Mamaday (已搬遷) 新店位置

午餐再來mamaday, 因為呢度既午餐set有特色又好食，午餐時間都幾爆下，所以話真係要book 位。今次點了兩個lunch set, 一個係生姜燒豚肉蛋包飯，一個係春武里府是拉差醬雞腿肉比薩個名夠曬長。生薑燒豚肉蛋包飯份量挺多的，有賣相又夠好味。滿滿的豚肉同非常吸引的滑蛋，撈埋一齊食真係超級開胃啊。我也特別喜歡這里的比薩，皮薄脆脆的，這是微辣的雞肉比薩，這個味道也是我第一次試，少少辣真係好刺激味蕾，又唔算太辣，食開小辣的會覺得剛剛好。兩個lunch set 都豐富吸引，包埋野飲，我們就點了蜂蜜紅茶和美式咖啡。吃飽飽正餐，少不了甜品，這次要試試他們這裡的自家制手工蛋糕，這次的手工蛋糕是巧克力夾雜cream, 鬆鬆軟軟好好味，下次也要試試其他甜品。

💡 裝修精緻玩味十足「麻麻地」尖沙咀餐廳非常多，但搵到一間裝修咁比貨，玩味十足嘅餐廳真係好少見，而且味道又好食，岩曬同朋友聚舊chill下。🍽 點解個個都叫軟殼蟹比薩架軟殼蟹就食得多，但原隻係pizza上面真係第一次見，真係好吸睛。軟殼蟹炸到好香脆，入面仲係好多肉🦀pizza係薄批，好香脆，而且表面滿佈芝士同千島醬，加上菠蘿、蟹柳等，口感好豐富。🍽辣架傻豬豬豬頸肉泰式肉碎日本蛋包飯一開始比佢個名吸引左，傻豬豬！蛋包飯比我想象中大，份量好多。上枱已經嗅到陣陣香味。豬頸肉好入味，配料有九層塔同辣椒，所以食落辣辣地好惹味，愈食愈開胃。另外，有好多肉碎鋪起面，夾雜泰味，fusion得嚟好食。而且，雞蛋係用上日本，所以食落好幼滑，好香蛋味。🍽Dirty個杯好精緻，整得好靚。奶同啡層次分明，咖啡香濃，幼滑，表現出色！ps/平日去都幾多日，而且有限時1.5hrs。建議可以預早book位。餐廳裝修亦非常特別，雖然價錢有少少貴，但份量相對都好多，覺得物有所值。

鹹蛋黃牛油果蟹肉pizza🥑Very evil avocado crab salty egg pizza每次食mamaday都一定會食pizza，因為款式幾多夠晒特別！ 鹹蛋黃味唔濃，好多牛油果，pizza低香脆可口！ 豆腐豆腐豆腐咖啡Tofu tofu tofu coffee已經唔係第一次叫豆腐咖啡，因為真係好好味，一定要encore！ 豆腐雪糕香滑濃郁，好耐都唔會溶，唔會食唔切！ 咖啡味香濃得嚟唔會苦澀，夾埋豆腐食好特別👍🏻 基本嘢：素食者沙律Basic yeah salad: vegetarian沙律好大碗😀 同朋友兩個人分都好多，麻醬唔錯不過多啲會好味啲！ 菜好fresh，仲有多種水果，菠蘿，raspberries, blueberries 好甜好juicy!

又食 Mamaday 喇 😋 今次去尖沙咀加連威老道分店，已經食匀所有 Mamaday 😂.地方大，座位闊落，同樣超多打卡裝飾餐廳喺2樓要行樓梯上去唔知有冇 lift 嘅呢.叫咗個 lunch set 全素漢堡 ($88) 加日本雞蛋 ($10)，最有驚喜係裏面個茄子，有炸過同調味過，好食 😋.Hot cappuccino ($48，跟 lunch set 可以減$20) 唔係好夠熱，再熱少少會好飲啲，nutty嘅咖啡味，順口、平衡.

