MAGIC CORNER

营业中

休息中

今日lunch時間，同事話帶我去一間平時食開嘅餐廳食，佢話間餐廳一定有驚喜。我好好奇公司樓下有驚喜餐廳？所以就跟咗佢去入到去環境好大好舒服，而且場裏面都有好多大枱，我哋一行10人可以圍埋一齊食飯。餐牌選擇都足夠，我今日試吓個焗魚柳飯！落完單之後職員就送上一個湯，$50-60有湯有飲品，其實真係幾抵食等緊嘢食嘅時候我就周圍望吓，發現餐廳隔離原來係一個兒童遊樂場，我膽粗粗問店員可唔可以入去玩🤣🤣點知個職員佢話可以，仲介紹我玩佢哋最出名嘅魔鬼sir滑梯🛝喺同事嘅挑戰底下，我膽粗粗入去試咗，開頭喺上面坐左2分鐘，後來勇氣戰勝咗我，我沖咗落嚟，都幾好玩。玩完之後就返去食嘢，嘢食有水準，🥰熱辣辣份量亦好足夠，所以我都相信我會多啲落嚟食嘢同埋星期六日我都會考慮帶我仔仔嚟玩，因為佢喺裏面玩，我同f d就可以喺出邊度食吓嘢休息吓，小朋友盡情方電我就盡情休息

喺九龍灣返工咁耐， 都未知有呢間餐廳。 今日同朋友想食過tea， 喺度仲諗緊食咩嘅時候 咁啱有個姐姐派張傳單畀我， 見到冇試過，睇落都幾正，諗住試一試。想到去環境超大超舒服， 又整齊 ，又清潔。當時下午三點， 客量唔算多， 隨便搵張梳化就坐低。店舖都係qr code落單， 因為第一次食所以都問下佢哋啲員工有啲咩好介紹， 因為係tea所以唔想太飽， 最後佢哋職員介紹咗我哋食生炸雞髀，同埋雞蛋仔雪糕。等咗10分鐘， 雞髀沙律雜送上枱係一個合理等待嘅時間，但係見到佢哋嘅雞髀真係新鮮咋熱辣辣， 食落去雞髀係juicy嘅，唔係好似出面咁炸完再返炸硬脆再黎雞蛋仔雪糕， 完全冇諗過喺九龍灣可以食到雞蛋仔， 佢哋嘅雞蛋仔係香脆派，咬落 脆卜卜， 用雞蛋仔再配埋雪糕點嚟食， 出奇地覺得好夾，冷熱交溶。再同佢哋店員傾返原來佢哋已經開業大半年但一路未有做宣傳， 佢哋店員都好nice 每一個都好親切。 又會介紹佢哋餐廳嘅嘢食畀我， 我再睇睇佢哋嘅早餐午餐menu， 早餐$3×左右， 午餐$5x至6x 已經有得食 仲有湯同飲品。 真係良心小店，喺現時今時今日嘅香港咁嘅價錢咁嘅服務咁嘅環境，真係超抵我一定會再嚟

塊比目魚扒煎得幾靚仔，金黃色嘅魚皮夠脆身，用叉輕輕一篤就聽到「卜」一聲。魚肉夠晒滑溜，一啲都唔「鞋口」，咬落去有淡淡魚油香滲出嚟，食得出幾新鮮。雖然唔算好驚豔，但勝在夠穩陣。調味簡單直接，就係鹽、黑椒同檸檬汁。檸檬汁落得啱啱好，酸酸哋吊一吊味，食多兩件都唔會膩。唔使靠濃味醬汁遮遮掩掩，證明食材本身質素唔錯。整體火候控制得幾好，外脆內軟冇過火。係碟邊有少少油（煎魚難免啦），但可以接受。簡單煮法保留到魚嘅原味，呢點值得加分，整體嚟講都推薦嘅。

商務圈中午用餐時間段，與同事一起7位第二次光顧這家美味餐廳，再次點了蒜蓉汁雞趴配飯，黑松露雞扒漢堡包配薯角，香煎西冷牛扒配黑椒汁配飯，挪威煙三文魚班尼狄蛋牛角包，泰式芭堤雅青咖喱雞柳飯等7個美味套餐，很快就上菜，我點的是雞扒配飯，雞扒淋上蒜蓉汁，立刻香味四溢，胃口大開，用乾淨的刀叉開始用餐，切一塊試第一口，還是跟上次一樣十分美味，出品穩定，價格適中，此次用餐體驗非常好，環境舒適，價格合理，十分推薦！

有少量梳化位舒服 服務質數好食物方面一坐低就湯先飲再慢慢選擇食物又不會限時45分鐘等等可享受食物質數中午時間有多人聚餐最佳選擇有playground玩可帶埋小朋友一齊非常好評

原本我要搞party聚餐，二零個人，其實香港都難搵到餐廳可以打直長枱坐咁多個(好似哈利波特High Table Dinner咁嘅格式😂）跟住朋友介紹呢間叫Magic Corner, 睇佢個網係有埋個兒童樂園，波波池果啲friend, 格離就係餐廳，睇佢menu都幾抵食，意粉+飲品一個人都係六十幾蚊。staff好好﹑知道我地係ikea鯊魚fans, 幫我地準備咗鯊魚嘅banner喺牆上面，啲枱仲可以俾我地隨便調動，都坐得舒服，成個corner位我地坐哂，可以慢慢打卡唔會俾其他客阻住🤣啲野食質素very nice, 值得更多人知道呢間餐廳，可惜地理因素外人好難發現呢間野，食完之後個餐廳經理同我地say hi, 話好多謝我地咁多人去捧佢場，仲話下次去有優惠🙂總結：一間好適合同朋友，同事一家大細聚餐，玩嘅地方，平靚正，新開冇耐裝修都幾靚