叉享用相當有份量，用傳統炭爐燒製，上桌時已聞到濃濃的燒烤氣息，蝦身帶有焦香，蝦肉唔乾，蝦頭還有不少膏，甘甜美味，爽口彈牙！想

異國風格的美食在香港毫不罕有，泰式美食就是其中最為受歡迎的一種，而這次的下午茶絶不會令人失望。　　一進入店內，裝修風格已經令人滿意，環境整潔舒適，色調氣氛怡人。於午後的窗邊，陽光下享用下午茶。　　飲品種類繁多，難以決擇的我選擇了較為平凡的芒果冰沙，顔值高，果味濃，口感清新…這些都不用特別提起了。　　餐點方面充滿着泰式風味，而且種類多份量適宜，不會膩味，我個人的最愛是咖哩麵包，咖哩口感層次感豐富，入口温潤，無可挑剔。醬汁也是很值得讚賞的一點，多種種類的醬汁風味各異，相同的是色香味俱全。　　最後自然是不能少了甜品的，泰式甜品十分有名，西米糕與芒果糯米飯都是熟悉的獨特美味，美中不足的是西米丸子略甜，比較甜膩。　　總的來說，這是一次印象深刻的用餐經驗，推介食物有炸蝦餅和金邊粉。

去左element 間mango tree 食下午茶. 小弟第一次high tea就俾左呢間野🤣食物如圖所示。再包兩杯野飲自己覺得有驚喜既有沙律，咖喱包同米紙卷。沙律本身冇味,加咗汁落去有d 酸味,d 菜幾爽口，建議食呢個先咖喱包唔辣既,係甜嗰隻咖喱，配包食唔錯，海鮮種類有青口，魷魚等，整體而言都係一個幾好既菜式。米紙卷同沙律類似，不過因爲出面有米紙入面有燒鴨，所以味道會豐富d,口感係先咬開煙韌既米紙皮再試到入面切條既蔬菜。其餘既食物都唔錯，不過可能我哋影相影太耐攤凍曬🤪比較深刻既係服務員既態度😎佢哋真係好好禮貌，見到你食完一碟野會執走佢令你多d 空間食其他野😀

先講價錢，我星期五去幫襯，388蚊兩位，唔需要加一，平均唔使200蚊一位。 餐廳地方闊落， 有落地大玻璃可面向部分維港景色， 枱與枱之間的空間闊落，坐得舒適自然。 侍應服務方面，亦沒什麼可投訴，算係愉快體驗。 至於食物方面， 六咸四甜的組合十分適合我，加上兩杯精緻飲品，就此度過一個快樂的下午時光， 各款食物嘅味道，正常合格，雖然冇乜驚喜，但亦唔會失望， 反而好欣賞杯泰式sangria， 調教得好好味，連裝飾嘅芭樂片，都多汁甜美， 相信喺酒吧叫一杯咁嘅質素，要百多元吧。 整體用餐值90分！ 推薦！

話說一直想同朋友搵地方食tea傾下計，終於係社交平台見人介紹食泰式 tea set ，咁特別當然要嚟試吓！Tea set 用竹籃裝住食物好有泰國feel，唔洗下下打卡都係三層架咁悶🤣總共10款食物，6鹹4甜加2杯飲品，款式每樣兩件，一人一件唔洗爭。食物上枱時會跟埋4款唔同醬汁可以點嘢食，第一次食泰國甜醋（綠色個格），甜甜酸酸好開胃我最鍾意食咖哩海鮮農夫包，黃咖哩入面加左雞蛋，甜甜地唔係好辣，幾好食😋不過如果所有鹹點可以熱D就perfect喇😛然後甜品有芒果糯米飯🤩同埋其他經典嘅泰式甜品，食完真係更加掛住泰國。飲品就揀左店員推介嘅凍抹茶鮮奶，唔係好甜，但抹茶味多D就更加好。飲品入面有涼粉，份量算多，都幾有咬口🤤Service方面好好，店員會介紹下食物，亦會主動換碟食完呢個tea set可以暫時止下旅行癮，係圓方嚟講呢個價錢我覺得係唔錯嘅選擇。難得今日有窗邊位可以坐，但天陰陰，浪費左個咁開揚嘅view，希望下次嚟食飯時會係好天🥺

放假冇得去旅行，就揀個chill嘅地方high tea放鬆吓😎去咗Elements Mango Tree😋Order咗泰式2人tea set $388+10%🤩有咸有甜，夠多款式🥰 幾中意個鮑魚青芒果沙津，個source好開胃🥭🥗咖喱海鮮農夫包，比想像中多海鮮料，黃咖喱好味🐙🦐🦪椒鹽蝦有四隻，size都ok🦐🦐🦐🦐 揀咗兩款都好飲嘅drinks，荔枝Smash有好多荔枝果肉🍹芒果Smoothie好重芒果味，唔會太多大大舊冰🍹最正係個大玻璃view望到個海，咁樣先係放假high tea感覺，好relax😎staff service 好好，好勤換碟、上嘢食時有禮貌同細心👍🏻