今日同朋友去咗尖沙咀食特式西餐🍽️，叫咗個蒜蓉虎蝦pizza🍕同肉眼扒沙律🥗。個pizza好足料，面頭有六隻虎蝦🦐同大量蒜蓉。此外，pizza面頭加咗芝士🧀同車厘茄、洋蔥🧅, 令成個pizza口感更清新。另外, pizza批邊加咗少少薯蓉🥔，令pizza更香口。至於個肉眼扒沙律，鮮嫩蔬菜同香脆蝦片配上juicy細嫰肉眼扒🐂同芥末醬，令人回味無窮。下次一定會同朋友再嚟呢間佈置咁有特式嘅餐廳食飯！！😋😋

這一間餐廳，我一直都bookmark咗，想搵日嚟食，但佢長期都book滿，好彩朋友主動打電話去訂枱，都要約一星期後的週日中午12點😒 去到餐廳，才剛開門，要排隊等安排入座，好彩排到我哋入座時，可以坐窗口位，影相都靚啲✌🏻好邪惡嘅咸蛋牛油果蟹肉比薩咩叫減肥 (нк$132)．薄餅皮薄脆口，上面超多料．牛油果和咸蛋這個配搭，真係好味，不過真係好邪惡有蟹GO又有蟹肉的蟹蟹蟹意大利扁麵 (нк$128)．好多已拆殼蟹肉和蟹籽和意粉．牛油醬汁就不太creamy質地，不過味道不錯ѕωєєт ρσтαтσ ℓαттє (нк$48)．真紫薯肉溝鮮奶，唔太甜，有紫薯味тσƒυ тσƒυ тσƒυ ¢σƒƒєє (нк$56)．一shot espresso 配絲滑豆腐和豆腐雪糕．呢個，真係好味，令我覺得咖啡同豆腐可以永遠在一齊👫🏻．另外配有的糖漿，這個一滴都不用加今日咩心情嘅蛋糕… (HK$58)．嗰日應該係芋頭芝士撻(?)．沒有想到朋友那麼貼心，一早同店員講要寫字在蛋糕碟上，好有驚喜！．芋頭和忌廉芝士，這個配搭獨特，不太甜也不太漏，不錯👌🏻

期待咗幾個月 一路都想去試嘅vintage cafe😍😍去到第一樣就係比佢嘅裝修吸引，好靚好有性格其次就係佢嘅menu，好fun 樣樣都話mamaday但係有搞到人好想試🤣🤣 睇下係咪真係麻麻地🦀🦀作為蟹嘅愛好者 叫咗軟殼蟹pizza 同蟹肉意粉軟殼蟹pizza 真係可以話係食過最好食嘅pizza🤤 成隻軟殼蟹放喺面 真係超吸引咬落去外殼好脆 入面啲蟹肉就軟軟哋 重要係會有肉汁咇出嚟！！！ 而家諗返起都好想食多次蟹肉意粉相對就冇咁有記憶點，不過都係好食嘅😋，有輕微嘅辣味，夾埋蟹肉令到個意粉唔會好滯總括嚟講係絕對值得食嘅餐廳，睇得出無論係食物定係環境等細節都好用心一定會再去食😋 下次想試下個鰻魚飯🤤🤤

呢間cafe系樓上舖位，都好易搵，令我印象最深刻係入到店內既裝修，真係睇裝修都回本！！店內有好多唔同既特色擺設，尤其係啲惡搞擺設真係好抵死🤣講返啲食物，食完之後特別推介係蜜糖芥末雞翼(我係雞翼控)，其次係個蟹肉意粉。個雞翼沾滿適當份量既蜜糖芥末醬，令到唔會太攻鼻/辣，食完一件又一件，真心正！！！下次再去都會叫返呢個雞翼黎食！！！蟹肉意粉都唔錯，蟹肉都唔算少，份量適中，仲有啲蟹籽同埋蟹柳添呀！真足料蟹味

