M3 Italian (已結業)

今日去了大圍。我們去了大圍的"M3 Italian "一入餐廳有一個好靚的吧台！好有意大利風格的裝修，吊燈好靚！我們點了蒜香蝦意粉車打芝士蝦pizza 炭燒美國肉眼扒蒜香蝦意粉蝦好爽口彈牙！味道香香辣辣蒜香味濃濃！意粉硬了一點！車打芝士蝦pizza pizza 皮薄薄，好脆脆卜卜，上的料有蝦，蝦上面包住芝士！芝士味道濃郁！🤤😋😋炭燒美國肉眼扒肉眼的肉質淋滑，炭燒味香濃！旁邊的配菜豆角好新鮮爽口，配薯條不太好味！大硬了！像炸過頭！

位於大圍嘅M3 Italian樓底好高，空間感十足，最啱同朋友飲酒chill下～不過朋友不太好酒，唔飲酒都可以試下呢度嘅野食，呢度嘅食物質素都好高。車打芝士鮮蝦薄餅車打芝士金黃色配合蕃茄嘅紅色，好搶眼！薄餅超薄身，好似一張紙咁薄，真係名副其實嘅「薄」餅。食落好脆。芝士好香鹹香，啱啱焗起夠熱，芝士熱熔有拉絲效果。蕃茄上面有香草，酸甜多汁。仲有燈籠椒粒。蕃茄同燈籠椒可中和芝士的油膩感。鮮蝦新鮮大大粒，肉質挺實。卡邦尼意粉有洋蔥粒同埋煙肉條。煙肉超足料，汁夠多，唔會乾。中間有溫泉蛋，撈埋意粉一齊食口感更滑。有時喺出面嘅餐廳食卡邦尼意粉食完會覺得好鹹，但呢度個卡邦尼意粉唔會鹹。

無聊行沙田，點知行到大圍。見到開飯幾多😋，咪試下囉。點知結論係：如果係平價西餐，我可能冇咩好投訴。但係如果成千蚊一餐，可以有其他更好選擇。先講下好嘅先：原來佢哋已經冇做龍蝦湯，咁咪試下個蘑菇湯，夠濃味，食到有粒粒磨菇碎，係 OK 嘅。另外個炸海鮮拼盤有水準，有炸龍蝦尾，送酒一流，當主菜食都得。份燒豬雖然唔夠皮脆肉嫩，但係大大份，一定夠飽。好喇，唔知係唔係我叫錯嘢，定係啲人呢度通常都係食扒同生蠔。除咗以上幾樣之外，其他嘅嘢，可以令到我唔再幫襯。首先係杯 Draught 1664 ，第一啖已經啲味怪怪地。同 waiter 講返，佢收返之後，無同我講點跟進。應該換過另外一隻牌子，定係會俾過個杯新嘅我，完全冇交帶過。另外同場個 waitress 仲奇怪，好似得罪咗佢咁，個態度感覺唔係太友善。入座嘅時候餐廳已經唔係好多人，但係食完一道菜，隔好耐先上另一道(起碼10分鐘)。嘢食方面，個香辣蝦意粉，用嘅係玻璃蝦，除咗個辣字，基本上係冇味。到個 Lemon Tart，味道係還可以，但係我就未食過咁流心嘅 custard，跟本未雪夠時間。

今日同女女踩完單車喺大圍附近揾食見到M3 Italian 裝修cozy 而且坐位都頗舒服就同女女食咗個late lunch由於時間為2點過咗午飯時間 所以無需等位由於女女食量唔多所以我地兩個share一個set就夠烤美國特選榖飼肉眼牛扒黑椒汁配薯蓉 $128餐湯為甘筍湯 口感濃濃杰杰 明顯以足料甘筍煮成另外肉眼牛扒size好大 由於跟女女一齊食 所以點選了medium 牛扒煮得剛剛好 唔會太熟亦唔太生 而薯蓉好有牛油香 入口既溶 食完好滿足 好飽所以餐飲點了西柚汁 （+$15)去膩又幫助消化店內仲有bartender 位置相信晚上🌃來食飯再淺嘗一兩杯一定更有氣氛

