影片
在OpenRice平台上暂时未见到石门分店纪录，所以先将食评写在大埔分店名下。如有不妥，烦请告之，会将食评删除，谢谢。好喇可以入正题喇，小编路过石门见到京瑞广场二期（下称「京二」）好似葵广咁有好多小食店，所以就去探索一下喇。咁其实京二都有唔少卖鸡蛋仔嘅舖头，亦都差唔多每一间都有芝士猪柳蛋口味。但man姐呢款系叫做猪柳蛋芝士三文治，个做法会有啲唔同。首先倒入蛋浆，以猪柳同蛋做馅，再加入胡椒调味。等鸡蛋仔成型后，加上大量芝士喺面，将鸡蛋仔卷起夹住，用机器嘅热力将芝士熔化，达到拉丝效果。最后嘅成品的确就会好似商品名一样，变成一个鸡蛋仔型嘅猪柳蛋芝士三文治。正如图片所示，成个鸡蛋仔层次都好分明。芝士都唔系超市𠮶啲片装芝士，食得出芝士味，拉起丝嚟亦都好过瘾。但小编个人觉得胡椒味偏重咗少少，咁呢个系个人口味问题。蛋浆有蛋香味，同埋鸡蛋仔每一格嘅内部都填到满满，好似蛋糕咁有弹性，唔会好干得个壳咁。整体小编都觉得几高分。分店仲有餐肉芝士、蛋挞同麻糬等口味。值得再嚟试一试。
继续阅读
试左猪柳芝士蛋三文治鸡蛋仔同埋海苔杏仁鸡蛋仔猪柳蛋鸡蛋仔里面好足料，好好食，有口感海苔杏仁配搭第一次试，都好好食同朋友食玩已经好饱，可以取代一餐，价钱合理👍👍
继续阅读
叫士多啤梨格仔饼，写到明有士多啤梨酱炼奶同砂糖。食咗一半，成口都好甜嘅士多啤梨酱＇一打开，系完全冇炼奶同砂糖。我拎返过去同佢讲，打开埋俾佢睇。佢死口唔认，话自己有加到。以后都唔会再帮衬。
继续阅读
$30 焦糖伯爵奶茶味 鸡蛋仔之前都帮衬过，味道系唔差嘅而且外脆内软，所以经过再帮衬，想试下其他味。有位长头发，手指有纹身嘅女店员，本来系负责整鸡蛋仔，我排队比钱佢就收钱。原本以为佢会抹下手或者戴返手套，点知乜都冇做转头就整鸡蛋仔。 其实整都冇问题，问题系包装鸡蛋仔个部份，佢伸只手入个包装袋，整返涨个袋再放鸡蛋仔。其实见到佢收完钱嘅时候都已经觉得污漕，之后仲见到佢用枱布抹台。🤮🤮见鸡蛋仔整好左攞得嘅时候，都唔知食好定吾食好。完全系食埋细菌落肚，点知佢张纸币有冇跌过落地下或者其他地方，张台布系咪干净。我见其他职员都有带手套，唯独系呢位女职员没有。唔知佢职员定老板娘啦，再好食以后都唔会再帮衬！😡
继续阅读
其实呢间嘢真系冇乜特别，佢开喺大埔最著名嘅面包舖隔离附近，不过最好就可能系因为佢同贡茶一齐搞，因此啲人顺便买开嘢饮都会买嘢食。我发现佢嘅鸡蛋仔同格仔饼虽然都号称系即叫即整，不过其实质地都唔太香脆，很像是弄了很久的格仔饼一般，你看它的外皮完全没有脆香的感觉，因此就似软绵绵的格仔饼，咬落口感是没有的。有一次突然间要试呢一间man姐鸡蛋仔，是因为昌运𠮶间突然间休息，定还是喺新年期间佢休息，呢间比较早开，于是要试一试呢间。虽然啲人成日话昌运𠮶间都系麻麻，不过比起呢一间，其实都算系好少少。
继续阅读