位於Elements 既泰式餐廳Mango Tree，餐廳環境高級，裝修靚靚，與朋友慶祝生日，咁岩仲安排坐係靠窗位置圓枱😆第一次食呢間，仲叫左好多野食，不過限制十點要打烊，我地都食得好趕呀！餐廳個經理係甘催促我地，落單，仲有無加單，差唔多十點就行黎話要收左錢先，野食又一次過黎哂，食得真係好趕🙈燒豬頸肉：好食，燒得剛剛好，沾埋個泰式辣醬豬牛雞串燒：呢度既燒肉都燒得幾好食，個沙嗲醬料好味😋泰式炒金邊粉：呢個可以推介，比較大碟，味道唔錯，又唔會太油膩泰式菠蘿海鮮炒飯：味道可以，炒得幾乾身，但份量相比下，炒金邊粉會比較抵食大碟泰式炒通菜：味道可以，但唔乾身，無乜火喉，普普通通黃咖哩鴨肉：泰式既咖喱必叫黎食，呢個係其中一個朋友鐘意食，咖喱味濃，沾包好食，但實在太細碟，入面基本上得兩片肉，每人食得半片，超級唔抵食原本想叫薄餅沾，但無呢樣野，只有呢隻包$50/2個飲品做優惠，叫一柸加$10有第二柸，所以叫就叫孖住叫就抵啦！除左有酒精既coconut無order，其他個三柸都好好飲，柸Thai Sangria （有酒精成份）好好飲另外兩柸係無酒精飲品！最後點都要食返個泰式甜品，就order泰式既椰汁糕

當我首次看見 這裡 泰式下午茶2人餐 色彩繽紛 的照片 就吸引到我 眼球的注視了 👀👀但近期去吃了幾個 高級酒店 塔樓式下午茶 略有失望而却步 直至朋友社交平台 放了這裡的 美食照片 細問下知道 高質 鹹甜小點都精緻 好吃 便決定這天去吃一次 😋😋這個下午茶套餐 由三時開始 我們早半小時 便到了 侍應見我們有長者 就給先入座 客排靠窗 最美的海景 實在太好了 👍👍套餐包含鮑魚青芒果沙律 🥭🥭冬蔭炸雞翼 🐥🐥椒鹽蝦 🦐🦐燒鴨米紙捲 🌯🌯豬肉串燒 🍢🍢迷你黃咖喱海鮮農夫包 🥖🥖香芒糯米飯 🥥🥥泰式斑蘭千層糕 🥢🥢翡翠西米丸子 🍡🍡椰汁西米糕 🥥🥥各款小食 滿滿泰國風味 份量也恰到好處 鹹甜小點都極好吃 美味滿足 飲品也是 花心思調配的 冰涼好喝 🍸🍸兩杯指定特飲Thai Sangria 🥭🥭Watermelon Juice 🍉🍉另外70元杯 雞尾酒 加10元多一杯 梗係要試下啦 🍹🍹Lychee SmashRose Apple Delight對住西九個 超無海景 吃住呢個 新派泰式 下午茶 簡直就係 曼谷一天遊啊！🥻🥻

說到摩登fusion 泰國菜, mango tree 一定在首列！除了食物質素，環境也是吸引我的一大因素！有香港著名高端餐飲室內設計師- Steve Leung 團隊主理！環境已經值回票價！何況，mango tree 的下午茶性價比極高! 大約$350已有鹹甜拼盤兩人份，亦包含兩杯特色飲品！▪️下午茶拼盤- 鹹點篇一個拼盤已經包含主要特色小吃▫️鮮蝦柚子沙律，清爽開胃！▫️斑斕葉嫩雞肉 ，名副其實，雞肉肉質柔滑口感美味！極滲有班蘭葉的微微香味！▫️泰式蝦多士，誠意之作！超大隻蝦然後牛油多士炸得香脆可口！▫️豬頸肉串燒，大大啖肉夠晒惹味▫️黃咖喱麵包，咖喱加了忌廉和雞蛋，食落去好滑！配麵包一流！▪️軟殼蟹黃咖喱真心推介的一道菜! 首先份量極之大! 有成兩隻軟殼蟹! 咖喱汁咖喱忌廉和雞蛋, 食落好像滑溜溜的忌廉，有吃辣味意粉嘅感覺！這道菜能讓我吃上兩碗飯去嘆下午茶氣氛真的不錯! 不過提提大家記得預先預約! 如果唔係就要早啲攞飛! 今日下午茶時段三時正開始! 除了預約之外, 得到15分鐘便要全場爆滿! 如果walk -in 記得提早半小時攞定飛! 在周圍行吓!