約住的大圍老友去M3 dinner，大圍交通往來十分方便。餐廳環境寬敞，座位舒適，裝修優雅又富有情調的意大利餐廳。我們點左炭燒美國肉眼扒$268（12安士）配薯條和黑椒汁，有粉紅色小花花襯托，擺盤好靚靚。肉眼扒牛肉味香又嫩滑，多肉汁，真美味👍👍👍車打芝士鮮蝦薄餅$148，薄薄的餅底烘得好香又脆口。蝦仁🍤爽口又彈牙，味道不錯。😋😋😋M3 Italian地址：大圍積富街33號積康樓地下E-G舖

💛黃店🔱今次要介紹嘅食物就係位於大圍！📜”M3 Italian (大圍)📌 地址:大圍積富街33號積康樓地下E-G舖🕐營業時間:11:30-22:00🍽分店地區: 大圍📝評價💬📢 幾欣賞佢已經切好burger😂 因為好怕個口吾大 一咬就爆曬啲汁配料🙂🙂 切好就可以慢慢食🥰🥰牛肉好厚好正 但又未去到爆汁😍😍😍 薯條既份量都幾多 每條都好厚😍有格調的西餐廳💫👍🏻🏵環境指數:⭐️⭐️⭐️🏵味道指數:👅👅👅🏵抵食指數：💰💰🏵回購指數:❤️❤️❤️

今晚又黎到大圍嘅M3 Italian食飯，鍾意呢度套餐有唔同餐湯同甜品選擇，夠晒flexible!今日既daily soup係甘筍忌廉，咁都係黑松露野菌忌廉吸引啲，嚟到果然冇揀錯！有濃郁既菇味，仲食到好多菇粒，好滿足～意粉我地揀咗個carbonara，醬汁香濃，隻蛋係溏心蛋狀態，意外地比流心蛋更好食～食完carbonara之後食埋個紙包鱈魚，味道相對清淡，中和返令到感覺冇咁滯～不過啲意大利青瓜都係適合就咁焗，擺埋入去個紙包入面，索咗啲魚油味道同質感都唔係最佳狀態。上次甜品試咗蛋白餅，今次就試檸檬撻啦～檸檬撻個內餡偏流質，酸度合適，但因為內餡太稀下面又墊咗張紙巾，食到有啲論盡...

講起新界既高質西餐，其實真係有點難搵。見到openrice 有好多好評既大圍小店，一定要試試佢！先講環境，坐得好舒服😌，音樂又岩feel，成餐既感覺都好好，絕對會入回頭list。餐牌都有好多選擇，店員都有特別介紹，餐廳會因不同時節推出新既套餐，近排就推出生蠔🦪套餐。除此之外，佢地都有happy hour套餐，買酒會送小食，環境都幾適合同朋友黎飲野吹水。👍🏻今次就叫左2個主菜跟套餐，套餐可以由餐湯/餐飲/甜品3選1。先選左個松露野菌忌廉湯，超級推介！！！賣相一睇就知高質，飲落啖啖都有碎粒野菌，口感十足、味道濃郁，如果跟埋餐包就真係完美啦，haha。主菜方面，先叫左個卡邦尼意粉，一間西餐廳既卡邦尼可以分辨到呢間餐廳既質素高低。呢間既卡邦尼意粉🍝，我極度滿意。首先，煙肉粒有兩款，一款炸到脆上，另一款就肥瘦分明，廚師在用料上一d都唔馬虎。煙肉既油香配上剛剛炒軟既洋蔥粒，最重點既係半生熟蛋黃。夾埋一齊食就係完美、滿足。特別一提，意粉份量大碟，2個人share都夠食，性價比好高！第2款主菜就選擇左法式紙包銀鱈魚🐟，一碟濃一碟清，好好既平衡。銀鱈魚魚油油脂感充足，食得出呢間用料唔錯，煮法雖然簡單，但