樓上咖啡店  張貼各種有趣金句，裝修大玩幽默風格菜式名字亦極有幽默感 使用的食材也較獨特如奶油燉飯改用豆漿口感更滑更健康，Pizza更設有鹹蛋口味等選擇午市抵食 小食盤加 蟹肉忌廉意粉 野莓沙律先上前菜沙律 改用野莓同藍莓代替肉食 另有鳳梨肉粒 最後加埋芝麻醬特別香又清新健康小食拼盤 有炸蝦 魚片 魷魚圈 薯條 份量夠大碟又抵食 仲要炸到好脆口蟹肉意粉 忌廉汁香滑濃郁意粉吸收了 每一條麵條都彈牙又夠濃味 蟹棒同蟹肉份量都幾多凍咖啡又濃又香好飲地址: 尖沙咀加連威老道29號信基商業中心2樓消費$200評分8/10

一個人喺尖沙咀想食個 early quick dinner，咁當然亦都想要好味😋，即刻腦袋急轉一下，就決定嚟呢度開餐，呢間餐廳我耐唔耐就想去食下😆叫咗 $124嘅「唔好抱咁大期望蒲燒鰻魚蛋包飯 Mamaday Unagi Omurice」，加 $28「升級原條鰻魚 Upgrade to Extra Large Unagi」😆好快「鰻魚蛋包飯」就嚟到，原條鰻魚大大條，好似一條拱橋咁樣放咗喺飯面上邊，炒雞蛋完全覆蓋飯面，亦都加咗有好多鰹魚乾，賣相好得🤩；食一啖先，鰻魚厚肉，肉質軟熟鮮味，日本🇯🇵雞蛋🥚有蛋香，鰹魚乾亦幾滋味，一啖裏邊有鰻魚➕炒蛋➕鰹魚乾➕撈咗蒲燒汁嘅米飯，幾好食😋

Mamaday頗有名氣，出名多打卡位，食物擺設又特別，而且食物質素都廣獲好評，所以就同朋友book位黎試試餐廳裝修風格好出位，好多好得意有意思嘅畫同文字，啱晒打卡沙律🥗：沙律菜好新鮮好爽甜，唔算好多dressing，但加咗水果，成件事好清新開胃炸墨魚🦑墨汁意大利飯：炸墨魚圈熱辣辣，好香脆，墨魚又好彈牙肉眼扒沙律：肉眼扒肉質高質，好有牛肉味道，而肉質係嫩口，唔會好老好柴飲品好推介lemon tea frappe,好地道嘅港式飲品

一直都好想去呢間人氣度好高既玩味打卡餐廳🍴放大假就係一個好好既機會去😆 平日既2pm去到都好full～兩個人餓餓地叫左兩個lunch set再加一份甜品😆🧇➿ 每日都唔同的湯 (+$8)➿ 每日都一樣的沙律 (+$8)➿ 有得食手打漢堡仲想點？ ($88)漢堡包🍔烘到脆卜卜，加上半溶芝士🧀 手打漢堡帶點厚度，仲帶點肉汁，薯條🍟都好香脆，份量都多～➿ 冬蔭公虎蝦扁意粉 ($128)虎蝦有3大隻咁多🦐 冬蔭公味道超級濃郁，辣度有驚喜，辣都有後勁架😆 所以扁意粉都幾入味～➿ 比利時窩𝑭𝒖𝒍𝒍 *紫薯 (+$42)除左有一大督紫薯蓉之外，連Wraffle🧇 入面都有紫薯啊，好足料👍🏽 又可以點雪糕食，又可以點帶鹹香味既奶蓋一齊食，雖然有d邪惡，但係我忍唔住啖啖都點奶蓋食🤭➿ 蜂蜜紅茶➿ 美式咖啡兩個人食下食下發現都幾飽，有少少眼闊肚窄既感覺～ anyway，食完美食，心情當然唔再麻麻地啦😌