泰式下午茶 呢間泰國菜有特色泰式甜品仲幾靚添架同平時酒店食到既完全唔同風味 味道亦唔錯泰式小食加泰式甜品幾款 每日都有供應 賣完就無 仲包2杯凍飲夠解暑充滿夏日風情既下午茶 柚子蟹肉沙律 柚子酸甜蟹肉鮮味味道清新班蘭葉雞卷 醃料香濃雞肉嫩香又滑鮮蝦米紙卷 米紙煙韌彈牙加點甜醋食味道更豐富沙爹串燒 炭燒風味 醬汁濃香帶花生碎好美味蝦多士 脆口大蝦配法包加甜辣醬味道更突出迷你咖哩包 用上蛋花黃咖哩 香濃而不辣 個包法包質感煙韌Q勁甜品芒果糯米飯 米夠煙韌椰汁香甜 芒果肉酸甜美味泰式千層糕 淡淡班蘭香味仲依到椰汁甜香西米丸子 煙韌口感幾香甜椰汁西米糕 重濃香甜椰汁香好食飲品芒果沙冰 青檸特飲 又凍又解暑好好飲平均消費$350評分8/10尖沙咀柯士甸道西1號ELEMENTS圓方金區2樓2032號舖Shop 2032, 2/F, Metal Zone, ELEMENTS, 1 Austin Road West, Tsim Sha Tsui

很久之前慕名而來食tea set，無論款式、買相、味道都很好、好吸引！今次再來，menu 改咗，變得平凡。牛肉串好硬，好彩咬得開，味道加沙爹醬還可以。兩件鮮蝦扎肉米紙卷好快就黏得難捨難離😂，要用刀叉分開，食嗰陣時要點大量醬汁。黃咖喱農夫飽亦好失望，咖喱汁不過不失，麵包唔脆，只係夠熱，熱到黐住個碗，又要出動刀叉。蝦多士唔油、好脆，班蘭葉燉雞卷都係炸，雞肉唔嚡。柚子沙律就偏甜，唔夠清新。甜品唔太甜，最甜都係芒菓，好啱我！由於我哋三個人，又唔想叫兩個tea set，朋友想食炸蝦餅，我又鍾意食炸軟殼蟹，所以叫咗個拼盆。雖然價錢貴過tea set，又重複咗雞卷，但一食就知呢啲係即製，起碼米紙卷唔會黐埋一齊，雞卷就熱過tea set 嗰啲。整體來講，燒豬頸肉最好味，魚餅用好多香料，蝦餅同軟殼蟹就普通啦！見到餐牌有個有趣菜名，價錢又可接受，便叫嚟試吓。份量唔少，約有半隻鴨，應該先炸再用辣辣哋嘅香料炆。侍應冇話畀我哋知呢個菜係辣，好彩我哋都食得辣鴨肉好嫩，好入味，加埋酸酸甜甜的菠蘿粒，有驚喜。侍應提議配飯或法飽，我哋用法飽($50二個豬仔包)點汁食，好開胃

同朋友睇行完示範單位好肚餓見到mango tree嘅野食就即刻被吸引因為時間尚早 所以好好彩咁被安排左係窗邊 睇住日落望住海景食晚餐😍😍😍 （睇番食評先知原來平日都要book位先坐到窗邊）我地叫左軟殼蟹米紙卷米紙煙煙韌韌軟殼蟹仲脆脆地包埋一齊酸酸甜甜😋好開胃另外叫左個冬蔭公上菜時有個爐仔熱住唔好睇佢個碗好似細細地同朋友兩個人每人都分到兩碗有多大蝦有膏都幾新鮮個湯酸酸辣辣🌶辣得好過癮馬拉盞豬頸肉炒捲河粉河粉好特別 條條都炒得好均勻 又香又入味有少少似食緊炒年糕嘅口感成碟好足料 豬頸肉都好爽口最後叫埋個芒果糯米飯一黎到已經聞到好香椰汁味芒果香甜糯米飯軟熟回味無窮

嗰日係Ritz-Cartlon staycation ，晚餐睇下圓方有乜好食，就揀咗泰國餐Mango Tree ，在openrice book定位，如坐到窗口位可對住維多利亞港🥰呢間有驚喜，全部野都好好食、高質、有水準。我自己唔鍾意食明爐蒸嘅魚，所以揀咗甜辣醬炸銀鰽魚，好脆口，甜辣醬味道啱啱好😋😋😋另特別推介炭燒豬頸肉、芒果糯米飯🍚、冬陰功湯。如果冬陰功湯辣多少少就Perfect😋這間是我暫時食過嘅泰國餐廳最好味嘅一間👍🏻👍🏻下次好想試吓佢個下午茶好似幾抵食🤔

平時食high tea多數食西式，今次第一次黎到食泰國版high tea~🇹🇭 呢度嘅tea set可以揀淨係咸/甜/ 咸+甜食晒，我哋咁大食當然係揀咸+甜餐啦😆椰子沙冰同芒果沙冰好冰涼解渴，而且味道清新唔甜，應該冇落糖👍🏼咸點有蝦多士🍤、串燒牛、葉包雞、蟹肉西柚沙律🥗、大蝦扎肉米紙卷、同埋咖哩農夫包🥘～ 都幾豐富，而且每款都幾好味😋 但係甜點嗰盤就麻麻哋😖 芒果糯米飯都唔錯，但係嗰幾粒椰絲糯米糍都幾難食...🥺 如果下次再嚟，應該唔會再叫呢個tea set喇🙈