約左舊同學食飯，我哋唔太肚餓，都係想搵地方食少少野，叫左一個前菜、pizza、升級一客套餐有湯同甜品。🔸黑松露野菌忌廉湯個湯帶有輕輕的黑松露香味，飲落好有質感，係好多打碎左既菇菇，好濃郁！🔸法式生牛肉他他🐮呢個幾好食，有三塊好脆既多士俾你餸生牛肉他他黎食。每間餐廳整生牛肉他他既方法都唔同，不過大致上都係生牛肉加蛋加配料同調味料。呢到加左洋蔥、蔥碎、酸瓜、醋等等配料，食落好滑，鹹鹹地酸酸地，好香蔥味。🔸車打芝士鮮蝦薄餅🍕呢個pizza好有驚喜，一上菜真係香至不得了，拿拿聲影完趁熱食，餅底薄身，好香脆。芝士份量好多好香濃，咬開有拉芝感🧀蝦都幾新鮮，質感爽口彈牙🦐🔸自家製法式檸檬塔🍋Size比起想像中大，食落酸酸甜甜，中間的餡質感比較流質，餅底都幾鬆化😋餐廳坐得好舒服，空間感好足夠，唔會同隔離枱好近。另外，加$78升級套餐都幾抵，可以有湯、飲品或甜品三選二！

今日去大圍見客， 見到呢間M3 座位闊落， 就入左去嘆lunch set .. 有多款set 選擇 🤤仲可以優惠價加小食👏🏻🤤🤤田園沙律❤️清新，沙律菜新鮮，配上胡麻汁，酸酸地好開胃🤤🤤美國特色肉眼牛排配黑椒汁❤️超超超大塊，性價比過， 牛大概7成熟， 有肉汁，牛香味溢出， 皮位有少量脂肪位，入口即溶🤤🤤仲有大量薯蓉為配菜，有牛油香，好滑身👍🏻凍檸檬茶❤️茶底為紅茶，檸檬清新再帶點茶底小苦澀， 為呢個午餐畫上完美句號❤️

大圍話大吾大，話小吾小，都有好多尋覓美食地方。今次就想食pasta，終於決定試M3 ltalian。Menu一見到Carbonara 我都會無哂抵抗力，所以今回也當機立斷點了卡邦尼烏冬配日式溫泉蛋。一上菜時已經香氣撲鼻，眾望所歸無走雞。同新鮮蛋黃撈埋一齊 即刻升level，意粉煮得剛剛好煙煙韌韌好好咬口 重點仲有好多汁添！黏口嘢唔好畀佢停！因為對於「白汁控」既我地 ，就揀左黑松露野菌闊條麵配日本北海道帶子， 汁同面嘅比例啱啱好，仲有超香濃黑松露味！ 帶子鮮甜，配上白汁一點都不膩！重點想提餐廳環境寬敞，座位之間不會排得太擠，坐得舒服。 環境實而不華，晌柔和嘅燈光下，整體用餐環境都予人輕鬆自在。

上星期獨獨的，一個人去咗大圍食晚餐。由於近期工作繁忙， 放下工作後，好想搵一間靜靜地嘅餐廳享受一下。經過呢一間M3， 見到裏面嘅環境相當寬闊， 餐牌嘅選擇亦算多， 啱曬我諗住輕鬆咁讓獨享晚餐。呢個《蕃茄海鮮意大利粉》， 係餐廳嘅推介。意粉口感al dente， 帶少少煙韌， 掛上濃郁嘅番茄醬汁。 意粉仲配上多款海鮮， 包括澳洲龍蝦尾、挪威煙三文魚、日本北海道帶子、 以及美國青口。 澳洲龍蝦尾肉質彈牙鮮甜， 煙三文魚帶點咸香， 北海道帶子熟度啱啱好， 呈現溏心狀態， 而青口亦不是雪藏貨， 選用咗新鮮材料， 鮮甜十足。另外，加78蚊仲可以升級至套餐，我就選擇咗餐湯同埋甜品。餐湯係《黑松露野菌忌廉湯》， 用咗多款野菌打磨而成， 除咗飲得出菇菌味嘅香濃之外， 仲食得出粒粒口感， 加上濃濃嘅黑松露香氣， 令人垂涎三尺。最後點了呢一個M3嘅特色甜品《 巴伐洛娃蛋白餅》， 呢一款甜品唔係常常食到， 喺蓬鬆嘅蛋白泡沫裏面藏咗鬆脆嘅蛋白餅，同埋芒果雪糕， 口感相當豐富。 而且加入咗多款莓類水果， 最後淋上百香果汁， 先品嚐到果味的酸酸甜甜， 再品嚐到雪糕和蛋白脆的甜味， 兩者互相中和， 非常特別。難得的

