影片
港铁锦上路站 B 出口, 步行约4分钟
继续阅读
营业时间
今日营业
09:00 - 18:00
星期一
全日休息
星期二至日
09:00 - 18:00
*星期一休息（公众假期除外)
以上资料只供参考，请与餐厅确认详情
今日同女朋友一齐去一去红砖屋，途中经过一个盈汇坊嘅地方，炎日下谂住入去买杯冻饮为自己降一降温啦，喺门口见到佢有卖果汁，请记住系「果汁」！我哋喺门口拣咗一杯西瓜汁，一杯橙汁，入到去店员听到之后有表情有少少呆滞，当下佢系咪心谂有两条水鱼买劣饮。点完餐比完钱之后望一望佢个厨房已经心知不妙啦，我见到佢架上面有一支支写住唔同果汁名嘅糖浆，我女朋友问我唔系成杯都系糖浆呀嘛？我仲抱有一丝希望谂佢应该唔系，但结果往往系出乎预料，佢真系成杯都系糖浆，而且系化学味嘅糖浆，最搞笑嘅系佢竟然将啲糖浆倒入去榨汁机度搞两嘢，好心你啦，如果用糖浆嘅话就直接用支嘢搞咪算啰，唔使特登用榨汁机搞㗎㖞！人哋用榨汁机系为咗将啲果肉榨到变汁咁俾你饮，其实你成杯都系化学嘢咪直接倒埋去沟埋一杯咪算啰，系要整色整水果觉得啲客唔知你成杯嘢都系糖浆咁，你杯咁嘅质素，我觉得蜜雪冰城都会比你更加好饮，仲要平过你。香港就系多得你哋呢啲咁嘅舖头，先会令到人哋想北上消费。
继续阅读
未试过嬲到要写食评加公仔去红砖屋经过盈汇坊 热得济想买杯嘢饮谂住买杯果汁见佢$30 一人一杯！！顶，点知见佢够胆死糖浆沟水俾我得㗎啦仲要开个榨汁机扮搅西瓜同橙嘅成本唔系好贵姐点解可以无量到用糖浆加水俾人饮完仲要肚屙然后嬲到想打食评见到大家啲留言先知佢已经唔系第一次点解可以生存到咁耐！港岛区卖杯果汁先系20几蚊 佢锦上路凭咩卖$30一杯咁细杯仲要系糖浆沟水好心冇心做就执左去啦睇其他评价佢仲会叮饭比硬既蛋糕人人哋葵芳整杯果汁沟水都系起码用新鲜果汁丫 都系几蚊 呢间垃圾
继续阅读
今次嚟呢间餐厅我已经嚟过几次㗎喇 今次系同一大班朋友嚟 由于佢好近咁上路站所以交通都算方便嘅 喺锦上路站行出去大概几分钟 就会见到左手边有一个好靓嘅地方 就会见到佢㗎喇 因为佢有靓咖啡同埋有小食所以同朋友就可以喺呢度坐低 倾下计叹下咖啡 都系一个唔错嘅地方嚟嘅 今次因为我哋唔系太饿 我自己就叫咗一杯冻咖啡同埋一个腿蛋治佢嘅咖啡稍为逊色 咖啡味太淡另外三文治都系普普通通 但佢就胜在坐嘅环境 比较优雅 佢虽然铺头唔算大 但系外面仲有一啲室外坐嘅位置 可以畀我哋可以慢慢喺度 叹咖啡 佢嘅价钱呢系比较贵嘅 食物呢有普通环境唔错 所以总体嚟讲 不过不失啦 都不失为一个 休闲倾计嘅好地方嘅
继续阅读
星期日去盈汇坊睇吓有咩食，𠮶到得3间餐厅，想食个午餐同饮杯咖啡就拣咗呢间，餐厅入面有啲装饰摆设可以影下相，佢午餐有梅菜扣肉，咖喱牛腩饭，糖醋骨饭，枝竹羊腩饭，叫左个咖喱牛腩饭，之后佢拎餐具比我啲餐具都几污糟，上到枱一望到就知道伏，佢系啲微波炉加热嘅牛腩饭，啲牛腩系碎碎，无咖喱味，超级难食收$60蚊比啲咁嘅垃圾，波仔啲叮饭仲好食啲，杯咖啡完全冇咖啡味，好似饮咖啡水咁朋友叫左个类似早餐咁，有炸鱼柳，炒蛋，汉堡扒，多士，$59蚊味道都正常可接受，但佢叫左杯朱古力咖啡，都系无咖啡味，唔会再去第二次
继续阅读
难得入黎一次周围行下食下野呢到啲蛋糕睇落好有水准架谂住你系咖啡店咁咖啡唔会衰啦顶你个肺…一杯糖水咖啡走咖啡味…好野真心失望到呢环境真唔差坐底前仲同老婆讲下次带埋啲小朋友黎真系要收返呢句说话下次直接落锦上路算！冇谂过蛋糕都可以难食到好似胶味，硬到好似石器时代留落黎咁！咖啡都系…个咖啡味吓你唔死比个威你！👎🏻其实你蛋糕唔掂就咪9卖啦你其他野掂咪得啰而家我连试其他野都唔想唔会再黎！希望其他人唔会中伏千祈唔好食蛋糕同饮咖啡
继续阅读