Magnos

营业中

休息中

#灣仔 💁‍♀️自從喺灣仔返工, 就周圍睇下有咩好食! 有日放工經過見到條 banner 被吸引住, 個🍝意粉好似幾好食🤤….! 第二日返工就即刻試試! 🤭.🍝Linguine Alla Vongole 蜆肉義大利麵 $65 ~ 😱😱😱好有驚喜啊…..蜆肉超級大粒又肥美, 粒粒飽滿無砂, 鮮甜多汁🤤🤤🤤, 份量仲要超多! 意粉軟硬適中, 以片及香草炒, 絶炒! 👍👍👍🍝Penne Alla Vodka 伏特加長通粉 $57 ~ 另一驚喜之作! 長通粉軟硬適中, 其醬汁更是一絶, 🍅蕃茄底醬汁, 有少少肉醬及芝士🧀, 酸酸的好開胃! 午餐包括奶茶或檸檬茶🍋 但貪心的我們當然試花茶啦🤭! 柑橘綠茶 & 莓果森林花茶, 跟餐 +$9, 單點 $19! 茶味香濃, 唔係普通 cheap cheap 茶包, 讚! 😎題外話: 意粉份量十足, 包裝嚴實, 連茶都有專用紙套, 拎到返公司都完全無倒瀉或漏🤭! 好抵食, 好抵食, 好抵食! 

意粉近排食來食去嗰幾間，上星期行經灣仔見到呢間專做外賣的樓上店，不如買返屋企食啦又唔使出街同人迫...午餐時段都有幾個客等外賣，order完等左陣就有。外賣：肉醬意大利麵加citron green tea檸檬蟹肉意大利麵配英式茶一打開份量都好多，我都食唔曬一盒，男仔一定夠飽😆 肉醬意大利麵肉醬味香濃，配有少許黑椒味，份外吸引。檸檬蟹肉意大利麵，好清新突出到蟹肉香，亦有檸檬的清香，令人胃口大開，意大利麵口感適中，自自然會一啖接一啖咁食👍🏻本身阿仔吾食蟹肉都讚好👍🏻

前幾日行過灣仔見到有人派傳單，係一間專做外賣自取嘅西餐廳新開張🏡，價錢好抵，一個意大利麵都係幾十蚊，仲有新張優惠，決定買返屋企當晚餐。🍴蜆肉意大利麵$65有驚喜wo， 白蜆大大隻好厚肉，份量好多。蜆肉鮮甜，意粉軟硬適中，拎到返屋企仲熱辣辣。佢哋包裝得好好，唔會驚漏。 🍴檸檬意大利麵$57(加蟹肉加$18) 檸檬意大利麵比較少食，有新鮮感，味道好清新。🍋檸檬醬汁充滿檸檬清香，仲見到好多刨碎咗嘅檸檬絲。 蟹肉份量都好多，加埋檸檬好夾。☕香茅薑茶（跟餐＋$9）餐牌有多款花茶選擇，用既吾系普通茶包，茶包品牌係 tea concept，平時供應⭐5星級酒店。香茅薑茶對身體好有益，既清新又可以抗氧化。🥤柚子梳打$29 樽裝柚子梳打係嚟自日本🇯🇵好高質。

今日發現駱克道呢間桑拿入面內藏外賣店一間😂名叫Magnos，主打義大利粉，外賣價錢相宜，$5x-$6x有杯飲品。平時可以打電話叫定，跟住係大堂攞。今日揀左以下：肉醬義大利麵（$65）肉碎打散炒埋一齊，又幾正啊，因為如果唔打散，攞外賣途中沾唔到醬嘅位置就有機會乾到痴埋一堆😂。傳統卡邦尼義大利麵（$57）呢款carbonara係無落奶油，只落蛋醬，咁樣整原來都已經好有平時好creamy嘅感覺。飲品揀左維多利亞伯爵茶（+$9）、玫瑰花紅茶（+$9），味道好濃郁，精神為之一振👍🏻

#疫情下化身外賣店因為疫情嘅關係，好多時嘅lunch會變成食外賣，你哋有冇發現多咗好多外賣店呢？今次我去到呢度拎外賣先發現佢本身係做水療Spa，同門口嘅姐姐傾偈先知道個水bar發展成外賣店，限聚令令到冇得做水療Spa，大家為求生存，所以就轉營☺️ （外賣自取八折）傳統卡邦尼意粉➕玫瑰花🌹茶 $80-》$64卡邦尼味濃郁，意粉配搭花茶非常之夾，茶包係Tea Concept有質素，同普通茶包唔同，唔會有苦澀味。本身卡邦尼質量重，花茶幫助去油膩感🙆🏻‍♀️伏特加長通粉➕YUSU Sparkling柚子梳打 $100-》$80感番茄🍅醬底長通粉，都開胃嘅，冇卡邦尼咁heavy，有啲肉醬，如果多啲肉會仲正。柚子梳打好飲♥️ 唔會太甜👍🏻疫情下食肆都好唔容易，都幾欣賞佢地會變通，大家求個生存，香港人自強不息🈺

晏晝嗌外賣～見呢間做緊優惠～呢間餐廳嘅意粉🍝雖然係做外賣，但係份量十足，意粉軟硬適中。肉醬意大利麵肉醬同芝士嘅比例啱啱好，有肉碎香又有芝士溶～ 仲有好多香配料，令意粉味道多層次～蜆肉意大利麵一打開已經嘩一聲，蜆肉大大粒，仲好多粒～抵食！意粉撈薄蒜片～香口👍🏻呢間餐廳幾特別㗎，餐廳意粉會配搭返適合嘅花茶～茶包仲係用Tea Concept ！外賣杯既份量同茶包比較岩岩好，係有特別調製過玫瑰花紅茶淡淡嘅玫瑰花味，紅茶濃郁～醒神香茅薑茶香茅同薑嘅味道夾得岩岩好，唔會互相搶咗味道

喺灣仔食飯食到悶悶地，最近開咗一間外賣自取嘅意大利粉，返工行過有人派傳單見到啲相同價錢都幾吸引就諗住試吓，但感覺有啲奇怪新瀛閣賣意粉？開頭都有啲懷疑但見佢試業期間有七折就膽粗粗試吓佢我叫咗個蜆肉意大利粉，蜆出期地大隻而且份量足夠，味道鮮甜，意大利粉帶啲蒜頭香味有少少輕微辣度，意大利粉都算彈牙唔會過林整體感覺唔錯，會試第二次