經同事介紹下嘗試呢間嘢，真心一試難忘🤯同媽咪去食，叫左兩個主食加88蚊要餐湯同甜品-黑松露野菌忌廉湯🙅🏻‍♀️口感好麻麻，一粒粒完全冇忌廉湯果順滑嘅口感，飲到最後仲有啲苦-黑松露寬條麵 配 日本北海道帶子🙅🏻‍♀️調味極咸，食到一半已經唔想食，帶子淨係煎左一面，另一面完全冇煎過，而且係一粒生一粒熟🙅🏻‍♀️-黑松露意大利飯 配 法國前鵝肝🙅🏻‍♀️上枱果好精緻以為會好好食，點解食落成啖都係生米，即刻叫侍應拎去整熟啲，點知送翻黎只係一個濕潤啲飯，並冇改善🙅🏻‍♀️-鮮雜果窩夫 配 雪糕🙆🏻‍♀️算係成餐入面最滿意嘅食物，窩夫中規中矩，水果同雪糕都正正常常🙆🏻‍♀️-自家製法式檸檬撻🙅🏻‍♀️檸檬饀勁似BB食嘅糊仔，食落開頭微酸之後係死甜，果味勁似某牌子嘅啫喱果凍，撻皮亦都偏硬🙅🏻‍♀️-結論🤷🏻‍♀️佢嘅環境，服務，食物質素都係完全對唔住呢個價錢，真係唔值得，要試嘅真係要好好考慮下🙅🏻‍♀️

餐廳環境以大圍嘅餐廳嚟講都可算係數一數二，餐廳裝潢以黑色為主調，淺灰色嘅水泥牆身，配以深木色嘅餐枱椅盡顯型格，特別鐘意佢鹿角型嘅吊燈，喺極高嘅樓底之下得到好好嘅發揮。枱與枱之間有活動隔板阻隔，擺位唔密，感覺舒適。黑松露野菌忌廉湯，上網睇其他食友啲相都睇得出呢個黑松露野菌忌廉湯有幾咁濃稠，未嚟之前已經諗住要嗌呢個湯嚟試吓，一啖入口果然無令我失望，係極濃嘅黑松露同埋野菌嘅味道，口感係幼滑嘅忌廉加上被絞至細碎嘅野菌粒，足見真材實料，如果個溫度再提升番丁點，相信會更加好味。炭燒美國肉眼扒，肉眼扒一放上枱已經聞到撲鼻嘅肉香，相當誘人，配菜有原隻焗蒜頭半個，薯條，green bean 同紅菜頭片。點菜嘅時候揀咗 Medium，廚師將火候控制得好好，一刀切開係嬌嫩嘅粉紅色，肉眼口感細嫩，散發住令人滿意嘅牛味。巴伐洛娃蛋白餅，巴伐洛娃蛋白餅係一種以蛋白酥餅作為基底的蛋糕，呢個蛋糕被認為係為咗紀念蘇聯芭蕾舞演員安娜·巴甫洛娃喺1920年代訪問澳洲/紐西蘭時發明嘅，據說底下嘅 cream 係模仿佢起舞時嘅裙擺。蛋糕以芒果、士多啤梨、藍莓、桃同忌廉所製成，底下黃色嘅係百香果汁，蛋白酥餅好脆身，個口感有啲似叮

記得以前在沙田大圍的另一邊吃過 M3，搬了到大圍，環境比以往的舊店漂亮了，樓底也夠高，賣的食物款式跟以前差不遠環境：比較舒適，用來防止疫情的隔板完善服務：正常水平食物：是晚不是很餓，只點了一份主菜，伊比利亞Ｔ骨豬扒，＄３１８＋１０％（如果點套餐＋＄７８，甜品，湯，飲品三選二）Ｔ骨豬扒的件頭很大，所以廚師從T字處中間著默，把他分成２份，下面還有些薯條跟沙律豬扒帶點肥又有瘦位，夠多汁，外面焦脆，最好吃的地方是骨旁邊的位置，僅熟不紅，不俗薯條的口感爽脆好吃，加點一些茄汁，或者是黑椒汁也不錯的調味料豬扒有厚度，並不是超薄切，所以夠多汁