我想試呢間好耐㗎啦！呢間網上好多人討論又玩味十足嘅餐廳，聽講好full booking，我平日下晝行開附近，本身都係諗住去碰下運氣，竟然等咗15分鐘就有位，超開心🤩唔好抱咁大期望蒲燒鰻魚蛋包飯($124) (+$28可升級原條鰻魚)個蛋份量好多，夠滑有蛋香，飯就幾重麻油味，珍珠米煮得好綿，加埋醬汁同木魚有啲似食緊章魚燒😂我無升級到原條鰻魚，鰻魚夠厚身，半條都已經好夠份量，煮得嫩滑又好入味～有蟹Go又有蟹肉的蟹蟹蟹意大利扁麵($128)食落有少少辣，意粉煮得偏乾身同有少少硬，不過有好多🦀蟹肉同蟹子，好足料，鍾意食蟹嘅朋友可以一試～唔甜的紫薯蛋糕($48)有三層嘅紫薯芝士蛋糕，紫薯蓉好細滑，食到紫薯本身淡淡嘅甜味，芝士幾light，唔會好實好膩，整體感覺幾清新，有驚喜🤤環境﹕7/10抵食﹕6/10味道﹕7/10回頭指數﹕7/10

尖沙咀食個特色午餐，能滿足香港女人打卡心態，第一時間就諗起mamaday。呢度簡直打卡天堂，周圍都被特色的裝潢同擺設所吸引住，連餐牌的名子都特色過人，今次又有新野試，真係開心又期待。呢排mamaday 有lunch set選擇，睇個餐名都幾唔錯，我地今次就點了「吉列石斑一定要配芒果他他醬架！配炒蛋多士」同埋「生姜燒豚肉蛋包飯！好味」。第一次試這個「吉列石斑一定要配芒果他他醬架！配炒蛋多士」，吉列石斑炸得幾脆，外脆內滑，成個賣相都相當吸引，有紅莓沙拉🥗好健康，又有炒蛋同多士，成個combination 都好有西式風味而又不失健康配搭。我就偏愛「生姜燒豚肉蛋包飯！好味」，之前都食過，岩重口味的我、喜歡滿滿的生姜豚肉同滑蛋，見到都流晒口水，蛋控都真係忍吾住會點，而撈埋一起食味道更佳，十分推薦。兩個餐都會配set drink, 蜂蜜紅茶同美式咖啡都唔洗加錢而且大大杯好夠飲。另外加$8仲可以有餐湯（每天都唔同的湯），而今天就係濃郁的南瓜湯，厚實的口感很不錯。食完主食，點少得甜品，午餐加$42 就有比利時窩夫🧇配焦糖，呢個焦糖真係唔講得笑，好味道不得了，極力推薦呢個甜品，一定要試啊。最後建議到ma

去過一次銅鑼灣mamaday，今次試下尖沙咀。尖沙咀比銅鑼灣大，不過一樣大至裝潢小至餐具都玩味十足，令人心情都開朗d。有蟹膏又有蟹肉的蟹蟹蟹意大利扁麵 $128有好多蟹肉同蟹籽，還有兩隻蟹鉗同四條蟹柳。意粉有蟹膏味，意粉creamy而不會過淋。避風塘雞翼 $68雞翼上桌是真的熱辣辣，好香脆，肉質鮮嫩有肉汁。避風塘好惹味，帶少少辣。有6-7隻好抵食。手工紫薯窩夫 $78甜品可以後上。四件窩夫大大件，上桌還脆口，要趁熱食。窩夫不會過甜，可以配雪糕同紫薯蓉一起吃。豆腐豆腐豆腐咖啡 $56濃厚的咖啡配豆腐雪糕，幾特別。你今日飲左益力多柚子沙冰未呀？$48柚子味較重，不會太甜。可惜胃太少，下次想試下饅魚飯🤣